Fréttablaðið - 26.01.2008, Blaðsíða 55

LAUGARDAGUR 26. janúar 2008 27
leita en við skýrum það í upphafi
að trúnaði okkar eru takmörk sett
af öryggissjónarmiðum.“
Einar Gylfi segist vilja að makar
og börn ofbeldismanna fái öflugri
stuðning en nú er. „Við beinum
athyglinni fyrst og fremst að
ofbeldismönnunum. Fyrir því eru
skýr, fagleg rök: Það er verið að
leggja áherslu á hvar ábyrgðin
liggur. Þetta er einstaklingsvanda-
mál og þótt það bitni á fjölskyld-
unni er hún ekki hluti af lausninni.
Engu að síður þurfa makar og
börn stuðning og það viljum við
sjá.“
Góðir hlutir gerast hægt
Sú spurning vaknar óneitanlega
hvort þeim sem hafa beitt maka
sína mjög alvarlegu og grófu
ofbeldi sé hreinlega við bjarg-
andi? „Staðreyndin er sú að það
er,“ segir Andrés. „Eftir fyrsta
hollið var gert árangursmat og
niðurstöðurnar úr því voru mjög
góðar. Árangur úr erlendum rann-
sóknum er líka mjög góður, allt að
því 80 prósent, sem þýðir að menn
eru ofbeldislausir tveimur til
þremur árum eftir að meðferð
lýkur.“
Meðferðin tekur langan tíma,
helst ekki minna en eitt til tvö ár.
„Líkamlega ofbeldið hættir til-
tölulega fljótt en andlega ofbeldið
getur haldið áfram og þess vegna
leggjum við áherslu á langtíma-
meðferð,“ segir Einar Gylfi.
„Meginreglan er að þetta tekur
langan tíma, sérstaklega fyrir
menn að að átta sig á hvernig þeir
beittu andlegu ofbeldi. Það tekur
líka langan tíma að ná aftur jafn-
vægi í sambandinu ef það lifir
áfram, sem það gerir í meirihluta
tilfella. Það felst mikil vinna í að
ná aftur upp trausti.“
Andrés og Einar Gylfa rekur
ekki minni til þess að nokkur hafi
hætt í meðferð þótt ekki hafi tek-
ist að bjarga hjónabandinu. „Eins
og við bendum þeim á þá koma
væntanlega aðrar konur inn í líf
þeirra. Hvað þá?“ segir Einar
Gylfi. „Sumir leita til okkar vegna
þess að hjónabandið rann út í
sandinn og vilja koma í veg fyrir
að þetta endurtaki sig í nýju sam-
bandi.“
Andrés ítrekar að þeir sem leita
til þeirra séu menn sem vilja axla
ábyrgð. „Þeir eru það skynsamir
og flottir að segja að þeir vilji
þetta ekki lengur og eru reiðu-
búnir til að leggja mikið á sig. Það
er ekki eins og þetta sé auðveld
meðferð. Við leggjum upp með þá
forsendu að taka afstöðu gegn
ofbeldi og lýsum andúð á því í
hvers konar mynd. En á sama
tíma reynum við að sýna viðkom-
andi manneskju virðingu – hún á
fullan rétt á því – og aðgreinum
þarna á milli. En við göngum mjög
nærri þessum mönnum og það er
þeim til mikils hróss og virðingar-
vert að þeir taka svona á sínum
málum.“
Brautryðjendastarf
Andrés og Einar Gylfi játa að
meðferðin sé krefjandi fyrir þá
sjálfa en það gefi starfinu gildi að
sjá árangur erfiðisins. „Þegar
maður sér þetta skila auknum
lífsgæðum til fólks,“ segir Andr-
és. „Aðalniðurstaðan í árangurs-
matinu sem var gert eftir fyrra
tímabilið var að 90 prósent skjól-
stæðinga og maka töluðu um
aukin lífsgæði í kjölfar meðferð-
ar.“
Þeir vona að næsta skref verði
að auka samvinnu milli ýmissa
aðila sem tengjast heimilisof-
beldi. „Við viljum sjá meiri sam-
vinnu milli lögreglu, okkar, félags-
þjónustunnar,
barnaverndar yfirvalda, Kvenna-
athvarfsins og fleiri aðila. Þegar
lögreglan hefur afskipti af svona
málum þá fari ákveðið ferli í
gang. Gátlisti um hvað á að gerast
á fyrsta sólarhring og í framhald-
inu. Og því verði fylgt eftir af
ábyrgum aðilum. Það er draumur-
inn.“
Andrés og Einar Gylfi eru bjart-
sýnir á að það starf sem þeir hafa
unnið á undanförnum árum verði
eflt fyrr en síðar. „Hjá Alternativ
til vold í Ósló eru starfandi á
fjórða tug sálfræðinga. Sam-
kvæmt því ættum við að vera með
fjóra í fullu starfi. Það væri eðli-
leg þróun og ég held að það eigi
eftir að gerast hér,“ segir Andrés.
Undir það tekur Einar Gylfi:
„Þetta er brautryðjendastarf og
við erum stoltir af að taka þátt í
því. Nú höfum við grunn til að
byggja enn meira á. “
EINAR GYLFI JÓNSSON „Það hefur gerst að við teljum að maka sé ekki óhætt að búa
áfram undir sama þaki og eiginmaðurinn.“ FRÉTTABLAÐIÐ/AUÐUNN
Þegar líður á meðferðina átta menn sig smám saman
á að þeir hafa sannarlega beitt andlegu ofbeldi, jafnvel
líkamlegu – það bara heitir ýmsum öðrum nöfnum.