Fréttablaðið - 23.01.2008, Blaðsíða 8
MARKAÐURINN 23. JANÚAR 2008 MIÐVIKUDAGUR8
Ú T T E K T
M
PAA nefnast samtök sex stærstu
kvikmyndaveranna í Hollywood;
Disney, Warner, Paramount, Sony,
Fox og Universal. Hallgrímur
Kristinsson er yfirmaður svæð-
isskrifstofu Samtaka kvikmyndaframleiðenda,
MPA, í Evrópu, Afríku og Mið-Austurlöndum,
og stýrir réttindavernd, eða öllu heldur baráttu
samtakanna gegn ólöglegri útgáfu og sjóræn-
ingjastarfsemi. „Stóru kvikmyndaverin höfðu
vit á því að taka A-ið aftan af MPAA enda stend-
ur MPAA fyrir Motion Picture Association of
America. Annars staðar í veröldinni heitum við
einfaldlega MPA.“
Höfuðstöðvar Hallgríms eru í Brussel og á
skrifstofunni starfa níu manns. MPA eru raun-
ar regnhlífarsamtök yfir samtök rétthafa víðs
vegar um veröldina. Undir stjórn Hallgríms
heyra tuttugu og níu slík samtök í þrjátíu og
sex löndum. „Við erum ekki beinlínis
með MPA-starfsmenn í þessum lönd-
um, heldur erum við aðilar að sam-
tökum á staðnum, til að mynda að
Smáís á Íslandi.“
Hallgrímur segir misjafnt hvernig
MPA komi að starfseminni í hverju
landi fyrir sig, fjárframlögin geti
numið allt frá tíu prósentum og upp í
hundrað prósent. „Þetta er mjög mis-
jafnt eftir löndum. Við leggjum fé
inn í samtökin og eigum oftar en ekki
aðild að samtökunum í hverju landi
fyrir sig, sitjum í stjórn og höfum
gjarnan mikil áhrif á þær ákvarðanir
sem teknar eru. Við reynum í raun-
inni að styðja svæðisskrifstofurnar
með ráð og dáð.“
Baráttan gegn hugverkaþjófnaði
hefur breyst gríðarlega undanfarin
ár að sögn Hallgríms. Hér áður hafi
áherslan fyrst og fremst verið á laga-
legu hliðina, en nú sé í auknum mæli
farið að gefa stefnumótun og kynn-
ingarmálum gaum. Þessi breyting
endurspeglast að nokkru leyti í því
að Hallgrímur er fyrsti maðurinn sem gegnir
hans stöðu og er ekki lögfræðingur. „Þetta sner-
ist raunar um að berja niður hurðir hér og þar
í veröldinni, og hafa nógu marga lögfræðinga á
sínum snærum. Nú síðustu þrjú ár hefur þetta
breyst gríðarlega og þessir þrír þættir eru eig-
inlega allir komnir í einn graut. Ég vinn þannig
ekki síður mikið að stefnumótun, kynningar- og
tæknimálum en með lögfræðingum.“
UPPLÝSINGAFLÓÐBYLGJA
MPA eru hagsmunasamtök og eru að öllu leyti
fjármögnuð af kvikmyndaverunum sex. „Það
er alveg svakaleg pólitík og skriffinnska kring-
um kvikmyndaverin. Fyrstu þrjá mánuðina í
starfi þorði ég varla að opna munninn, og það
var fyrst eftir tíu mánuði að ég gat farið að
senda tölvupósta á stúdíóin svona nokkurn veg-
inn hjálparlaust. Þetta er víst alveg eðlilegt því
það tekur gríðarlegan tíma að komast inn í þetta
allt saman.“
Hallgrímur fær gríðarlegan fjölda símtala og
tölvupósta á dag og líkir starfinu við flóðbylgju
upplýsinga. Stærstur hluti dagsins fari hrein-
lega í að skipuleggja þetta gríðarlega magn
Litli gæinn verður verst úti
Kvikmyndaiðnaðurinn verður árlega
af um 1.170 milljörðum króna vegna
sjóræningjastarfsemi. Hallgrímur
Kristinsson fer fyrir MPA-sam-
tökunum, sem fjármögnuð eru af
sex stærstu kvikmyndaverunum í
Hollywood, í Evrópu, Afríku og Mið-
Austurlöndum. Hann stýrir baráttu
samtakanna gegn ólöglegri hug-
verkanotkun og telur að með sam-
stilltu átaki geti sá bardagi unnist.
Jón Skaftason spjallaði við Hallgrím.
upplýsinga, skilja kjarnann frá
hisminu og tryggja að upplýs-
ingar berist á réttan stað á rétt-
um tíma.
Stefna MPA í Evrópu hefur
verið sú að leita uppsprettunn-
ar að ólöglegum gagnaskipt-
um, þannig hafa samtökin aldrei
kært endanotendur, heldur frek-
ar beint málshöfðun að þeim sem
reka vefsíður og miðla ólöglegu
efni. „Við höfum undanfarið lagt
mikla áherslu á svokallaða Con-
tent Recognition Technology
(CRT), sem fer gegnum upp-
runaleg eintök af kvikmyndum
og tekur eins konar fingraför af
myndinni. Með þessari tækni er
hægt að bera skrár saman við
gagnagrunn af fingraförum og
þannig má bera kennsl á þau ein-
tök sem eru ólögleg. Reynslan af
þessu er mjög góð.“
Hallgrímur segir vefsíður sem
miðla hreyfimyndum, á borð við
YouTube, nú vera að innleiða of-
angreinda tækni. Það hafi þó ekki
gengið möglunarlaust, enda hafi
MPA þurft að standa við dyra-
karminn hjá fyrirtækjunum og
hreinlega hóta þeim lögsókn ef
ekki yrði eitthvað að gert til að
koma í veg fyrir ólöglega miðl-
un. „Með þessari tækni er hægt
að sjá á einfaldan hátt hvort til-
tekið myndskeið er löglegt eða
ekki. Ef myndbrot úr kvikmynd-
inni Bourne Ultimatum er til að
mynda sett á síðu á borð við
YouTube, flettir tæknin einfald-
lega í gegnum myndina og sér
síðan hvort samningar við fram-
leiðandann nái til þeirrar tilteknu
myndar. Ef samningar reynast ná
til Bourne Ultimatum fer myndin
inn á vefinn, annars ekki.“
SAMÚÐIN HJÁ SMÁFRAMLEIÐ-
ENDUM
MPA leggur jafnframt mikla
áherslu á að vinna með símafyrir-
tækjum og innleiða CRT-tæknina
í þeirra starfsemi. Hugsunin þar
er sú að þegar komist er á snoð-
ir um að verið sé að hala niður
höfundarvörðu efni á ólöglegan
hátt fái notandinn skilaboð þar
sem honum er tjáð að athæfi hans
varði við lög. Eftir þrjár slík-
ar viðvaranir missir notandinn
internettengingu sína tímabund-
ið, oftast í tvær til þrjár vikur í
senn. „Við viljum meina að með
þessu móti hagnist allir. Enda-
notandinn losnar við að þurfa að
glíma við lögfræðinga, fær betri
útgáfu af myndinni og hreinna
internet. Kvikmyndaframleið-
endurnir fá meira í kassann og
bæta möguleika sína á að byggja
upp viðskipti á netinu, sem hing-
að til hefur verið næstum ómögu-
legt enda keppir enginn við fría
gagnamiðlun. Loks fá símafyr-
irtækin betri pípur, enda er stór
hluti þeirrar umferðar sem fer
gegnum netið tengdur ólöglegu
niðurhali á höfundarvörðu efni.
Símafyrirtækin eru smám saman
að skilja að þeirra hagur fer ekki
saman við ólöglegt niðurhal, enda
geta þau sjálf farið að selja efni
komist lag á þessi mál.“
Hallgrímur segir mikinn
áfanga hafa náðst í baráttunni
þegar bandaríska símafyrirtækið
AT and T steig fram fyrir skjöldu
og ákvað að innleiða CRT tækn-
ina. Annar stór áfangi hafi náðst
í Frakklandi á dögunum þegar
ríkisstjórn landsins, rétthafar og
símafyrirtæki komu saman og
undirrituðu samstarfssamning sín
á milli. „Samkvæmt samkomulag-
inu leggja allir sitt af mörkum til
að innleiða þriggja brota kerfið.
Við erum einnig komin langt í við-
ræðunum í Bretlandi. Þetta er sú
leið sem við erum að þrýsta á alls
staðar í heiminum, að allir aðilar
komi að borðinu og reyni að leysa
vandann í sameiningu.“
Barátta MPA fer alltaf fram
gegnum svæðissamtök í hverju
landi fyrir sig, og með listamenn í
því landi sem í hlut á hverju sinni í
forgrunni. Hallgrímur segir MPA-
samtökin vel gera sér grein fyrir
því að fólk er almennt ekki lík-
legt til að hafa mikla samúð með
stóru bandarísku kvikmyndaver-
unum. „Það segir sig sjálft að fólk
hefur meiri samúð með Stöð 2
sem framleiðendum Næturvakt-
arinnar, en til að mynda fram-
leiðendum stórmynda á borð við
Bourne Ultimatum. Við gerum
okkur hins vegar fulla grein fyrir
því að við stoppum ekki sjóræn-
ingastarfsemi. Okkar markmið er
að lágmarka hana, og við teljum
heillavænlegustu leiðina að því
markmiði að fara á eftir stórum
síðum og þeim sem reka þær.“
GETUM VEGIÐ DREKANN
Hallgrímur segir stúdíóin gera
sér fullvel grein fyrir því að ekki
er nein ein leið til að leysa þau
vandamál sem kvikmyndaiðnað-
urinn glímir við, og að líklegast
verði margar leiðir færar þegar
VIÐ KVIKMYNDAREKKANN Hallgrímur er viðskiptafræðimenntaður og fyrsti ólöglærði maðurinn til að gegna starfi svæðisstjóra hjá MPA.
Hann segir starfið hafa breyst mikið undanfarin ár „Þetta snerist í raun um að berja niður hurðir hér og þar í veröldinni, og hafa nógu marga
lögfræðinga á sínum snærum. Ég vinn ekki síður að stefnumótun, kynningar- og tæknimálum en með lögfræðingum.“ FRÉTTABLAÐIÐ/ANTON
Við gerum okkur
hins vegar fulla
grein fyrir því
að við stoppum
ekki sjóræninga-
starfsemi. Okkar
markmið er að
lágmarka hana,
og við teljum
heillavænlegustu
leiðina að því
markmiði að fara
á eftir stórum
síðum og þeim
sem reka þær.“