Fréttablaðið - 18.01.2008, Blaðsíða 74
42 18. janúar 2008 FÖSTUDAGUR
EM í handbolta
A-riðill
Slóvenía-Tékkland 34-32
Króatía-Pólland 32-27
Ivano Balic skoraði 7 mörk úr 9 skotum og átti að
auki 7 stoðsendingar.
B-riðill
Rússland-Svartfjallaland 25-25
Danmörk-Noregur 26-27
Lasse Boesen 9, Michael Knudsen 5 - Havard
Tvedten 8/6, Frode Hagen 6, Frank Loke 4.
C-riðill
Þýskaland-Hvíta Rússland 34-26
Markus Baur 7/5, Holger Glandorf 5 - Barys
Pukhouski 10, Ivan Brouka 4, Siarheir Harbok 4,
Aliaksei Usik 4.
Spánn-Ungverjaland 28-35
Ruben Garabaya 8, Iker Romero 7 - Ferenc Ilyes
7, Laszló Nagy 7, Tamas Ivansik 5.
D-riðill
Ísland-Svíþjóð 19-24
Mörk Íslands (skot): Ólafur Stefánsson 4/1
(7/2), Guðjón Valur Sigurðsson 4/2 (7/2), Logi
Geirsson 3 (10), Ásgeir Örn Hallgrímsson 2 (4),
Róbert Gunnarsson 2 (4), Snorri Steinn Guð
jónsson 2 (7/1), Alexander Petersson 1 (1), Einar
Hólmgeirsson 1 (7), Jaliesky Garcia Padron (2),
Vignir Svavarsson (1).
Varin skot: Birkir Ívar Guðmundsson 10 (31/2,
32%), Hreiðar Guðmundsson 6 (9, 67%).
Hraðaupphlaup: 6 (Guðjón 2, Róbert, Ásgeir,
Logi, Alexander).
Fiskuð víti: 6 (Róbert 2, Ólafur, Logi, Einar,
Ásgeir).
Utan vallar: 4 mínútur
Mörk Svíþjóðar (skot): Kim Andersson 7/2
(12/3), Dalibor Doder 4 (10), Jonas Larsholm 3
(4), Martin Boquist 3 (5), Jonas Kallman 3 (7),
Marcu Ahlm 2 (5), Jan Lennartsson 1 82), Jonas
Petersson 1 (3).
Varin skot: Tomas Svensson 22 (39/3, 56%),
Dan Beutler 1/1 (3/3, 33%)
Hraðaupphlaup: 4 (Doder 2, Lennartsson,
Kjallmann).
Fiskuð víti: 5 (Ahlm, 3, Doder 2).
Utan vallar: 14 mínútur.
Frakkland-Slóvakía 32-31
Olivier Girault 6/1, Jerome Fernandez 5, Bertrand
Gille 5, Daniel Narcisse 5 - Frantisek Sulc 10,
Radovan Pekar 7, Radoslav Antl 5.
Iceland Express karla
Fjölnir-Keflavík 93-102
Iceland Express kvenna
KR-Hamar 74-68
Stigahæstar: Monique Martin 32 (21 í seinni),
Sigrún Ámundadóttir 12, Hildur Sigurðardóttir 8
- Lakiste Barkus 23, Hafrún Hálfdánardóttir 13,
Fanney Lind Guðmundsdóttir 12.
ÚRSLITIN Í GÆR
HANDBOLTI Margir bjuggust við að
leikur Frakka og Slóvaka yrði
óspennandi en svo var alls ekki.
Kærulausir Frakkar sluppu með
eins marks sigur, 32-31, í leik þar
sem Slóvakar hefðu vel getað náð
stigi.
Slóvakar áttu síðustu sókn
leiksins en þeirra besti maður,
Frantisek Sulc, sem hafði farið á
kostum í leiknum, skaut framhjá.
Þó svo Frakkar hafi verið
áhugalausir og kærulausir er
samt ljóst að Slóvakar verða ekki
auðsigraðir en þeir gáfust aldrei
upp í gær. - hbg
Frakkland-Slóvakía í gær:
Frakkar sluppu
fyrir horn
HANDBOLTI Alfreð Gíslason lands-
liðsþjálfari átti erfitt með að leyna
vonbrigðum sínum eftir leikinn í
gær en bar sig þó þokkalega.
„Sóknarleikurinn var alveg
hræðilegur í þessum leik. Varnar-
leikurinn var góður í fyrri hálfleik
og Birkir varði vel en við spilum
svo hægan bolta. Höngum á bolt-
anum endalaust og erum meira að
segja skelfilegir manni fleiri. Með
eðlilegum sóknarleik hefðum við
átt að vera 5-6 mörkum yfir í hálf-
leik. Svíar voru mjög tauga-
strekktir og vörnin okkar kom
þeim á óvart. Síðari hálfleikur var
síðan skelfilegur þar sem hver
hvert klúðrið fylgdi á eftir öðru,“
sagði Alfreð hundsvekktur en
hann stillti leiknum upp sem
úrslitaleik.
„Þetta eru skelfileg vonbrigði.
Nú verðum við að vinna Slóvaka
og takist það þá er fram undan
algjör úrslitaleikur gegn Frökkum
rétt eins og í fyrra. Nú verður
farið vel yfir þennan leik og svo
sjáum við til hvernig staðan er á
mannskapnum en Óli var þjáður
og Garcia virðist bara ekki passa
inn í það sem við erum að gera
meðal annars,“ sagði Alfreð. - hbg
Alfreð Gíslason var þungur á brún eftir tapið gegn Svíum í fyrsta leiknum á EM í Noregi í gær:
Sóknarleikurinn var alveg hræðilegur
EKKERT GEKK Landsliðsfyrirliðinn Ólafur
Stefánsson tjáir sig við landsliðsþjálfar-
ann Alfreð Gíslason. FRÉTTABLAÐIÐ/PJETUR
HANDBOLTI Íslenska landsliðið er
komið með bakið upp við vegg
eftir ömurlegan frumsýningarleik
gegn Svíum á EM í Noregi. Leik-
menn virtust hreinlega ekki þola
pressuna og væntingarnar fyrir
leikinn og Svíar, sem sýndu alls
engan glansleik, gengu á lagið og
hreinlega niðurlægðu íslenska
liðið í síðari hálfleik sem er lík-
lega einn versti hálfleikur sem
landsliðið hefur spilað.
Alfreð byrjaði með Birki Ívar í
markinu og þeir Sigfús og Ásgeir
Örn voru í vörninni en athygli
vakti að Ásgeir spilaði líka sókn-
ina. Íslenska liðið mætti nokkuð
sterkt til leiks. Varnarleikurinn
var með miklum ágætum og Birkir
Ívar byrjaði vel en sóknarleikur-
inn, sem hingað til hefur nánast
verið sjálfspilandi, var í molum
allan hálfleikinn. Logi og Garcia
voru mjög slakir á vinstri vængn-
um og lítil ógnun var af Ólafi
hinum megin sem skaut ekki nema
einu sinni í hálfleiknum og það
undir lok hálfleiksins.
Sem fyrr gekk íslenska liðinu
ákaflega illa manni fleiri og liðið
klúðraði meira að segja sókn
tveimur fleiri. Svíarnir spiluðu
ekki sérstaklega vel. Spiluðu lang-
ar sóknir þar sem dönsku dómar-
arnir leyfðu þeim að hnoðast nán-
ast endalaust. Tomas Svensson var
okkur erfiður ljár í þúfu eins og
oft áður í sænska markinu.
Íslensku strákarnir voru þess utan
að skjóta mjög illa og klúðruðu
mörgum úrvalsfærum. Margir
hverjir virtust hreinlega vera
yfirspenntir.
Svíarnir voru einu til tveim
mörkum yfir lungann úr hálfleikn-
um og íslensku strákarnir klúðr-
uðu nánast undantekningalaust
þegar þeir fengu færi á að jafna
leikinn. Tveggja marka munur í
leikhléi, 9-11. Það voru nákvæm-
lega engin batamerki á leik
íslenska liðsins í síðari hálfleik og
síðari hálfleikurinn var talsvert
verri en sá fyrri. Sannast sagna
var hann hrein hörmung og einn
sá allra lélegasti sem undirritaður
hefur séð íslenskt landslið spila.
Sóknarleikurinn sem maður hélt
að gæti ekki versnað varð enn
verri. Menn stanslaust að hnoðast
í gegnum miðjuna og taka hrika-
lega vond og illa tímasett skot. Í
raun var algjört örvæntingarleysi
í gangi. Sem fyrr breytti engu þótt
íslensku strákarnir væru fleiri á
vellinum.
Liðið skoraði ekki einu sinni
mark á tíu mínútna kafla og þegar
tíu mínútur lifðu leiks var munur-
inn orðinn tíu mörk, 13-23. Það var
kvalafullt að fylgjast með þessari
slátrun og óhætt að segja að Svíar
hafi náð fram mjög svo sætri
hefnd.
Þetta tap skrifast ekki á ein-
hverja einstaklinga heldur allt
liðið í heild sinni. Tapið er líka ein-
staklega sárt þar sem vörn og
markvarsla var aldrei þessu vant
fín lengstum. Sóknarleikurinn
brást aftur á móti illilega og það
eru mikil vonbrigði.
Liðið er komið með bakið upp
við vegg og leikmenn þurfa heldur
betur að rífa sig upp ætli þeir ekki
að fara heim með öngulinn í rass-
inum.
Slóvakar bíða handan við hornið
og þeir sýndu í gær að þeir eru
sýnd veiði en ekki gefin. Leiki
íslenska liðið eins illa gegn Sló-
vökum og í gær gæti farið mjög
illa.
Hörmuleg frammistaða gegn Svíum
Íslenska landsliðið olli gríðarlegum vonbrigðum í fyrsta leik sínum á EM. Sóknarleikurinn öflugi brást al-
gjörlega og Svíar náðu fram sætri hefnd með fimm marka sigri, 19-24, en sigurinn hefði getað orðið stærri.
MIKIL VONBRIGÐI Sigfús Sigurðsson faðmar föður sinn í leikslok. Úrslitin voru gríðarleg vonbrigði fyrir íslenska liðið.
FRÉTTABLAÐIÐ/PJETUR
EKKERT FLÆÐI Svíar áttu ekki í miklum vandræðum með hægan og hugmynda-
snauðan sóknarleik íslenska liðsins. Hér stoppa þeir Ólaf Stefánsson einu sinni sem
oftar. FRÉTTABLAÐIÐ/PJETUR
EM Í NOREGI
HENRY BIRGIR GUNNARSSON
skrifar frá Þrándheimi
henry@frettabladid.is
HANDBOLTI Ólafur Stefánsson var
ekki ánægður í leikslok. „Í fyrri
hálfleik var vörn og markvarsla
fín en sóknin klikkaði aldrei
þessu vant. Menn voru að taka
skot of fljótt í stað þess að vera
þolinmóðir. Svo eru menn heldur
ekki að nýta færin. Í síðari hálf-
leik hrynur þetta svo endanlega.
Ég man ekki eftir svona lélegum
leik lengi,“ sagði fyrirliðinn Ólaf-
ur Stefánsson.
„Þetta tap er öllum að kenna.
Sálarástandið var ekki í lagi og
kannski voru menn yfirspenntir.
Við eigum að geta lagt hvaða lið
sem er að velli og þess vegna er
þetta sárara en ella. Það verður
hver og einn að líta í eigin barm
eftir þetta,“ sagði Ólafur sem
sagðist hafa meiðst aftan í lærinu
strax í upphafi leiks og af þeim
sökum gat hann ekki beitt sér
eins og hann vildi.
Sóknin of hæg
„Þetta var einfaldlega arfaslök
frammistaða í sókninni og það er
ljótt að segja það en svo virtist
vera sem menn væru ekki tilbún-
ir og búnir að átta sig á hvað þeir
voru komnir út í,“ sagði Snorri
Steinn Guðjónsson.
„Sóknarleikurinn er allt of
hægur og þess vegna gengur
hann illa. Ég held að menn hafi
ekki verið yfirspenntir þó svo
eðlilega sé stress í fyrsta leik. Ég
hélt við hefðum lært af reynsl-
unni gegn Úkraínu en þetta er
líklega svipað slakur leikur, sagði
Snorri.“ – hbg
Ólafur Stefánsson landsliðsfyrirliði eftir fyrsta leik Íslands á EM í gær:
Tapið er öllum að kenna
HVAÐ ER Í GANGI? Ólafur Stefánsson,
fyrirliði landsliðsins, skildi hvorki eitt né
neitt í sóknarleiknum í gær.
FRÉTTABLAÐIÐ/PJETUR
HANDBOLTI Keppnismaðurinn
Guðjón Valur Sigurðsson var
eðlilega mjög óhress eftir tapið
gegn Svíum.
„Þetta var skandall og ekkert
annað. Það var allt til alls í
undirbúningnum, hugarfarið gott
og svo stöndum við hver í sínu
horni á vellinum eins og hræddir
skólastrákar. Vörnin og mark-
varslan var fín en þegar við
komumst yfir miðju fraus allt.
Hver og einn þarf að krukka í
hausnum á sér eftir þennan leik
enda engan veginn ásættanlegt,“
sagði Guðjón Valur en hann
skoraði 4 mörk í leiknum í gær,
tvö úr vítaköstum og svo tvö góð
hraðaupphlaupsmörk í fyrri
hálfleik. Hann skoraði ekki mark
utan af velli í seinni hálfleik. - hbg
Guðjón Valur Sigurðsson:
Eins og hrædd-
ir skólastrákar
HANDBOLTI Alfreð Gíslason hvíldi
þá Bjarna Fritzson og Sverre
Jakobsson í leiknum gegn Svíum í
gær.
Sverre veiktist illa í síðustu
viku og hefur verið að koma til en
Alfreð vill greinilega að hann
hvílist betur fyrir helgina.
Bjarni hefur einnig verið að
glíma við meiðsli, bæði í maga
sem og í læri. - hbg
Íslenska landsliðið:
Sverre og
Bjarni hvíldu
HVÍLDUR Sverre Jakobsson var ekki með
gegn Svíum í gær, en er búinn að ná sér
af veikindum. FRÉTTABLAÐIÐ/PJETUR