Fréttablaðið - 23.01.2008, Blaðsíða 38
30 23. janúar 2008 MIÐVIKUDAGUR
1
6 7 8
10
13
119
12
15
16
18
21
20
17
14
19
2 3 4 5
VEISTU SVARIÐ
Svör við spurningum á bls. 8
1 Vilhjálmur Þ. Vilhjálmsson.
2 Álftanesi.
3 Nigella Lawson.
MORGUNMATURINN
LÁRÉTT
2. getraun 6. í röð 8. skil 9. sigað 11.
tveir eins 12. lést 14. mælieining 16.
gat 17. móðuþykkni 18. efni 20. á
fæti 21. auma.
LÓÐRÉTT
1. teikning af ferli 3. í röð 4. laga til 5.
hár 7. súlur 10. traust 13. skilaboð 15.
nýtt ár 16. pota 19. kringum.
LAUSN
LÁRÉTT: 2. gátu, 6. rs, 8. bil, 9. att,
11. ll, 12. fórst, 14. lúmen, 16. op, 17.
ský, 18. tau, 20. tá, 21. arma.
LÓÐRÉTT: 1. graf, 3. áb, 4. tiltekt, 5.
ull, 7. stólpar, 10. trú, 13. sms, 15.
nýár, 16. ota, 19. um.
Ein af eyjunum í Karíbahafinu er Antígva. Þar
búa rúmlega áttatíu þúsund manns í góðu
yfirlæti. Nú hefur finnskur tæknimaður hjá
RÚV, Jan Murtomaa, ákveðið að koma á
menningarsambandi á milli Íslands og
Antígva.
„Ég var á ferðalagi þarna fyrir tveimur árum
og eins og oft þegar ég er einhvers staðar þá
heimsótti ég útvarpsstöðina til að kynna mér
aðstæður,“ segir Jan. „Þar hitti ég fullt af
skemmtilegu fólki, þar á meðal útvarpsstjór-
ann. Á þessum tíma var ég að undirbúa beina
útsendingu frá New York þar sem Andy
Roberts Group spilaði þrjú íslensk lög. Þetta
var í beinni á Rás 2 í fyrra. Fólkið á stöðinni
stakk þá upp á því að eitthvað svipað yrði gert
frá Antígva. Ég hélt að þetta væri nú bara eitt-
hvert grín en áður en ég vissi af var útvarps-
stjórinn búinn að tala við ferðamálaráðherr-
ann sem leist vel á og tók upp budduna.“
Niðurstaðan er því sú að um mánaðamótin
apríl/maí – sem ber upp á „sailing week“,
stærstu ferðavikuna á Antígva – mun elsta
stáltrommuband í heimi, Hell‘s Gate Steel
Drum Orchestra, spila þrjú íslensk lög í
beinni, bæði á Rás 2 og Útvarpi Antígva.
„Þessi hljómsveit hefur verið starfandi á
eyjunni síðan 1945 og í henni eru um 40
manns,“ segir Jan. „Íslensku lögin sem urðu
fyrir valinu eru Vor í Vaglaskógi, Ég stend á
skýi með SSSól og Verum í sambandi með
Sprengjuhöllinni. Peter Fenner, sá sami og
samdi enska textann við Valentine‘s lost, mun
semja enska texta við lögin.“
Jan segir fólk á Antígva lítið sem ekkert
vita um Ísland en sé áfjáð í að kynnast
landinu. „Ferðamálaráðherrann er mjög
spenntur og mjög rausnarlegur. Fyrir utan að
borga fyrir allt sem viðkemur tónleikunum og
útsendingunni ætlar hann að borga fyrir
heljarinnar Íslandskynningu á útvarpsstöð-
inni. Svo verður samkeppni þar sem útvarps-
hlustendur á Antígva geta unnið ferð hingað
og hlustendur Rásar 2 geta unnið ferð til
Antígva. Það verður líka gerð heimildarmynd
um þetta allt saman sem RÚV fær að sýna
endurgjaldslaust.“
Jan segir Antígva frábæran stað og að
upplagt sé að koma á víðtæku menningarsam-
bandi á milli okkar og þeirra. „Þetta er algjör
paradís og auglýsir sig oftast sem rómantísk-
an afslöppunarstað. Ekkert stress og allir
brosandi og vinalegir. Hitinn er alltaf um 30
stig og eyjan sleppur yfirleitt við fellibylji.“
-glh
Íslandskynning á paradísareyju
JAN MURTOMAA Kemur á menningarsambandi milli
Íslands og Antígva. FRÉTTABLAÐIÐ/VILHELM
„Það er heit samloka með skinku
og osti og ég skola þessu niður
með „smoothie“. Það er ein
mesta orka sem ég get fundið.“
Davíð Þ. Olgeirsson, tónlistarmaður.
Íslenska hljómsveitin Muzik Zoo er
ein af þeim sem koma til greina
sem upphitunarsveit á tónleikum
rokkarans Tommy Lee og DJ Aero
á Nasa á föstudaginn. Forsprakki
Muzik Zoo er Ívar Örn Kolbeins-
son sem var áður í hinni alræmdu
sveit Dr. Mister & Mr. Handsome.
Verði giggið að veruleika má telja
líklegt að þeir Ívar
Örn og Tommy
muni skiptast
á hinum
ýmsu
sögum úr
bransan-
um, sem
flestar
yrðu
væntan-
lega stranglega bannaðar börnum.
Fréttamenn og aðrir undruðust
þegar Ólafur F. Magnússon
firrtist við á blaðamannafundi
þegar borin var upp að því er
virðist réttmæt spurning um hvort
hann væri orðinn nægjanlega
heill heilsu til að takast á hendur
annasamt borgarstjórastarf. Bæði
hefur Ólafur verið frá í ár sökum
veikinda auk þess sem varamaður
hans styður gerninginn ekki. Dagur
B. Eggertsson þykist illa svikinn,
ekki bara hvað varðar hin borð-
leggjandi svik, heldur hitt sem ekki
hefur komið fram að Dagur hefur
hjálpað kollega sínum lækninum
Ólafi í hans veikindum á alla lund
og lagði sérstaklega drög að rólegri
endurkomu hans með tilliti til
veikindanna.
Tveir íslenskir kvikmyndagerð-
armenn koma við sögu á Ósk-
arsverðlaunahátíðinni í næsta
mánuði. Tæknibrellumeistarinn
Daði Einarsson vann mikið við
gerð ævintýrakvikmyndarinnar The
Golden Compass og eru tæknibrell-
urnar í þeirri mynd tilnefndar til
Óskarsverðlauna. Þá er kvikmyndin
Mongol frá Kasakstan til-
nefnd í flokknum
besta erlenda
myndin en
Valdís Ósk-
arsdóttir á
heiðurinn að
klippingunni í
þeirri mynd.
FRÉTTIR AF FÓLKI
„Beiðnin kom í morgun og það
kemur maður í fyrramálið [í dag]
til að sækja hana,“ segir Jóhannes
F. Jóhannesson, framkvæmda-
stjóri Merkingar, en fyrirtækið
hefur séð um að merkja skrifstof-
ur æðstu manna í Ráðhúsinu und-
anfarin ár. Og haft í nógu að snú-
ast síðan kosið var síðast í
borgarstjórn.
Eins og flestum ætti að vera
kunnugt hafa verið tíðar manna-
breytingar á skrifstofunum í Ráð-
húsinu og varla liðnir nema þrír
mánuðir síðan Degi B. Eggerts-
syni voru afhent lyklavöldin við
Tjörnina. Á mánudaginn tilkynntu
sjálfstæðismenn og frjálslyndir
að „gamli“ meirihlutinn væri
sprunginn og að Ólafur F. Magnús-
son yrði nýr borgarstjóri höfuð-
borgarbúa. „Þetta er nú ekkert
flókið mál og við erum tiltölulega
snöggir að þessu,“ bætir Jóhannes
við en frá því að Ingibjörg Sólrún
Gísladóttir lét af störfum árið
2003 hafa Reykvíkingar átt fimm
borgarstjóra: þau Þórólf Árnason,
Steinunni Valdísi Óskarsdóttur,
Vilhjálm Vilhjálmsson, Dag B.
Eggertsson og nú loks Ólaf F.
Magnússon. „Ætli það sé ekki bara
einfaldast að senda okkur nöfnin á
öllum borgarfulltrúunum og við
getum þá bara verið með þessi
skilti tilbúin,“ segir Jóhannes í
léttum dúr.
Eins og kom fram í Fréttablað-
inu við síðustu borgarstjóraskipti
í október var myndhöggvarinn
Helgi Gíslason, sem gert hefur
brjóstmyndir af borgarstjórunum,
rétt byrjaður á Markúsi Erni Ant-
onssyni. Og hann, líkt og þeir hjá
Merkingu, hefur í nægu að snúast
á næstu árum enda borgarstjórun-
um nú fjölgað um einn. - fgg
Rífandi bisness í merkingum í Ráðhúsinu
ÞRÍR Á SKÖMMUM TÍMA Jóhannes
Jóhannesson og félagar í Merkingu hafa
haft í nógu að snúast fyrir borgina.
SKIPT UM SKILTI Borgarstjóraskrifstofan
er enn merkt Degi B. Eggertssyni en
nafn Ólafs F. Magnússonar ætti að vera
komið upp eftir fund í borgarráði í dag.
„...fyrst á visir.is“
...ég sá það á visir.is
Íslenski athafnamaðurinn Björgólfur
Thor Björgólfsson hefur með fyrirtæki
sínu Novator keypt ellefu prósenta hlut
í finnska íþróttavörurisanum Amer
Sports Corporation en Novator átti fyrir
lítinn hlut. Jafnframt hefur náðst
samkomulag við fyrirtækið Ajanta um
bandalag innan fyrirtækisins en það á
ellefu prósent í Amer Sports og
samanlagt eiga fyrirtækin því rúman
fjórðungshlut.
Amer Sports er eitt af stærstu
íþróttafyrirtækjum heims og framleiðir
vörur á borð við Salomon-skíði og
Wilson-íþróttavörurnar. Ekki vantar
stórstjörnurnar innan fyrirtækisins en
meðal helstu fánabera þess eru
ruðningskappinn Tom Brady sem fer
fyrir liði sínu, New England Patriots, í
Ofurskálinni í næsta mánuði, tennis-
maðurinn Roger Federer sem hefur
verið nánast einráður á tennisvellinum
undanfarin ár og loks kylfingurinn
Padraig Harrington sem vann Opna
breska mótið í fyrra en það er eitt
stærsta golfmótið á bandarísku og
evrópsku mótaröðinni.
Ásgeir Friðgeirsson, talsmaður
Novators, segir Amer Sports Corporat-
ion vera spennandi kost, þetta sé félag
sem hafi verið að ná til sín þekktum
vörumerkjum. Og að nú séu að opnast
markaðir í Asíu og víðar þar sem
milljónir og og jafnvel hundruð milljóna
séu að komast í aukin efni sem þýði
jafnframt ásókn í slíkar vörur. „Áhugi
Novator liggur fyrst og fremst þar og
fyrirtækið vill leggja sitt af mörkum til
að vinna þessum vörum veg í öðrum
heimsálfum,“ segir Ásgeir og bætir því
við að auðvitað sé alltaf einhver
ákveðinn sjarmi í kringum íþróttavöru-
fyrirtæki, þar séu manneskjur
með mikinn metnað en ekki
dauðir hlutir eins og kaffi, kol
eða olía. Hann sagði hins
vegar ekki hægt að spá fyrir
um hvort verið væri að tjalda
til einnar nætur eða tuga ára.
Björgólfsfeðgarnir eru því smám
saman að fikra sig inn á íþróttamark-
aðinn en eins og flestum ætti að vera
kunnugt á Björgólfur Guðmunds-
son, faðir Björgólfs, knattspyrnufé-
lagið West Ham. freyrgigja@frettabladid.is
BJÖRGÓLFUR THOR: ÁHRIFAMIKILL INNAN AMER-ÍÞRÓTTAVÖRURISANS
Í sportið eins og pabbi
Á ÍÞRÓTTAMARKAÐINN Björgólfur Thor á núna fjórtán prósent í finnska íþrótta-
vörurisanum Amer Sports Corporation. FRÉTTABLAÐIÐ/TEITUR
FREMSTIR Í SINNI RÖÐ Þeir Tom Brady,
Padraig Harrington og Roger Federer
þykja allir með þeim bestu í sínu fagi og
eru allir á mála hjá Amer Sports.