Fréttablaðið - 21.01.2008, Blaðsíða 17
HEIMILI HEILSA HÚS BÖRN NÁM FERÐIR MATUR BÍLAR TÍSKA GRÆJUR ATVINNA TILBOÐ VINNUVÉLAR O.FL.
Ósjaldan er sófinn uppáhaldsstaðurinn á heimil-
inu en hjá Drífu Bjarnadóttur vill öll fjölskyldan
eyða megninu af tíma sínum þar.
„Sófinn rúmar alla fjölskylduna en við erum fimm
í heimili. Hann er afskaplega notalegur og maður
getur legið í honum hvernig sem er – á bakinu,
maganum og svo framvegis. Hann er með tungu
og skemli þannig að hægt er að gera hann nánast
að tvíbreiðu rúmi og því er gott að hrúgast þarna
öll saman,“ segir Drífa kímin.
Auk þess að hugsa um þrjú börn þar sem hið
elsta er fimm ára þá er Drífa í diplómanámi í
fiskeldi við Háskólann á Hólum og vinnur að
rannsóknarverkefni á hnúfubökum við Háskóla
Íslands. „Ég sit eiginlega aldrei við skrifborð, ég
sit alltaf í sófanum. Þegar ég er í prófum þá legg
ég hann undir mig og þá getur enginn setið í
honum nema ég,“ útskýrir Drífa hlæjandi.
Sófinn góði var keyptur í Húsgagnahöllinni
fyrir tæpu ári og hefur reynst vel. „Við vorum
búin að leita lengi að sófa á hagstæðu verði og það
sem gerði útslagið er að það er hægt að taka utan
af honum áklæðið og þvo en það er afar hentugt
þegar maður er með þrjú börn. Svo er áklæðið
yrjótt þannig að óhreinindin sjást ekki eins vel,“
segir Drífa glettin.
Drífa er ekki ein um að eiga í ástarsambandi við
sófann því aðrir fjölskyldumeðlimir njóta þess að
hreiðra um sig þar við ýmis tækifæri. „Stelpurnar
leika sér ekki inni í herbergi heldur ná þær í dótið
og koma með það fram í sófa þannig að þarna
hangir öll fjölskyldan saman. Þetta er aðalsam-
komustaðurinn,“ segir Drífa og bætir við að það
sé kostur að sófinn er ekki mjög hár og með
mjúkum hornum þannig að litlu krílin slasa sig
síður þegar hamast er í honum. hrefna@frettabladid.is
Einskonar nafli heimilisins
Það er algeng sjón að sjá Drífu í uppáhaldshorninu sínu með kaffibolla í hendi og fartölvuna á sófanum. Þegar börnin eru á
leikskóla og maðurinn í vinnu situr Drífa önnum kafin við lærdóminn. FRÉTTABLAÐIÐ/AUÐUNN
Sjónvörp, mynd-
lykla og önnur
heimilistæki ætti
alltaf að taka úr
sambandi áður en
farið er að sofa til
þess að draga úr
eldhættu. Þeim sem
finnst of mikið mál
að taka allt úr sam-
bandi geta fengið fjöltengi með rofa og
þá á að vera nóg að slökkva á honum.
Myndarammar
fást nú á hálfvirði í
Rúmfatalagernum og
alveg tilvalið að fjárfesta
í nokkrum, fara í gegn-
um fjölskyldumyndirnar
og velja þær bestu úr
og skreyta svo veggina
með sínum nánustu.
Það er nefnilega eitt-
hvað svo heimilislegt
við það.
Púðar í einhverjum
fallegum litum í sófan-
um og nýjar gardínur
í stíl geta gjörbreytt
stofunni. Skemmti-
legt sturtuhengi og
gólfmotta geta gert
það sama fyrir baðher-
bergið. Oft þarf mjög
lítið til þess að breyta
heildarmyndinni og
gera allt eins og nýtt.
Útsala !!
Áklæði - Slip cover til sölu og leigu, rúmteppi,
brúðarvörur, skreytingar og margt fl eira !!
Sófalist, Garðatorgi, Garðabæ s. 553 0444, www.sofalist.is
Matreiðslunámskeið
Heimsreisa bragðlaukanna
kynnist framandi kryddum oglærið að matreiða
holla og ljúffenga grænmetisrétti á einfaldan máta.
Nánari upplýsingar á modirnattura.is og í síma 862-8296.
Kennarar: Valentína Björnsdóttir og Karl Eiríksson.
Staður: Hússtjórnarskóli Reykjavíkur
Eins dags námskeið
Dagana: 26 janúar, 2 febrúar, 9 febrúar 16 febrúar.
Tími: Kl 10-15.