Fréttablaðið - 19.01.2008, Blaðsíða 67

LAUGARDAGUR 19. janúar 2008 39
Sýning sem hefur lífsspeki
búddismans að leiðarljósi
verður opnuð í Listasafninu
á Akureyri í dag kl. 15.
Listamennirnir sem eiga
verk á sýningunni eru
þau Halldór Ásgeirsson,
Erla Þórarinsdóttir, Finn-
bogi Pétursson og hinn
heimskunni bandaríski
vídeólistamaður, Bill Viola,
sem sýnir nú í fyrsta sinn
hér á landi.
Á sýningunni er búddisimi settur í
nútímalegt, íslenskt samhengi.
Íslensku myndlistarmennirnir sem
eiga verk á sýningunni hafa ýmist
tileinkað sér búddisma, þekkja vel
til hans og nota þá þekkingu í list
sinni eða virðast einfaldlega smell-
passa í þetta samhengi. Á sýning-
unni gefur einnig að líta hefðbundna
búddíska hluti. „Flestir Íslendingar
þekkja lítið til búddisma og telja
hann ekki skipa nokkurn sess í lífi
sínu. Fólk gerir sér þó ekki grein
fyrir því að margir þættir nútíma-
lífs eiga rætur sínar að rekja til
búddisma, til að mynda iðkun jóga
og bardagaíþrótta. Í sýningunni er
varpað ljósi á búddismann frá
kunnuglegu sjónarhorni og sýningar-
gestir vaktir til umhugsunar um
hlutverk búddisma í samfélaginu,“
segir Hannes Sigurðsson, sýningar-
stjóri og forstöðumaður Listasafns-
ins á Akureyri.
Sérstakur gestur sýningarinnar
er bandaríski listamaðurinn Bill
Viola, en hann er einn virtasti
myndlistarmaður heims. Viola
hefur lengi verið kenndur við búdd-
isma og verk hans takast gjarnan á
við stóru málefni tilverunnar.
„Þetta er í fyrsta skipti sem Bill
Viola sýnir hér á landi,“ segir
Hannes. „Ég vildi ólmur fá þetta
tiltekna verk á sýninguna þar sem
það tekst á við dauðann og tómleik-
ann. Í verkinu má sjá endalausa röð
syrgjenda sem virðast vera staddir
við jarðarför. Þetta er nútímafólk
af öllum kynþáttum sem er einfald-
lega yfirbugað af sorg. Upplifunin
af verkinu er ákaflega sterk enda
býður það áhorfandanum upp á að
upplifa endalok tilveru, jafnvel
sinnar eigin.“
Sýningin stendur til 9. mars.
vigdis@frettabladid.is
Búdda fyrir norðan
ENDALOK TILVERU Brot úr verki Bill Viola
á sýningunni í Listasafninu á Akureyri.
Tónverk eftir hinn heimsþekkta
Fluxus-listamann Philip Corner
verða flutt í Nýlistasafninu, Lauga-
vegi 26, í kvöld kl. 20.
Nýlókórinn, nemendur í Lista-
háskóla Íslands og fjöldi hljóðfæra-
leikara flytja tónverkin, en flutn-
ingi stjórna þeir Hörður Bragason
organisti og tónskáldið sjálft, Philip
Corner.
Verkin sem flutt verða eru samin
á árunum 1962-2008 og spanna því
langt tímabil í ferli tónskáldsins.
Hápunktur tónleikanna verður þó
frumflutningur verksins Edda sem
Corner samdi sérstaklega fyrir
Nýlókórinn.
Philip Corner tók þátt í Fluxus-
listhreyfingunni frá upphafi og er
fyrst og fremst þekktur fyrir til-
raunakennd tónverk, tónlistar-
spuna, uppákomur og gjörninga, en
hann hefur einnig verið virkur tón-
listarmaður, myndlistarmaður og
rithöfundur. Verk hans eru undir
áhrifum frá ólíkum menningar-
stefnum, til að mynda asískri tón-
listarhefð, skrautskrift og dansi.
Aðgangur að tónleikunum er
ókeypis og öllum opinn. - vþ
Edda frumflutt
Ólafur Páll Jónsson, lektor í heimspeki við Kennaraháskóla Íslands,
stendur fyrir heimspekikaffihúsi þar sem fjallað verður um lýðræði
og mannréttindi á kaffihúsinu Bláu könnunni, Hafnarstræti 96 á
Akureyri, kl. 11 fyrir hádegi á morgun.
Á síðasta ári kom út á vegum Hins
íslenska bókmenntafélags bók efir Ólaf
Pál sem nefnist Náttúra, vald og verð-
mæti. Í bókinni glímir Ólafur meðal
annars við ýmsar grundvallarspurningar
um lýðræði, eignarrétt og meðferð valds.
Heimspekikaffihúsið er öllum opið og
byggist á samræðu viðstaddra um
tiltekið efni sem fólk hefur áhuga á að
ræða. Fyrir áramót stóð Félag áhuga-
fólks um heimspeki á Akureyri og
félagsvísinda- og lagadeild Háskólans á
Akureyri fyrir sex slíkum viðburðum
sem allir voru mjög fjölsóttir og urðu
kveikja að áhugaverðum umræðum. Því
verður haldið áfram með heimspeki-
kaffihúsin á nýju ári eftir því sem færi
gefast.
Róbert Jack, heimspekingur og
höfundur bókar innar Hversdagsheim-
speki, stóð fyrir fyrsta íslenska heimspekikaffihúsinu haustið 2005.
Heimspekikaffihús er ekki háfleyg rökræða nokkurra útlærðra
heimspekinga heldur heimspekileg samræða á venjulegu mannamáli.
Hver sem er getur tekið þátt í henni svo framarlega sem hann er
tilbúinn að hlusta á aðra og færa rök fyrir máli sínu. - vþ
Morgunskraf um lýðræði
ÓLAFUR PÁLL JÓNSSON HEIM-
SPEKINGUR Stendur fyrir heim-
spekikaffihúsi í fyrramálið.
TOPSHOP
Allar yfirhafnir
2500
19 jan uppselt
25 jan uppselt
30 jan örfá sæti laus
27 febrúar
28 febrúar