Fréttablaðið - 19.01.2008, Blaðsíða 6

6 19. janúar 2008 LAUGARDAGUR
HEILBRIGÐISMÁL Stjórn heilsugæsl-
unnar á höfuðborgarsvæðinu
hefur dregið til baka bréf sem
Gunnar Ingi Gunnarsson, yfir-
læknir heilsugæslunnar í Árbæ,
sendi nokkur hundruðum skjól-
stæðingum hennar. Viðtakendur
bréfsins voru brottfluttir
Árbæingar og var þeim sagt upp
þjónustu frá og með 1. maí.
Guðmundur Einarsson, forstjóri
Heilsugæslu höfuðborgarsvæðis-
ins, segir að séð verði til þess að
fólkið fái áfram þá þjónustu sem
það eigi rétt á.
Stjórn Heilsugæslu höfuðborg-
arsvæðisins vísar í yfirlýsingu
vegna ógildingar uppsagnarbréfs-
ins til reglugerðar þar sem segir
meðal annars að þrátt fyrir skipt-
ingu landsins í heilbrigðisum-
dæmi „skulu sjúklingar jafnan
eiga rétt á að leita til þeirrar
heilsugæslustöðvar sem þeir eiga
auðveldast með að ná til hverju
sinni“. - jss
Skjólstæðingar heilsugæslunnar í Árbæ fá fulla þjónustu:
Uppsagnarbréf dregin til baka
DÓMSMÁL Karlmaður um þrítugt
hefur verið dæmdur í fjögurra
ára fangelsi fyrir gróf kynferðis-
brot gegn tveimur barnungum
systurdætrum sínum. Önnur
þeirra var fimm ára þegar brotin
áttu sér stað, en hin þriggja til ell-
efu ára. Sú var misnotuð af mann-
inum nokkur hundruð sinnum.
Maðurinn var einnig sakfelldur
fyrir vörslu barnakláms, en í tölvu
hans fundust myndir þar sem and-
liti annarrar stúlkunnar hafði
verið skeytt saman við klám-
fengnar ljósmyndir. Til viðbótar
við fangelsisdóminn var maður-
inn dæmdur til að greiða
stúlkunum bætur; annarri hálfa
milljón en hinni eina og hálfa
milljón króna.
Alvarlegri brotin áttu sér stað á
árunum 1994 til 2001. Þá lét hann
aðra stúlkuna snerta kynfæri sín
og hafa við sig munnmök að
minnsta kosti tvö hundruð sinnum,
ýmist heima hjá sér eða henni.
Hin brotin voru framin á árun-
um 1993 og 1994, þegar maðurinn
lét hina stúlkuna snerta kynfæri
sín nokkrum sinnum.
Báðar stúlkurnar hafa átt við
andleg vandamál að stríða frá því
brotin áttu sér stað.
Maðurinn játaði flest brotin
fyrir dómi en bar fyrir sig bren-
glað hugarástand vegna óreglu,
meðal annars vegna neyslu áfeng-
is og fíkniefna. Hann hafi átt við
geðræn vandamál að stríða og
verið með þunglyndi á háu stigi.
Í niðurstöðu Héraðsdóms
Reykjaness segir að atferli manns-
ins hafi verið svívirðilegt og hann
hafi engar málsbætur. - sþs
Karlmaður um þrítugt dæmdur í fjögurra ára fangelsi fyrir gróf kynferðisbrot:
Misnotaði barnungar frænkur
■ Þegar fyrstu brotin áttu sér stað
var maðurinn fimmtán til sextán
ára, stúlkan fimm ára.
■ Upp komst um þá misnotkun
þegar móðir stúlkunnar, systir
mannsins, gekk inn á þau í ágúst
1994.
■ Samkvæmt vitnisburði brást hún
reið við og hótaði að drepa hann
ef þetta kæmi fyrir aftur.
■ Hún kærði athæfið ekki til lög-
reglu, og sagði ekki frá því að ósk
dóttur sinnar.
■ Þegar upp komst að maðurinn
hafði misnotað dóttur annarrar
systur sinnar í mörg ár var
ákveðið að taka málið upp aftur
og leggja fram kæru á hendur
honum.
STAÐINN AÐ VERKI FYRIR ÞRETTÁN ÁRUM
STJÓRNSÝSLA Í rökstuðningi fyrir
skipun Ólafar Ýrar Atladóttur í
embætti ferðamálastjóra segist
Össur Skarphéðinsson iðnaðarráð-
herra hafa tekið mið af lögum um
jafna stöðu og jafnan rétt kvenna
og karla. Á grundvelli þeirra sé
viðurkennt að velja skuli aðila af
því kyni sem er í minnihluta á
hlutaðeigandi starfssviði þegar
tveir eða fleiri jafnhæfir einstakl-
ingar sækja um stöðu.
Í rökstuðningnum er Ólöf Ýrr
meðal annars sögð hafa mikinn og
fjölbreyttan menntunarferil,
fimm ára reynslu af stjórnun í
opinberum rekstri og reynslu á
sviði ferðaþjónustu. Þá tali hún
fjögur tungumál og hafi tekið þátt
í erlendu samstarfi.
Ólöf Ýrr er jafnframt sögð hafa
skarpan og greinandi hug, hún
hafi vakið athygli fyrir frumkvæði
og ákveðni auk þess að hafa til að
bera sveigjanleika, glaðværð og
félagslyndi.
„Þessi rökstuðningur staðfestir
fyrir mér að ráðherra valdi ekki
hæfasta umsækjandann,“ segir
Ársæll Harðarson, forstöðumaður
markaðssviðs Ferðamálastofu –
einn 50 umsækjenda um starfið.
Hann segir ráðherra forðast að
bera umsækjendur saman en hefji
Ólöfu til skýjanna.
„Nú ætla ég að verða síðastur til
að hallmæla þessum einstaklingi.
Þetta er hæf kona. En ef borin eru
saman þau atriði sem skipta máli í
auglýsingunni kemur í ljós að ég
hef raunhæfari menntun.“ Ársæll
er með meistarapróf frá Við-
skiptaskólanum í Kaupmannahöfn
og skrifaði ritgerð um þýðingu
ferðaþjónustu fyrir Ísland. Ólöf
Ýrr er íslenskufræðingur með
meistarapróf í líffræði.
Ársæll bendir jafnframt á að
hann hafi rekið sautján starfs-
manna svæðisskrifstofu Ice-
landair í Kaupmannahöfn, verið
framkvæmdastjóri Ráð-
stefnuskrifstofu Íslands
og stýrt mannahaldi og
skrifstofum Ferðamála-
stofu í Danmörku, Þýska-
landi og Bandaríkjun-
um.
Hann segir óráðið
hvort hann haldi málinu
áfram með einhverjum
hætti.
Ólafur Örn Haralds-
son, sem sótti um starfið
og skaraði fram úr ásamt Ársæli
og Ólöfu, sóttist ekki eftir rök-
stuðningi. Engu að síður kynnti
hann sér rökin og sagði að svo
búnu: „Ég er glaðvær maður og
brosi til hægri og vinstri.“
bjorn@frettabladid.is
Ársæli finnst lítið til
raka ráðherra koma
Jafnréttislögin eru ein röksemda fyrir skipan Ólafar Ýrar Atladóttur í embætti
ferðamálastjóra. Ársæll Harðarson segir rökstuðning iðnaðarráðherra sýna að
hæfasti umsækjandinn hafi ekki verið valinn. Ólafur Örn Haraldsson brosir.
ÓLÖF ÝRR
ATLADÓTTIR
ÁRSÆLL
HARÐARSON
DÓMSMÁL Kröfu Saga Capital fjár-
festingarbanka um að verða
skráður eigandi allra hluta í fjár-
festingafélaginu Insolidum ehf.,
sem er í eigu Daggar Pálsdóttur
varaþingmanns Sjálfstæðisflokks
og Páls Ágústs Ólafssonar, hefur
verið hafnað í Héraðsdómi Reykja-
víkur. Niðurstöðunni verður að
öllum líkindum áfrýjað, segir lög-
maður Saga Capital.
Í úrskurðinum segir að ekki sé
hægt að fullnægja skyldu til breyt-
inga á hlutaskrá fyrirtækis með
beinni aðfaragerð. Skilyrði til að
verða við kröfu Sögu Capital séu
ekki fyrir hendi, og henni því
hafnað.
„Ég geri fastlega ráð fyrir því
að við áfrýjum þessum dómi án
þess að það sé búið að taka ákvörð-
un um það,“ segir Gísli Guðni Hall,
lögmaður Saga Capital í málinu.
„Við höfum tveggja vikna frest til
þess.“
Jóhannes Karl Sveinsson, lög-
maður Insolidum, segir innsetn-
ingarmál eins og þessi vera ætluð
í ákveðnum tilgangi, og dómari
hafi komist að þeirri niðurstöðu að
þau eigi ekki við þegar fólk telji
sig eiga kröfur að tryggingarrétti.
„Svona úrræði eiga til dæmis við
þegar það er verið að bera fólk úr
íbúðum, en ekki í máli eins og
þessu,“ segir hann. - sþs
Kröfu Saga Capital hafnað í héraðsdómi, lögmaður segist líklega munu áfrýja:
Fengu ekki að eignast Insolidum
ÓLAFUR ÖRN
HARALDSSON
FR
ÉTTA
B
LA
Ð
IÐ
/A
U
Ð
U
N
N
N
ÍELSSO
N
ÖSSUR SKARÐHÉÐINS-
SON Segir Ólöfu Ýri hfa
lýst skýrri framtíðarsýn
fyrir Ferðamálastofu og
íslenska ferðaþjónustu og
hún því líklegri en aðrir
til að hleypa nýju blóði í
starfsemi stofnunarinnar.
KÍNA, AP Gordon Brown, forsætis-
ráðherra Bretlands, hefur notað
fundi sína með ráðamönnum í
Kína til að bjóða kín verskum
fjárfestum til Bretlands.
„Þótt aðrir sjái hættur í
hverju horni þá lít ég á uppgang-
inn í Kína og alþjóðavæðinguna
ekki sem ógn heldur sem
tækifæri,“ sagði Brown á fundi
með kvínverskum og breskum
viðskiptajöfrum í Peking í gær.
Brown hitti bæði Hu Jintao
forseta og Wen Jiabao forsætis-
ráðherra. Hann tók einnig þátt í
að opna í Peking nýtt útibú frá
kauphallarinni í London.
- gb
Gordon Brown í Kína:
Vill fá fjárfesta
til Bretlands
■ Málið snýst um lán sem Insol-
idum tók hjá Saga Capital vegna
kaupa á bréfum í SPRON.
■ Til tryggingar skuld var hlutur
Daggar og Páls Ágústs í Insolidum
settur að veði.
■ Gengi SPRON lækkaði töluvert
og Saga Capital skoraði á Insolidum
að greiða skuldina eða leggja fram
fullnægjandi tryggingu.
■ Dögg og Páll Ágúst urðu ekki við
áskoruninni.
■ Þá krafðist Saga Capital beinnar
aðfarar — að dómstóll breytti hluta-
skrá Insolidum þannig að Saga Capi-
tal yrði skráður eigandi allra hluta.
Í STUTTU MÁLI
Ert þú á vetrardekkjum?
Já 79%
Nei 21%
SPURNING DAGSINS Í DAG:
Fylgist þú með Evrópumótinu í
handbolta?
Segðu skoðun þína á visir.is
KJÖRKASSINN