Fréttablaðið - 25.01.2008, Blaðsíða 34
BLS. 6 | sirkus | 25. JANÚAR 2008
Hverju kaupir þú mest af? „Einu
sinni bjó ég í mjög litlu stúdíói í Lat-
ínuhverfi Parísar. Eldhúsið var inni í
skáp og fötin falin í speglaskáp á bað-
inu. Þetta var bóhemlíf. Leigan var há,
alveg í stíl við verð á tískufatnaði. Þá
ákvað ég að eyða frekar í fátt gott en
mikið ódýrt. Helst sökum plássleysis.
Núna þegar eldhúsið er loks komið út
úr skápnum, held ég mig enn við þetta.
Eins hefur amma mín gefið mér mikið
af fallegum flíkum af sér og þær held
ég mjög upp á. Ég á því nóg en læt
stundum undan freistingum hjá
Sævari Karli, enda til þess gerðar.“
Hvaðan er fataáhuginn kominn,
ertu alin upp við pjatt? „Frá ömmu
Þóru. Hún hefur kennt mér margt um
fatnað, gæði og snið. Afi og amma
ráku undirfataverslunina Ólympíu um
árabil og amma saumaði brjóstahöld
og sokkabönd á íslenskar konur. Svo
ég tali nú ekki um slankbeltin, en með
þeim gátu allar sem vildu fengið fallegt
mitti. Nú stend ég sjálf hjá Sævari Karli
og er nokkurs konar spesíalisti í að
ráðleggja konum hvað klæðir þær
best.“
Hvað finnst þér skipta mestu máli
þegar þú kaupir þér föt? „Sem stelpa
fékk ég að ganga í fataskápinn hjá
ömmu og vandist þar ákveðnum
klassa. Gæði og góð snið skipta mig
mestu máli.“
Hvað finnst þér klæða þig best?
„Klæðir ekki alla best að vera ham-
ingjusamir og ástfangnir? Þá ljóma
tuskurnar utan á manni!“
Snobbar þú fyrir merkjum? „Nei!
Aftur á móti vil ég gæði og einfald-
leika. Eins og til dæmis Branda, kápa
með tígrismynstri sem amma átti
lengi og gaf mér síðan. Branda mun
fylgja mér þar til yfir lýkur, enda tíma-
laus og dramatísk flík.“
Í hvaða borg finnst þér skemmti-
legast að versla? „Síðustu tíu ár hef
ég verið með annan fótinn í París í
vinnu og námi. Það er borgin mín. Þar
er tískan áberandi og sniðug kona
lærir fljótt hvernig hægt er að tolla í
tískunni án þess að fara alveg á kúp-
una. Til dæmis á hún eina dýra og fal-
lega tösku sem setur elegant stíl á
heildina, verslar svo kannski annað
ódýrara. Eins og allir vita eru Frakkar
heldur frjálslegir í ástarmálum. Í París
eiga þær liðugustu jafnvel einn til tvo
elskhuga og það þykir í lagi. Þeir gefa
ástkonunni oft föt og töskur en verð-
mætið fer auðvitað eftir því hversu
heitt er elskað! Þegar svo slitnar upp
úr sambandinu enda gjafirnar oft í
Dépôt-Vente búðum. Þær sérhæfa sig
í sölu á notuðum tískuvarningi. Heill
heimur af tísku. Eins er flott að fá
boðskort á lokaðar útsölur hjá stóru
tískuhúsunum. Margar skæru af sér
aðra stórutána til að komast í svoleiðis
partí.“
Hvað þarf flík að hafa til að bera til
þess að þú fallir fyrir henni? „Hún
þarf að vera beinsmart. Ég sé það
strax!“
Eyðir þú miklum tíma í að velja
þér föt á hverjum degi? Áttu það til
að skipta átta sinnum um dress áður
en þú ferð út á morgnana? „Ég ákveð
dressið í baðkarinu á morgnana eða
kvöldið áður, eldsnögg.“
Klæðir þú þig eftir veðri? „Ég er
alltof mikil lady til að láta veðrið
stöðva mig. Ef það rignir, snjóar eða
hvaðeina ríf ég frekar af mér skóna og
hleyp berfætt. Frekar það en að eyði-
leggja skópar. Ef ég er í fylgd herra-
manns bjargar hann mér kannski og
ber mig á herðum sér! Einu sinni
missti ég hæla-
skó af fæti er ég
þeysti um á
mótorhjóli í
undirgöngum
– ég sá lengi á
eftir þeim skó!“
Hver eru
algengustu
tískumistök
sem konur
gera? „Alltof
þröng föt mis-
klæða marga.“
Hvað vantar
þig í fataskáp-
inn? „Líklegast
myndarlegan
mann sem
stykki svo fram
á hverju kvöldi og yljaði mér!“
Hvað verður heitast fyrir sum-
arið? „Vonandi skærir, sterkir litir
og alls konar mynstur.“
GUÐRÚN GUNNARSDÓTTIR, VIÐSKIPTAFRÆÐINGUR OG STARFSMAÐUR HJÁ SÆVARI KARLI, Á SÉRLEGA
VANDAÐAN OG ELEGANT FATASKÁP. HÚN ER UNDIR MIKLUM PARÍSARÁHRIFUM EN HÚN HEFUR VERIÐ MEÐ
ANNAN FÓTINN Í TÍSKUBORGINNI UNDANFARIN ÁR.
Glæsileg og geislandi
EINFÖLD OG
FALLEG
Þessa
tösku
fékk
Guðrún
í
versl-
uninni
Kisunni á
Laugavegi.
ÍTÖLSK
HÖNNUN
Guðrún segist varla
tíma að nota þessa
tösku, en hún fékk hana
í París. YSL er í miklu
uppáhaldi hjá henni.
UPPÁHALDSSKÓRNIR
Lakkskór frá Prada sem
Guðrún fékk í Sævari Karli.
Hún getur gengið á þeim í
átta tíma án þess að verða illt í
fótunum en hún er lítið fyrir að vera í
háhæluðum skóm allan daginn.
Í SELSKINNSPELSI Húfan kemur úr klæðaskáp móður hennar en
selskinnspelsinn er hún búin að eiga í mörg ár. Ef hún hefði ekki átt
þetta dress hefði hún orðið úti þegar hún bjó í París, það verður svo
kalt þar á veturna. Guðrún segir að pelsinn hafi líka skapað góða
stemningu því það hafi allir viljað tala við hana þegar hún klæddist
honum í París og helst viljað klappa honum.
DÖMULEG Stígvélin eru sérlega falleg að aftan, reimuð og
smart.
BRÖNDUKÁPA Þessi kápa kemur úr klæðaskáp ömmu hennar. Kápan
er í senn dramatísk og glæsileg.
ELEGANT í D&G frá toppi til táar. Dragtin er skvísuleg með flottu
mitti og fallegu herðasniði. Hún fæst hjá Sævari Karli.
Í ANDA PRETTY WOMAN Guðrún féll fyrir þessum stígvélum á dögunum
en þau eru frá hinni ítölsku Prödu og fást hjá Sævari Karli.