Fréttablaðið - 21.01.2008, Blaðsíða 37

MÁNUDAGUR 21. janúar 2008 21
Kiefer Sutherland losnar úr
fangelsi á mánudagsmorgun.
Leikarinn hóf 48 daga afplánun sína
5. desember eftir að hafa
brotið skilorð sitt með
því að aka undir áhrifum
áfengis. Sutherland þykir
hafa hegðað sér vel í
fangelsinu, þar sem
hann þurfti að
eyða jólunum
og halda upp á
afmæli sitt. „Hann er ekki ánægður
hérna en það sést á hegðun hans
að hann sér eftir að hafa brotið af
sér og hann tekur fulla ábyrgð á
gjörðum sínum,“ sagði talsmaður
fangelsisins.
Leikarinn Ian McKellen skrifar á
bloggsíðu sinni um kynni sín af Brad
Renfro, sem lést á dögunum, aðeins
25 ára. Þeir léku saman í myndinni
Apt Pupil og ber McKellen Renfro
vel söguna. „Hann var góður leikari
og þegar við unnum saman var
hann staðráðinn í að njóta almennr-
ar viðurkenningar. Eins og
Todd, hinn þjáði unglingur
í Apt Pupil, átti hann við
innri ára að stríða. Hann
var aðeins 25 ára og
það er hræðilegt að
vita til þess hverju
hann hefði getað
áorkað,“ sagði
McKellen.
FRÉTTIR AF FÓLKI
Laura McLaughlin, tuttugu ára
guðdóttir Sir Alex Ferguson,
knattspyrnustjóra Manchester
United, segist ganga með barn
Pete Doherty. Þau eru þó ekki
saman, því Doherty hefur upp á
síðkastið ítrekað verið orðaður
við nítján ára gamla fyrirsætu,
Portiu Freeman að nafni.
McLaughlin segir í viðtali við
News of the World að Pete viti af
barninu, en að þau talist bara við í
síma. Doherty hefur neitað þessu,
og segir í gegnum talsmann sinn
að hann þekki enga Lauru
McLaughlin. Hann á fyrir soninn
Astile, fjögurra ára, með Lisu
Moorish.
Pete að
verða pabbi
KANNAST EKKI VIÐ BARNIÐ Pete
Doherty segist ekki þekkja neina Lauru
McLaughlin. Hún kveðst ganga með
barn hans. NORDICPHOTOS/GETTY
Sjoppum fækkar ört á
Íslandi. Hver af öðrum
gefast sjoppueigendur upp
fyrir harðri samkeppni
klukkubúða og bensínstöðva.
Sjoppur sem enn hafa opið
berjast með því að víkka
starfssvið sitt, eru með
videóleigu og grill. Í
Hjartarbúð á Suðurlands-
braut ræður Ólafur Oddgeir
Sigurðsson ríkjum og hefur
gert í ellefu ár.
„Já, það hafa mjög margar
sjoppur hætt á síðustu tíu til
fimmtán árum,“ segir Ólafur.
„Það er orðið allt annað
landslag í verslunarrekstri.
Það sem hefur bjargað mér er
að ég hef staðið vaktina
sjálfur. Ég opna klukkan átta
og hef opið til sjö, og ellefu til
fjögur á laugardögum. Mér
sýnist að sjoppur fari fljótlega
á hausinn ef eigendurnir
vinna ekki í þeim. Með því að
vinna hér sjálfur hefur mér
tekist að halda verðinu niðri.
Verðið hér er ekkert sjoppu-
verð, meira eins og hjá
kaupmanninum á horninu.“
Ólafur segist ekki ætla að
bæta videóleigu við rekstur-
inn – „enda skilst mér að það sé deyjandi fyrirbæri,“
segir hann. „Ég er með lottó sem trekkir og samlok-
ur. Það var meira um rennandi traffík einu sinni. Nú
staldra margir lengur við, lesa
blöðin og fá sér kaffi. Ég býð
upp á ókeypis kaffi allan
daginn. Kúnnarnir eru sirka
90 prósent fólk sem vinnur
hér í fyrirtækjunum í kring.
Maður þekkir flesta með
nafni, þetta eru allt orðnir
vinir manns. Það má eiginlega
segja að ég sé í þessu
ánægjunnar vegna.“
Sjoppueigandinn Ólafur
lítur á sig sem verslunar-
mann. „Ég byrjaði hjá Silla og
Valda árið 1964. Það var miklu
meira gaman í þessu þá – en
kannski er það nú bara
fortíðarþrá í mér. Ég byrjaði
sem sendill á sérstöku
sendlahjóli. Í búðinni var
osturinn skorinn niður og
seldur eftir máli og rúsínurn-
ar vigtaðar. Eftir að Silli og
Valdi hættu tók ég við einni
búðinni þeirra og var með
Verslun Óla Geirs á Hring-
braut í fimm ár.“
Ólafur segist ekki hafa
neina sérstaka skoðun á
lýsingarorðinu „sjoppulegur“
sem er orðið fast í málinu og
aðspurður hvort hann hyggist
færa sig upp á skaftið í
verslunarrekstri hlær hann og segir: „Ég held nú að
Baugur þurfi ekki að hafa neinar áhyggjur. Það er
ekki yfirtökutilboð á leiðinni frá mér.“ - glh
Þekkir flesta með nafni
EINN FÁRRA SJOPPUEIGENDA SEM EFTIR ERU Ólafur
Oddgeir Sigurðsson stendur vaktina í Hjartarbúð á
Suðurlandsbraut. Hann segir að sjoppur fari fljótlega á
hausinn ef eigendurnir vinna ekki sjálfir í þeim.

FR
ÉT
TA
B
LA
Ð
IÐ
/A
U
Ð
U
N
N