Fréttablaðið - 27.01.2008, Blaðsíða 88

10 FERÐALÖG
„Eitt af þeim ferðalögum sem við
fórum í þegar við vorum í Chile
var frábær ferð til Perú. Það
þekkist ekki að ferðamenn leigi
sér bílaleigubíl í Perú til að ferð-
ast utan borgarinnar en við gerð-
um það engu síður og enduðum
reyndar á því að þurfa að setja
blýlaust bensín á bíl sem var gerð-
ur fyrir blýbensín en í sveitinni er
aðeins selt blýlaust.
Við keyrðum suður með strönd-
inni og skoðuðum meðal annars
Nasca-línurnar og sáum Inka-
rústir, sem eru magnaðar því enn
eru allar fornminjar óáreittar í
þeim. Leiðin lá svo til Titicaca-
vatns sem er í fimm þúsund metra
hæð og skoðuðum við sefeyjarnar
frægu. Á þessu ferðalagi keyrð-
um við meðal annars fáfarinn
fjallaveg til Lima en slíkt hafa
túristar ekki gert því hryðju-
verkasamtökin Skínandi stígur
hafa verið virk á þessu svæði en
voru á þessum tíma að leggja upp
laupana.
Aksturinn í gegnum fjöllin tók
sextán tíma og sáum við þar
afskaplega frumstæða hlið á Perú
og mættum við aðeins um tveim-
ur bílum alla þessa leið. Dóttir
mín, sem er mjög ljóshærð, vakti
mikla athygli en margir þarna
höfðu aldrei séð ljóshært fólk
áður og vakti það enn meiri kát-
ínu þegar hún talaði svo reiprenn-
andi spænsku.
Við enduðum svo í borginni
Ayacucho, vígi Skínandi stígs, og
þar höfðu varla sést ferðamenn.
Við keyrðum til Lima og þar
kvaddi ég fjölskylduna og ætlaði
þá að sigla niður Amazon-fljótið.
Ég flaug til þorpsins Pucalpa og
kynntist þar nýrri hlið á Suður-
Ameríku, Amazon-svæðinu, sem
minnir meira á Filippseyjar en
Suður-Ameríku.
Niðri á höfn fann ég bát sem
sigldi niður ána en tilhögun á
slíkum ferðalögum með fljóta-
bátum er þannig að maður tekur
einfaldlega með sér hengirúm,
hengir það á þilfarið og er þar
svo í rúminu á leið niður ána – ég
var í viku. Ég lenti á æðislegum
bát með fullt af fólki og allir virt-
ust þurfa að ferðast með hænuna
sína með sér hvert sem þeir fóru.
Ég greip að vísu fljótlega til
skemmdarverka, þar sem Mad-
onna var spiluð í botni allan sól-
arhringinn á þilfarinu, og klippti
fljótlega á hátalaravírinn. Þá var
þetta fullkomið – landslagið og
upplifunin ótrúleg og maður naut
þess að lesa og slappa af.
Einni sinni á leiðinni skipti ég
um bát og þegar ég kom að landa-
mærum Kólumbíu og Perú fór ég
úr bátnum og flaug til Bogota,
höfuðborgar Kólumbíu. Þaðan
flaug ég til Orlando og svo aftur
til Chile.“
„Þarsíðustu jól var ég á leið til Ind-
lands en var svo lengi að fá vega-
bréfsáritun þangað að ég hætti við
og hélt þess í stað til Srí Lanka, en
þangað þurfti enga vegabréfsárit-
un. Mér fannst heppilegt að fara
þangað þar sem þar höfðu geisað
óeirðir og því auðvelt að fá gist-
ingu þar ódýrt. Auðvitað var ég þó
búinn að kynna mér það að hryðju-
verkin beindust ekki gegn ferða-
mönnum, þvert á móti reyna Tam-
ílatígrar að gera vel við
Vesturlandabúa og vinna sér inn
stig. Ég flaug til London, þaðan til
Dubai og svo til Srí Lanka. Flugið
kostaði í heild um 70.000 krónur
en þetta var um jólin og mig lang-
aði því að gera mér einhvern daga-
mun. Ég bókaði mig því inn á dýr-
asta hótelið, sem var bresk
nýlenduhöll, en samt var gistingin
ódýr. Þar borðaði ég fimm rétta
hátíðarmat á jóladag og annan í
jólum og ákvað svo að ferðast út
fyrir borgina til minna þorps í
fjöllunum, Ella, en það fann ég í
Lonely Planet-bókinni. Það var
ótrúlega fallegt þorp og var ég þar
í afslöppun í þrjá daga og hélt þá
til Arugam Bay, brimbrettabæjar
sem ég las um í sömu bók, og fór
þangað með bílaleigubíl. Þar hafði
enginn ferðamaður sést í tvær
vikur en ég var svo heppinn að ég
rambaði þar inn á hótel sem Íslend-
ingur rak. Leigði ég mér strákofa
á ströndinni og eyddi þar restinni
af ferðinni í hengirúmi að lesa og
leysa Sudoku.“
juliam@frettabladid.is
VIN Í EYÐIMÖRKINNI Lítið þorp í miðri eyðimörk Perú. Sigmar segir
að það hafi verið afar súrrealískt að keyra í gegnum sand og svo allt
í einu birtist lítið vatn og hús. Fjölskyldan notaði tækifærið og skellti
sér á sandbretti.
MACHU PICCHU – TÝNDA BORGIN Yfirgefin Inkaborg í Perú og eitt
frægasta kennileitið þar.
PÁSKAEYJAR Þegar Sigmar dvaldi í Chile fór hann meðal annars í ferðalag til Páskaeyja og
dvaldi þar með fjölskyldunni.
Á LEIÐ UPP Í nærri 5.000 metra hæð á leið upp til Titicaca-vatns.
FÍLAR Í SRÍ LANKA Sé ferðast með bílaleigu-
bíl um Srí Lanka má sjá mikið af fílum hist
og her.
FJALLAVEGIR Í PERÚ OG FLOTIÐ NIÐUR AMAZON
SRÍ LANKA
www.ultimathule.is
Spennandi ferðir um allan heim