Fréttablaðið - 19.01.2008, Blaðsíða 34
● hús&heimili
U
m þessar mundir berast fregnir af því að hugsanleg kreppa á
fasteignamarkaði sé á næsta leiti og vissulega hefur hægst um
í fasteignaviðskiptum. Það hlaut að koma að því enda gróskan,
hraðinn og atið búið að vera í hámarki. Mikið hefur verið rætt
og ritað um hversu erfitt það er fyrir fólk, ef ekki ómögulegt, að koma
þaki yfir höfuðið, sér í lagi ef það er að fjárfesta í fyrstu íbúð. Verðlag
er hátt og greiðslubyrðin mikil. Ekki bætir úr skák að leigumarkaður-
inn er í einhvers konar upplausn. Litlar kytrur eru leigðar út á svimandi
háu verði og liggur við að salernisaðstaða teljist til munaðar. Nú finnst
sumum kannski að ég sé að mála skrattann á vegginn en staðreyndin er
sú að þessi skratti starir framan í marga, skýr og greinilegur, á banka-
yfirlitinu hver mánaðamót. Oft er ekki mikið til skiptanna þegar búið er
að greiða afborgun eða leigu, hita og rafmagn,
jafnvel leikskólagjöld og svo framvegis.
Ungt fólk kvartar sáran yfir því hve erfitt er
að koma undir sig fótunum. Auðvitað vilja allir
eiga fallegt heimili og vera nokkuð öruggir með
það. En að námi loknu veður fólk ekki beinlínis
í seðlum og þá er stefnt á vinnumarkaðinn og
reynt að herja út þokkaleg laun. Það tekur tíma
og erfitt getur reynst að eiga fyrir útborgun, sér
í lagi ef stór hluti tekna fer í háa leigu í millitíð-
inni. Raunveruleikinn er sá að geta ungs fólks til
að skapa sér eigið heimili og framtíð veltur að
stórum hluta á því hversu vel stæðir foreldrar
þess eru. Vissulega hefur það alltaf verið þannig, eins ósanngjarnt og
það nú er, en eitthvað við þann raunveruleika angrar mig nú á tímum
einstaklingsfrelsis og jafnréttis. Það er útópía að ímynda sér að allir
verði á endanum jafnir og njóti sömu lífsgæða en á hinn bóginn er engin
ástæða til að sætta sig við að bilið á milli stétta stækki jafnt og þétt.
Íslendingar hafa hingað til státað af að lifa í stéttlausu þjóð félagi en
þróunin virðist sífellt vera í þá átt að stéttaskipting verði raunin. Tæki-
færi ungs fólks sem er að hefja líf sitt sem ábyrgir fullorðnir einstakl-
ingar eru ekki þau sömu. Firrtur fasteignamarkaður, fákeppni og bankar
sem hugsa helst um að hámarka gróða sinn og halda í útrás eiga sinn
þátt í því. Sannleikurinn er sá að bankanum þínum ER sama um þig.
Lífið heldur þó áfram og einhvern veginn þarf fólk að feta veginn.
Yfirdráttur er tekinn, lán eru fengin og skuldahalinn lengist. Síðan
getum við unga og venjulega fólkið hlakkað til að eyða ævinni í að vinna
frá níu til fimm (eða lengur) til þess að geta haldið halanum nokkuð stöð-
ugum. Verra væri ef halinn yrði sjálfstæður og myndi vefjast eins og
slanga um kverkarnar þar til við köfnum! Enn mótar fyrir skrattanum.
Helstu ráðleggingar sem gefa mætti eru kannski þær að spenna bogann
sem lægst. Hamingjan er ekki mæld í fermetrum. Kannski er eitt besta
ráðið að einsetja sér að láta ekki blinda sig með stjörnum lífsgæðakapp-
hlaupsins og reyna að sníða sér stakk eftir vexti – eða að minnsta kosti
kaupa þann minnsta og ódýrasta þó svo að hann gapi á saumunum.
Fáránleg fasteignafirra
HEIMILISHALD
HREFNA SIGURJÓNSDÓTTIR SKRIFAR
Hamingjan er ekki
mæld í fermetrum.
Eitt besta ráðið er
að láta ekki blinda
sig með stjörnum
lífsgæðakapp-
hlaupsins og reyna
að sníða sér stakk
eftir vexti.
● Forsíðumynd: Vilhelm Gunnarsson tók þessa
mynd á heimili Ástu Hafþórsdóttur leikgervahönn-
uðar. Útgáfufélag: 365 miðlar ehf., Skaftahlíð 24, 105
Reykjavík, s. 512 5000 Ritstjórar: Sólveig Gísladóttir
solveig@frettabladid.is og Emilía Örlygsdóttir emilia@
frettabladid.is. Auglýsingar: Ámundi Ámundason s. 517
5724 Útlitshönnuður: Kristín Agnarsdóttir kristina@
frettabladid.is.
„Þetta eru mósaíkborð. Ég hanna
mynstrið, bý til flísarnar, mála og
brenni sjálf,“ segir Ragna Ingi-
mundardóttir leirlistarmaður um
ný borð sem hún er að vinna að.
Á rúmlega tuttugu ára starfsferli
sínum, sem hófst við útskrift frá
Gerrit Ritveld-akademíunni í Hol-
landi 1985, hefur Ragna vakið at-
hygli og hlotið margvíslegar
viðurkenningar fyrir verk sín.
Sem dæmi var hún árið 1998 út-
nefnd bæjarlistamaður Seltjarnar-
ness, þar sem hún er búsett.
Mósaíkborðin sem Ragna vinnur
að eru sex talsins; tvær ólíkar
gerðir með nýjum mynstrum.
Annað mynstrið segir Ragna hafa
verið fyrir fram ákveðið, en það er
samansett úr litlum kubbum sem
hún hannaði sjálf. Hitt mynstr-
ið setur hún saman úr stórum
flísum með óskipulagðari hætti,
en hugmyndin kviknaði við nokk-
uð áhugaverðar kringumstæður.
„Hugmyndin að seinna mynstr-
inu varð til þegar ég sat um borð í
flugvél og horfði niður yfir akra,“
útskýrir Ragna og segist oft fá
hugmyndir sínar við ótrúlegar að-
stæður. Sumar geymi hún í höfð-
inu í þó nokkurn tíma áður en hún
láti verða af því að framkvæma
þær og þannig hafi það verið með
nýju mósaíkborðin.
Gerð borðanna er síðan mikið
verk, eða „klikkuð vinna“ svo vitn-
að sé í Rögnu, enda vinnur hún
þau nánast frá grunni og er marga
mánuði að ljúka verkinu. „Þegar
ég vinn síðarnefnda mynstrið raða
ég flísunum saman, mála heilt
mynstur yfir, tek þær í sundur,
brenni, set aftur saman og múra
flísarnar loks á plötuna,“ lýsir hún
fyrir blaðamanni, sem dæsir við
tilhugsunina eina saman.
Borðgrindin er í raun það eina
sem Ragna býr ekki til, þar sem
hún lætur smíða hana úti í bæ.
Engu síður er grindin gerð eftir
hugmynd Rögnu, sem rekur svo
smiðshöggið á hana. „Ég set grind-
ina út í garð og læt hana standa
þar í fjórar vikur. Ber sýru á til að
flýta fyrir verkinu og læt sjóinn
sjá um afganginn. Þá kemur sér-
stakur brúnn litur á hana,“ segir
Ragna og bætir við að hún setji
svo plötuna á og múri flísarnar
inn í.
Sem fyrr sagði eru borðin sex
talsins, en Ragna reiknar ekki með
að búa til fleiri borð í sams konar
stíl, þar sem henni hefur þótt erf-
itt að endurtaka leikinn. Hún er
þegar komin langleiðina með að
klára borðin en þarf þó ekki að
hafa áhyggjur af verkefnaskorti
eftir það. Hún er með ýmislegt í
pípunum; hugsanlega einkasýn-
ingu hérlendis og samsýningu er-
lendis.
Þeir sem hafa áhuga á að fræð-
ast frekar um verk Rögnu geta
heimsótt listamanninn á vinnu-
stofuna á Nesvegi 109 laugardag-
inn 2. febrúar þar sem mósaík-
borðin verða til sýnis. - rve
Mynstrið varð til í flugvél
● Leirlistarmaðurinn Ragna Ingimundardóttir vinnur ný mósaíkborð nánast frá grunni.
Ragna hefur komið víða við. Eftir útskrift kenndi hún meðal annars í Myndlista- og
handíðaskólanum og svo í Listaháskóla Íslands. FRÉTTABLAÐIÐ/ARNÞÓR
● HJARTABOLLINN dreifir ást og friði til þeirra sem úr honum súpa. Þessi
ástarbolli er úr postulíni og er tilvalin gjöf við öll tækifæri. Bollinn fæst í vef-
versluninni Bits and pieces á www.bitsandpieces.com sem hefur mikið úrval af
púsluspilum og frumlegum gjöfum.
Þráðlaus þægindi frá Danfoss
Gólfhiti - einfaldari en nokkru sinni fyrr
Þráðlausar gólfhitastýringar
Háþróaðar en einfaldar
Við erum leiðandi í hönnun og
framleiðslu gólfhitastýringa
Skútuvogi 6 104 Reykjavík
Sími 510 4100 • www.danfoss.is
Danfoss hf
Danfoss stjórnbúnaður fyrir hitakerfi fæst í öllum helstu lagnaverslunum landsins
19. JANÚAR 2008 LAUGARDAGUR2