Fréttablaðið - 27.01.2008, Blaðsíða 101

SUNNUDAGUR 27. janúar 2008 25
Ein af betri poppplötum síðasta
árs var án efa önnur breiðskífa
írsku söngkonunnar Róisín Murp-
hy. Þessi fyrrverandi söngkona
hljómsveitarinnar Moloko gerði
frábæra hluti með fyrstu sóló-
skífunni sinni, Ruby Blue, árið
2005 en platan var unnin í sam-
starfi við danstónlistarmanninn
Matthew Herbert. Margir vildu
eigna Herbert heiðurinn af gæðum
plötunnar jafnvel þótt Murphy
væri höfundur allra laganna. Á
Overpowered kveður Murphy hins
vegar í kútinn þessar efasemdar-
raddir sem sögðu að vinsældir
Murphy væru einhverjum öðrum
að þakka en henni sjálfri.
Af Murphy verður þó ekki skaf-
ið að hún kann að velja réttu sam-
starfsfélagana til að ná fram
markmiðum sínum. Á Over-
powered fær hún til liðs við sig
Seiji úr hinni ágætu hljómsveit
Bugz in the Attic og soul-house
danstónlistarmanninum Mike
Patto (nei, þetta er hvorki Mike
Patton né hinn sálugi Mike Patto
úr hljómsveitunum Timebox og
Patto. Í raun er þetta sonur þess
síðarnefnda). Og útkoman? Jú,
eins og áður segir, ein af betri
popplötum síðasta árs.
Á plötunni flæðir lostafullt
grúv ið sem alsæla um líkama
manns, fær endorfínið til að
streyma og þannig líður hlustand-
anum ósjálfrátt vel. Taktarnir eru
þar að auki stórfenglega dillivæn-
ir og seyðandi söngur Murphy
sjálfrar setur loks punktinn yfir i-
ið. Ein af þessum plötum sem sett
er á fóninn í helgarpartíi, stelp-
urnar byrja fljótlega að dansa (af
hverju ætli dansþörfin sé ríkari
meðal stúlkna en stráka?) og eftir
nokkur lög sjá strákarnir að sér og
byrja einnig að dilla sér.
Bestu lög plötunnar eru án vafa
Overpowered, You Know Me Bett-
er, Let Me Know og Cry Baby en
allt eru þetta lög sem geta orðið
mega dansgólfsslagarar. Reyndar
hafa einhver þeirra náð þeim
áfanga nú þegar. Murphy hoppar
reyndar nokkrum sinnum ofan í
drulluga klisjupolla, til dæmis í
neu-rave laginu Movie Star, og
stundum kemur fyrir að grúvið í
melódíunum nær sér ekki á strik.
Þessir lestir heyra hins vegar til
undantekninga. Forvitnilegt verð-
ur síðan að sjá hvað Murphy tekur
sér fyrir hendur á næstu plötu.
Steinþór Helgi Arnsteinsson
Alvöru danspopp
TÓNLIST
Overpowered
Róisín Murphy
★★★★
Róisin Murphy heldur áfram á sömu
braut og framreiðir „gourmet“ dans-
popp á sinni nýjustu skífu.
Clint Eastwood hefur stefnt húsgagnafyrirtæki eftir
að það framleiddi stólalínu sem það kallar The
Eastwood. Leikarinn sakar Palliser Furniture um að
hafa notað nafn hans í leyfisleysi. Fyrirtækið hefur
áður nefnt hönnun sínar í höfuðið á leikurum, svo
sem Marlon Brando, James Cagney, Gary Cooper,
Charles Bronson og Sir Sean Connery.
Í kærunni sem Eastwood lagði fram stendur meðal
annars að hann hafi löngum hafnað tilboðum á borð
við þetta, þar sem hann vilji ekki að nafn hans sé
notað af þriðja aðila, heldur eingöngu í sambandi við
verkefni sem hann tekur persónulega þátt í.
Eastwood fer fram á skaðabætur og vill að frekari
auglýsingar, sala og dreifing á vörunni verði
stöðvuð.
Dánarbú Marlons Brando fór í svipað mál gegn
fyrirtækinu í fyrra, til að koma í veg fyrir að það
seldi stólinn The Brando. Fyrirtækið hélt því þá
fram að stóllinn héti í höfuðið á bæ á eyjunni
Korsíku, en ekki leikaranum.
Eastwood vill ekki vera stóll
Væntanleg bók breska rithöfund-
arins Andrews Morton um Tom
Cruise inniheldur meira en stað-
hæfingar um að raunverulegur
faðir Suri Cruise sé enginn annar
en upphafsmaður Vísindakirkj-
unnar, L. Ron Hubbard. Hann
heldur því einnig fram að eftir
skilnað Cruise og Nicole Kidman
hafi leikkonan verið svo miður sín
að hún hafi velt því fyrir sér að
gerast nunna. Upp úr tíu ára hjóna-
bandi Cruise og Kidman slitnaði
árið 2001. Morton heldur því fram
að Vísindakirkjunni hafi verið um
það að kenna.
„Nicole skoðaði klaustur í Ástr-
alíu sem vildi taka á móti konum
sem höfðu verið giftar,“ skrifar
Morton í bókinni, en hann heldur
því einnig fram að skilnaðurinn
hafi að miklu leyti verið Vísinda-
kirkjunni að kenna. Morton hefur
varið þær staðhæfingar sem hann
setur fram í bókinni, en þær hafa,
eins og gefur að skilja, vakið mikla
athygli. Hann segir orðstír sinn
vera þann að hann sé mjög
nákvæmur ævisagnaritari.
„Ég hef varið yfir tveimur árum
í að afla heimilda fyrir þessa bók.
Ég bað Tom um viðtal og hann
afþakkaði það,“ segir Morton.
Vildi gerast nunna
MIÐUR SÍN YFIR SKILNAÐI Andrew Mort-
on segir Nicole Kidman hafa verið svo
miður sín yfir skilnaðinum við Cruise að
hún hafi viljað ganga í klaustur.
THE
EASTWOOD
ÓLÖGLEG-
UR Clint
Eastwood
fer fram á
skaðabætur
vegna stólsins The
Eastwood, sem
húsgagnafyrirtæki
nefndi eftir
leikaranum.
KLIPPIÐ HÉR!
- Ekkert hlé á góðum myndum
Engin truflun3Minna af auglýsingum2Ekkert hlé1
2 fyrir 1 allar frumsýningarhelgar gegn framvísun þessarar úrklippu.
www.graenaljosid.is - Skráning í Bíóklúbb Græna ljóssins margborgar sig
BANDARÍSK REYNSLUSAGA EFTIR
WES ANDERSON
LEIKSTJÓRA RUSHMORE OG ROYAL TENENBAUMS
FERÐIN TIL DARJEELING FRUMSÝND 25. JANÚAR Í HÁSKÓLABÍÓI OG REGNBOGANUM
„Leikurinn er stórkostlegur. Adrien
Brody, sem er nýr liðsmaður Wes,
er ótrúlegur í sínu hlutverki... Þessi
töfrandi og sannfærandi mynd er
hápunkturinn á blómlegum ferli
Wes Anderson.”
- Peter Travers, Rolling Stone