Fréttablaðið - 27.01.2008, Blaðsíða 15

SUNNUDAGUR 27. janúar 2008 15
Fjórða atriðið er heit réttlætis-
kennd og pólitíska æðin sem hún
hefur.
Fornleifar, sauðfé og júdó
Nú eruð þið bæði börn skálda og
skrifið sjálf. Ef þið ættuð að velja
annað fjölskyldusport en að vera
skáld – hvað mynduð þið velja?
Guðný: Það er engin spurning. Forn-
leifafræðingur og góður fjárbóndi.
Það er svo mikið af dóti hér alls
staðar sem er áhugavert. Eins og
konan með alla hnappana sem fannst
undir steininum rétt hjá Seyðisfirði.
Það hljóta að vera margar ófundnar
konur með hnappa. Ég er svo mikið
fyrir útivinnu og mikla hreyfingu.
Guðmundur: Fjölskyldusport? Ég
held að júdó sé eina fjölskyldu-
sportið – pabbi er alltaf í hvítum
náttslopp að fleygja einhverjum
mönnum til og frá. En ef þú ert að
meina störfin þá myndi ég örugg-
lega verða ástsæll forsetaritari – en
ég veit ekki með annað úr fjölskyld-
unni. Annar afi minn var rafvirki og
ég er sjúklega hræddur við raf-
magn. Hinn afi minn var forstjóri
Eimskipafélagsins …
Guðný: Það liggur víst ekki á lausu
núna.
Guðmundur: Nei, ég veit ekki einu
sinni hvort það er til. Er það ekki
bara einhver skúffa í einhverju
grúppinu?
Björn Inga í járnabindingar
Valdabröltið í Ráðhúsinu virðist
endalaust. Ef þið ættuð að setja ein-
hvern í borgarstjórastólinn nú, sem
ekki er í pólitík en þið hafið fulla trú
á að geti haldið utan um borgar-
stjórn án þess að til svika eða pretta
komi, hver væri það? Björn Ingi
Hrafnsson lýsti því svo yfir að hann
væri hættur í stjórnmálum í bili –
hvar sjáið þið Björn Inga blómstra?
Og hvernig líst ykkur á nýjan borgar-
stjóra?
Guðný: Fljótt á litið myndi ég velja
Þórhildi Þorleifsdóttur því það þarf
einhvern góðan og heiðarlegan leik-
stjóra í þetta ljóta ráðhús. Og það
þýðir ekki þegar verið er að setja
upp leikrit að hver tali með sínu nefi
þannig að ég myndi treysta henni
best.
Guðmundur: Ég vil bara að Dagur
B. Eggertsson sé borgarstjóri og
fannst hann standa sig afskaplega
vel en ef ég neyðist til að velja ein-
hvern sem er ekki pólitíkus myndi
ég bara velja Örnólf bróður minn.
Guðný: Já, djöfulli held ég að Örn-
ólfur yrði góður í þetta. Hann myndi
bara stjórna þessu með augunum.
En að honum Binga, þá ætti hann,
bara til að laga baugana, að fara á
sjóinn eða í járnabindingar. Þetta er
hraustur maður og hann er búinn að
ljúga svo mikið undanfarið að hann
þarf að afljúga sig einhvers staðar
undir berum himni.
Guðmundur: Ég held hann verði rit-
stjóri Morgunblaðsins og leiði endur-
reisn þess blaðs.
Guðný: En mér líst afar illa á nýjan
borgarstjóra. Ég myndi ekki treysta
honum fyrir hundinum mínum í
meira en hálftíma.
Guðmundur: Hvað myndi hann gera
við hundinn?
Guðný: Hann myndi ljúga honum
inn á fólk.
Guðmundur: Eða ljúga að honum.
Guðný: Og týna honum.
Guðmundur: Æjá, hann laug ósköp
mikið þennan dag þarna með Villa,
bæði að þáverandi félögum sínum
og kannski ekki síst að sjálfum sér.
Það er ekki gott veganesti. Hann
stendur núna uppi í einhverju emb-
ætti sem hann hefur einhvern veg-
inn ekkert með að vera í og á enga
heimtingu á og hefur ekkert á bak
við sig og veit ekki sitt rjúkandi
ráð.
Ullað á okkur hin
Það er brölt á fleiri stöðum, til að
mynda á fjármálamarkaðinum.
Eruð þið kvíðin fyrir fjárhagslegri
framtíð landsins? Ef þið ættuð
hundruð milljóna núna – og yrðuð
að passa að eiga allar milljónirnar
enn þá eftir tvö ár – hvar mynduð
þið geyma peninginn?
Guðný: Er ekki búið að tala þetta
ríkidæmi okkar upp í einhverja
vitleysu? Er ekki kominn tími til að
tala það aftur niður og átta sig á
því að við erum ósköp venjuleg
skítaþjóð hérna úti á hjara verald-
ar sem erum búin að ljúga að sjálf-
um okkur að við eigum svona mikið
af peningum? Við þurfum bara að
verða aftur að eðlilegu fólki. Ég
veit ekki hvaða della þetta er. Menn
eru bara ...
Guðmundur: ... rífandi niður ein-
hver einbýlishús hér í Þingholtun-
um og reisandi ný bara til þess að
ulla á okkur hin. Og án þess að
maður sé eitthvað að hlakka yfir
óförum annarra þá fer maður ekk-
ert að skæla heldur yfir því þótt
rjúki burt einhverjir fjármunir
sem alltaf voru bara mold. Mér líst
mjög illa á þessa auðmannavæð-
ingu sem hófst með kvótakerfinu.
Hún táknar það að við segjum skil-
ið við þetta hálfpartinn stéttlausa
samfélag sem þó hefur verið hér
mest alla 20. öldina, hættum að
þekkjast. Það er ágætt að eiga sold-
inn pening en miklum auð fylgir
sjaldan gæfa, hvað þá misskipt-
ingu.
Guðný: Sem dæmi um þennan auð
get ég nefnt til dæmis íbúa í Mos-
fellsdalnum sem ég bý í – sem hing-
að til hafa bara reist sér lágreist
húsasmiðjuhús og kofa. Svo rauk
fasteignaverð upp og þangað komu
menn sem ætluðu að byggja sér
einhver mörg hundruð fermetra
hús. Einn var svo gráðugur um
daginn að hann byrjaði að grafa
niður og fór í gegnum eitthvert
hálfgert ísaldarlag því hann þurfti
svo rosalegan djúpan kjallara
undir draslið sitt. Og undan þessu
ísaldarlagi rennur vatnsforði Mos-
fellinga í þúsundum lítra á mínútu,
beint út í sjó, án þess að nokkur
skipti sér af því.
Guðmundur: Bara jökulhlaup?
Guðný: Já. Græðgin er orðin svo
mikil að þetta er orðin meiri eyði-
legging en ekki.
Guðmundur: Já, þessi tími sem er
að líða undir lok var bara einhvers
konar víma. Og það er bara ágætt
að menn komist út úr henni. Bara
vímulaus æska.
Guðný: (bendir út um gluggann á
Norræna húsinu á einkaþotu sem
er að lækka flugið): Þarna kemur
einmitt einn. Nýbúinn að kaupa í
matinn fyrir helgina.
Guðmundur: En já, hvernig myndi
ég geyma 100 milljónir sem mættu
ekki réna, þetta er góð spurning, í
hverju myndum við fjárfesta,
Duna? Er ekki gott að kaupa gull?
Guðný: Jú, Norðmenn eiga voða
mikið af gulli.
Guðmundur: Já, heyrðu, ég myndi
bara festa peninginn í Noregi. Í
norska skíðabransanum.
Guðný: Ég myndi kaupa mér tún-
bleðil og þreskimaskínu og rækta
korn. Held ég yrði nú helvíti rík
þegar ég færi að selja Kínverjun-
um hveitið.
Guðmundur: Ætlarðu að kaupa þér
túnbleðil fyrir 100 milljónir?
Guðný: Nei, þreskivélin kostar
sitt! Og pokarnir!
Guðmundur: Já sennilega er mat-
vælaframleiðsla málið. Flestir
auðmennirnir eiga það sameigin-
legt að hafa selt okkur einhverjar
nauðsynjar á uppsprengdu verði –
mat og lyf og yfirdrátt. Fyrir
gróðann af þessu lögðu þeir undir
sig heiminn og keyptu sér knatt-
spyrnulið fyrir kex.
Guðný: Og helminginn af Oxford-
stræti fyrir Del monte-ananas og
blandaða ávexti í dós.
Selskinnsdragtirnar ónýtar
Fatastyrkur áðurnefnds Björns
Inga hefur talsvert verið í umræð-
unni. Ef þið fengjuð fatastyrk upp á
milljón og yrðuð að versla föt á
hvort annað – hvað myndir þú, Guð-
mundur, kaupa á Guðnýju og hvað
myndir þú, Guðný, kaupa á Guð-
mund?
Guðmundur: Úff. Karlmenn eiga
ekki að ráðskast með fatnað kvenna,
ekki einu sinni hommar. Ég myndi
bara kaupa eitthvað hippalegt.
Skræpóttar mussur og indversk
silkiklæði en ekki dragtir, það er
ekki Duna. Eitthvað rautt og grænt
af því að Duna er tvímælalaust
sumar. Og svo nóg af stígvélum af
því hún er alltaf úti í garði.
Guðný: Eins og sagt var í vissu ára-
mótaskaupi: Tvö stokkabelti fund-
ust á kvennaklósettinu.
Guðmundur: Haha!
Guðný: Alveg hikstalaust myndi ég
kaupa selskinnsanorakk með hettu
á Guðmund. Svipaðan og Halldór
Ásgríms á, og rauðan trefil við.
Heldurðu að þú yrðir ekki flottur í
því?
Guðmundur: Tja, ég veit það ekki
....
Guðný: Hefurðu séð hvernig þeir
vinna selskinnið núna?
Guðmundur: Mér finnst bara ein-
hvern veginn eins og ég yrði Hall-
dór Ásgrímsson.
Guðný: Jú, það er nefnilega það.
Halldór er svolítið búinn að eyði-
leggja selskinnsdragtirnar fyrir
okkur.
Vigdísi á peningaseðil
Þekktir einstaklingar hafa fallið frá
í þessum mánuði, meðal annars
fjallagarpurinn Edmund Hillary,
Bobby Fischer og núna Hollywood-
leikarinn Heath Ledger. Ef þið
ættuð að velja þrjá látna einstakl-
inga til að prýða næstu peninga-
seðla Íslands sem prentaðir verða
– hverjir yrðu fyrir valinu? Og hver
ætti að vera þriðji Íslendingurinn
til að verða grafinn á þjóðreit okkar
á Þingvöllum?
Guðmundur: Halldór Laxness.
Hann á að fara á næsta seðil. Hmm,
hverjir fleiri. Allavega ekki Bobby
Fischer. Ég er algerlega á móti
þessari stefnu að gera hann að ein-
hverjum ástmegi þjóðarinnar. Þó
að við höfum skotið skjólshúsi yfir
hann bara af því að hann var vitl-
eysingur. Ég myndi vilja sjá Jónas
eða Gröndal og einn peningakarl –
Thor Jensen – hvernig væri það?
Guðný: Jú, það má nú alveg fara að
huga að honum. Ég myndi setja
Bríeti Bjarnhéðinsdóttur. Síðan
myndi ég setja Jón Helgason skáld
og svo Vigdísi Finnbogadóttur – og
setja hana í skautbúning á einhvern
seðilinn – 12.000 króna seðilinn.
Guðmundur: Heyrðu, við erum
komin með svolítið góða seðla –
alveg sex nýja. Við verðum bara að
biðja um verðbólgu. En í þjóðar-
grafreitinn. Mér dettur nú bara
Hannes Hólmsteinn í hug. Hann
hefði gaman af því sjálfur. Ég get
ekki ímyndað mér neinn annan
mann sem myndi þiggja þetta.
Eigum við ekki bara að fara að
hætta með þetta? Það mætti bara
flytja þá sem hvíla þarna og leyfa
þeim að hvíla innan um annað fólk.
Guðný: Þú meinar beinahrúguna af
Dananum og svo beinin af Einari
Ben. Ég myndi segja að hund-
helvítið á næsta bæ við mig ætti að
fara á þennan þyrlupall. Það vill
enginn liggja þarna og ég veit um
tvo sem voru svo hræddir um að
þeir yrðu settir þarna að þeir báðu
um það á meðan þeir voru alveg
með fulde fem að þeir yrðu ekki
settir niður þarna.
Mía litla í ham
Björk tuktaði nýlega til ljósmynd-
ara, í annað skiptið á ferlinum, þar
sem hann myndaði hana í Ástralíu.
Hafið þið skilning á gjörning henn-
ar?
Guðmundur: Ég er fullur aðdáunar
á Björk og ef hún þarf að umbreyt-
ast í stórhættulegt kvendýr, svona
Míu litlu í ham, þá hefur hún fullt
umboð frá mér til þess. Ég vor-
kenni þessum ljósmyndara ekki
rassgat.
Guðný: Ég er þannig af ef mér er
sýnt ofbeldi sýni ég ofbeldi á móti
og ég hugsa að það sé öllu kviku
eðlis lægt. Ég hef séð svona ljós-
myndara að störfum, í London og
Cannes, og ef það er ekki ofbeldi
hvernig þeir vinna veit ég ekki
hvað það er. Ég er bara stolt af
henni að gefa honum einn á lúður-
inn.
Guðmundur: En mér finnst leiðin-
legt að sjá hvernig DV er að reyna
að verja þetta. DV lítur svo á að
þessi ljósmyndari sé einn af þeim.
Björk er hins vegar ekki ein af
þeim. Jæja, sækjast sér um líkir
mætti segja.
Guðný: Þessir ljósmyndarar eru að
eyðileggja líf fólks.
Guðmundur: Þetta er líka partur af
ímynd Bjarkar – hún bítur ef þú
kemur of nálægt.
Guðmundur Andri er fæddur á
gamlársdag árið 1957 en þann
afmælisdag átti listmálarinn Henri
Matisse einnig.
Guðný er hins vegar fædd 23. jan-
úar árið 1954 og á sama afmælis-
dag og rússneski leikstjórinn Sergei
Eisenstein.
Guðmundur er því steingeit en
Guðný vatnsberi.
Guðmundur Andri lærði bók-
menntafræði og íslensku við
Háskóla Íslands en Guðný nam
kvikmyndaleikstjórn í London Inter-
national Film School.
Guðmundur hefur skrifað fjórar
skáldsögur auk fjölda greina og
þýðinga. Guðný hefur hins vegar
leikstýrt fimm kvikmyndum í fullri
lengd og tveimur áramótaskaupum.
Síðasta skáldsaga Guðmundar hét
Náðarkraftur en síðasta kvikmynd
Guðnýjar var Veðramót.
➜ GUÐMUNDUR OG GUÐNÝ Í HNOTSKURN
Guðmundur: Svo þegar komið var á Gljúfrastein reyndist búlgarska barnið vera
átján ára yngismær þannig að ég var nú í hálfgerðu reiðileysi. En þá aumkuðu
þær systurnar sig yfir mig og fóru með mig upp í herbergi og þarna heyrði ég í
fyrsta sinn í Bítlunum – heyrði John Lennon syngja og varð ekki samur á eftir.
Duna breytti sem sagt lífi mínu.