Fréttablaðið - 18.01.2008, Blaðsíða 45
18. JANÚAR 2008 | SIRKUS | BLS. 9
opinskáa umræðu því ég hugsaði
með mér að það væri enginn vaknað-
ur og því væri þetta í lagi. Svo fannst
mér líka skárra að tala um alla þessa
hluti því það væri enginn að horfa á
mann. En svo hefur það nú breyst
eftir að við komum með vefmynda-
vél í stúdíóið,“ segir Svali. Gassi er þó
alls ekki sammála þessu því hann
segir að það sé fullt af hlutum sem
þeir megi alls ekki ræða. „Það má
ekki ræða hvar Sigga býr, það má
ekki ræða hvað Sigga er að gera með
manninum sínum, það má ekki ræða
líkamsræktarátökin sem hún fer í,“
segir Gassi hlæjandi. Upp spinnast
fjörugar umræður um heilsuátök og
hvernig á ekki að gera hlutina og það
verður að viðurkennast að það hallar
dálítið á kvenpeninginn í hópnum.
„Sigga er alltaf með einhver plön á
teikniborðinu varðandi líkamsrækt-
ina en svo frestar hún alltaf öllu eða
gefst hreinlega upp,“ segir Gassi.
Sigga kippir sér ekkert upp við þetta
enda er hún orðin ýmsu vön.
Þegar þau eru spurð að því hvort
þessi vinna hafi breytt þeim segist
Svali ekki þekkja neitt annað því
hann hafi verið í útvarpinu frá ungl-
ingsaldri og Gassi tekur eiginlega
undir það líka. „Ég held að þessi
vinna hafi breytt Siggu mest því í
raun er hún bara átta ára því hún
byrjaði ekki að vera til fyrr en árið
2000 þegar hún kom úr sértrúarsöfn-
uðinum,“ segir Svali. „Þetta er alveg
rétt hjá honum, mér finnst þessi
vinna hafa breytt mér. Ég kom úr svo
vernduðu umhverfi og var alltaf búin
að vera þessi góða stelpa sem fór
aldrei út fyrir rammann. Þarna fékk
ég að leika lausum hala og kynnast
sjálfri mér betur og á nýjan hátt,“
segir Sigga og Gassi grípur fram í og
reynir að segja einhverja brandara.
Svali segir að þetta sé Gassi í hnot-
skurn. „Svona er Gassi, hann segir
eiginlega aldrei neitt, hann skýtur
bara,“ segir hann og hlær.
Gætuð þið þá ekki bara verið tvö í
þættinum og sparað, eða hirt launin
hans sjálf ? „Nei, það gætum við ekki.
Því þá myndi vanta öll skotin, öll já
og nei, innskotin og svona. Það verð-
ur að vera, annars væri þetta ekkert
gaman,“ segir Svali.
Með blakandi eyru
Þau sækja innblástur fyrir þáttinn
víða. Sigga viðurkennir að hún sé
stundum með blakandi eyru þegar
hún fer á kaffihús og pikkar þá upp
einhver umræðuefni sem hún heyrir
úti í bæ. Svali tekur undir þetta en
Gassi segist aldrei undirbúa sig neitt.
Hann mæti bara og segi já eða nei
eða gerir Siggu brjálaða með leið-
indakommentum. Það er kannski
ekkert skrítið að þau séu stundum
pirruð út í hvert annað því þau mæta
í vinnuna ekki seinna en korter yfir
sex á morgnana. Þegar þau eru spurð
að því hvernig það gangi segja þau
að það sé hægt að venjast öllu. „Fyrst
þegar við byrjuðum vorum við alltaf
mætt klukkan hálf sex, alla daga.
Maður sér það betur og betur að ef
maður er mættur í vinnuna seinna
en korter yfir sex þá er maður orðinn
of seinn. Við þurfum að lesa fjögur
dagblöð áður en við förum í loftið og
það er alveg fáránlegt að tala ekki
um hluti sem eru mikið í
umræðunni.“
Hvað er það rosalegasta sem þið
hafið lent í útsendingu?
„Ég verð að viðurkenna það að
þegar stelpan fróaði sér fyrir aftan
mig í stúdíóinu varð ég mjög vand-
ræðalegur og ég hef aldrei roðnað
jafn mikið og þá,“ segir Svali og Sigga
bætir því við að hún hafi aldrei upp-
lifað neitt jafn skuggalegt og þegar
þau vöxuðu pung í beinni. „Þetta
með punginn var alveg rosalegt,“
segir Sigga og segir söguna af því að
þau hafi í sakleysi sínu sagt frá því að
snyrtistofa í bænum væri farin að
sérhæfa sig í því að vaxa punga á
karlmönnum. „Svo hringdi strákur
inn í þáttinn og sagði að hann væri
til í tuskið og þá var ekkert annað í
stöðunni en að láta vaða og við
boðuðum hann í stúdíóið nokkrum
dögum síðar. En svo rann dagurinn
upp og þá varð þetta ennþá rosa-
legra. Snyrtifræðingurinn notaði
súkkulaðivax og þegar það var komið
á punginn var eins og hann væri
búinn að gera á sig,“ segir Sigga. Þessi
umræddi þáttur endaði með ósköp-
um því í miðju kafi var slökkt á sjón-
varpsútsendingunni.
„Þetta fór eitthvað fyrir brjóstið á
Pálma Guðmundssyni og hann
slökkti á kamerunni,“ segir Svali.
„Það er svosem ekkert skrítið því
Gassi var með myndavélina alveg í
klofinu á gæjanum,“ segir Sigga og
dæsir. Elín Reynisdóttir sem hefur
verið að sminka Gassa meðan á við-
talinu stendur segir að hún hafi ein-
mitt verið á hlaupabrettinu í World
Class þegar þessi atburður átti sér
stað. „Það voru allir í sjokki þarna á
hlaupabrettunum og það munaði
minnstu að ég hefði dottið af
brettinu,“ segir Elín og hlær.
Þegar þau eru spurð að því hvað
sé mest heillandi við starfið nefnir
Gassi peningana en Svali og Sigga
skjóta hann í kaf og segja að svo sé
nú alls ekki. „Ég hef oft hugsað um
það þegar ég er að vakna svona
snemma af hverju í andskotanum
maður sé að þessu. En um leið og
maður er mættur og búinn að opna
fyrir míkrafóninn þá er ekki aftur
snúið,“ segir Svali. „Öllu jafna er bara
svo gaman og ég held að það sé vegna
þess að það er rétt kemestrí á milli
okkar. Við eigum svo vel saman,“
segir Sigga og Gassi skýtur inn í að
það sé rétt ef vikan milli jóla og nýárs
sé mínusuð frá. Breyttist þátturinn
eitthvað þegar hann var sendur út í
sjónvarpi?
„Það rak okkur öll í átak,“ segir
Gassi og hlær.
„Við vorum mjög meðvituð um að
láta sjónvarpið ekki breyta okkur. Ég
verð þó að viðurkenna að maður
passar sig að geispa minna og bora
helst ekki í nefið,“ segir Svali en Sigga
bætir því við að henni finnist það
vera viss léttir þegar hún sé ekki í
mynd. „Mér finnst það bæta rósum
við þáttinn að hafa hann í sjónvarp-
inu,“ segir Sigga. Aðspurð hvort það
sé hægt að fá fólk til að framkvæma
allt segja þau að svo sé ekki. „En það
er alltaf einhver til í tuskið,“ segja
þau og hlæja.
Í frítímanum gera þau ekki mikið
af því að hittast þótt Svali og Gassi
fari einstaka sinnum út að borða
saman eða í jeppaferðir. Þeir eiga
það þó sameiginlegt að vera miklir
græjukarlar. Þeir eiga til að mynda
báðir jetski og elska allt sport. „Ég á
fullt af börnum og konu og er mikill
jeppakarl, elska golf og svo fékk ég
laxveiðistöng í jólagjöf,“ segir Svali
og Gassi segist vera með nákvæm-
lega sömu áhugamál mínus jeppad-
elluna. „Gassi er alger græjukarl,
verður alltaf að eiga allt það nýjasta.
Hann keypti sér til dæmis fjórhjól
um daginn. Mér fannst það algert
rugl og sagði við Gassa að hann ætti
eflaust bara eftir að nota það þrisvar
og hvað hefur komið á daginn, Gassi
hvað ertu búinn nota fjórhjólið oft?“
spyr Svali og Gassi játar að hann hafi
bara farið á það tvisvar og Svali
hristir hausinn yfir þessu öllu saman.
Líf Siggu snýst um allt annað en
græjur og jeppa. Hún tekur aðallega
til í frítíma sínum.
„Ég elska líka að syngja og var að
byrja á námskeiði í Söngskóla
Reykjavíkur,“ segir hún og bætir því
við að hún hafi fengið gítar í jólagjöf.
„Annars finnst mér bara gott að
hvíla mig og slaka á þegar ég er í fríi,
horfa á góða mynd eða hitta vinkon-
urnar. Þetta fer allt eftir því hvaða
stuði ég er í.“ Þegar þau eru spurð út
í nýja árið segjast þau ætla að halda
áfram að gera góðan útvarpsþátt og
hafa gaman af lífinu. „Við bindum þó
vonir við að fá aukið fjármagn á
þessu ári til að gera þáttinn enn
betri. Samningurinn okkar rennur
svo út í maí og verður spennandi að
sjá hvert framhaldið verður,“ segja
þau áður en þau hoppa í sparifötin
svo hægt sé að smella af þeim
mynd.
WWW.GAP.IS
4