Fréttablaðið - 17.01.2008, Blaðsíða 68
FIMMTUDAGUR 17. janúar 2008 51
Hópur fólks leitar skjóls í kjörbúð í
vesturhluta Maine í Bandaríkjun-
um á meðan óvenjuþykk þoka
gengur yfir. Brátt verður ljóst að
eitthvað fjandsamlegt fylgir
þokunni sem verður til þess að
menn taka að skipa sér í tvær fylk-
ingar; annars vegar þeir sem fylgja
að máli listamanninum David
Drayton, sem hefur aðgát í önd-
vegi, eða trúarofstækiskonunni frú
Carmody, sem telur öflin fyrirboða
þess að dómsdagur sé í nánd.
The Mist er fjórða mynd Franks
Darabont, sem byggist á sögu
Stephens King. Tvær þeirra, The
Green Mile og The Shawshank
Redemption, þykja með betri
aðlögunum á verkum Kings og því
hefur The Mist verið beðið með
eftirvæntingu frá því að ljóst varð
að Darabont hygðist leikstýra
henni.
Leikstjórinn er á heimavelli hvað
sögusviðið viðvíkur. Þröngt
afmarkað rými, í þessu tilviki
verslun, þar sem lífsbaráttan reyn-
ist ekki síður hörð en í óvinveittu
umhverfinu utandyra, sem persón-
ur reyna eftir fremsta megni að
verjast. Darabont nýtir til fulln-
ustu hvert tækifæri til að sýna við-
brögð mannskepnunnar í slíkum
aðstæðum, þar sem ótti, skelfing
og múgsefjun magnast upp þar til
hrein illska nær yfirhöndinni.
Þrátt fyrir staðlaða persónusköp-
unina nær leikhópurinn að miðla
þeim ólíku blæbrigðum tilfinninga
sem blossa upp með Thomas Jane
og Marcia Gay Harden, með
Drayton og Carmody í fararbroddi.
Sterkust er myndin framan af;
spennan mest á meðan ógnin er
ókunn og á reynir í samskiptum
sögupersóna. Ekki er logið að
ákveðin vonbrigði verða þegar
hulunni er svipt af óvættunum.
Skrímslum sem eiga betur heima
í gamalli B-mynd og þá helst
vegna þess hversu óspennandi og
á köflum gervileg þau reynast
vera. Sú staðreynd ásamt hand-
ritsgloppum skemmir fyrir.
Myndin nær sér þó aftur á strik
undir lokin með áhrifaríkum og
eftirminnilegum endi, en það er
meðal annars honum að þakka að
hún skuli slefa upp í þrjár
stjörnur.
The Mist er áhugaverð stúdía í
mannlegri illsku þótt hún verði
seint flokkuð með gæðamyndunum
The Green Mile og The Shaw-
shank Redemption.
Roald Viðar Eyvindsson
Áhugaverð stúdía í mannlegri illsku
KVIKMYNDIR
The Mist
Leikstjóri:
Frank Dara-
bont.
Aðal-
hlutverk:
Thomas Jane, Marcia Gay Harden,
Laurie Holden, Andre Braugher og
Toby Jones.
★★★
The Mist er áhugaverð stúdía í mann-
legri illsku.
Janis Joplin var frábær tónlistar-
kona sem drakk heldur hressi-
lega og tókst að koma sér yfir
móðuna miklu aðeins 27 ára
gömul árið 1970. Hefði hún lifað
yrði hún 65 ára á laugardaginn.
Af því tilefni á að heiðra lista-
konuna á Organ og spila tónlist
úr söngbók hennar.
Rjóminn af söngvurum
þjóðarinnar tekur lagið. Í
stafrófsröð; Andrea Gylfadóttir,
Daníel Ágúst, Didda, Diva de la
Rosa úr Sometime, Elíza, Jenni í
Brain Police, Kenya, Lay Low,
Lísa Páls og Ragnheiður Grön-
dal. Að auki má búast við
leynigestum. Um undirleik sér
hljómsveit B. Sig, sem kallar sig
Litlu bræður og leynigestirnir
þetta kvöld. Kynnir er Joplin-
sérfræðingur Íslands, rokkamm-
an Andrea Jónsdóttir.
Janis á
Organ
JANIS JOPLIN 65 ára á laugardaginn.
Eiginmaður Amy Winehouse,
Blake Fielder-Civil, vill fá
skilnað. Faðir söngkonunnar segir
að móðir Blakes, Georgette, hafi
ýtt á son sinn um að fara frá
söngkonunni. Í viðtali við
tímaritið Grazia segir Mitch
Winehouse að Blake hafi hótað að
sækja um skilnað í rifrildi við
eiginkonu sína. „Því miður hafa
ákveðnir hlutir sem móðir Blakes
segir haft áhrif á hann. Ég held að
Georgette vilji að þau skilji, en
það er þeirra mál. Hvað Amy
varðar myndi hún standa við
bakið á honum hvað sem gerist,“
segir faðir söngkonunnar.
Blake situr eins og kunnugt er í
fangelsi þessa dagana, en hann er
sakaður um að hafa hindrað
framgang réttvísinnar í rannsókn
á líkamsárásarmáli á hendur
honum. Fyrr í mánuðinum fór
Winehouse í frí ásamt umboðs-
manni sínum, sem einnig er
fyrrverandi kærasti hennar,
Blake til lítillar ánægju. Móðir
hans virðist vera á sama máli.
„Eiginmaður Amy er í fangelsi og
hún er að skemmta sér með
gömlum kærasta. Hvað er hún að
spá?“ sagði Georgette á dögunum.
Heimildarmaður sem þekkir
Amy og Blake segir samband
þeirra fara versnandi. „Blake
hefur verið að hlusta á móður
sína og hann er mjög misjafn í
framkomu við Amy í þau skipti
sem þau hittast.“
Amy að
skilja
SAMBANDIÐ FER VERSNANDI Faðir Amy
Winehouse segir að eiginmaður hennar,
Blake Fielder-Civil, hafi hótað henni
skilnaði á dögunum. NORDICPHOTOS/GETTY