Fréttablaðið - 19.01.2008, Blaðsíða 78

50 19. janúar 2008 LAUGARDAGUR
1
6 7 8
10
13
119
12
15
16
18
21
20
17
14
19
2 3 4 5
PERSÓNAN
LÁRÉTT
2. bátur 6. holskrúfa 8. líða vel 9.
tímabils 11. númer 12. bátur 14.
gimsteinn 16. grískur bókstafur 17.
í viðbót 18. angra 20. fyrir hönd 21.
tikka.
LÓÐRÉTT
1. fituskán 3. mun 4. versla 5. sam-
stæða 7. eilífð 10. sæ 13. herma 15.
listi 16. fálm 19. frá.
LAUSN
LÁRÉTT: 2. skip, 6. ró, 8. una, 9. árs,
11. nr, 12. kajak, 14. tópas, 16. pí, 17.
auk, 18. ama, 20. pr, 21. tifa.
LÓÐRÉTT: 1. brák, 3. ku, 4. innkaup,
5. par, 7. óratími, 10. sjó, 13. apa, 15.
skrá, 16. pat, 19. af.
Sirrý Sigfús
Aldur: 57 ára 17.
febrúar
Starf: Spákona.
Fjölskylda: Sam-
býlismaður er Ólafur
Einarsson. Börn
Sirrýar eru fimm, elst
Anní Ólafsdóttir og Sigrún, Davíð,
Vigdís og Valdís Viðarsbörn.
Foreldrar: Ingibjörg Guðlaugdóttir
húsmóðir og Sigfús Pétursson tré-
smiður búsettur í Ameríku – bæði
látin. Ólst upp hjá afa og ömmu í
Reykjavík Ágústa Guðmundsdóttir
og Guðlaugur Davíðsson múrara-
meistari.
Búseta: Bleikugróf í Reykjavík.
Stjörnumerki: Vatnsberi
Sirrý Sigfús spákona vakti mikla athygli
þegar hún færði Davíð Oddssyni
spákristalskúlu í afmælisgjöf í Ráðhúsinu.
„Ég hef verið að kíkja á það sem er
boðið upp á á hlaðborði hótelsins
sem strákarnir gista á. Og þótt mér
finnist það kannski full þungt í
magann - reyktur lax og annað kjöt
– þá eru strákarnir ánægðir,“ segir
Ingvar Helgi Guðmundsson, oftast
kendur við Salatbarinn, en hann er
staddur með íslenska landsliðinu á
EM í Þrándheimi.
Ingvar hefur verið landsliðinu
innan handar í mataræðinu og
gegnt því starfi, ef starf má kalla,
síðustu átta árin. „Já, og er búinn
að vera með fjóra landsliðsþjálfara
á þessum tíma,“ segir salatkóngur-
inn léttur, en hann er því farinn að
þekkja landsliðsmennina nokkuð
vel. Hann segir að landsliðið njóti
augljóslega góðs af fæðunni af
Salatbarnum. „Ég meina, landslið-
ið í handbolta er meðal topp tíu í
heiminum. En hvar er landsliðið í
fótbolta? Þeir borða ekki hjá mér.“
Ingvar var með landsliðinu á HM
í Magdeburg og bauð þá upp á
ávexti fyrir frægan leik gegn
Frökkum þar sem landsliðsmenn-
irnir kafsigldu Fransmennina. En
þótt Ingvar sé kannski ekki með
saxið á lofti núna er hann til þjón-
ustu reiðubúinn ef eitthvað skyldi
koma upp. „Í huga þeirra er aðal-
atriðið að fá fjölbreytt fæði, en oft
vill brenna við að maturinn er full
einhæfur á svona stórmótum. Og
ef þeir verða eitthvað ósáttir þá
geta þeir hóað í mig hvenær sem
er,“ segir Ingvar, sem er því ávallt
viðbúinn ef kallið kemur. - fgg
Ingvar njósnar um hlaðborðin í Noregi
Egill Örn Egilsson, betur þekktur
sem Eagle Egilsson, hefur verið
þeim Halli Helgasyni, Júlíusi
Kemp og Ingvari Þórðarsyni innan
handar við uppbyggingu mynd-
versins Atlantic Studios á Suður-
nesjum. Eins og Fréttablaðið
greindi frá í vikunni var Egill
nýverið tilnefndur annað árið í röð
til hinna virtu fagverðlauna ASC
fyrir CSI:Miami.
„Þetta er nú eiginlega til komið
þannig að við Egill leigðum saman
á námsárunum okkar úti í Los
Angeles,“ segir Hallur þegar
Fréttablaðið leitar eftir útskýring-
um á þessu samstarfi. „Okkur
varð náttúrlega vel til vina enda
Egill mikill höfðingi,“ bætir Hallur
við.
En það var ekki bara vinskapur-
inn sem leiddi þessa fyrrverandi
námsfélaga saman því Halli var
fyllilega ljóst að Egill væri að
vinna við bestu aðstæðurnar og í
bestu myndverunum úti í Holly-
wood. Og þar sem markið er sett
hátt á gamla varnarsvæðinu í
Reykjanesbæ var því ekkert
óeðlilegt að leita til fyrrum sam-
býlismannsins frá Ameríku-
árunum.
Hallur segir enn fremur að
einn af leikmyndahönnuðum
CSI sé þeim einnig innan handar.
„Þeir hafa verið að ráðleggja
okkur með útbúnað og hvaða kröf-
ur þarf að uppfylla til að standast
ströngustu kröfur besta fólksins,“
segir Hallur en reiknað er með því
að myndverið á Suðurnesjunum
opni fyrir starfsemi sína á þessu
ári. - fgg
CSI-menn ráðgjafar við íslenskt kvikmyndaver
KLÁR FYRIR KALLIÐ Ingvar Helgi Guðmundsson segist vera klár í að skera niður
grænmeti og ávexti ef eftir því verður óskað hjá íslenska landsliðinu í handbolta.
FRÉTTABLAÐIÐ/PJETUR
„Þetta var mjög skemmtilegt og
forvitnileg blanda; svartur rappari
frá New York, armenskur þunga-
rokkari og svo íslenskt tónskáld,“
segir Atli Örvarsson en hann semur
tónlistina við bandarísku kvik-
myndina Babylon A.D. ásamt rapp-
aranum RZA og bassaleikaranum
úr System of a Down, Shavo Oda-
djan. Með helstu aðalhlutverk í
myndinni fara þeir Vin Diesel og
Gérard Depardieu auk fyrrum
Bond-gellunnar Michelle Yeoh en
myndinni er leikstýrt af hinum
franska Mathieu Kassovitz.
Atli semur sjálft tónverkið við
myndina og RZA og Odadjan sjá um
að semja lög en þríeykið vann síðan
að nokkrum hljóðdæmum saman og
lauk upptökunum á þeim seint á síð-
asta ári. „Ég fékk þarna innsýn í allt
annan menningarheim,“ segir Atli,
spurður um samstarfið við rappar-
ann RZA sem er hvað þekktastur
fyrir þátttöku sína í Wu-Tang Clan-
hópnum. Hann staðfestir síðan að
mýtan um að öllum rappörum fylgi
heilt stóð af vinum og kunningjum
sé síður en svo uppspuni. „Já, já,
hann kom alltaf með félaga sína
sem kölluðu sig The Brooklyn Zoo
og það var yfirleitt mikið stuð í
hljóðverinu,“ segir Atli, sem kunni
þó ekki alveg réttu handtökin þegar
átti að fagna góðu gengi að hætti
rappara en var síðar útskrifaður
eftir nokkrar kennslustundir í slík-
um fræðum. RZA fékk þó ekki að
njóta Stuðkompanísins, hinnar eit-
urgóðu grúppu að norðan, enda
segir Atli að ekki hafi gefist tími til
slíkrar hlustunar. „Hann fékk hins
vegar að grípa í harmonikkuna
mína,“ bætir Atli við.
Íslendingar ættu eitthvað að
kannast við titil myndarinnar
Babylon A.D. en Morgunblaðið
greindi frá því á síðasta ári að hún
yrði jafnvel tekin upp hér á landi.
Síðar kom í ljós að ekki var nægj-
anlega mikill snjór fyrir hendi hér
og því héldu aðstandendur hennar
til Svíþjóðar. Eins og Fréttablaðið
hefur greint frá var Atli í tónsmíða-
hópi óskarsverðlaunahafans Hanz
Zimmer í tveimur stærstu mynd-
um síðasta árs: The Simpsons og
Pirates of the Caribbean, og Zimm-
er er ekki víðsfjarri í þessu verk-
efni enda framleiðandi tónlistar-
hliðar myndarinnar. Síðar á þessu
ári verður síðan frumsýnd kvik-
myndin Vantage Point en Atli á
einnig heiðurinn af tónlistinni í
þeirri mynd.
freyrgigja@frettabladid.is
ATLI ÖRVARSSON: SEMUR TÓNLIST MEÐ RZA ÚR WU-TANG CLAN
Íslendingur í rapparastóði
Hróður Orra Vigfússonar, þess
mikla velgjörðarmanns laxins,
heldur áfram að berast víða eftir að
hann hlaut hin virtu San Francisco’s
Goldman Environmental-verðlaun
árið 2007. Þannig er að finna
mikla grein Richards C. Morais
í Forbes um Orra og frumlega
baráttu fyrir viðgangi laxastofns
í Norður-Atlantshafi
samkvæmt kapítalískri
aðferðarfræði. Grein
Morais heitir „Hinn
stökkvandi fiskur” en
Morais gekk með Orra
til laxveiða á
Íslandi og var
mjög hrifinn.
Enn fjölgar erfingjunum í íslenska
karlalandsliðinu í knattspyrnu því
framherjinn knái, Gunnar Heiðar
Þorvaldsson, á von á barni með
unnustu sinni, Bjarnýju Þorvarðar-
dóttur. Frá þessu greinir Bjarný á
bloggsíðu sinni. Skötu-
hjúin hafa komið sér
vel fyrir í höfuðborg
Noregs og ef marka
má skrif Bjarnýjar
ætlar parið að fylgjast
vel með Evrópumótinu
í handknattleik þar til
þau fara til Kanarí á
mánudaginn.
Auðunn Blöndal hefur verið á
fullu við að koma íslenska lands-
liðinu aftur í gírinn eftir hrakfarirnar
gegn Svíum á fimmtudagskvöldið.
Auðunn ákvað að gera samning við
Sigfús Sigurðsson sem felst í því
að Auðunn fékk að rassskella línu-
manninn risavaxna fyrir tapleikinn
gegn Svíunum en Fúsi, sem er tröll
að burðum, fær að
dangla rækilega
í bossann á
sjónvarpsmann-
inum ef „strák-
unum okkar“
tekst að leggja
Slóvaka að
velli í kvöld.
- jbg/fgg
FRÉTTIR AF FÓLKI
LEITAÐ TIL ÞESS BESTA Egill Örn hefur
aðstoðað Atlantic Studios við ýmis
atriði.
ÁNÆGÐUR MEÐ SAMSTARFIÐ
Hallur segir Egil vera vel að sér í
þessum málum
enda vinni
hann við bestu
aðstæðurnar úti í
Bandaríkjunum.
FANN DRAUMINN
Atli Örvarsson (að ofan) hefur smám saman
verið að fikra sig upp metorðastigann í Holly-
wood og semur tónlistina við stórmynd-
ina A.D Babylon. Rapparinn RZA hefur áður
samið tónlist við kvikmyndir en hann er
meðlimur Wu Tang Clan-klíkunnar. Bassa-
leikari System Of a Down (lengst til hægri
á myndinni hér til hliðar) er einnig með í að
semja tónlistina fyrir A.D Babylon.