Fréttablaðið - 23.01.2008, Blaðsíða 18
[ ]Sólgleraugu er gott að hafa við höndina í akstri. Sólskin-ið getur blindað og á veturna magnast birtan þegar snjórinn breiðir úr sér og geislarnir glampa á hálkublettum.
Hjólaaðdáendur geta farið í
draumaferð á hina vinsælu
mótorhjólasýningu á Daytona í
Flórída. Fararstjóri er Haf-
steinn Emilsson en hann hefur
farið á sýninguna í áraraðir.
„Þetta er stærsta mótorhjólasýn-
ing og -samkoma í heimi og hefur
verið þarna frá því árið 1932.
Þarna koma saman allir sem
framleiða mótorhjól, aukahluti og
annað. Þeir sýna sína framleiðslu
og má þar nefna Orange County
sem er á Discovery, Arlen Ness
og fleiri svona heimsfræga,“
segir Hafsteinn sem starfar sem
flotastjóri hjá bílaleigunni Geysi
en er forfallinn mótorhjólaaðdá-
andi.
„Það er frekar erfitt að lýsa
þeirri sérstöku stemningu sem
myndast þarna. Á síðasta ári voru
um 600.000 manns og 450.000 mót-
orhjól en þetta er bær sem er á
stærð við Reykjavík og geta menn
því ímyndað sér hvernig stemn-
ingin væri ef þessi hátíð væri hér
í tíu daga,“ segir Hafsteinn kím-
inn. Bærinn er rétt fyrir norðan
Orlando og stendur hátíðin yfir
1.-10. mars. „Ferðin er farin frá 4.
til 12. mars og gist er á Tropical
Winds Oceanfront hótelinu sem
er þriggja stjörnu hótel á Dayt-
ona, alveg í miðbænum. Ég þurfti
að panta gistinguna með árs fyr-
irvara til að vera öruggur með
hana þannig að ég mun bóka gist-
inguna fyrir næsta ár þegar við
förum aftur til baka,“ segir Haf-
steinn glettinn.
Hafsteinn hefur farið á hátíðina
á hverju ári síðan 1999 en hafði
þar á undan farið árið 1991 og
1996. „Nú eru þetta orðnar hóp-
ferðir og hef ég fengið Icelandair
í lið með mér að skipuleggja ferð-
ina. Hægt er að nálgast upplýs-
ingar á heimasíðu Icelandair með
því að velja pakkaferðir og síðan
sérferðir. Það hafa verið allt frá
átta upp í sextíu manns í hópi,“
útskýrir Hafsteinn sem hefur átt
mótorhjól frá því hann var 14 ára,
en hann er 52 ára í dag.
„Upp úr 1999 byrjaði ég að taka
vini og kunningja með og síðan
hef ég reynt að auglýsa þetta eftir
fremsta megni. Mótorhjólaáhugi
á Íslandi er gríðarlega mikill en
það eru á áttunda þúsund mótor-
hjóla skráð á Íslandi,“ segir Haf-
steinn áhugasamur. „Á Daytona
Bike Week eru sýningar, keppnir
og margt fleira. Þarna má í raun
finna allt sem hugur mótorhjóla-
mannsins girnist og allt í efsta
klassa. Hvort sem þú ert á hippa-
eða torfæruhjóli þá er þetta allt
þarna. Ég líki stemningunni oft
við að þetta sé eins og fyrir fót-
boltaáhugamann að fara á úrslita-
leik í ensku knattspyrnunni,“
segir Hafsteinn ákafur. „Þarna
kynnist maður fólki alls staðar að
úr heiminum og oft ólíklegasta
fólki. Ég talaði til dæmis við mann
úti á götu fyrir tveimur árum.
Hann var fúlskeggjaður með sítt
hár og við fórum að ræða um hjól
og annað og barst talið að því
hvaðan við værum. Þá kom úr
kafinu að hann var læknir frá
New York og sagði hann að sam-
starfsmenn sínir á sjúkrahúsinu
vissu að alltaf þegar hann hætti
að raka sig og færi að safna hári
þá væri Daytona Bike Week í
vændum,“ segir Hafsteinn hlæj-
andi.
Þátttaka í ferðunum hefur verið
góð og er alltaf eitthvað nýtt að
sjá. „Það er til dæmis mjög snið-
ugt fyrir fólk sem ætlar að kaupa
sér hjól að fara þarna og skoða
úrvalið og hvað er nýjast hverju
sinni. Hjólin eru svo keypt heima
en oft kaupa menn búnað og þess
háttar úti þar sem það er mun
ódýrara,“ segir Hafsteinn og
hvetur sem flesta mótorhjóla-
áhugamenn til að skella sér með,
jafnt konur sem karla. Hægt er að
hafa samband við Icelandair eða
Hafstein sjálfan. hrefna@frettabladid.is
Allt fyrir mótorhjól
Við vitum ekki hvort þessi dama kom með Icelandair en flugfélagið er í samstarfi við
Hafstein Emilsson og skipuleggur pakkaferð á hátíðina.
Á mótorhjólasamkomunni í Daytona eru sýningar, keppnir og ýmsar hátíðir. Bærinn
er á stærð við Reykjavík en veðrið heldur mildara.
KERRUÖXLAR
Í ÚRVALI
og hlutir
til kerru-
smíða
Vagnhöfða 7
110 Reykjavík
Sími: 517 5000
A u k i n ö k u r é t t i n d i - M e i r a p r ó f
Upplýsingar og innri tun í s íma 567 0300
N æ s t a n á m s k e i ð
h e f s t 9 . j a n ú a r