Fréttablaðið - 23.01.2008, Blaðsíða 4
4 23. janúar 2008 MIÐVIKUDAGUR
flugfelag.is
Burt úr bænum
Hópaferðir fyrir öll tilefni
Upplýsingar:
Sími 570 3075
hopadeild@flugfelag.is
REYKJAVÍK
AKUREYRI
EGILSSTAÐIR
FÆREYJARVESTMANNAEYJAR
ÍSAFJÖRÐUR
GRÆNLAND
VOPNAFJÖRÐUR
ÞÓRSHÖFN
GRÍMSEY
NARSARSSUAQ
KULUSUK
CONSTABLE POINT
NUUK
GENGIÐ 22.01.2008
GJALDMIÐLAR KAUP SALA
HEIMILD: Seðlabanki Íslands
128,39
GENGISVÍSITALA KRÓNUNNAR
66,95 67,27
130,57 131,21
96,99 97,53
13,017 13,093
12,045 12,115
10,213 10,273
0,6292 0,6328
105,41 106,03
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR
STJÓRNMÁL Margrét Sverrisdóttir,
varamaður Ólafs F. Magnússonar í
borgarstjórn Reykjavíkur, ætlar
sér ekki að styðja meirihluta Sjálf-
stæðismanna og F-lista. „Stolt mitt
er meira en svo að ég geti tekið
svona framkomu í minn garð þegj-
andi og hljóðalaust,“ sagði Mar-
grét en hún var ekki höfð með í
ráðum þegar Ólafur myndaði
meirihlutann. „Ég geri mér grein
fyrir því að ég verð að líkindum
tiltölulega áhrifalaus en tel þetta
samt vera rétta ákvörðun. Ég tel
framgöngu Ólafs óheiðarlega og
einkennast af valdabrölti,“ sagði
Margrét.
Ólafur segist ekki hafa aðra trú
en að Margrét styðji þann mál-
efnasamning sem nýr meirihluti
ætli sér að vinna eftir. „Ég trúi
ekki öðru en að Margrét sé tilbúin
að vinna eftir stefnuskránni sem
er að stórum hluta byggð á helstu
forgangsmálum okkar í F-listan-
um. Að því leyti trúi ég því að
Margrét styðji þennan meiri-
hluta,“ sagði Ólafur í gær.
Eins og greint var frá í fjölmiðl-
um í gær ætlar Margrét Sverris-
dóttir, sem er í öðru sæti á lista
Frjálslyndra og óháðra, ekki að
styðja meirihlutasamstarf Sjálf-
stæðisflokksins og F-lista, sem
kynnt var á blaðamannafundi á
Kjarvalsstöðum. Ólafur verður
borgarstjóri fyrst um sinn en Vil-
hjálmur á seinni hluta tímabilsins
sem eftir er af kjörtímabilinu.
Ólafur sagðist vonast til þess að
Margrét færi yfir stefnu F-listans
og bæri hana saman við málefna-
samninginn sem Ólafur hefði gert
við Sjálfstæðismenn. „Samningur-
inn sýnir hversu langt Sjálfstæð-
ismenn voru tilbúnir að ganga til
þess að fá okkur til samstarfs.
Áherslur okkar og Sjálfstæðis-
manna eru líkar. Af þrettán helstu
forgangsmálum okkar fyrir síð-
ustu kosningar er mörg að finna í
þeim sautján atriðum sem koma
fram í okkar samningi.“
Margrét er ósammála Ólafi og
segist líta svo á að hún sé óháður
borgarfulltrúi. Hún segist ekki
styðja samstarf við Sjálfstæðis-
flokkinn undir forystu Vilhjálms.
Borgarfulltrúar Samfylkingarinn-
ar, Vinstri grænna og Framsókn-
arflokksins, ásamt Margréti og
Guðrúnu Ásmundsdóttur, sem var
í þriðja sæti á lista F-listans fyrir
síðustu kosningar, sendu frá sér
yfirlýsingu í gær þar sem fram
kemur að þau muni haga málflutn-
ingi sínum eins.
magnush@frettabladid.is
Trúir því að Margrét
styðji meirihlutann
Ólafur F. Magnússon, verðandi borgarstjóri, segist ekki trúa öðru en að Margrét
Sverrisdóttir styðji nýjan meirihluta Sjálfstæðisflokksins og Frjálslyndra og
óháðra. Valdabrölt og óheiðarleiki, segir Margrét Sverrisdóttir. Styður ekki Ólaf.
ÓLAFUR F. MAGNÚSSON Kveðst trúa því að
málefnasamningur nýs meirihluta sé þess
eðlis að Margrét Sverrisdóttir sé reiðubúin
að vinna eftir honum. FRÉTTABLAÐIÐ/AUÐUNN
MARGRÉT SVERRISDÓTTIR Styður ekki Ólaf.
FRÉTTABLAÐIÐ/GVA
KJARAMÁL Grétar Þorsteinsson,
forseti Alþýðusambands Íslands,
ASÍ, segir að viðræðurnar um
sameiginlegar kröfur landssam-
bandanna innan ASÍ og Flóa-
bandalagsins séu í eðlilegum
farvegi gagnvart Samtökum
atvinnulífsins. Viðræðuhóparnir
hafi verið að vinna í því, sum
mál séu langt komin, önnur
skemur og ekki líti vel út með
sum.
„Ég geri ráð fyrir að þegar við-
ræðum um sameiginlegar kröfur
á vettvangi Alþýðusambandsins
lýkur þá séu menn með einhvern
pakka sem hafi náðst. Menn
klára mál og þau liggja þar til
allur pakkinn er afgreiddur,“
segir hann og bendir á að nokkuð
þétt fundahöld hafi verið hjá
Starfsgreinasambandinu,
Flóabandalaginu og Samtökum
atvinnulífsins hjá ríkissátta-
semjara. - ghs
Forseti Alþýðusambandsins:
Viðræðurnar
eru í farvegi
SERBÍA, AP Búist er við hörðum
slag fyrir seinni umferð forseta-
kosninganna í Serbíu 3. febrúar
næstkomandi þegar Boris Tadic
forseti, sem hlynntur er aðild að
Evrópusambandinu, keppir við
Tomislav Nikolic, harðan
þjóðernissinna sem vill frekar
treysta á Rússland en Evrópu-
sambandið.
Nikolic hlaut 39 prósent í fyrri
umferð kosninganna nú á
sunnudag, en Tadic hlaut 35
prósent.
Nikolic, sem var á sínum tíma
náinn samstarfsmaður Slobodans
Milosevic hefur hins vegar - ólíkt
Tadic - heitið hörðum aðgerðum
gegn ríkjum, sem viðurkenna
sjálfstæði Kosovo. - gb
Nikolic og Tadic keppa:
Mjótt verður á
mununum
FÆR SÉR TERTUSNEIÐ Nikolic hélt upp á
sigurinn í gær. FRÉTTABLAÐIÐ/AP
Maður fannst á Kleifarheiði
Lögreglan á Patreksfirði fékk í fyrri-
nótt tilkynningu um að maður sem
hugðist fara yfir Kleifarheiði hefði ekki
skilað sér á tilsettum tíma. Björgunar-
sveitin Blakkur á Patreksfirði og
Hjálparsveitin Lómafell á Barðaströnd
fundu manninn á heiðinni og amaði
þá ekkert að honum.
LÖGREGLUFRÉTTIR
STJÓRNMÁL Geir H. Haarde, for-
maður Sjálfstæðisflokksins, kom
ekki að myndun nýs meirihluta í
borginni en veitti nýja meirihlut-
anum blessun sína á mánudag.
Hann segir breytingar í borginni
ekki hafa áhrif á ríkisstjórnarsam-
starfið.
„Mér var sagt frá þessu [á mánu-
dag], það er auðvitað ekki þannig
að menn þurfi að leita leyfis hjá
forystu flokksins, hvorki í Reykja-
vík eða annars staðar,“ segir Geir.
„Ég sagði við þá [borgarfulltrúa
Sjálfstæðisflokksins] að ef þeir
teldu að þetta myndi ganga upp þá
ættu þeir að fara eftir sínu eigin
mati í því,“ segir Geir. Hann segist
bera fullt traust til allra fulltrúa
flokksins í borgarstjórn.
„Ég treysti því og vona að hér sé
að myndast starfhæfur meirihluti
sem getur tekið á málefnum borg-
arinnar með þeim hætti sem nauð-
synlegt er,“ segir Geir. „Ég spáði
því strax fyrir fjórum mánuðum
að fjögurra flokka meirihluti sem
þá var myndaður yrði ekki langlíf-
ur, og það reyndist raunin.“
„Maður vonar auðvitað að þetta
gangi núna, og þessi meirihluti
geti stýrt borginni út kjörtímabil-
ið,“ segir Geir. Spurður hvort hann
telji að það takist segir hann: „Ég
veit svo sem ekki meira um það en
aðrir, en auðvitað vona ég það.“
Spurður hvort Vilhjálmur Þ. Vil-
hjálmsson njóti trausts borgarbúa
eftir það sem á undan hefur gengið
ítrekar Geir að Vilhjálmur njóti
síns trausts: „Hann er búinn að
fara í gegnum það sjálfur, sín mis-
tök í málinu sem þá var uppi. Ég
hef engu við það að bæta.“ - bj
Geir H. Haarde fékk að vita um myndun nýs borgarstjórnarmeirihluta á mánudag:
Vona að þetta gangi núna
ÍSAFJÖRÐUR Lögreglan á Ísafirði
stöðvaði ökumann á áttunda
tímanum í gærmorgun sem
grunaður var um akstur undir
áhrifum fíkniefna. Var maðurinn
stöðvaður við reglubundið
eftirlit í miðbæ Ísafjarðar og
færður á lögreglustöð til
sýnatöku. Var honum sleppt að
því loknu en gert að hætta akstri.
Er þetta eitt margra tilfella
þar sem nýr búnaður lögreglunn-
ar kemur að góðum notum en frá
því lögreglan á Ísafirði fékk
svokallað fljótvirkt fíkniefna-
greiningartæki hafa afskipti
hennar af ökumönnum sem
grunaðir eru um akstur undir
áhrifum lyfja aukist stórlega.
- ovd
Nýr búnaður gagnast vel:
Taka fleiri fyrir
lyfjaakstur
SÁDI-ARABÍA, AP Sádi-arabískar
konur mega nú dvelja á hótelum
án karlkyns fylgdarmanns
samkvæmt ákvörðun viðskipta-
ráðuneytisins í Sádi-Arabíu.
Dagblaðið Al-Watan segir
ráðuneytið hafa sent tilmæli til
hótela um að þau leigi konum
herbergi jafnvel þótt þær séu
einar. Í dagblaðinu eru viðtöl við
konur sem segja þetta bann hafa
valdið sér miklum vandræðum.
Ein kona lýsti því þegar henni var
neitað seint um kvöld um hótel-
herbergi. Önnur lenti í vandræð-
um þegar eiginmaðurinn henti
henni og dætrum þeirra út og
þeim var vísað út af hóteli. - sdg
Réttindi kvenna í Sádi-Arabíu:
Mega vera ein-
ar á hótelum
GEIR H.
HAARDE