Fréttablaðið - 29.01.2008, Blaðsíða 8
8 29. janúar 2008 ÞRIÐJUDAGUR
SVÍÐJÓÐ, AP Sænski læknaneminn
Karl Svensson, sem árið 1999 var
dæmdur fyrir morð sem tengdist
starfsemi nýnasista, hefur verið
rekinn úr læknaskóla í Svíþjóð.
Karolinska-stofnunin, sem er
þekkt fyrir að veita Nóbelsverð-
launin í læknisfræði, endurkallaði
námsleyfið fyrir skömmu eftir að
hafa fengið ábendingar um myrka
fortíð Svenssons. Hann fékk
inngöngu í skólann nú í haust.
Vegna málsins hafa verið uppi
miklar umæður í Svíþjóð um hvort
dæmdur morðingi geti orðið
læknir eftir að hafa greitt skuld
sína við samfélagið með fangelsis-
vist sinni. - fb
Sænskur læknanemi:
Rekinn úr skóla
vegna morðs
LEIKSKÓLAR Mannekla er örlítið
minni nú en hún var í haust á leik-
skólum Hafnarfjarðarbæjar.
Starfsmenn vantar nú í 25 stöðu-
gildi en vantaði í 35 stöðugildi
þegar verst lét í haust. Á einum
leikskóla eru fjórir starfsmenn að
hætta á næstu tveimur mánuðum
og fyrirsjáanlegt að það geti rask-
að starfseminni ef ekki fæst fólk í
staðinn.
„Mannahaldið hefur í heildina
skánað frá því síðasta talning var
gerð,“ segir Magnús Baldursson,
fræðslustjóri í Hafnarfirði. „Við
gerðum talningu í haust þegar
vantaði um 35 starfsmenn í eitt-
hvað færri stöðugildi. Þetta hefur
breyst þannig að nú vantar um 25 í
heildina í bænum. Það er svolítið
misjafnt eftir skólum. Ég kalla
þetta svipað ástand, þegar vantar
fólk þá er það alltaf slæmt.“
Ekki hefur komið til þess enn þá
að börn verði send heim í Hafnar-
firði. Stærsti leikskóli landsins,
Stekkjarás, er þó á gráa svæðinu,
þar eru fjórir starfsmenn að hætta
á næstu tveimur mánuðum og segir
Magnús að reynt sé að leysa það í
samstarfi við foreldraráðið. „Við
erum bjartsýn á að það takist að
leysa það mál.“
Í Hafnarfirði eru sjötíu laus leik-
skólapláss vegna manneklu. Það er
um 4,5 prósenta nýting því að leik-
skólarnir geta tekið um 1.600 börn
fullnýttir. Manneklan er miðuð við
að halda núverandi starfsemi, ef
skólarnir væru fullnýttir myndi
vanta fleira fólk. - ghs
Mannekla á leikskólunum í Hafnarfirði er örlítið minni nú en í haust:
Vantar fólk í 25 stöðugildi
FJÓRIR SAGT UPP Á stærsta leikskóla
landsins, Stekkjarási í Hafnarfirði, hafa
fjórir sagt upp og getur þurft að skerða
þjónustuna ef ekki fæst fólk í staðinn.
VIÐSKIPTI Stjórn SPRON upplýsir
ekki hvort aðrir stjórnarmenn en
Gunnar Þór Gíslason hafi selt
stofnfjárbréf sín inn á markað
með óskráð bréf í SPRON áður en
félagið var skráð á markað 23.
október í fyrra. Einnig upplýsir
stjórnin ekki hversu mikið stjórn-
armenn seldu og hvers vegna.
Blaðamaður sendi stjórn SPRON
spurningar í framhaldi af ásökun-
um sem komu fram fyrir dómi
um að stjórnarmenn hefðu selt
bréf sín á grundvelli innherja-
upplýsinga.
Í svari stjórnar SPRON er því
alfarið neitað að reglur eða lög
hafi verið brotin. Reglur um við-
skipti með stofnfjárbréf eru sagð-
ar hafa tekið mið af almennum
reglum um viðskipti með skráð
bréf, með þeirri undantekningu
að „SPRON var ekki heimilt að
birta opinberlega upplýsingar um
viðskipti stjórnarmanna þar sem
það var talið geta valdið ruglingi
við hlutabréfamarkaðinn“.
Í málflutningi í ágreiningsmáli
Saga Capital fjárfestingarbanka
og Insolidum ehf. hélt Jóhannes
Karl Sveinsson, lögmaður Insol-
idum sem Dögg Pálsdóttir vara-
þingmaður Sjálfstæðisflokksins á
ásamt syni sínum, því fram að
Gunnar Þór Gíslason hefði selt
stofnfjárbréf sín til Saga Capital
nokkru áður en félagið var skráð
á markað. Hélt Jóhannes Karl því
fram að Gunnar Þór hefði selt
bréfin „í gegnum banka sinn“,
Saga Capital, en Sundagarðar hf.
sem Gunnar Þór stýrir á um ell-
efu prósenta hlut í Saga Capital.
Var því haldið fram að Gunnar
Þór hefði selt bréfin þar sem hann
hefði undir höndum upplýsingar
um verðmat á SPRON sem sýndu
að verðlagning á stofnfjárbréfun-
um væri talsvert hærri en sem
næmi raunverði, samkvæmt
verðmati Capacent. Gunnar Þór
neitaði þessu alfarið í viðtali við
Fréttablaðið. Sagðist hann hafa
selt bréf í takt við lög og reglur,
en regluvörður SPRON gaf heim-
ild fyrir því verklagi sem beitt
var við söluna. Það byggði að öllu
leyti á markaðsreglum, að sögn
Gunnars Þórs.
Samkvæmt heimildum Frétta-
blaðsins gætir nokkurrar ólgu
meðal ýmissa smærri og stærri
fjárfesta sem tóku lán fyrir kaup-
um á stofnfjárbréfum í SPRON
áður en félagið var skráð á mark-
að. Eins og greint hefur verið frá í
Fréttablaðinu gengu stofnfjárbréf
kaupum og sölum á genginu 24 til
30 en gengið á SPRON hefur lækk-
að gríðarlega síðan það var skráð
á markað. Lokagengi á bréfum í
SPRON fyrsta daginn í Kauphöll-
inni var 18,7 en gengi bréfa nú er
6,4. Margir hafa því tapað miklum
fjármunum vegna kaupa á stofn-
fjárbréfum. magnush@frettabladid.is
Upplýsingar valda ruglingi
Samkvæmt reglum um viðskipti með stofnfjárbréf í SPRON var ekki heimilt að birta opinberlega upplýs-
ingar um viðskipti stjórnarmanna. Það var „talið geta valdið ruglingi“, að því er segir í svari stjórnar.
Spurningar blaðamanns
1. Seldu einhverjir aðrir stjórnar-
menn en Gunnar Þór Gíslason
stofnfjárbréf í SPRON, áður en
félagið var skráð á markað?
2. Ef já, þá hverjir, fyrir hversu mikið
og hvers vegna?
3. Höfðu stjórnarmenn einhverjar
aðrar upplýsingar í höndunum
um rekstur SPRON heldur en
almenningur á þeim tíma sem
stofnfjárbréf voru seld?
4. Ef já, þá hverjar?
5. Ef nei, þá þetta: Er það ekki mat
stjórnarmanna, að þeir hafi ávallt
betri innsýn og meiri upplýsingar
um rekstur SPRON heldur en
almenningur? Ef nei, þá er óskað
eftir rökum fyrir því svari.
Svar stjórnar SPRON
Auðvitað er það svo að á hverjum
tíma hafa stjórnarmenn betri yfirsýn
yfir rekstur þeirra fyrirtækja sem þeir
stjórna en almenningur. Það verður
hins vegar að gera greinarmun á
slíkum almennum upplýsingum
annars vegar og innherjaupplýs-
ingum (upplýsingar sem hafa áhrif
á verðmat (e. price sensitive infor-
mation)) hins vegar eins og gert
er í lögum um innherjaviðskipti. Ef
ekki væri gerður slíkur greinarmunur
gætu stjórnarmenn aldrei átt við-
skipti með bréf í þeim félögum sem
þeir eiga í. Sérstök lög og reglur eru
því sett um viðskipti innherja sem
regluvörður og Fjármálaeftirlitið
hafa eftirlit með.
Um viðskipti með stofnfjárbréf
stjórnarmanna og starfsmanna í
SPRON giltu ákveðnar reglur sem
tóku mið af þeim meginreglum
sem gilda um innherjaviðskipti hjá
skráðum félögum á markaði með
þeirri undantekningu þó að SPRON
var ekki heimilt að birta opinberlega
upplýsingar um viðskipti stjórnar-
manna þar sem það var talið geta
valdið ruglingi við hlutabréfamark-
aðinn. Stjórnarmenn höfðu engin
viðskipti með bréf SPRON á meðan
innherjaupplýsingar lágu fyrir. Öll
viðskipti hvort sem um kaup eða
sölu var að ræða lutu ofangreindum
reglum og hafði regluvörður félags-
ins eftirlit með að þeim væri fylgt.
Stjórn SPRON
Hildur Petersen, Ari Bergmann
Einarsson, Ásgeir Baldurs, Erlendur
Hjaltason, Gunnar Þór Gíslason.
SPURNINGAR OG SVÖR
ÍS
L
E
N
S
K
A
/S
IA
.I
S
/O
R
K
4
07
10
0
1/
08
Óþarfa gluggapóstur finnur sér leið inn á of mörg heimili í dag.
Á tímum rafrænna greiðslna og vefvæðingar ætti gluggapóstur
fyrir löngu að vera leifar gamals tíma, sóunar og óskynsemi.
Svo ekki sé minnst á umhverfisspjöllin.
Með því að fara inn á www.or.is/bodgreidslur getur þú lagt þitt af mörkum
til umhverfisverndar og borgað reikningana þína með boðgreiðslum.
Enginn pappír, enginn gluggapóstur, ekkert vesen.
Skiptu yfir í boðgreiðslur
• Ef allir viðskiptavinir OR skipta yfir í boðgreiðslur sparast 7068 kg
af pappír á ári eða 295 tré.
www.or.is
Fyrstu 100 sem skipta
yfir í boðgreiðslur
fá glaðning frá
Orkuveitu Reykjavíkur
Er þetta
ekki orðið
ágætt?
SPRON Samkvæmt reglum um viðskipti með stofnfjárbréf SPRON var ekki heimilt að
birta opinberlega upplýsingar um viðskipti stjórnarmanna. FRÉTTABLAÐIÐ/PJETUR
1. Aðstoðarlandlæknir hvetur
lækna til að taka hótanir fíkla
í lyfjaleit ekki alvarlega, hvað
heitir hann?
2. Á hvaða bar var reykher-
bergi lokað í gær?
3. Hvaða tungumál dó út með
Mary Smith Jones, sem lést í
vikunni?
SVÖRIN ERU Á BLS. 30
STJÓRNMÁL Bæjarráð Sandgerðis
leggur til við bæjarstjórn að
frekari þátttöku í rekstri og
uppbyggingu skíðasvæða
höfuðborgarsvæðisins verði
hætt.
Áður hafa Reykjanesbær og
Vogar ákveðið að draga sig út úr
samstarfinu.
Óskar Gunnarsson, formaður
bæjarráðs, segir mikinn
kostnað ástæðu afstöðu bæjar-
ráðs en kveðst ekki muna hve
miklu Sandgerðingar verja
árlega til skíðasvæðanna. „Það
verður að vera frost og snjór
svo hægt sé að vera á skíðum.
Það hefur svo sem verið nóg af
þessu síðustu daga en það er
ekki nóg að reka svona mann-
virki í tvær vikur á ári,“ segir
Óskar. - bþs
Sandgerðingar álykta:
Vilja ekki borga
fyrir Bláfjöllin
VEISTU SVARIÐ?