Fréttablaðið - 25.01.2008, Blaðsíða 25

HEIMILI HEILSA HÚS BÖRN NÁM FERÐIR MATUR BÍLAR TÍSKA GRÆJUR ATVINNA TILBOÐ VINNUVÉLAR O.FL.
Leikkonan María Pálsdóttir æfir stíft fyrir hlut-
verk sitt í leikritinu Höllu og Kára sem verður
frumsýnt í Hafnarfjarðarleikhúsinu á laugar-
daginn en þess á milli sér hún um börn og buru
og kemur næringu í heimilisfólkið.
„Ég hugsa að ég sjái að mestu leyti um matseldina á
heimilinu en maðurinn minn gengur þó í verkin
þegar þess þarf og á sín sérsvið eins og lasagna,“
segir María. „Ég get ekki sagt að ég hafi sérstakt
yndi af matargerð en mig langar að fíla þetta í ræmur
og geri það alveg þegar ég gef mér tíma. Yfirleitt er
ég þó á svo miklum handahlaupum að þetta snýst
bara um að fá næringu í kroppinn.“
María ákvað að deila fljótlegum en um leið ljúf-
fengum kjötbollum með lesendum. „Þessi uppskrift
er úr sænskri matreiðslubók sem ég keypti þegar ég
var búsett þar í landi og heitir hún „Altid hungrig“,
eða „Alltaf svöng“. Þetta eru því sænskar kjötbollur
en ég kalla þær reyndar grískar,“ segir María.
Hún er svo hrifin af bollunum að hún segist yfir-
leitt gera þrefalda uppskrift og frysta afganginn.
Sérstaklega ef hún kemst yfir lambahakk sem er
ekki alltaf til. Í bollunum er kóríander, kókos og feta-
ostur og hefur María límónusósu og hýðishrísgrjón
með. „Þetta er réttur sem klikkar aldrei, hvort sem
er í veislum eða hversdags.“
En aftur að leikritinu. Það er að sögn Maríu ramm-
pólitískur kolsvartur gamanleikur. „Við erum að
endurspegla íslensku þjóðarsálina og bregðum
eflaust upp dálítið dökkri mynd. Við fjöllum um
neyslukapphlaupið, græðgina, afstöðuna til útlend-
inga og margt fleira. Ég held að leikritið eigi fullt
erindi og veki fólk til umhugsunar.“ Uppskrift Maríu
að kjötbollunum má finna á síðu 3.
vera@frettabladid.is
Kókos og kóríander
María segir ferskt kóríander gefa kjötbollunum sérstaklega gott bragð. FRÉTTABLAÐIÐ/AUÐUNN
MINN ÞORRI ER EKKI SÚR
Áslaug Snorradóttir gleður sína
uppáhaldskarlmenn á bónda-
dag með þjóðlegum mat og
meðlæti í lit.
MATUR 2
HLÝJA Í KROPPINN
Tvær tegundir af
þorrabjór eru
bruggaðar á
þessum árstíma;
Þorra-Kaldi og
Egils þorrabjór.
MATUR 3