Fréttablaðið - 29.01.2008, Blaðsíða 17

HEIMILI HEILSA HÚS BÖRN NÁM FERÐIR MATUR BÍLAR TÍSKA GRÆJUR ATVINNA TILBOÐ VINNUVÉLAR O.FL.
Ragnheiður Sóllilja Tindsdóttir er í þriðja bekk
í Flataskóla, æfir djassballet og teiknar fígúrur
með Davíð vini sínum.
„Ég byrjaði í fyrra að æfa djassballet því systir
mín var í djassballett og mig langaði svolítið að
prófa,“ segir Ragnheiður Sóllilja og sýnir nokkur
spor fyrir myndatökuna.
„Tónlistin er svona skemmtileg tónlist sem kenn-
arinn velur og við erum að læra alls konar dansa.
Við förum í splittstökk og spíkat og við teygjum á
tá og liðkum hálsinn. Stundum fáum við að fara í
leiki þá spilar kennarinn tónlist og lætur okkur
kannski vera eins og ballerínur eða spila á gítar,“
útskýrir Ragnheiður Sóllilja og segist stundum
búa til sína eigin dansa með Klöru vinkonu sinni
heima. „Við skiptumst á að búa til spor og við
sýnum systur minni sem er eldri, hún er ellefu ára
og heitir Margrét. Við erum stundum í keppni vin-
konurnar og systir mín er dómari en stundum er
ég líka ein að búa til dans.“
Ragnheiður Sóllilja á sér fleiri áhugamál en
djassballettinn og finnst gaman að dunda sér í
rólegheitum. „Mér finnst eiginlega skemmtilegast
þegar ég er ein að teikna, það er aðaláhugamálið
mitt, ég er að teikna svona fígúrur og ég og vinur
minn Davíð erum að búa til plánetu sem er með
alls konar sætum fígúrum, við ætlum að gera bók.
Í staðinn fyrir flugvélar þá eru ský og maður flýg-
ur á mjúkum skýjum og síðan er maður líka með
vængi,“ segir hún um lífið á plánetunni þeirra vin-
anna.
Ragnheiður Sóllilja ætlar að verða leikari þegar
hún verður stór en hún hefur einu sinni sýnt í
Borgarleikhúsinu. „Ég æfði ballett þegar ég var
sex ára og sýndi ballett í Borgarleikhúsinu þá, ég
var eiginlega svona svanur,“ segir hún og bætir
því við að eitt sinn hafi hún líka unnið fótboltamót.
„Einu sinni æfði ég fótbolta með Stjörnunni og fór
á pæjumót og Símamót og ég vann pæjumótið, svo
hætti ég, en kannski ætla ég að byrja aftur. Svo er
ég kannski að fara á leiklistarnámskeið en ég veit
það ekki alveg ennþá,“ segir hún að lokum.
heida@frettabladid.is
Farið í splittstökk og
spígat og teygt upp á tá
Ragnheiður Sóllilja ásamt vinum sínum Davíð Laufdal Árnasyni og Klöru Hjartardóttur.
FRÉTTABLAÐIÐ/EYÞÓR
SKÓGARJÓGA
Ragnheiður Ýr Grétars-
dóttir kennir jóga tvisvar
í viku úti undir berum
himni. Einu sinni í viku
síðdegis í Elliðaár-
dalnum og einu sinni
í viku í Öskjuhlíðinni í
hádeginu.
HEILSA 2
EKKI KOFFÍN
Samkvæmt nýrri rannsókn
sem var gerð við Duke-há-
skólann í Norður-Karólínu
getur minni koffínneysla
hjálpað sykursjúkum
að hafa betri stjórn á
blóðsykrinum.
HEILSA 3
miðvikudaginn 30. janúar kl. 10–16
Fæst í Bónus og Inspired (Flugstöðinni)
Japanir hafa sushi
Við höfum bitafisk og
harðfisk í hæsta gæðaflokki
Íslenskir karlmenn
verða nú langlífastir!