Fréttablaðið - 30.01.2008, Blaðsíða 6

6 30. janúar 2008 MIÐVIKUDAGUR
GARÐABÆR Frestur til að skila inn
tillögu að nýbyggingu Hönnunar-
safns í miðbæ Garðabæjar rann
út um miðjan janúar. Alls bárust
36 tillögur og segir Erling
Ásgeirsson, formaður dómnefnd-
ar, að það sé einhver mesta
þátttaka í hönnunarsamkeppni
sem um getur, að minnsta kosti
síðustu ár.
Búið er að hengja tillögurnar
upp í húsnæði Hönnunarsafnsins
og byrgja alla glugga. Dómnefnd
er að störfum á bak við luktar
dyr og er stefnt að því að hún
skili niðurstöðu upp úr miðjum
febrúar.
- ghs
Hönnunarsafn í Garðabæ:
36 tillögur bár-
ust í samkeppni
Happatappar
Kynntu þér málið á www.kristall.is
SÓMABAKKAR
Nánari uppl‡singar á somi.is
*Gildir a›eins ef panta› er fyrir meira en 3.000 kr.
PANTA‹U Í SÍMA 565 6000 / FRÍ HEIMSENDING*
LÖGREGLUMÁL Almenn afgreiðsla í
lögreglustöðinni á Hverfisgötu í
Reykjavík verður lokuð á næturna
frá og með föstudeginum. Fólk
getur enn komið í anddyri lög-
reglustöðvarinnar og fengið sam-
band við lögreglu í gegnum dyra-
síma, en enginn starfsmaður
verður í afgreiðslunni.
„Afgreiðslan í Hverfisgötunni
hefur hingað til verið á tveimur
stöðum, en núna erum við að sam-
eina þær og færa á einn stað,“
segir Stefán Eiríksson, lögreglu-
stjóri á höfuðborgarsvæðinu. „Það
verður ekki lengur starfsmaður í
þessu rými, búrinu eins og það er
kallað, allan sólarhringinn.“
Hann segir að fólk sem kemur á
lögreglustöðina að nóttu til geti
fengið samband við lögreglumenn
í stjórnunarrými, og fengið aðstoð
ef með þarf. „Ef menn þurfa nauð-
synlega hjálp þá eiga þeir þó frek-
ar að hringja í 112 en ekki skunda
niður á lögreglustöð.“
Samkvæmt heimildum Frétta-
blaðsins er óánægja meðal lög-
reglumanna með þessa breytingu.
Verið sé að dreifa sama vinnuálagi
á færri starfsmenn og draga úr
þjónustustigi.
Stefán tekur undir að vissulega
verði færri starfsmenn inni við til
að sinna erindum sem koma upp,
en hann hafi ekki heyrt af óánægju
meðal starfsmanna. „Við erum
bara að reyna að finna bestu leið-
ina til að nýta peningana.“ - sþs
Sparnaðaraðgerðir hjá lögreglunni og afgreiðslan á Hverfisgötu lokuð á nóttunni:
Búrið verður autt á næturnar
LÖGREGLUSTÖÐIN Samkvæmt heimild-
um Fréttablaðsins er óánægja meðal
starfsmanna vegna breytinganna. Verið
sé að dreifa álaginu á færri starfsmenn
og draga úr þjónustu.
SKIPULAGSMÁL „Ég vil ekki tjá mig um einstök hús á
þessu stigi,“ segir Hanna Birna Kristjánsdóttir,
formaður skipulagsráðs Reykjavíkurborgar, spurð
hvort húsin við Laugaveg 4 og 6 séu á einhvern hátt
merkilegri en önnur hús við Laugaveg sem Húsafrið-
unarnefnd leggur til að verði friðuð.
Reykjavíkurborg hefur keypt húsin númer 4 og 6
og segir Hanna Birna mál þeirra húsa hafa verið
komið í þrot. Því hafi borgaryfirvöldum borið skylda
til að leysa málið.
Á fundi borgarráðs 24. janúar síðastliðinn var
samþykkt að borgin keypti húsin og gerði þau upp. Á
sama fundi var lögð fram bókun fulltrúa Sjálfstæðis-
flokks, Samfylkingar og Vinstri grænna þar sem
áréttað var að samþykktin fæli ekki í sér fordæmi
fyrir önnur hús á svæðinu. Í ályktuninni var lögð
áhersla á heildarskoðun gamalla húsa í miðborginni,
sérstaklega við Laugaveg.
„Við samþykktum að nú fari í gang ákveðin heildar-
endurskoðun á málum sem tengjast Laugaveginum
og viljum við skoða þetta í heild sinni,“ segir Hanna
Birna.
Um gagnrýni Nikulásar Úlfars Mássonar, formanns
húsafriðunarnefndar, þess efnis að borgin svari ekki
tillögum nefndarinnar segir Hanna Birna að samtal
milli borgaryfirvalda og húsafriðunarnefndar þurfi
örugglega að vera kröftugra. „Það skrifast á báða
aðila því þegar deiliskipulagið var samþykkt gerði
nefndin ekki athugasemdir við að þessi hús yrðu látin
fara.“ Það hafi gerst á seinni stigum.
Hún telur að á sínum tíma hafi borgaryfirvöld, í
valdatíma R-listans, verið að reyna að tryggja
uppbyggingu við Laugaveginn. „Núna eru þau
sjónarmið orðin almennt sterkari í umræðunni að það
þurfi að gerast samhliða verndun. Verkefnið er að
samræma þessi tvö sjónarmið betur.“
Hún segir borgaryfirvöld vera að fara í endurskoð-
unarferli ásamt þeim aðilum sem komið hafi að
deiliskipulaginu. „Við förum í gegnum þetta heild-
stætt og reynum að ná lendingu sem við vonandi
náum sátt um.“ - ovd
Borgarráð áréttar að kaup á húsum númer 4 og 6 hafi ekki fordæmisgildi:
Kröftugra samtal nauðsynlegt
LAUGAVEGUR 29 Eitt húsanna sem má rífa samkvæmt núgild-
andi deiliskipulagi. FRÉTTABLAÐIÐ/VALLI
TYRKLAND, AP Frumvarp um
stjórnarskrárbreytingu sem
afléttir áratugalöngu banni við
því að bera íslamska höfuðklúta
í háskólum var lagt fyrir á
tyrkneska þinginu í gær.
Frumvarpið var lagt fram
eftir að samkomulag náðist um
innihald þess milli Réttlætis- og
þróunarflokks Recep Tayyip
Erdogan forsætisráðherra, sem
á rætur í íslamstrú, og stjórnar-
andstöðuflokks þjóðernissinna.
Kvenkyns nemum verður leyft
að bera höfuðklúta svo lengi sem
þeir eru bundnir undir höku svo
sjáist í andlit þeirra, að sögn
stjórnarandstöðuleiðtogans
Deveit Bacheli.
- sdg
Frumvarp í tyrkneska þinginu:
Höfuðklúta-
banni aflétt
SVÍÞJÓÐ, AP Borgaryfirvöld í
Gautaborg í Svíþjóð voru í gær
dæmd til að greiða tveimur
múslimakonum sem svarar 200.000
krónum hvorri fyrir menningar-
lega mismunun.
Konurnar fóru tvívegis í
sundlaug árið 2004 ásamt börnum
sínum íklæddar íþróttabuxum,
síðerma bolum og höfuðklútum. Í
bæði skiptin voru þær beðnar um
að yfirgefa laugina eftir að þær
neituðu að skipta um föt. Sund-
laugarverðir sögðu konunum að
fatnaðurinn samrýmdist ekki
öryggis- og hreinlætisreglum.
Dómstóllinn sagði konunum hafa
verið mismunað þar sem trú þeirra
kæmi í veg fyrir að þær gætu
orðið við þessum reglum. - sdg
Múslimakonum mismunað:
Of klæddar fyr-
ir sundlaugina
SVEITARFÉLÖG Innan stjórnar Strætó
bs. stefnir í ágreining um það
hvort gefa beri grunnskólabörnum
og eldri borgurum frítt í strætó,
eins og nýi meirihlutinn í Reykja-
vík stefnir að. Ekki hefur gefist
tími til að leggja tillögu um málið
fyrir stjórn Strætó bs. en fulltrúi
Garðabæjar er
mótfallinn hug-
myndinni um
gjaldfrjálsar
strætisvagna-
ferðir.
Bæði Kópa-
vogsbær og
Hafnarfjörður
styðja gjald-
frjálsar
almennings-
samgöngur.
Mosfellingar
og Seltirningar
vilja bíða og sjá hvernig gengur
með tilraunina að gefa framhalds-
skólanemum frítt í strætó. Erling
Ásgeirsson, fulltrúi Garðabæjar í
stjórn Strætó, býst við að leggjast
gegn tillögu um ókeypis í strætó ef
hún kemur fram.
„Við höfum verið á móti því að
gefa frítt í strætó þó að við séum
þátttakendur í tilraunaverkefninu.
Við tökum þátt í því sem umhverf-
isverkefni og tilraun til að draga
úr bílaumferð og mengun. En við
höfum lagst gegn því að almennt
verði frítt í strætó með tilliti til
þess að það kostar óhemjumikla
peninga,“ segir hann.
Erling bendir á að í Hafnarfirði
fái eldri borgarar frítt. Bæjaryfir-
völd kaupi þá strætómiða og deili
út. Sama verði væntanlega gert í
Kópavogi þegar bæjarbúar þar fái
ókeypis í strætó. „Það er engin
önnur leið, annars hoppa Garð-
bæingar bara upp á hæðina og í
strætó,“ segir hann.
Erling segir að meðgjöf Garð-
bæinga hafi aukist úr 30-40 millj-
ónum í vel á annað hundrað millj-
ónir króna á þremur árum. Það sé
meira en lítið sveitarfélag geti
svarað fyrir í þennan málaflokk. Í
fyrra hafi uppsafnaður rekstrar-
halli Strætó numið 1.050 milljón-
um króna. Eigendurnir hafi tekið
yfir 550 milljónir en eftir standi
óleystur fjárhagsvandi upp á 500
milljónir. Ef heildartekjur fyrir-
tækisins af fargjöldum nemi um
600 milljónum á ári og fargjöld
nemenda og eldri borgara nemi
tveimur þriðju af því sé fyrirtækið
að afsala sér 400 milljóna króna
tekjum á ári.
„Þegar menn taka svona einhliða
ákvarðanir og tilkynna meðeig-
endum sínum að þeir ætli að gefa
ókeypis í strætó þá hlýtur það að
byggjast á því að þeir ætli að borga
fyrir sína farþega,“ segir hann.
ghs@frettabladid.is
ERLING
ÁSGEIRSSON
Garðabær vill ekki
gefa frítt í strætó
Ágreiningur er innan stjórnar Strætó bs. um hvort gefa eigi grunnskólabörnum
og eldri borgurum frítt í strætó eins og nýi meirihlutinn í Reykjavík vill. Borgin
hlýtur að borga fyrir sína farþega, segir bæjarfulltrúi Garðabæjar.
STRÆTÓ Bæjaryfirvöld í Garðabæ munu af fjárhagsástæðum leggjast gegn því að
gefið verði frítt í strætó fyrir eldri borgara og grunnskólabörn, eins og nýi meirihlut-
inn í Reykjavík stefnir að. FRÉTTABLAÐIÐ/VALLI
Gekk Spaugstofan of langt
í umfjöllun sinni um Ólaf F.
Magnússon borgarstjóra á
laugardag?
Já 32%
Nei 68%
SPURNING DAGSINS Í DAG:
Vilt þú að þingfundum Alþingis
verði útvarpað?
Segðu skoðun þína á visir.is
KJÖRKASSINN