Fréttablaðið - 21.01.2008, Blaðsíða 48
GÓÐAN DAG!
Sólarupprás Hádegi Sólarlag
Reykjavík
Akureyri
Heimild: Almanak Háskólans
SÍMANÚMER FRÉTTABLAÐSINS: 512 5000, fax: 550 5099 Ritstjórn: 512 5313, fax: 512 5301, ritstjorn@frettabladid.is
DREIFING: dreifing@posthusid.is Auglýsingadeild: auglysingar@frettabladid.is Veffang: visir.is
VIÐ SEGJUM FRÉTTIR SMÁAUGLÝSINGASÍMINN ER 512 5000
BAKÞANKAR
Þráins
Bertelssonar
Í dag er mánudagurinn
21. janúar, 21. dagur ársins.
10:41 13:39 16:37
10:44 13:23 16:04
Af einhverjum ástæðum leitar ákveðin dæmisaga aftan úr
forneskju á hugann. Sumir segja
að þessi dæmisaga sé samin af
Æsóp sem var þræll hjá Grikkjum
um miðja sjöttu öld fyrir fæðingu
Krists. Sagan fjallar um björn og
býflugur og er svona:
BJÖRN nokkur varð fyrir
býflugubiti. Sársaukinn gerði
björninn svo reiðan að hann leitaði
uppi býflugnabúið og velti því um
koll. Við þessa árás fauk í býflug-
urnar og þær réðust á björninn og
stungu hann af slíkri heift að hann
lagði á flótta og átti fótum fjör að
launa. Þar sem björninn sat og
sleikti sár sín fór ekki hjá því að
sú hugsun læddist að honum að
skynsamlegra hefði verið að
umbera eina misgjörð í stað þess
að kalla yfir sig með ofstopa þús-
und árásir miklu verri.
ÞESSA dæmisögu hefur Æsóp
hugsanlega samið með það í huga
að vara birni framtíðarinnar við
því að beita afli sínu með óskyn-
samlegu offorsi. Samt hefur trú-
lega aldrei hvarflað að honum að
nokkur björn ætti eftir að beita
kröftum sínum til að breyta dóms-
kerfi samfélagsins í unglinga-
vinnu til að gleðja sextugan vopna-
bróður sinn. Né heldur að einhver
padda ætti eftir að stinga þann
björn í bakið sem helst voru
bundnar vonir við að gæti með tíð
og tíma orðið dugandi býflugna-
bóndi.
FORNAR dæmisögur eru heill-
andi vegna þess að þær segja
okkur að eðli manna og dýra hefur
furðulítið breyst þótt árþúsund
líði. Ennþá misbeita grunnhyggnir
birnir afli sínu og kalla yfir sig
andúð heilla þjóða. Ennþá reita
litlar býflugur stóra birni til reiði
jafnvel þótt þær eigi það á hættu
að reiðin beinist að býflugnabúinu
sem varðveitir hunangið sem
nærir þær.
HINN augljósi boðskapur þessar-
ar fornu dæmisögu er að það sé
skynsamlegt fyrir bæði birni og
býflugur að halda ró sinni.
Nákvæmlega eins og forsætisráð-
herrann segir núna að sé svo
mikilvægt til þess að það fari ekki
allt til fjandans hérna í litla
býflugnabúinu okkar.
BOÐSKAPURINN getur líka
verið sá að birnir og býflugur sem
afla hunangs með svo ólíkum
aðferðum verði seint til friðs hvað
svo sem allri skynsemi líður – og
öllum ráðleggingum um að halda
ró sinni. Djúpvitur maður, þrællinn
Æsóp.
Birnir og
býflugur