Fréttablaðið - 27.01.2008, Blaðsíða 44
27. janúar 2008 SUNNUDAGUR26
ATVINNA
Kolfinna Baldvinsdóttir
hefur í nógu að snúast
þessa dagana en hún
er annar stjórnenda
sjónvarpsþáttarins Mér
finnst sem fór í loftið
í gær. Kolfinna hefur
komið víða við og segir
hér frá fyrstu störfun-
um sínum.
„Ég held mikið upp á
þessi fyrstu störf mín ég
vann þrettán ára í fiski,
fór fjórtán ára í vega-
vinnuna og svo á togara
sem var mikil lífsreynsla
en vegavinnan sló allt út,“
segir Kolfinna og útskýrir
það nánar. „Þar var ég
umkringd karlmönnum
og fór hringinn í kring-
um landið. Þetta var erf-
itt og tók á og það sögðu
allir „þú átt aldrei eftir að
geta þetta, stelpa“ en ég
barði mig bara áfram á
þrjóskunni. Ég var aftan
á tjörubílnum að moka og
kallarnir sífellt að gera
grín að manni og maður
lærði þarna hvernig karl-
menn hugsa þegar þeir
eru komnir í hóp, svolít-
ið klúrt,“ segir hún kank-
vís en bætir því við að
hún hafi verið ánægð í
vegavinnunni. „Þegar ég
lít til baka núna stendur
þetta upp úr. Að kvöldi
dags var maður þreyttur
en leit svo um öxl og sá
heilan veg sem maður var
búinn að leggja. Svona
lærum við fyrst og fremst
hvað það er sem ber þjóð-
félagið uppi og að standa í
eigin fætur,“ segir hún að
lokum. heida@frettabladid.is
Lagði vegi og
sótti sjó
Kolfinna vann þrettán ára í fiski og fjórtán í vegavinnu.
FRÉTTABLAÐIÐ/HEIÐA
Vinnuvernd rædd frá
ýmsum hliðum
HÁDEGISFYRIRLESTRAR RANNSÓKNASTOFU VINNU-
VERNDAR HAFA MÆLST VEL FYRIR.
Rannsóknastofa í vinnuvernd hefur undanfarin misseri staðið
fyrir hádegisfyrirlestrum sem mælst hafa vel fyrir og færri
komist að en vildu. Því verða slíkir fyrirlestrar haldnir á föstu-
dögum klukkan 12.15 til 13.15 í stofu 101 í Odda.
Dagskrá vormisseris er eftirfarandi:
8. febrúar: Ólafur Hjálmarsson verkfræðingur – Samspil
hljóðhönnunar og menningar á vinnustað
22. febrúar: Hulda Ólafsdóttir, framkvæmdastjóri Mímis, sí-
menntunar – Missum ekki erlent starfsfólk úr landi, gefum
því tækifæri til menntunar og starfsþróunar
7. mars: Sigurður Thorlacius, dósent í læknadeild – Tengsl at-
vinnuleysis og heilsu
28. mars: Ingibjörg Lilja Ómarsdóttir félagsfræðingur, Rann-
sóknastofu í vinnuvernd – Samræming vinnu og einkalífs
4. apríl: Þuríður Helga Kristjánsdóttir, MA í mannauðsstjórn-
un – Hversu ánægðir eru stjórnendur með starfsfólk sitt? Er
munur milli opinbera geirans og einkageirans?
Fyrirlestrarnir eru ókeypis og opnir öllu áhugafólki um vinnu-
vernd.
Sjá upplýsingar um Rannsóknastofuna á slóðinni www.riv.hi.is
Hádegisfyrirlestrar Rannsóknastofu í vinnuvernd verða framvegis
í stofu 101 í Odda.
FYRSTA STARFIÐ
18