Fréttablaðið - 29.01.2008, Blaðsíða 39
ÞRIÐJUDAGUR 29. janúar 2008 23
600 MILLJÓNIR Húsin við Laugaveg
kostuðu Reykjavíkurborg um 600
milljónir. Ýmislegt er hægt að gera fyrir
þá upphæð.
Fyrir 600 millur er hægt að gera
ýmislegt skemmtilegt. Til dæmis
má kaupa tvö ræfilsleg hús til að
varðveita „19. aldar götumynd“
Laugavegar. Fyrir 600 millur
væri líka hægt að...
...byggja sex friðarsúlur í viðbót
úti í Viðey.
...borga öllum starfsmönnunum í
leikskólunum í Reykjavík 10.000
króna bónus í 35 mánuði.
...kaupa 170 glænýja Ford
Mustang.
...láta Mugison fá Eyrarrósina 400
sinnum í viðbót.
...kaupa árskort í sund í 25
þúsund ár.
...fara 166.667 sinnum á Jesus
Christ Superstar.
...kaupa dagskort í Bláfjöllum
næstu 300.000 sunnudaga.
...gista 57 ár samfleytt í svítunni á
Hótel Holti.
...kaupa 37.523 kíló af wagyu-
nautakjöti.
...hafa Megas á borgarlistamanns-
launum í 200 ár.
...kaupa 43.165
sexhyrnda
bjálkasandkassa.
...fara
3.529.412
sinnum með
lestinni í
Húsdýra-
garðinum.
600 millur
Í fyrsta skipti í sögu Eurovision eru
í ár haldin tvö undanúrslitakvöld.
Þetta er gert til að brjóta upp
bandalög nágrannaþjóða sem ár
eftir ár hafa gefið hver annarri
mörg stig. Með þessu er vonast til
að ná fram sanngjarnari úrslitum.
Drátturinn fór fram í Serbíu í gær
og keppir íslenska lagið á seinna
kvöldinu, fimmtudaginn 22. maí.
Fyrri undankeppnin fer fram
þriðjudaginn 20. maí.
Nítján lög verða flutt hvort
kvöldið. Eftir símakosningu fara
níu efstu lögin í aðalkeppnina og
dómnefnd hleypir einu lagi enn í
gegn hvert kvöld. Fimm lönd eru
örugg í úrslitunum – „risarnir fjór-
ir“, Bretland, Frakkland, Þýska-
land og Spánn, og gestgjafarnir
Serbar. Samtals verða því tuttugu
og fimm lög í aðalkeppninni laugar-
dagskvöldið 24. maí.
Drátturinn er þokkalega jákvæð-
ur fyrir Ísland. Af Norðurlanda-
þjóðunum erum við með Danmörku
og Svíþjóð í riðli og af Eystrasalts-
löndunum, sem líka hafa verið
okkur hliðholl, lentum við bæði
með Litháen og Lettlandi. Maltverj-
ar eru með okkur í riðli, þeir voru
okkur góðir árið 2003 og gáfu Birg-
ittu Haukdal 12 stig, og líka Kýp-
verjar sem gáfu Selmu 12 stig árið
1999. Það er helst missir að Noregi,
Finnlandi og Eistlandi, sem lentu á
fyrra undanúrslitakvöldinu.
Aðrar þjóðir sem keppa í okkar
riðli eru Króatía, Búlgaría, Portú-
gal, Úkraína, Sviss, Makedónía,
Hvíta-Rússland, Ungverjaland,
Albanía, Tyrkland, Georgía og
Tékkland. Dregið verður um end-
anlega röð keppnislaga 17. mars
þegar öll lögin verða komin fram.
Af þeim 43 Eurovision-lögum sem
heyrast í ár hafa aðeins níu verið
valin til þessa.
Ísland með Dönum
og Svíum í Eurovision
ÍSLAND LENTI Á SEINNA UNDANÚRSLITA-
KVÖLDINU Framkvæmdastjóri og
eftirlitsmaður Eurovision, Svíinn Svante
Stockselius, var að sjálfsögðu á staðnum
þegar dregið var í riðla.
Sólmundur Hólm Sólmundarson sigraði
með glæsibrag í eftirhermukeppni Loga
Bergmanns um helgina.
„Sæll. Jónas Kristjánsson hér. Blessaður. Nú hef ég
tekið eftir því að DV á að vera einhvers konar fyrir-
mynd að þessari Pressu. En það eru engir gæðafund-
ir á þeirri ritstjórn. Veist þú nokkuð hvernig stendur
á því?“ segir kunnugleg rödd í símann. Eftir að hafa
lýst skoðun sinni á Ólafi F. Magnússyni, að hann sé
fremur sjálfmiðaður, kemur upp úr dúrnum að mað-
urinn í símanum er Sólmundur Hólm – Sóli – sem
sigraði glæsilega í eftirhermukeppni Loga Berg-
manns um síðustu helgi.
„Já, ég fékk svo mikið sjálfstraust við sigurinn.
Með bikarinn við hendina. Skömm hversu lítið maður
hefur notað Jónas,“ segir Sóli. Hann hefur fengist við
eftirhermur frá blautu barnsbeini en treysti sér
lengstum ekki út fyrir þrjá sem hann hafði á færi
sínu: Pálma Gunnarsson, hina dönsku Ólsen-bræður
og Shaggy.
„Já, söngeftirhermur. Pálmi hefur verið að þróast í
gegnum árin. Hann notar nefholið og munninn svo
skemmtilega saman þegar hann syngur. Já, viðbjóðs-
lega væminn.“
Sóli hermir helst eftir fólki sem hann umgengst,
vinnufélögum og ekki síst yfirmönnum. „Þegar þeir
heyra ekki til. Faðir minn kenndi mér ungum að gera
aldrei grín að gestum fyrr en þeir eru farnir.“
Síminn er farinn að hringja eftir sigurinn og fólk
að panta Sóla til að skemmta. Eftirhermur eru að
komast í tísku eftir mögur ár. Undanfarið hefur
„standup“, sjálfsgagnrýni... einhver Gnarr-væðing
verið við lýði en nú er komið í tísku að hlæja að
náunganum að sögn Sóla sem á ýmsa í persónugall-
eríi sínu. Hann starfaði á DV um tíma, naut nálægðar
við Jónas og gat stúderað hann vel. „Gísli Einarsson
er að detta inn á borð. Hann virðist vera orðinn vin-
sæll meðal eftirherma. Mér leiðist það þegar of marg-
ir eru að taka einhverja tiltekna. Ég hef verið að taka
prófessorana í viðskiptafræðinni þar sem ég er við
nám og hefur tekist einna best upp með Ágúst Ein-
arsson sem kennir mér rekstrarhagfræði. Svo hef ég
verið að taka Árna Johnsen.“ jakob@frettabladid.is
Í tísku að hlæja að náunganum
SÓLI Gerir grín að yfirmönnum með því að herma eftir þeim
– þegar þeir heyra ekki til. FRÉTTABLAÐIÐ/AUÐUNN