Fréttablaðið - 18.01.2008, Blaðsíða 36

BLS. 8 | sirkus | 18. JANÚAR 2008
Í nýjustu rafrænu skoðanakönnun Gallup kemur í ljós að útvarpsþátt-
urinn Zúúber á FM 957 er vinsælasti
útvarpsþátturinn í landinu hjá fólki á
aldursbilinu 20-40 ára. Tölur úr könn-
uninni voru nýlega birtar þegar blaða-
maður hitti þríeykið í ljósmyndastúd-
íói Gassa sem er í Grafarholtinu. Það
var líf og fjör á staðnum, Gassi að
stilla ljósin og Elín Reynisdóttir ofur-
sminka er búin að setja sig í stellingar
til að gera þau ennþá flottari á mynd-
inni. Þó að Sigga, Svali og Gassi séu
ákaflega ólík gengur samstarfið vel
þótt hlustendur fái það kannski ekki
alltaf á tilfinninguna. Gassi og Sigga
eru nefnilega aldrei sammála, en
kannski eru þau bara of lík því það
kemur í ljós að þau eru systkinabörn.
„Mamma hans Gassa og mamma mín
voru hálfsystur,“ segir Sigga sem hafði
ekki hugmynd um að hún ætti þenn-
an frænda fyrr en þau byrjuðu að
vinna saman. Þótt þau séu nú yfirleitt
opin og geta rætt allt í útvarpinu vilja
þau ekki fara nánar út í það sem varð-
ar líf fjölskyldunnar. Það er einfald-
lega of flókið.
Þátturinn Zúúber byrjaði 21.októb-
er 2004 en upphaflega voru þau fimm
með þáttinn en Svali var aðalhvata-
maðurinn að honum. „Í byrjun hafði
enginn sérstaka trú á að þetta myndi
virka. Ég var landsfræg svefnpurka og
það trúði enginn að ég gæti vaknað
svona snemma. Þegar ég stakk upp á
að Gassi væri með mér í þættinum
var fólki öllu lokið. Menn krossuðu sig
bara því hann var svo erfiður í sam-
starfi. En eftir að Gassi hætti að
drekka fyrir þremur árum þá hefur
hann orðið miklu skapbetri. Sumir
geta drukkið en aðrir ekki. Gassi hegð-
aði sér eins og hálfviti þegar hann var
fullur. Þegar hann hætti að drekka
kom loksins réttur maður í ljós,“ segir
Svali og Gassi er orðinn frekar pirrað-
ur á honum. „Þú talar eins og ég hafi
verið fullur á hverjum degi,“ segir
Gassi. „Ég er ekkert að tala um það,
þú varst bara leiðinlegur í skapinu
þegar þú varst að drekka,“ segir Svali
og bætir því við að konan hans Gassa
hafi stundum hringt í hann því Gassi
hafi verið svo leiðinlegur við hana.
„Batnandi mönnum er best að lifa,“
segir Svali.
Fékk áfall eftir fyrstu vikuna
„Þátturinn var teiknaður upp með
ákveðinni formúlu og við fengum
fullt af fólki í prufur í þáttinn. Mark-
miðið var að búa til skemmtilegan
útvarpsþátt. Síðan þróaðist þetta út í
dægurumræðu og svo hefur þáttur-
inn tekið heilmiklum breytingum
eftir að Sigga kom inn í hann,“ segir
Svali. Þegar hann kom að máli við
Siggu í byrjun árs 2006 var hún stödd
á allt öðrum stað í lífinu. Hún starf-
aði sem útvarpskona á Létt 69.7 og
spilaði mjúka tónlist fyrir eldri kyn-
slóðina. „Þetta var mikið stökk fyrir
mig. Ég var mjög hissa þegar Svali
kom að máli við mig og bað mig að
vera með í þættinum. Þetta kom
samt á hárréttum tímapunkti því ég
fann að ég þurfti á tilbreytingu að
halda,“ segir hún en viðurkennir að
fyrsta vikan hafi verið hroðaleg. Það
hafi ekki verið talað um neitt annað
en kynlíf og hjálpartæki. Botninn fór
alveg úr þessu að hennar mati þegar
það mætti kona í stúdíóið til þeirra á
föstudeginum og fróaði sér í beinni
útsendingu. „Þetta var rosalegt. Eftir
fyrstu vikuna hringdi ég grátandi í
yfirmann útvarpssviðs og sagði
honum að ég hefði tekið ranga
ákvörðun. Ég vissi ekki hvað ég var
búin að koma mér út í. Hann sann-
færði mig þó um að vera áfram því
þetta væri nú ekki dæmigert fyrir
starfið,“ segir hún. „Sigga er svo
skemmtilega opin og segir alltaf allt.
Hún lét það til dæmis flakka að hún
hefði aldrei prófað eggið og það fór
gjörsamlega allt á hliðina við þær
fréttir og síminn stoppaði ekki. Á
endanum fengum við gefins fullt af
hjálpartækjum til að gefa Siggu og
auðvitað hlustendum okkar í leið-
inni,“ segir Svali. Þegar þau eru spurð
að því hvort þau séu ekki bara að
leika þegar þau eru í útsendingu
segja þau svo ekki vera. „Þetta er að
hluta til teiknað upp, en í langflest-
um tilfellum erum við bara við sjálf.
Og svo erum við ólík að eðlisfari og
því ekki oft sammála. Sérstaklega
ekki þau tvö,“ segir Svali og bendir á
Siggu og Gassa. „Stundum koma
óþarflega mikil skot en það gerir
þáttinn líka ennþá skemmtilegri,“
segir Svali en hann er oftar en ekki í
hlutverki sáttasemjara þegar Sigga
og Gassi eru orðin eins og hundur og
köttur. Stundum hafa þau tekist svo
mikið á að annað hvort þeirra hefur
labbað út. „Það kemur oft fyrir að
Gassi segir eitthvað ógeðslegt við
mig en svo er lokað fyrir míkrafóninn
og þá segir hann fyrirgefðu,“ segir
Sigga og reynir að gera gott úr þessu.
Hlustendur tóku eftir því að á milli
jóla og nýárs varð allt vitlaust í þætt-
inum. Það var eins og það hafi verið
eitthvað í jólasteikinni sem olli
rifrildunum sem geisuðu í Zúúber
þessa vikuna. Sigga viðurkennir að
hafa sent Gassa sms á gamlárskvöld
til að biðjast fyrirgefningar.
Þegar þau eru spurð að því hvort
þau séu í miklu sambandi utan vinn-
unnar segja þau svo ekki vera. „Ég er
ekki einu sinni með símann hjá
Siggu,“ segir Gassi en auðvitað er
hann að plata.
Líf í trúarsöfnuðum
Þótt Zúúber hljómi stundum eins og
hann sé bara leikinn af fingrum fram
er hann þaulskipulagður. Sigga á
heiðurinn af þættinum en hún er
eini starfsmaður þáttarins í fullu
starfi. Meðfram útvarpsvinnunni er
Svali markaðsstjóri Skífunnar og
Gassi er framleiðslustjóri útvarps-
sviðs 365 og klippir saman sýnishorn
úr sjónvarpsþáttum og myndum og
fleira í þeim dúr. Hann rekur líka
ljósmyndastúdíó og hefur myndað
rjómann af poppelítunni á Íslandi.
„Við gerum handrit að þættinum en
yfirleitt hringir einhver inn sem
skapar allt aðrar umræður og þá
tekur þátturinn sína eigin stefnu.
Það er alltaf gaman þegar það ger-
ist,“ segir Svali. Þátturinn er yfirleitt
á léttum nótum en þó kemur fyrir að
hann verði hádramatískur. Það hefur
gerst oftar en einu sinni að fólk
hringir inn grátandi. „Um daginn
hrindi ung kona inn til okkar. Við
vorum að ræða trú og hún sagði að
hún væri eiginlega hætt að trúa á
guð því hún hefði verið misnotuð
þegar hún var lítil. Hún sagðist hafa
farið á skeljarnar á hverju einasta
kvöldi og bað til guðs um að hún yrði
ekki misnotuð framar en svo gerðist
það aftur og aftur og hún tapaði
trúnni. Þegar hún hringdi inn þá
höfðum við það á tilfinningunni að
þetta væri í fyrsta sinn sem hún tal-
aði um þetta því hún brotnaði saman
og fór að hágráta,“ segir Svali og
bætir því við að það sé í raun ekki til
neitt umræðuefni sem ekki megi tala
um í Zúúber. „Það er eins og fólk sé
að átta sig á því að það megi tala um
allan fjandann. Ég vil meina að Zúú-
ber hafi komið margri umræðu af
stað,“ segir Svali. Fyrst Svali nefnir
trú er ekki úr vegi að spyrja þau um
þeirra eigin, en foreldrar Svala voru í
Vottum Jehóva. Þegar hann er spurð-
ur að því hvort Vottarnir hafi sett
mark sitt á líf hans segir hann svo
ekki vera. „Ég veit ekki beint hvort
Vottarnir hafi mótað mig, en ég hef
samt sterkar skoðanir á trú fyrir
vikið,“ segir Svali. Vottar Jehóva
halda ekki upp á afmæli og heldur
ekki upp á jól. Hvernig fannst þér
það? „Ég man vel eftir fyrsta afmæl-
inu mínu og fyrstu jólunum eftir að
mamma og pabbi hættu í Vottunum.
Get samt ekki sagt að þetta hafi farið
eitthvað illa með mig. Við vorum til
dæmis alltaf „bara“ upp í sumarbú-
stað yfir hátíðarnar,“ segir Svali og
segist vera guðslifandi feginn að
mamma hans og pabbi hafi snúið
bakið við trúarhópnum. Hann vill þó
að það komi fram að hann beri engan
kala til Vottanna, þetta hafi bara
ekki hentað fjölskyldunni. Svali er
þó ekki sá eini í hópnum sem hefur
kynnst sértrúarsöfnuði því Sigga var
í Frelsinu um nokkurra ára skeið. En
af hverju sneri hún baki við trúar-
hópnum? „Ástæðan fyrir því að ég
hætti í Frelsinu var sú að það sprakk
allt í loft upp þegar upp komst um
framhjáhald pastorsfrúarinnar við
tvítugan pilt í kirkjunni. Í ofanálag
voru forsvarsmenn safnaðarins í
svakalegu fjármálabraski með pen-
inga kirkjunnar. Þau gerðu tilraun til
að halda starfinu áfram. Ég var ein af
mörgum sem gengu út úr starfinu í
framhaldi af þessu. Frelsið lagðist
svo alveg niður stuttu seinna þar
sem engir meðlimir voru eftir.“
Kom úr vernduðu umhverfi
Þrátt fyrir að geta nánast rætt alla
hluti í útvarpinu þá viðurkenna þau
að það sé stundum erfitt og þau hafi
oft og mörgum sinnum roðnað mikið
í útsendingarstúdíóinu. „Þegar við
vorum að byrja með þáttinn fannst
mér allt í lagi að vera með svona
ÞAÐ ER ALDREI LOGNMOLLA Í KRINGUM SIGGU LUND, SVALA OG GASSA SEM STJÓRNA ÚTVARPSÞÆTTINUM ZÚÚBER Á FM
957. FRÁ ÞVÍ ÞÁTTURINN HÓF GÖNGU SÍNA HAFA ÞAU FENGIÐ LANDANN TIL AÐ FRAMKVÆMA ÓTRÚLEGUSTU HLUTI. Í
VIÐTALI VIÐ MÖRTU MARÍU JÓNSDÓTTUR TALA ÞAU UM VINNUNA, SÉRTRÚARSÖFNUÐINA OG DRYKKJUVANDAMÁL.
UPPÁHALDSMATURINN: SIGGA: Nautalundir, með smjörsteiktum
sveppum, bakaðri kartöflu og sveppasósu. Gott vín er líka nauðsynlegt með!
SVALI: Kjúklingurinn í Melabúðinni. GASSI: Pasta.
UPPÁHALDSDRYKKURINN: SIGGA LUND: Kók. En ég er samt að reyna
að vera duglegri í vatninu. SVALI : Vatn. GASSI: Vatn.
MESTI LÚXUSINN: SIGGA: Að sofa út og leggja mig þegar ég er úrvinda.
SVALI: Jeppinn og öllu sem honum fylgir. GASSI: Mac-tölvan mín.
LÍKAMSRÆKTIN: SIGGA : Pass. SVALI: Næsta spurning. GASSI: World
Class.
MESTA SLÖKUNIN: SIGGA: Sumarbústaðurinn og náttúran klikkar aldrei!
SVALI: Í sveitinni hjá tengó. GASSI: Fjölskyldan og gufan.
BÍLLINN MINN ER ... SIGGA: Rauður Toyota Yaris, alveg yndislegur!
SVALI: Lítill og hinn stór. GASSI: Pajero.
DEKRIÐ: SIGGA: Heill dagur í dekri á snyrtistofu, við erum að tala um nudd og
allan pakkann. SVALI: Pítsa, bjór og Playstation. GASSI: Pass.
VERÐMÆTASTI HLUTURINN: SIGGA: Nýji gítarinn minn. SVALI: Íbúðin
mín. GASSI: Öll tækin mín.
HVERNIG VERÐUR 2008? SIGGA: Það verður besta árið í lífi mínu til
þessa. Lífið fer bara batnandi! SVALI: Það besta hingað til... GASSI: Geggjað.
Roðna oft í stúdíóinu