Fréttablaðið - 23.01.2008, Blaðsíða 10

23. JANÚAR 2008 MIÐVIKUDAGUR2 ● fréttablaðið ● húsbyggjandinn
Mikil umræða er í samfélag-
inu um friðun eða niðurrif
gamalla húsa í miðbænum en
samkeppni um uppbyggingu
í Kvosinni var haldin síðasta
sumar.
Vinningstillögu í samkeppni um
uppbyggingu í Kvosinni áttu Stúd-
íó Grandi, Argos og Gullinsnið.
Þótti dómnefnd hún uppfylla þau
markmið sem leitað var eftir með
samkeppninni, það er að styrkja
svæðið, stuðla að lífi milli hús-
anna og auka aðdráttarafl mið-
borgarinnar.
„Í tillögunni er gert ráð fyrir
að hin sögulega götumynd á horni
Lækjargötu og Austurstrætis
verði endurbyggð í meginatrið-
um,“ segir í skýrslu dómnefnd-
ar sem sjá má á vef Reykjavíkur-
borgar. Jóhannes Kjarval, arkitekt
og verkefnisstjóri um þróunar-
áætlun miðborgar, segist ekki eiga
von á stórkostlegum breytingum á
vinningstillögunni og segir henni
verða fylgt í meginatriðum.
„Það eru margir kantar á þessu
máli og mikið í deiglunni á öllu
svæðinu, en við erum að leggja
upp í lokahrinu á frágangi á deili-
skipulagi sem unnið er upp úr nið-
urstöðum í samkeppni um upp-
byggingu í Kvosinni,“ segir hann
um gang mála við Lækjargötu og
Austurstræti. „Það er ekkert sem
er akkúrat að smella núna en það
er mikil vinna bakvið tjöldin sem
kemur fram seinna,“ segir Jó-
hannes. Hann segir tillögugerð
fyrir þetta svæði búna að vera í
vinnslu í fimm til sex ár og brun-
inn á horni Lækjargötu og Aust-
urstrætis hafi í raun komið loka-
sprettinum af stað.
„Það verður spennandi að hafa
þetta í haldfastri tillögugerð og að
það sé loksins að koma lausn á við-
kvæmu og erfiðu byggingavernd-
unarmáli en það gengur á ýmsu
þessa dagana,“ segir Jóhannes og
á þar við umræðuna sem átt hefur
sér stað undanfarnar vikur um
friðun eða niðurrif gamalla húsa
á Laugaveginum. „Þetta verður
kynnt von bráðar og þá mun fara
af stað skörp umræða ef ég þekki
landann rétt,“ bætir hann við.
Lesa má um þær tillögur í sam-
keppninni sem dómnefndin tók til
greina á www.rvk.is
- rt
Framkvæmdir
í Kvosinni
Lækjartorg. FRÉTTABLAÐIÐ/AUÐUNN
Mikil umræða er nú um friðun eða niðurrif húsa í miðbænum. FRÉTTABLAÐIÐ/AUÐUNN
Verðlaunatillagan um uppbyggingu í Kvosinni unnin af Stúdíó Granda, Gullinsniði
og Argos.
Það gleður þá sem komnir
eru á miðjan aldur þegar
trúmennsku við fortíðina
verður vart og við Gullteig-
inn í Reykjavík er nýreist hús
sem fellur einkar vel að þeirri
byggð sem fyrir er. Arkitekt að
því er Guðjón Magnússon.
Bratt þak með myndarlegum
kvistum, sneiddir gaflar og glugg-
ar úr kjörviði með smáum rúðum
efst er meðal þess sem vekur at-
hygli þegar húsið númer fjögur
við Gullteig er virt fyrir sér. Allt
atriði sem einkenndu byggingar
fimmta áratugarins í borginni, þar
með talið á Teigunum.
Innan úr húsinu kveða við ham-
arshögg svo freistandi er að knýja
dyra og fá að skoða húsið nánar og
helst gera úr því blaðaefni. Hús-
byggjandinn Bernharð Heiðdal
tekur þeirri bón vel. „Það er fyrir-
tækið Ventrum sem er eigandinn,“
tekur hann fram um leið og hann
sýnir af sér heilmikla gestrisni og
fylgir blaðamanni um húsið. Þar
eru þrjár íbúðir að verða til, hver
með sinn inngang. Tvær þeirra
eru 150 fermetrar að stærð. Þær
eru á tveimur hæðum hvor og
hafa báðar kvista og svalir sem
vísa út í garð. Á efstu hæðinni er
svo um 160 fermetra „penthouse“-
íbúð með tveimur mikilfengleg-
um kvistum. Hún er óinnréttuð
enn þá. Útsýni er til allra átta yfir
Teigahverfið og á milli húsanna
sést út á sundin.
Það vekur athygli hvað vegg-
irnir eru þykkir og Bernharð upp-
lýsir að þeir séu 34 sentimetrar í
allt. „Gólfplöturnar eru líka þykk-
ar, eða um 39 sentimetrar, og hér
er góð einangrun,“ segir hann. Hit-
inn er í gólfunum og á þau er verið
að leggja eikarparkett. Innihurð-
irnar eru líka úr eik en útihurðir
og gluggar úr mahóní. Gert er ráð
fyrir tölvutengingum hvar sem er.
Hér hefur greinilega verið vand-
að til allra verka. „Málararnir
eiga eftir að fara eina umferð yfir
þegar rafvirkjarnir eru búnir,“
tekur Bernharð fram. - gun
Form og stíll frá fyrri tíð
Búið er að leggja eikarparkett á eldhús og stofu. Innrétting og AEG-tæki eru í eldhús-
inu.
Þrír kvistir snúa inn í garðinn. Einn á hverri íbúð. Miðkvisturinn verður með gluggum
á hliðunum.
Húsið er steinað að utan. Bílskúr fylgir annarri endaíbúðinni og bílskýli hinum tveimur. FRÉTTABLAÐIÐ/EYÞÓR
● LEYFI TIL AÐ SELJA STÓÐHESTASTÖÐ
Í nýsamþykktum fjárlögum er fjármálaráðherra heimilað að selja
stóðhestastöðina í Gunnarsholti ásamt landspildum við stöðina og
ráðstafa andvirðinu til Hekluskóga og til uppbyggingar á landsmóts-
svæði hestamanna á Gaddstaðaflötum. Í greinargerð kemur fram að
allt að 80 milljónir renni til uppbyggingar á Gaddstaðaflötum með
þessu móti en það sem þá verður afgangs til Hekluskóga.
Önnur athyglisverð fjárlagaheimilid á Suðurlandi er heimild til
að kaupa hverasvæðið á Geysi en sú grein hefur verið í fjárlögum í
áratugi án þess að samningar hafi náðst.
Á Selfossi hefur ríkið heimild til að selja eignarhlut ríkisins í Eyrar-
vegi 67 þar sem Svæðisskrifstofa fatlaðra var áður en andvirði þeirrar
sölu mun renna í Framkvæmdasjóð fatlaðra.
Á Eyrarbakka hefur ríkið heimild til að selja hluta af landi Litla-Hrauns og verja andvirðinu til endurbóta á
fangelsinu.
www.sudurlandid.is
Ríkið hefur heimild til að selja hluta af landi
Litla-Hrauns og verja andvirðinu til endurbóta
á fangelsinu.