Fréttablaðið - 26.01.2008, Blaðsíða 46

● hús&heimili
1 3
4
5
6
1. Hugvitsamleg piparkvörn
sem gengur fyrir rafhlöðum
og með því að ýta á takkann að
framan verðu malar hún pipar-
inn og neðan úr henni skín ljós.
Kvörnin er úr burstuðu stáli og er
frá Cole & Mason en fæst í versl-
uninni Pipar & salt á 5.900 kr.
2. Saltstaukur sem líkist vita. Á
postulíninu er útflúr og fíngerð
gullrönd efst og neðst. Hausinn er
einnig gylltur. Fæst í Antíkhúsinu
á Skólavörðustíg á 1.800 kr.
3. Silfursaltstaukur sem minn-
ir á taflmann eða babúsku með
sínar mjúku línur, smekklegt
munstur og kórónu. Hann fæst í
Antíkhúsinu á Skólavörðustíg
og kostar 1.800 kr.
4. Lítill og sætur saltsveppur
frá Þorsteini Bergmann á Skóla-
vörðustíg. Sveppurinn er á gjaf-
verði, einungis 110 kr.
5. Fjörugar salt- og pipar-
kvarnir úr gegnsæju plasti með
doppum. Fást hjá Þorsteini Berg-
mann þar sem einnig má fá leir-
tau í stíl. Verð er 4.480 kr. parið.
6. Krúttlegt pipar og salt-
par sem festist saman með segli
í innilegum kossi. Hann geymir
svartan piparinn og hún hvíta
saltið. Þau fást í Pipar og salt og
kosta 1.500 kr. - hs
Skemmtilegur
bragðbætir
● Pipar og salt eru helstu kryddin sem notuð eru til að
skerpa og bragðbæta matinn. Þá er gott að hafa kryddið í
handhægum umbúðum sem auðvelt er að teygja sig í en
ekki spillir fyrir að umbúðirnar séu einnig augnayndi.
FALL HINNA FORDÆMDU
Það er óvíst að öllum líki þetta
nútímalega loftljós sem telst
kannski seint vera beinlínis
upplífgandi þótt það sé engu
að síður áhugavert. Ljósið, sem
kallast Fall of the Damned eða
Fall hinna fordæmdu, er eftir
hönnuðinn Luc Merx og hluti
af einkasafni. Það er samansett
úr fjölda mannslíkama sem
virðast vera að hrapa úr loftinu
niður til jarðar, eða hugsanlega
helvítis, en fallið á meðal ann-
ars að tákna sekt og fordæm-
ingu mannsins.
hönnun
2
26. JANÚAR 2008 LAUGARDAGUR14