Fréttablaðið - 25.01.2008, Blaðsíða 38

25. JANÚAR 2008 FÖSTUDAGUR2 ● fréttablaðið ● eldvarnir
Reykskynjarar eru öruggasta
og ódýrasta líftryggingin.
Þráðlausir, samtengdir
reykskynjarar eru vinsælir á
stigaganga í fjölbýlishúsum og
stærri einbýlishús.
Reykskynjarar bjarga manns-
lífum, þetta þykir ljóst. Nú eru
vinsælir svokallaðir samtengd-
ir reykskynjarar sem senda boð
á milli sín þannig að þegar einn
nemur reyk kviknar á þeim öllum.
Slík lausn er mjög vinsæl í stiga-
göngum fjölbýlishúsa og í stærri
húsum á mörgum hæðum að sögn
Benjamíns Vilhelmssonar, sölu-
stjóra hjá Ólafi Gíslasyni & Co hf.,
sem rekur Eldvarnarmiðstöðina.
„Við seljum slökkviliðunum
allt frá vettlingum upp í slökkvi-
bíla,“ segir Benjamín en fyrir-
tækið flytur einnig inn almenn-
an eldvarnarbúnað, meðal ann-
ars fyrrnefnda reykskynjara,
slökkvitæki, brunaslöngur og
fellistiga. „Samtengdu reyk-
skynjararnir eru auðveldir í upp-
setningu enda þarf hvorki að
bora göt né leggja víra þar sem
reykskynjararnir sitja á sökkli
sem senda boð þráðlaust á milli,“
segir Benjamín en mest er hægt
að vera með tólf reykskynjara
saman. Þá má blanda saman hita-
næmum og reyknæmum skynj-
urum en hitanæmir reykskynjar-
ar eru til dæmis frekar notaðir í
bílskúra svo skynjarinn fari ekki
í gang í hvert sinn sem reykur
berst frá pústi.
Benjamín telur langflesta vera
meðvitaða um að reykskynjarar
séu nauðsynlegir, hins vegar sé
misjafnt hvað fólk geri í því. „Eins
og slökkviliðsstjórinn í Reykjavík
segir þá eiga að vera reykskynjar-
ar í öllum herbergjum sem fólk
sefur í,“ segir Benjamín og telur
að um tvö dæmi á ári séu um að
reykskynjarar bjargi heilu fjöl-
skyldunum. Þá áréttir hann einnig
að líftími reykskynjara sé aðeins
um átta ár og því þurfi að skipta
um þá að þeim tíma liðnum.
„Reykskynjarar eru öruggasta
og ódýrasta líftryggingin,“ segir
Benjamín og tekur dæmi um verð
á slíkum búnaði. Stakur venjuleg-
ur reykskynjari fæst á um 1.000
krónur. Þráðlaus skynjari er á
4.800 krónur stykkið með sendi.
Þá kostar heimilisslökkvitæki um
3.500 krónur. Ekki mikið verð í
samanburði við mannslíf. - sg
Samtengda skynjara
á stigaganga
Reykskynjararnir sitja á sökkli sem
sendir boð þráðlaust á milli.
Benjamín Vilhelmsson, sölustjóri hjá Eldvarnarmiðstöðinni, segir reykskynjara
öruggustu og ódýrustu líftrygginguna. FRÉTTABLAÐIÐ/ANTON
Gömul hús geta verið gríðar-
legar eldgildrur ef ekki er
rétt staðið að forvörnum og
endurgerð.
Brunavarnir í gömlum húsum má
ræða út frá ýmsum sjónarmiðum.
Björn Karlsson brunamálastjóri
segir hins vegar ágætt að skipta
þessu í tvo hópa varðandi eignar-
hald. Annars vegar hús í eigu hins
opinbera eða sveitarfélaga og hins
vegar hús í einkaeign.
„Eina vitið í brunavörn-
um á gömlum húsum er að taka
þau í gegn eins og gert var við
Geysishúsið í Aðalstræti. Það hús
var hreinlega skrallað að innan og
byggt upp á nýtt með nútímabygg-
ingaraðferðum þar sem efnisvalið
tók mið af því upprunalega,“ út-
skýrir Björn sem segir gamlar
einangrunaraðferðir vera versta
óvininn. „Gömul hús eru meðal
annars eingangruð með sagspón
og öðrum mjög eldfimum efnivið.
Auk þess er mikið holrými í innra
rými gamalla húsa og þannig
breiðist eldurinn út á örskömm-
um tíma,“ segir Björn og nefnir
sem dæmi húsin á horni Lækjar-
götu og Austurstrætis. „Eigendur
gerðu allt sem í þeirra valdi stóð
til að brunaverja með gifsplöt-
um að innan. Hins vegar er talið
að kviknað hafi í út frá rafmagni
á milli þilja og þá var eldurinn
snöggur að gera sér mat úr gam-
alli einangrun og ferðaðist hratt í
holrýminu,“ segir Björn og bætir
við að slökkvistarf sé gríðarlega
erfitt við slíkar aðstæður. „Það
þarf mikla heppni og dugnað til að
ráða niðurlögum á slíkum eldi. Þá
þarf slökkviliðið að saga sig inn í
veggi í reykköfunarbúningi sem
vegur þrjátíu kíló og berjast við
eld sem er mjög útbreiddur.“
Besta lausnin að sögn Björns er
að einangra til dæmis með stein-
ull, fylla upp í holrými og losna við
gamla og eldfima einangrun.
„Endurgerð á gömlum húsum
er gríðarlega dýr og það er mis-
jafnt hvað fólk gerir. Sumir taka
húsin aðeins í gegn að utan, eða
að innan en mestu máli skiptir að
skipta um einangrun svo eldurinn
eigi ekki greiða leið,“ segir Björn
og nefnir dæmi um gömul hús í
borginni þar sem mikilvægt er að
brunavarnir séu í lagi.
„Reykjavíkurborg hefur haft
mikinn hug á að standa vel að
brunavörnum í eldri bygging-
um. Samt myndi ég vilja að betur
væri gert í vissum lykilbygging-
um á borð við MR og Iðnó sem
við borgarbúar viljum alls ekki
missa,“ segir Björn. Bygginga-
reglugerðir eru að sögn Björns
ekki afturvirkar og því ekki hægt
að skylda einstaklinga til róttækra
brunavarna við endurgerð gamalla
húsa. Hins vegar gilda önnur lög
varðandi gömul hús í eigu hins op-
inbera og sveitarfélaganna. Björn
segist þó hvetja einstaklinga sem
eru að gera upp hús sín eindregið
til að huga að eldvörnum og bendir
á Brunamálastofnun og slökkvilið
höfuðborgarsvæðisins og sveit-
arfélaganna sem veita ráðgjöf.
Að lokum leggur Björn áherslu á
að slökkvitæki og eldvarnarteppi
séu á öllum heimilum ásamt reyk-
skynjara á öllum hæðum.
Sjá nánari upplýsingar: www.
brunamal.is
rh@frettabladid.is
Best að skralla húsin
að innan við endurgerð
Iðnó er perla borgarinnar þar sem Björn vill sjá enn betri eldvarnir.
Björn Karlsson brunamálastjóri hvetur fólk eindregið til að leita sér ráðgjafar um
brunavarnir þegar gömul hús eru endurgerð. FRÉTTABLAÐIÐ/ARNÞÓR