Fréttablaðið - 25.01.2008, Blaðsíða 44
25. JANÚAR 2008 FÖSTUDAGUR8 ● fréttablaðið ● eldvarnir
Áður fyrr var það ekki til siðs
að konur störfuðu í Slökkviliði
höfuðborgarsvæðisins en nú
eru þær þrjár sem þar hafa
starfað. Sem stendur er þó
bara ein kona þar við störf.
Birna Björnsdóttir er nú í óða-
önn að ljúka undirbúningsnám-
skeiði hjá Slökkviliði Reykjavíkur
áður en hún hefur störf að nýju.
„Árið 2001 hóf ég störf og vann í
sex mánuði. Það var frekar stutt-
ur tími en þá var ég rétt að kom-
ast inn í starfið þegar ég þurfti
að hætta af persónulegum ástæð-
um. Þá var ég aðallega á dælubíl
og var oft skráð reykkafari tvö en
unnið er í teymum. Það eru tveir
reykkafarar sem fara saman inn,
númer eitt er þá reyndari maður
og tvö er þá yfirleitt óreyndur.
Ég fór tvisvar sinnum inn í eld
og það var ákveðin spenna, smá
ótti en svo treystir maður þeim
sem eru reyndari og þeirri þjálf-
un sem maður hefur hlotið. Þetta
snýst mikið um að treysta félag-
anum,“ útskýrir Birna og er hún
afar ánægð með þann undirbún-
ing sem slökkviliðsmenn hljóta.
En hvers vegna ákvað Birna að
ganga í slökkviliðið? „Mér finnst
spennandi að takast á við krefj-
andi verkefni og þetta er áskorun.
Ég komst í gegnum inntökuferlið
og því þótti mér tilvalið að láta
á þetta reyna,“ segir Birna sem
hafði lengi dreymt um að starfa
í slökkviliði. „Þetta hafði blundað
lengi í mér en þegar ég fékk fyrst
áhugann á þessu þá var ekki í boði
fyrir konur að gegna starfinu. Um
leið og ég vissi af því að konur
væru komnar inn þá sótti ég
strax um og komst inn í fyrstu til-
raun.“ Birna var 28 ára þegar hún
hóf störf en er nú á þrítugasta og
fimmta aldursári. Hún er tveggja
barna móðir og hefur því í nógu að
snúast. „Eins og með alla sem eru
í þessu starfi þá er það álag á fjöl-
skylduna að vera í starfi þar sem
gerðar eru miklar kröfur og unnið
er á vöktum. Drengirnir mínir
eru hins vegar hæstánægðir með
það að mamma sé slökkviliðskona
en þeir eru fjögurra og sjö ára
þannig að þeim finnst þetta mjög
flott,“ segir Birna kímin.
„Í inntökuferlinu fer maður í
gegnum hlaupapróf og styrktar-
próf. Síðan er próf í tungumála-
kunnáttu og almennri þekkingu
og svo eru viðtöl. Þá er tekin
ákvörðun um hvort maður er ráð-
inn og ef maður stenst þetta allt
saman þá tekur æfingaferlið við,“
segir Birna. Inntökuferlið er um
það bil mánuður og æfingaferlið
er um tveir mánuðir. Það er þá
bæði slökkviliðsþátturinn og
sjúkraflutningar. Mikilvægt er
fyrir fólk í slökkviliðsstörfum að
vera í góðu líkamlegu formi og
fylgst er með því. „Við fáum æf-
ingatíma þegar við erum á vökt-
um og förum í ræktina í Hreyf-
ingu í Glæsibæ. Það þarf þó líka
að æfa eitthvað utan vinnunnar
og halda sér við þannig. Læknis-
skoðun er einu sinni á ári og þá er
farið í gegnum styrktar- og þol-
próf,“ útskýrir Birna áhugasöm
en viðurkennir að starfið sé tals-
vert krefjandi. „Ég bý hins vegar
að góðum líkamlegum styrk þar
sem ég hef verið mikið í íþrótt-
um og keppnisíþróttum frá því
ég var krakki þannig að ég hef
mjög góðan grunn. Það gefur líka
starfinu gildi að hjálpa og jafnvel
bjarga fólki.“
Þrátt fyrir að vera eina stelp-
an í liðinu þá unir Birna sér vel.
„Það hefur verið tekið mjög vel á
móti mér og ég hef ekki orðið vör
við neina karlrembu. Varðandi
aðstöðu eins og búningsklefa og
sturtur hefur verið reynt að reikna
með því að hér séu líka konur og
auðvitað er ég þá stundum svolít-
ið ein en það er ekkert stórmál,“
segir Birna og þykja henni konur
eiga jafnmikið erindi í starfið og
karlar ef þær standast þær kröf-
ur sem gerðar eru. „Ég er eina
konan sem stendur en áður en að
ég byrjaði var hér kona við störf
í sex ár en hún hætti fyrir rúmu
hálfu ári síðan. Þegar ég byrjaði
2001 var ég þriðja konan inn. Þær
voru tvær sem byrjuðu í apríl
2001 og svo kom ég í október,“
segir Birna sem hlakkar til að tak-
ast á við slökkviliðsstarfið enn á
ný. - hs
Þegar Birna hóf störf í Slökkviliðinu í fyrra skiptið var hún oft á dælubíl og var skráð
sem reykkafari tvö.
Eina konan í
slökkviliðinu
Í biðstöðu, tilbúin til atlögu við elds-
voða.
Birna fullgölluð og til í slaginn.
Myndirnar voru teknar á æfingu hjá
Slökkviliði höfuðborgarsvæðisins.
FRÉTTA
BLA
Ð
IÐ
/A
N
TO
N