Fréttablaðið - 22.01.2008, Blaðsíða 4

4 22. janúar 2008 ÞRIÐJUDAGUR















  


NÝR MEIRIHLUTI Í BORGARSTJÓRN
MÁLEFNASAMNINGUR
■ Reykjavíkurflugvöllur verður
sýndur í óbreyttri mynd í
aðalskipulagi meðan rannsóknir
standa yfir á nýju vallarstæði.
■ Leitað verður leiða til að varð-
veita 19. aldar götumynd Lauga-
vegarins og miðborgarinnar eins
og kostur er.
■ Framkvæmdir hefjist sem fyrst
við gatnamót Miklubrautar og
Kringlumýrarbrautar.
■ Staðarvali og undirbúnings-
vinnu vegna lagningar Sunda-
brautar verði lokið sem fyrst.
■ Almenningssamgöngur verði
efldar.
■ Fjölgun hjúkrunarrýma og þjón-
ustuíbúða fyrir aldraða.
■ Efling og samþætting heima-
þjónustu og heimahjúkrunar.
■ Tekjumörk vegna niðurfellingar
fasteignaskatta fyrir elli- og
örorkulífeyrisþega verða hækk-
uð verulega.
■ Fasteignaskattar á íbúðarhús-
næði lækkaðir á árinu.
■ Félagslegum leiguíbúðum verði
fjölgað um 100 á ári.
■ Framboð lóða fyrir fjölskyldur
og atvinnurekstur verði tryggt.
■ Þjónusta leikskóla og grunnskóla
verði aukin og faglegt og fjár-
hagslegt sjálfstæði þeirra styrkt.
■ Öryggi í miðborg Reykjavíkur
verði aukið.
■ Átak í merkingu og varðveislu
sögufrægra staða.
■ Lögð áhersla á verndun óspilltrar
náttúru og dregið úr mengun.
■ Orkuveita Reykjavíkur og orku-
lindir hennar verða áfram í eigu
almennings.
„Svona utan frá
séð virkar þetta á
mig sem ofboðsleg
gengisfelling heiðar-
legra og málefna-
legra stjórnmála. Ég
á hreinlega eftir að
láta segja mér það
einu sinni eða tvisvar
í viðbót að Sjálfstæðisflokkurinn ætli
að gera þetta,“ segir Steingrímur J.
Sigfússon, formaður Vinstrihreyfingar-
innar – græns framboðs. - þeb
Steingrímur J. Sigfússon:
Óheiðarlegt
„Það sem gerist
þarna er að sjálf-
stæðismenn ein-
faldlega kaupa Ólaf
með því að afhenda
honum borgarstjóra-
stólinn. Sjálfstæðis-
menn hafa verið
alveg veikir að
komast aftur til valda í borginni og
þannig er með þann flokk að völdin
í Reykjavík eru ekki síður mikils virði
en í landsmálunum, og kannski enn
frekar,“ segir Valgerður Sverrisdóttir,
varaformaður Framsóknarflokksins.
„Þetta er veikur meirihluti að mínu
mati og ég trúi því að hann verði ekki
langlífur. “ - shá
Valgerður Sverrisdóttir:
Keyptu Ólaf F.
„Þetta eru slæm tíð-
indi fyrir borgarbúa
því fráfarandi meiri-
hluti hafði staðið
sig mjög vel og
naut trausts meðal
borgarbúa,“ segir
Ágúst Ólafur Ágústs-
son, varaformaður
Samfylkingarinnar. „Ólafur skuldar
kjósendum frekari skýringar á því
af hverju hann ákveður að sprengja
meirihlutann,“ segur Ágúst. - þeb
Ágúst Ólafur Ágústsson:
Þarf skýringar
„Ég hef engar for-
sendur til að meta
þessa stöðu öðruvísi
en svo að búið sé
að mynda sterkan
meirihluta. Hann er
allavega ekki veikari
en sá sem starfaði
á undan,“ segir Arnbjörg Sveinsdóttir,
þingflokksformaður Sjálfstæðisflokks-
ins. „Vilhjálmur nýtur fullkomins trausts
flokksforystunnar enda hefur hann sýnt
í störfum sínum að hann er traustsins
verðugur. Hann hefur sagst hafa gert
mistök en hann hefur alltaf staðið sig
ákaflega vel sem sveitarstjórnarmaður.“
Arnbjörg Sveinsdóttir:
Nýtur trausts
„Þetta er sú niður-
staða sem við
reyndum að ná strax
eftir borgarstjórnar-
kosningarnar,“ segir
Guðjón Arnar Kristj-
ánsson, formaður
Frjálslynda flokksins.
„Miðað við það sem
lesið var upp af sameiginlegum mark-
miðum í málefnaskrá er ég sáttur við
ýmislegt. Mér finnst Ólafur hafa náð
þó nokkuð miklu fram af því sem
hann stóð fyrir í kosningabaráttunni.“
Guðjón á ekki von á að sú staðreynd
muni hafa áhrif að varamenn Ólafs
styðji ekki nýjan meirihluta. Það sé
þó undarlegt að svo sé. - þeb
Guðjón Arnar Kristjánsson:
Sáttur við ýmislegt
58,5 prósent þeirra sem afstöðu tóku í skoðanakönn-
un Fréttablaðsins 11. janúar sögðust styðja fráfarandi
meirihluta Samfylkingar, Vinstrihreyfingarinnar – græns
framboðs, Frjálslynda flokksins og Framsóknarflokksins.
Sjálfstæðisflokkur fengi sjö borgarfulltrúa, Samfylking
sex og Vinstri græn tvo. Framsóknarflokkur og Frjáls-
lyndi flokkurinn kæmu ekki manni að. Stuðningur við
meirihluta borgarstjórnar hafði aukist lítillega frá könnun
blaðsins, sem gerð var 13. október, tveimur dögum eftir
að tilkynnt var um nýjan meirihluta. Þá sögðust 56,5
prósent styðja nýjan meirihluta.
- shá
FRJÁLSLYNDIR ÚTI SAMKVÆMT SÍÐUSTU KÖNNUN
STJÓRNMÁL Margrét Sverrisdóttir
styður ekki Ólaf F. Magnússon og
mun slíta borgarstjórnarsamstarf-
inu komist hún í aðstöðu til þess.
Margrét hefur sagt við Fréttablaðið
að ef hún komi inn í stað Ólafs F.
muni hún fella stjórnina.
Þegar tilkynnt var um nýjan
meirihluta sagðist Ólafur F. ekki
viss um afstöðu Margrétar. „Það
mun koma í ljós á næstu dögum,“
sagði Ólafur þegar hann var inntur
eftir því hver staða Margrétar
væri. Þegar Fréttablaðið náði tali
af Gísla Marteini Baldurssyni,
borgarfulltrúa Sjálfstæðisflokks-
ins, skömmu eftir að tilkynnt var
um nýjan meirihluta vissi hann
ekki hver afstaða Margrétar væri.
„Við treystum því að Frjálslyndi
flokkurinn vinni farsællega úr
sínum málum,“ sagði hann spurður
um hvort samstarfið væri ekki
ótraust ef varamaður Ólafs styddi
ekki nýja meirihlutasamstarfið.
Einar Mar Þórðarson stjórnmála-
fræðingur segir að borgarfulltrúi
geti ekki komið í veg fyrir að vara-
maður taki sæti hans í fjarveru
sinni. „Margrét er klárlega kosin
varamaður hans og ef hann forfall-
ast eða kemst ekki á fundi tekur
hún sæti hans nema að hún ákveði
annað,“ segir hann. „Hún gæti þá
lagt fram vantrauststillögu á
borgar stjóra eða meirihlutann. En
það er spurning hvort það væri
klókt af henni að gera það ef hún
kæmist inn á einn fund því þá gæti
Ólafur jafnvel leiðrétt það á næsta
fundi. Þetta er vissulega mjög var-
hugaverð staða því Ólafur verður
helst að vera á öllum fundum og
það gæti reynst honum erfitt því
venjulega verður borgarstjóri til
dæmis að vera mikið erlendis.“
Hann segir enn fremur að þótt
Ólafur gengi í Sjálfstæðisflokkinn
breytti það engu um það að Mar-
grét væri varamaður hans.
Þar sem ekki er heimilt sam-
kvæmt lögum að kjósa til borgar-
stjórnar nema á fjögurra ára fresti
gefst ekki kostur á að boða til nýrra
kosninga. „Borgarfulltrúarnir
verða því að mynda borgarstjórn
úr þessum mannskap hvort sem
þeim líkar betur eða verr.“
Viðbrögð núverandi minnihluta
Margrét Sverrisdóttir gagnrýndi
framgöngu Ólafs F. harðlega. „Mér
finnst það mikil vonbrigði að Ólafur
skuli vinna eins og raun ber vitni,
án samráðs við mig og Guðrúnu
Ásmundsdóttur sem er í þriðja
sæti,“ segir Margrét. „Mér finnst
þetta forkastanleg vinnubrögð af
hans hálfu.“
„Mér finnst þetta undirstrika að
Sjálfstæðisflokkurinn neytir allra
meðala til að komast að völdum,“
segir Svandís Svavarsdóttir, borgar-
fulltrúi Vinstri grænna.
jse@frettabladid.is
Margrét styður ekki
nýjan meirihluta
Ólafur F. getur ekki komið í veg fyrir að Margrét Sverrisdóttir taki sæti hans ef
hann kemst ekki til fundar. Hún segist fella stjórnina fái hún tækifæri til þess.
RÁÐHÚSIÐ Fulltrúar gamla meirihlutans,
þau Björn Ingi Hrafnsson, Margrét Sverris-
dóttir, Dagur B. Eggertsson og Svandís
Svavarsdóttir, hittust í Ráðhúsi Reykjavíkur
stuttu eftir að nýr meirihluti hafði tilkynnt
um stjórnarskipti í borginni.
FRÉTTABLAÐIÐ/AUÐUNN