Fréttablaðið - 23.01.2008, Blaðsíða 6
6 23. janúar 2008 MIÐVIKUDAGUR
Opið 10-20 virka daga Laugard. 10-18 Sunnud. 12-18
Allt á sinn stað ...
©
In
te
r I
KE
A
Sy
st
em
s B
.V
. 2
00
8
3.490,-/3 í pk.
TRONES skóskápar
B51xD18, H39 cm
... í forstofunni
SUÐURNES Nokkurt annríki var hjá
lögreglu og björgunarsveitar-
mönnum á Suðurnesjum í gær og
fyrrinótt. Í höfninni í Njarðvík
slitnaði 180 tonna bátur, Tjalda-
nes GK-525, frá bryggju og rak
upp í fjöru. Náðist hann aftur á
flot og að bryggju. Þá fór
báturinn Sunna Líf KE á hliðina í
Keflavíkurhöfn og sökk skömmu
síðar. Var ákveðið að bíða
hagstæðra sjávarfalla til að ná
bátnum upp.
Nokkur útköll voru þar sem
þakplötur, girðingar og sólhýsi
fuku. Þegar líða tók á daginn
fækkaði útköllum í takt við
batnandi veður. - ovd
Veðurhamur á Suðurnesjum:
Bátur sökk í
Keflavíkurhöfn
Fíkniefni í Reykjanesbæ
Lögreglan á Suðurnesjum stöðvaði
tvo ökumenn, grunaða um akstur
undir áhrifum fíkniefna. Var annar
mannanna stöðvaður á mánudags-
kvöldið en hinn í gær. Voru mennirnir
færðir á lögreglustöð til yfirheyrslu.
LÖGREGLUFRÉTTIR
Þak við að fjúka í Eyjum
Þak tók að losna á húsnæði Neta-
gerðar Ingólfs í Vestmannaeyjum í
gærmorgun. Losnaði þakið vegna
veðurhamsins í Eyjum en þar sem
þakið er nokkuð stórt þurfti allt til-
tækt lið til að festa það niður að nýju.
STJÓRNSÝSLA Í þriðju málsgrein 24.
greinar sveitarstjórnarlaga, um
varamenn í sveitarstjórnum,
kemur fram að varamenn oddvita
á sameiginlegum lista stjórnmála-
flokka og samtaka þurfi ekki endi-
lega að vera þeir sem komi næst á
eftir oddvitanum á lista. Skipti þá
höfuðmáli hvaða flokki fulltrúar
tilheyri.
Lögspekingar sem Fréttablaðið
ræddi við í gær voru sammála um
að ólíklegt væri að ákvæðið ætti
við í tilfelli framboðs Frjálslyndra
og óháðra en það krefðist þó ítar-
legri skoðunar. Er þá sérstaklega
átt við það hvort möguleiki sé að
Margrét Sverrisdóttir þurfi ekki
endilega að vera varamaður Ólafs
F. Magnússonar í F-lista Frjáls-
yndra og óháðra heldur hugsan-
lega einhver annar, þar sem um
sameiginlegt framboð Frjáls-
lyndra og óháðra er að ræða.
Ákvæðið var sett inn í lögin á
sínum tíma vegna sameiginlegra
framboða margra flokka undir
sama hatti, til dæmis R-listans.
Kristbjörg Stephensen borgar-
lögmaður og Ólafur Hjörleifsson,
skrifstofustjóri borgarstjórnar,
hölluðust að því að næsti maður á
lista, það er Margrét, kæmi inn
sem varamaður fyrir Ólaf. Sögðu
þau málið krefjast skoðunar.
Í sama streng tóku Róbert
Ragnar Spanó lagaprófessor og
Trausti Fannar Valsson, kennari
við lagadeild Háskóla Íslands og
doktorsnemi. „Þetta er athyglis-
vert álitamál,“ sagði Trausti
Fannar. - mh
Sveitarstjórnarlög er varða varamenn fulltrúa hjá sameiginlegum framboðum:
Óljós lög gagnvart óháðum
ÁKVÆÐIÐ
Nú næst ekki samkomulag milli
stjórnmálaflokka eða samtaka
sem standa að sameiginlegum
lista, og skulu þá þeir vara-
menn listans, sem eru úr sama
stjórnmálaflokki eða samtökum
og aðalmaður sá sem um er að
ræða, taka sæti hans í sveitar-
stjórn í þeirri röð sem þeir voru
kosnir án tillits til þess hvar þeir
annars eru í röð varamanna. Sé
enginn úr hópi varamanna slíks
lista í sama stjórnmálaflokki
eða samtökum og aðalfulltrúinn
sem í hlut á var þegar kosning
fór fram taka varamenn listans
sæti samkvæmt venjulegum
reglum.
BORGARMÁL Ólafur F. Magnússon,
oddviti F-lista, og tveir borgar-
fulltrúar Sjálfstæðisflokksins,
þeir Vilhjálmur Þ. Vilhjálmsson
og Kjartan Magnússon, gengu frá
málefnasamningi nýs meirihluta
í borgarstjórn Reykjavíkur.
Ólafur F. Magnússon staðfesti
þetta í samtali við Fréttablaðið í
gær. „Það komu engir fleiri að
þessari vinnu enda kom málefna-
samningurinn mjög seint fram.
Þetta fæddist fljótt þegar fram
komu væntingar um það að hin
góða stefnuskrá sem F-listinn
lagði fram fyrir síðustu borgar-
stjórnarkosningar gæti verið
mjög áberandi þáttur í stefnuskrá
nýja meirihlutans.“ Ólafur telur
enga óánægju vera á meðal borg-
arfulltrúa Sjálfstæðisflokksins
þrátt fyrir að þeir hafi ekki átt
beinan þátt í gerð samningsins
„enda er blásið til samstarfsins á
jafnréttisgrundvelli. Það var
kannski ekki ástæða til að mun
fleiri aðilar færu ofan í saumana
á þessu frá öðrum samstarfs-
flokknum heldur en hinum.“ Ólaf-
ur segir þrettán af sautján stefnu-
málum málaefnasamningsins að
finna í stefnuskrá F-listans og er
afar sáttur við niðurstöðuna.
Vilhjálmur Þ. Vilhjálmsson,
segir að vinnan við málefnasamn-
inginn hafi verið á ábyrgð hans
og Ólafs F. og staðfestir að borg-
arfulltrúar Sjálfstæðisflokksins
hafi ekki allir komið að þeirri
vinnu. Vilhjálmur gaf ekki upp
hverjir borgarfulltrúanna komu
að því að semja málefnasamning-
inn en segir engan ágreining hafa
verið um hann.
Eins og fram hefur komið hitt-
ust Kjartan Magnússon og Ólafur
F. Magnússon á heimili þess fyrr-
nefnda á mánudagsmorgun.
Frumkvæðið var Kjartans. Fund-
urinn þróaðist úr þreifingum í
meirihlutamyndunarviðræður
þegar á daginn leið og í kjölfarið
var málefnasamningur dreginn
upp. Plaggið var kynnt borgar-
fulltrúum og varaborgarfulltrú-
um Sjálfstæðisflokksins á fundi
klukkan hálf fimm í gær, sam-
kvæmt heimildum Fréttablaðs-
ins. Engar athugasemdir voru
gerðar við innihald þess af
borgarfulltrúum Sjálfstæðis-
flokksins.
Samkvæmt heimildum Frétta-
blaðsins hafði Vilhjálmur fullt
umboð borgarfulltrúanna til
samningaviðræðna við Ólaf enda
hafi það verið rætt innan hópsins
í nokkurn tíma hvaða áherslur
yrðu settar fram kæmi sú staða
upp að Ólafur vildi koma til sam-
starfs og fella sitjandi meirihluta.
Þar á meðal um lendingu í mál-
efnum Reykjavíkurflugvallar,
sem helst hefur verið deilt um
milli F-listans og Sjálfstæðis-
flokksins. svavar@frettabladid.is
Þrír borgarfulltrúar
drógu upp málaskrá
Ólafur F. Magnússon, oddviti F-lista, og þeir Vilhjálmur Þ. Vilhjálmsson og
Kjartan Magnússon, gengu frá málefnasamningi nýs meirihluta. Borgarfull-
trúar segja Vilhjálm hafa haft fullt umboð til að ræða við Ólaf um samstarf.
MÁLEFNASAMNINGUR KYNNTUR Vilhjálmur Þ. Vilhjálmsson og Ólafur F. Magnússon
báru hitann og þungann af því að setja saman málefnaskrá nýs meirihluta. Kjartan
Magnússon borgarfulltrúi kom einn að þeirri vinnu af öðrum borgarfulltrúum Sjálf-
stæðisflokksins. FRÉTTABLAÐIÐ/VILHELM
Styður þú nýmyndaðan meiri-
hluta í borgarstjórn?
Já 29,8%
Nei 70,2%
SPURNING DAGSINS Í DAG:
Telur þú að nýr meirihluti í
Reykjavík sitji út kjörtímabilið?
Segðu skoðun þína á
SVEITARSTJÓRNIR Aðsókn hefur
dregist verulega saman og
reksturinn farið á verri veg á
síðustu tveimur árum hjá
Fjölskyldu- og húsdýragarðinum í
Laugardal:
„Fjárfestingar í leiktækjum
sem ekki hafa skilað tilætluðum
árangri, minnkandi, aðsókn,
veðurfar og aukin samkeppni eru
ástæður sem stjórnendur hafa
tiltekið sérstaklega vegna lakrar
rekstrarstöðu,“ segir í greinar-
gerð innri endurskoðanda um
málefni Fjölskyldu- og húsdýra-
garðsins.
Tæplega 209 þúsund gestir
sóttu Húsdýragarðinn árið 2002
en árið 2006 voru gestirnir 158
þúsund. Áætlað er að gestirnir í
fyrra hafi verið 184 þúsund. - gar
Samkeppni og vont veður:
Slæmir tímar í
Húsdýragarði
ATVINNUMÁL „Það bendir allt til
þess að það þurfi heldur meira til
svo að slys á Pólverjum og öðrum
útlendingum séu tilkynnt,“ segir
Kristinn Tómasson, yfirlæknir hjá
Vinnueftirlitinu.
Samkvæmt tölum frá Vinnueft-
irlitinu frá árinu 2005 var tilkynnt
um fjórtán slys þar sem Pólverji
hafði beinbrotnað eða hlotið
meiðsl á höfði eða hálsi en í heild-
ina var tilkynnt um þrjátíu slys á
Pólverjum. Það þýðir að um helm-
ingur slysanna flokkast sem alvar-
leg. Rúmlega þriðjungur slysa þar
sem Íslendingur átti í hlut falla í
þann flokk.
„Þetta getur hugsanlega stafað
af þeim erfiðleikum hjá erlendum
starfsmönnum að vekja athygli á
sínu slysi,“ segir Kristinn. „Við
vitum því miður dæmi þess að
erlendur starfsmaður hafi slasast
í vinnunni en ákveðið að þrauka. Í
því tilfelli var það svo samvisku-
samur vinnuveitandi sem fékk
upplýsingar um það annars staðar
frá og tilkynnti um slysið.
Að vissu leyti skil ég þetta. Þetta
eru menn sem eru komnir til að
vinna og ef þeir forfallast getur
það rústað þeirra áætlunum. En
við verðum að gera þeim ljóst að
hér gilda almenn mannúðarsjón-
arsjónarmið og fá þá til að treysta
því.“
Vinnueftirlitið hefur hannað
bæklinga á fjölmörgum tungumál-
um þar sem erlendum starfsmönn-
um eru kynnt réttindi sín. - jse
Vinnueftirlitið kynnir erlendum starfsmönnum réttindi sín:
Aðeins meiriháttar slys tilkynnt
ERLENDUR STARFSMAÐUR Meira virðist
þurfa til að slys á erlendum starfsmönn-
um séu tilkynnt en íslenskum.
Árekstrar á Egilsstöðum
Nokkuð var um að árekstra bíla á
Egilsstöðum í gær. Samkvæmt upp-
lýsingum lögreglu var enginn þeirra
alvarlegur og urðu engin slys á fólki
en bílarnir skemmdust margir hverjir
þó nokkuð. Mátti rekja ástæður
árekstranna til mjög mikillar hálku.
KJÖRKASSINN