Fréttablaðið - 25.01.2008, Blaðsíða 72

32 25. janúar 2008 FÖSTUDAGUR
menning@frettabladid.is
Kl. 13
Málþingið Enginn er eyland fer fram
í Kennaraháskóla Íslands við
Stakkahlíð í dag á milli kl. 13 og 16.
Málþingið er haldið í tilefni af
útkomu bókarinnar Fjölmenning á
Íslandi sem Rannsóknarstofa í
fjölmenningarfræðum við Kennara-
háskóla Íslands og Háskólaútgáfan
gefa út. Aðgangur að málþinginu er
ókeypis og allir eru velkomnir.
Gaman er að því þegar upprenn-
andi listamenn láta að sér kveða.
Að líta verk þeirra augum er ekki
ósvipað því að hafa skyndilega
öðlast ofurkraft til þess að gægj-
ast inn í framtíðina. Slík tíma-
vélareynsla er í boði í Tjarnarbíói
í kvöld þegar nemendur úr Lista-
háskóla Íslands standa fyrir sýn-
ingu.
Nemendurnir koma úr öllum
deildum Listaháskólans og hafa í
sameiningu, og á aðeins þremur
vikum, unnið sýningu sem erfitt
er að fella í bás sökum þess fjölda
ólíkra listgreina sem koma fyrir í
henni. Þannig má greina þætti úr
hönnun og arkitektúr, myndlist
og myndbandalist, tónlist og leik-
list í sýningunni og engri listgrein
gert hærra undir höfði en ann-
arri. Sýningin nefnist „There is a
police inside our heads“, en titill-
inn gefur sterklega til kynna að
áhrif íslenskrar tungu verði
hverfandi í hérlendu listalands-
lagi framtíðarinnar. Jafnframt
má draga þá ályktun út frá titlin-
um að í verkinu sé á einhvern hátt
tekist á við sjálfsritskoðun, þann
stranga löggæslumann sem
þrammar strætin í hugum okkar
allra. En þetta eru þó aðeins get-
gátur og lítið annað hægt að gera
til að fá botn í málið en að upplifa
sýninguna á eigin skinni.
Sýningin fer fram, sem fyrr
segir, í Tjarnarbíói í kvöld og
hefst kl. 20. Miðaverð er 500 kr.
- vþ
Nemar spreyta sig
FRAMTÍÐ ÍSLENSKRAR LISTAR Mynd frá
æfingum á sýningunni „There is a police
inside our heads“.
Tríó Artis heldur á sunnudag sína árlegu nýárstónleika í Mosfells-
kirkju nú á sunnudag, fjórða árið í röð. Líkt og undanfarin ár mun
tríóið, skipað þeim Kristjönu Helgadóttur flautuleikara, Gunnhildi
Einarsdóttur hörpuleikara og Þórarni Má Baldurssyni víóluleikara,
flytja tríósónötu Claudes Debussy.
Sónatan, sem er fyrsta verkið sem skrifað var fyrir þessa
hljóðfæraskipan, þykir jafn marg-
slungin og hún þykir falleg. Meðlim-
um Tríó Artis finnst því nauðsynlegt
að flytja hana að minnsta kosti einu
sinni á ári og þá helst í janúar þegar
þörfin fyrir hlýja og litríka tóna
impressjónismans er sem mest. Á
tónleikunum mun tríóið einnig flytja
ljúfa tónlist eftir tónskáld á borð við J.
S. Bach, Germaine Taillefere og Atla
Heimi Sveinsson, en verk Atla Heimis
er eina íslenska verkið sem til er fyrir
þessa hljóðfæraskipan.
Tónleikarnir hefjast kl. 17 á
sunnudag. Tónleikarnir eru styrktir af
Menningarmálanefnd Mosfellsbæjar
og er aðgangur að þeim ókeypis og
öllum opinn á meðan húsrúm leyfir.
Debussy á nýju ári
Opna, nýtt útgáfufyrirtæki, tók til starfa í gær. Það eru tveir stólpar úr
áratuga starfi hjá Máli og Menningu og síðar Eddu, Sigurður Svav-
arsson og Guðrún Magnúsdóttir sem standa að útgáfunni og meðal
verkefna sem þau munu sinna á næstu mánuðum er að þjónusta
utgáfu Almenna bókafélagsins sem var skilin undan þá Björgólfur
Guðmundsson seldi hlut sinn í Eddu. Hin nýja útgáfa stefnir að
almennri bókaútgáfu auk þess sem fyrirtækið tekur að sér vinnslu
og dreifingu verka fyrir innlendan og erlendan markað. Opna mun
einnig bjóða einstaklingum, félagasamtökum og fyrirtækjum upp
á útgáfuráðgjöf og -þjónustu.Við upphaf starfsemi Opnu liggja fyrir
samningar og áætlanir um útgáfu allmargra titla. Meðal væntanlegra
verka er að finna stórvirki um myndlistarsögu mannkynsins, grund-
vallarrit um íslenska náttúru, fræðirit fyrir almenning um loftslags-
málin, ævintýralega ljósmyndabók um himinhvolfin, tvær íslenskar
ævisögur, eftirtektarverðar dýralífsbækur og leiðsögurit um Ísland.
Sigurður Svavarsson verður útgefandi Opnu og Guðrún Magnús-
dóttir framkvæmdastjóri. Þau hafa í starfi sínu tengst öllum þáttum
bókaútgáfu, allt frá hugmynd til prentaðrar bókar. Sigurður var
síðast aðalútgáfustjóri Eddu en áður hafði hann meðal annars verið
framkvæmdastjóri Máls og menningar. Guðrún var forstöðumaður
framleiðsludeildar Máls og menningar og síðar Eddu. Hún annaðist
verkstjórn á ritstjórn þessara forlaga og stýrði framleiðslu á hundr-
uðum titla árlega. Þau Guðrún og Sigurður búa einnig að tengslum
við stærstu útgáfufyrirtæki Evrópu og Norður-Ameríku, auk allra
helstu útgáfufyrirtækja á Norðurlöndum. Ýmsir bakhjarlar, sem meðal
annars tengjast bókagerð, grafískri hönnun og upplýsingamiðlun,
standa að Opnu auk þeirra Guðrúnar og Sigurðar. Búast má því við
að hluthafar verði í framtíðinni fleiri. Bókaútgáfan Opna er til húsa í
Skipholti 50b. - pbb
Útgáfufyrirtækið Opna komið á laggirnar
Aðdáendur endurreisnar-
og barokktónlistar kætast
væntanlega við þær fregnir
að á sunnudagskvöld býðst
þeim að hlýða á söngva,
svítur og dansa frá 16. og
17. öld í Salnum í Kópavogi.
Tónleikarnir eru hluti af
Tíbrá, tónleikaröð Salarins.
Á tónleikunum, sem bera titilinn
„Music for a while,“ koma fram
alt söngkonan Jóhanna Halldórs-
dóttir, Hildigunnur Halldórsdóttir,
sem leikur á barokkfiðlu, Ólöf Sess-
elja Óskarsdóttur sem leikur á
víólu da gamba og Guðrún Óskars-
dóttir sem leikur á sembal. Efnis-
skrá tónleikanna er alfarið helguð
enskri tónlist. Við sögu koma tón-
skáldin á borð við John Blow,
Thomas Weelkes, Henry Lawes,
Orlando Gibbons og John Dowland
að ógleymdum Henry Purcell.
Söngkonan Jóhanna segir ástæð-
una fyrir þessari ensku efnisskrá
einfalda: „Þessi tónlist er bara svo
flott. Að auki er ensk barokktónlist
ekki mikið leikin í samanburði við
ítalska, franska og þýska barokk-
tónlist og því langaði okkur til að
gera henni hærra undir höfði. Það
sem helst skilur ensku tónlistina að
frá þeirri sem samin var á megin-
landinu er kímnigáfan. Textarnir
eru gjarnan afar fyndnir og í þeim
er mikið daður og kossaflens, sem á
reyndar við um ítalska tónlist líka,
en þegar textarnir eru á ensku hafa
fleiri tækifæri til þess að skilja þá
og hafa gaman að.“
Henry Purcell er fyrirferðar-
mikill á efnisskránni. „Hann var
líka ótrúlegur snillingur,“ segir
Jóhanna. „Á stuttri ævi náði hann
að semja stórkostlega tónlist sem
er ekki síst markverð fyrir fjöl-
breytileika sinn. Eftir hann liggja
bæði hnyttin þjóðlagakennd stef og
útflúraðar aríur og ýmislegt þar á
milli.“
Barokktónlist á sífellt meiri vin-
sældum að fagna hér á landi.
Jóhanna segir þessa tegund tónlist-
ar enda fjölbreytilegri en ætla
mætti við fyrstu sýn. „Mér þykir
barokktónlist heillandi þar sem hún
býður upp á mikla möguleika í
flutningi. Tónlistin er sjaldan
útskrifuð í heild heldur vinnur tón-
listarfólk út frá laglínu, en hefur
sjálft tækifæri til að ákveða
útfærslur og skreytingar, innan
vissra marka þó. Því er alltaf dálítil
sköpun fólgin í flutningi þessarar
tónlistar.“
Tónleikarnir hefjast kl. 20 á
sunnudagskvöld.
vigdis@frettabladid.is
Kímnigáfa að enskum sið
FR
ÉT
TA
B
LA
Ð
IÐ
/A
R
N
ÞÓ
R
VIÐ ÆFINGAR Tónlistarkonurnar flytja
tónlist eftir ensk tónskáld í Salnum á
sunnudagskvöld.
TONLIST Claude Debussy.
BÓKAÚTGÁFA Sigurður Svavarsson og Guðrún Magnúsdóttir.
Þjóðleikhúsið
um helgina
Afgreiðsla miðasölu á Hverfisgötu er opin frá kl. 12.30–18.00 mán. og þri.
Aðra daga frá kl. 12.30–20.00. Símapantanir frá kl. 10.00 virka daga.
Miðasala í síma 551 1200 og á www.leikhusid.is ÞJÓÐLEIKHÚSIÐ
Vígaguðinn mið 23/1 forsýn. uppselt
fös 25/1 frumsýn. uppselt. lau 26/1 uppselt
Ívanov fös. 25/1 örfá sæti laus.
lau. 26/1 örfá sæti laus. Takmarkaður sýningafjöldi
Konan áður sun 27/1 örfá sæti laus
Leikstjóraspjall að lokinni sýningu
Skilaboðaskjóðan
sun. 27/1 kl. 14 & 17 örfá sæti laus
Gott kvöld, barnasýning
sun 27/1 kl. 13.30. Fáar sýningar eftir
SUN 27. JANÚAR KL. 20
TÍBRÁ: MUSIC FOR A WHILE
JÓHANNA HALLDÓRS OG
BAROKKSVEIT.
SÖNGVAR OG DANSAR FRÁ 16.ÖLD
Miðaverð 2000 kr
LAU 2. FEBRÚAR KL. 13
TÓNLEIKAR TKTK
MYNDIR Á SÝNINGU
ÚR HNOTUBRJÓTNUM
PÉTUR OG ÚLFURINN
MYRKIR MÚSÍKDAGAR
VIKUNA 3. – 10. FEB 08
www.salurinn.is
25 jan uppselt
30 jan örfá sæti laus
27 febrúar
28 febrúar