Fréttablaðið - 26.01.2008, Blaðsíða 62

34 26. janúar 2008 LAUGARDAGUR
HLJÓÐFÆRI HUGANS
Njörður P. Njarðvík skrifar
um íslenskt mál
GÓÐ VIKA / SLÆM VIKA
HELGARKROSSGÁTAN
Gróandi sálarinnar
Ef til vill er ekkert fegurra í lífinu
en að kynnast hrörnandi gamal-
menni, sem alltaf er að vaxa að
þolinmæði, mildi og manngæzku,
tekur ellimörkunum með lotningu
og undirgefni við lífsins órjúfan-
lega lögmál, hugsar til allra gjafa
síns liðna lífs með þakklæti og
varpar aftanskini af friði í kring-
um sig. Og fátt er raunalegra en
heyra menn, sem ættu enn að vera
á ríkasta þroskaaldri, tala um
æskuárin sem horfna paradís.
Æska mannsins er ekki bundin við
neinn aldur. Það eru til örvasa
ungmenni og aldnir spekingar
með barnshjarta. Æskan er gró-
andi sálarinnar og endist nákvæm-
lega jafnlengi og þessi gróandi.
Sigurður Nordal: Batnandi
manni er best að lifa (Áfangar I,
1943)
Framkvæma handtöku
Í Mbl. 14. janúar er haft eftir við-
mælanda: „Ég fór í tukthús og sat
inni fyrir að hafa framkvæmt ólög-
lega handtöku.“ Ég hætti aldrei að
undrast þessa ást á stofnanamáli.
Er betra að segja „framkvæma
handtöku“ en einfaldlega „hand-
taka“? Hér má blátt áfram segja:
...„sat inni fyrir ólöglega hand-
töku“.
Við erum að sjá
Birgir Guðjónsson skrifar og bend-
ir á viðtal sem birtist í Morgunblað-
inu í dag [16. janúar]: „Má ég taka
nokkur dæmi: „Við erum að sjá
núna í fyrsta sinn að færri nýút-
skrifaðir hjúkrunarfræðingar en
áður hefji störf inni á spítölunum ...
Nú sjáum við inni á Landspítala að
hópurinn upp að þrítugu er skugga-
lega lítill ... Hjúkrunarfræðingar
sjá starfsumhverfi á sjúkrahúsum í
sínu námi, finna fyrir manneklunni
og álaginu sem henni fylgir. Erlend-
is sjáum við að fólk treystir sér
ekki inn í þetta umhverfi. Og það er
vandi sem við sjáum nú hér ...Við
sjáum að frá og með árinu 2112 er
mjög stór hópur að hætta störf-
um.“
Það má nú segja að málið/vanda-
málið blasi við, ekki satt?? Allt
framangreint er að mínu mati dæmi
um hina ísmeygilegu aðför ensk-
unnar að innviðum íslenskunnar.“
Áhyggjur rætast ekki –
var sagt í Viðskiptablaði Mbl. og
nýlega fékk ég kynningu á „yfir-
vofandi sýningum“.
Að hittast
Fbl. 19. janúar: „Eins og fram kom
í síðasta þætti Kiljunnar er hann
vanur því að hittast þar í góðra
vina hópi.“ Þetta merkir væntan-
lega að hann sé vanur að hitta þar
sjálfan sig, ekki satt? Miðmynd
gerir hér ráð fyrir gagnkvæmni:
Þeir hittast – ekki hann hittist.
Kveðja
Þessir pistlar eru orðnir 72 talsins,
og nú verður látið staðar numið, –
að minnsta kosti um sinn. Ég vil
þakka Fréttablaðinu og lesendum
samveruna þennan tíma, og góðar
undirtektir. Höldum áfram að nær-
ast á auðgi móðurmálsins, sýna
því virðingu næmrar umhugsunar
og rækta með okkur málkennd.
Leikum eins vel og okkur er fram-
ast unnt á hljóðfæri hugans.
Braghenda
Ragnar Böðvarsson sendir þessa
braghendu:
Þetta er nú eiginlega enginn vetur.
Aðeins fúlt og önugt tetur
sem ætti að heita Grái-Pétur.
Þú sendir SMS skeytið JA LAUSN LAUSNARORÐIÐ á
númerið 1900! Dæmi hvernig SMS gæti litið út ef svarið er Jón.
Þá sendir þú SMS-ið JA LAUSN JON
Dregið úr réttum svörum n.k. fimmtudag kl. 12. - 99 kr. sms-ið
Leystu krossgátuna
Í vinning eru tveir miðar
í bíó í Regnbogann,
Borgarbíó eða Smárabíó?
Lausn krossgátunnar er birt að viku liðinni á vefnum, www.this.is/krossgatur
Góð vika fyrir …
... vini Ólafs F.
Allt í einu
var Ólafur
F. Magnús-
son orðinn
borgar-
stjóri í
Reykjavík
með öllum
þeim hlunn-
indum sem
því fylgja.
Til að fylgja
öllum þeim
góðu málefnum sem Ólafur stend-
ur fyrir komast vinir Ólafs í feitt.
Til dæmis Ásta Þorleifsdóttir,
sem var í fjórða sæti hjá Frjáls-
lyndum. Hún er orðin varafor-
maður stjórnar Orkuveitu Reykja-
víkur og líka komin í stjórn
Faxaflóahafna. Kjötkatlafræðing-
um þykja þetta spikfeitir bitar.
... unnendur
absúrdleik-
húss
Áhugafólk um
fréttir fékk
aldeilis sinn
skammt í
þessari svaka-
legu viku og
ekki síður
unnendur
ab súrdleik-
húss. Eugen
Ionescu hefði aldrei getað skrifað
aðra eins atburðarás og við sáum
í vikunni. Ofan á ráðhúsgrínið
bættist bakstungublús Framsókn-
arflokksins, háleynileg greftrun
Bobbys Fischer og 2000-kalla
uppákoma Ástþórs. Það vantaði
bara nokkrar geimverur, eldgos
og engisprettufaraldur til að full-
komna ruglið.
... rokkara
Rokkarar
landsins
glöddust eins
og lang-
þreyttir
borgarar sem
sjá styttu af
kúgara sínum
falla þegar
fréttist að
Luxor-hópur-
inn væri
allur. Söng-
flokkurinn hefur þótt táknmynd
alls hins versta sem dægurtónlist
getur hugsanlega orðið og fengið
herfilega dóma, meðlimirnir jafn-
vel verið kallaðir synir Satans.
Þótt orustan hafi unnist er stríð-
inu ólokið.
Slæm vika fyrir …
... Ástþór
Magnússon
Aumingja
Ástþór. Það
gengur bara
ekkert upp.
Hann var
með pottþétt
plott: stóra
salinn í
Háskólabíói,
kraftalega öryggisverði og 40
millur í 2000-köllum. Það var bara
tímasetningin sem klikkaði. Á
meðan fjórir fréttamenn fylgdust
glottandi með fjölmiðlastönti Ást-
þórs voru allir aðrir að fylgjast
með í ráðhúsinu, sem logaði í
meintum skrílslátum mótmæl-
enda. Þó er bót í máli fyrir Ástþór
að hin fyrrum brotthlaupna eigin-
kona, Natalía Wium, virðist snúin
aftur.
... Björn Inga
„Bjartasta von
Framsóknar-
flokksins“ er
hætt, farin. Fast
var sótt að Birni
í október. Brjál-
aðir sjálfstæð-
ismenn hreyttu í hann svívirðing-
um úr ráðhúspontunni, en Björn
stóð óveðrið af sér, enda réttum
megin kjötkatla þá. Svo byrjaði
annar ávirðingaflaumur úr innsta
koppi eigin flokks – hnífasett hér,
jakkaföt þar – og það var meira
en Björn þoldi. Enda kominn vit-
lausum megin kjötkatla.
... handboltaáhugamenn
Þrátt fyrir gífurlegar vonir og
væntingar varð EM ekki sá gleði-
gjafi sem vænst var til. Þetta var
svo slæmt að hetjan Alfreð Gísla-
son, sem þó hefur upplifað ýmsa
skelli, gafst upp og gekk hnípinn
frá velli. Handboltaáhugamenn
landsins, sem sáu fram á frábæra
sjónvarpshelgi, geta huggað sig
við það að þeir geta notað sigur-
vökvann til að drekkja sorgum
sínum.