Fréttablaðið - 23.01.2008, Blaðsíða 28

20 23. janúar 2008 MIÐVIKUDAGUR
menning@frettabladid.is
Kl. 12
Baldvin Esra Einarsson flytur
erindið „Undir eigin oki!: Erindi
um hugleysi, leti og vana“ í
Sólborg, húsnæði Háskólans á
Akureyri, í dag kl. 12. Baldvin
fjallar um átök sín við B.A.-
verkefni frá heimspekiskor
Háskóla Íslands. Ferli Baldvins
við ritgerðarskrifin var sérstakt
þar sem viðfangsefni hans tók
stöðugum breytingum.
Sinfóníuhljómsveit Íslands gerir víðreist um
þessar mundir. Annað kvöld heldur hljóm-
sveitin tónleika á Ísafirði í samstarfi við
Hátíðarkór Tónlistarskóla Ísafjarðar og aðra
vestfirska listamenn. Við sögu koma vestfirsk
tónskáld, einsöngvarar og einleikarar.
Langt er um liðið síðan Sinfóníuhljómsveit-
in heimsótti síðast Vestfirði, en tilefnið að
þessu sinni er 60 ára afmæli Tónlistarskóla
Ísafjarðar. Með sanni má segja að skólinn sá
hafi unnið mikið og gott starf í áranna rás,
enda er Ísafjarðarbær vel þekktur fyrir sitt
öfluga og frumlega tónlistarlíf.
Það er því vel við hæfi að vestfirskir lista-
menn verða áberandi á tónleikunum. Píanó-
leikarinn Anna Áslaug Ragnarsdóttir leikur
einleik í píanókonsert nr. 2 eftir Chopin, flutt
verður ný sinfóníetta eftir tónskáldið Jónas
Tómasson og Ingunn Ósk Sturludóttir syngur
einsöng í Gloriu eftir Francis Poulenc en í
flutningi þess verks tekur einnig þátt hundrað
manna hátíðarkór Tónlistarskólans undir stjórn
Beötu Joó. Hljómsveitarstjóri á tónleikunum
er Bernharður Wilkinson. Tónleikarnir fara
fram í íþróttahúsinu Torfnesi og hefjast kl. 20.
Miðaverð á tónleikana er 2.000 kr.
Í heimsókn sinni vestur á firði leikur Sin-
fóníuhljómsveitin einnig á þrennum skóla-
tónleikum og nær þar með til um 600 barna.
Skólatónleikar og fræðslustarf eru snar þáttur
í starfi hljómsveitarinnar og það er henni því
sönn ánægja að ná fundi skólabarna á norð-
anverðum Vestfjörðum. Efnisskráin á skóla-
tónleikunum er fjölbreytt en verkin eiga öll
sameiginlegt að tengjast veðrinu á einhvern
hátt. Dagskránni verður eflaust tekið fagnandi,
enda má færa fyrir því rök að vestfirsk börn
þekki duttlunga veðurguðanna best íslenskra
barna.
- vþ
Sinfónían leggur land undir fót
BERNHARÐUR WILKINSON Stjórnar
Sinfóníuhljómsveit Íslands á tónleikum
á Ísafirði.
Sýning á hönnun þeirra
Snæfríðar Þorsteins og
Sigríðar Sigurjónsdóttur
verður opnuð í Gallery
Turpentine, Ingólfsstræti 5,
á föstudag kl. 18. Sýningin
kallast Hlutverk.
Á sýningunni má sjá hluti sem
byggjast á mynstrum í atferli, tíma
og rúmi. Mynstur sem tíminn skap-
ar, meðvitaðar og ómeðvitaðar end-
urtekningar og þau frávik sem
ávallt einkenna hið mynstraða ferli
eru á meðal þess sem haft hefur
áhrif á hönnunina.
„Kveikjan að sýningunni voru
niðurstöður rannsókna Dr. Magn-
úsar S. Magnússonar, vísindamanns
og forstöðumanns Rannsóknar-
stofnunar um mannlegt atferli við
Háskóla Íslands. Rannsóknir þess-
ar vöktu athygli okkar vegna þess
að þær vörpuðu ljósi á að hve miklu
leyti hegðun okkar er fyrirfram
forrituð og að við fylgjum vissum
mynstrum í lífi okkar án þess að
gera okkur grein fyrir því. Við not-
uðumst því við hugmyndina um
mynstur og endurtekningu í hönn-
uninni,“ segir Snæfríð.
Hlutirnir á sýningunni eru af
ýmsum toga. Þar má finna hirslur,
grafíska hönnun og tímatöl, svo
eitthvað sé nefnt. Sem fyrr segir
voru mynstur og endurtekningar
hafðar að leiðarljósi við hönnun
hlutanna, en endurtekningin kemur
svo aftur fram í notkun þeirra og
því má segja að hönnunin miði að
því að koma skipulagi á óreiðu
hversdagsins með því að vekja
okkur til meðvitundar um mynstrin
sem við lifum í.
Það heyrir til undantekninga að
almenningi bjóðist að skoða nýja,
íslenska hönnun í minni sýningar-
rýmum á borð við Gallery Turpent-
ine. „Já, þessi sýning er hálfgerð
nýlunda, enda einbeita gallerí sér
oftast að myndlist. En hönnun hefur
verið að sækja í sig veðrið að und-
anförnu og er farin að dansa meira
á mörkum þess að vera myndlist og
hönnun, bæði hérlendis og erlend-
is, og mætti segja að verkin á þess-
arri sýningu væru einmitt þess
eðlis. Því verður spennandi að sjá
hvaða viðbrögð hún vekur,“ segir
Snæfríð.
Þetta er fyrsta eiginlega sam-
starfsverkefni þeirra Snæfríðar og
Sigríðar, en að auki kemur Hildi-
gunnur Gunnarsdóttir samstarfs-
kona þeirra að mörgum verkanna.
„Við Sigríður höfum þekkst lengi
en höfum ekki áður unnið saman.
Við ákváðum þó að fara út í þetta
samstarf þar sem það voru vissar
hugmyndir sem okkur langaði að
koma frá okkur, en það getur verið
erfitt þegar maður er alltaf að
vinna fyrir aðra eins og hönnuða-
starfið vill gjarnan vera.“ Snæfríð
segir samstarfið hafa verið ákaf-
lega skemmtilegt og ekki loku fyrir
það skotið að framhald verið þar á.
„Þegar maður vinnur að verkefni
kvikna óhjákvæmilega nýjar hug-
myndir og nýjar útfærslur sem
mann langar til þess að þróa frekar.
Það getur því vel verið að við höld-
um áfram með þessa vinnu.“
vigdis@frettabladid.is
Mynstur og endurtekning
Áhugaleikhópurinn Hugleikur
frumsýndi leikritið Útsýni eftir
Júlíu Hannam um síðustu helgi.
Útsýni er fyrsta leikrit Júlíu í
fullri lengd, en hún hefur áður
skrifað einþáttunga.
Útsýni gerist á heimili hjónanna
Björns og Svövu með árs millibili
þegar þau taka á móti vinahjónum
sínum, Hlyni og Elínu. Í verkinu
er fylgst með þeim umskiptum
sem verða í lífi persónanna
fjögurra, bæði vegna breytinga á
félagslegri stöðu sem og í
innbyrðis samskiptum. Verkið
fjallar um þanþol vináttu,
hjónabandstraust og öfundsýki.
Leikstjórar verksins eru Rúnar
Lund og Silja Björk Huldudóttir,
en þau hafa bæði starfað með
leikfélaginu í yfir tuttugu ár.
Fyrirhugað er að leikritið verði
sýnt út febrúarmánuð í Möguleik-
húsinu við Hlemm. - vþ
Útsýni tekið
til sýninga
ÍSLENSK HÖNNUN Eitt verka Snæfríðar
og Sigríðar á sýningunni í Turpentine.
Þjóðleikhúsið
um helgina
Afgreiðsla miðasölu á Hverfisgötu er opin frá kl. 12.30–18.00 mán. og þri.
Aðra daga frá kl. 12.30–20.00. Símapantanir frá kl. 10.00 virka daga.
Miðasala í síma 551 1200 og á www.leikhusid.is ÞJÓÐLEIKHÚSIÐ
Vígaguðinn mið 23/1 forsýn. uppselt
fös 25/1 frumsýn. uppselt. lau 26/1 uppselt
Ívanov fös. 25/1 örfá sæti laus.
lau. 26/1 örfá sæti laus. Takmarkaður sýningafjöldi
Konan áður sun 27/1 örfá sæti laus
Leikstjóraspjall að lokinni sýningu
Skilaboðaskjóðan
sun. 27/1 kl. 14 & 17 örfá sæti laus
Gott kvöld, barnasýning
sun 27/1 kl. 13.30. Fáar sýningar eftir
í Þjóðleikhúsið
Ef þú lumar á góðu lagi, hvort
sem þú ert 14 eða 54 ára,
fræg/ur eða ekki þá viljum við
heyra frá þér.
Ef þú lumar á góðu lagi, hvort
sem þú ert 14 eða 54 ára,
fræg/ur eða ekki þá viljum við
heyra frá þér.
í Þjóðleikhúsið
ÞJÓÐLEIKHÚSIÐ
Pönklög óskast
Þjóðleikhúsið, í samstarfi við Rás 2, lýsir eftir tveimur
nýjum pönklögum fyrir söngleikinn Ástin er diskó –
lífið er pönk eftir Hallgrím Helgason. Verkið verður
frumsýnt á Stóra sviðinu í apríl. Leikstjóri er Gunnar
Helgason en tónlistarstjóri Þorvaldur Bjarni Þorvaldsson.
Þegar er búið að semja textana og er þá að finna á
www.leikhusid.is og www.ruv.is ásamt öllum nánari
upplýsingum. Lögunum þarf að skila fyrir 31. janúar.
25 jan uppselt
30 jan örfá sæti laus
27 febrúar
28 febrúar