Fréttablaðið - 30.01.2008, Blaðsíða 24
[ ]
Guðborg Hrefna Hákonardóttir
hefur verið leiðsögumaður hjá
Kynnisferðum árum saman og
kann að halda uppi stemningu
þegar með þarf en líka að
þegja á milli.
„Þetta er krefjandi en skemmti-
legt,“ segir Guðborg brosandi um
leiðsögumannsstarfið. „Maður
verður að vinna heimavinnuna sína
og svo fara eftir því hvernig hópur-
inn er hverju sinni. Það er til dæmis
ólíkt að vera með Þjóðverja og
Ameríkana. Þjóðverjar eru vel
lesnir og kröfuharðir. Ég kann
ágætlega á þá. Þeir vilja festu og fá
mikið fyrir peninginn. Það vilja
Ameríkanar reyndar líka en þeim
fellur vel að heyra brandara inn á
milli. Umræðuefnin spilast gjarnan
eftir árstíðunum og oft tek ég lagið.
Það þýðir ekkert að vera eins og
gömul spóla. Þá verður maður líka
leiður sjálfur.“
Guðborg er lærður hárgreiðslu-
meistari en þurfti að hætta því
starfi vegna ofnæmis. Skellti sér í
Leiðsöguskóla Íslands árið 1995 en
áhuginn á starfinu var kviknaður
mörgum árum áður. „Ég var fyrst
stanslaust í ferðum hringinn kring-
um landið á sumrin en nú er starfið
orðið á heilsársgrunni. Það sem er í
boði að vetrinum er hinn sígildi
rúntur um Kerið, Gullfoss, Geysi
og Þingvelli. Svo er það suður-
ströndin. Þá er ekið í Vík í Mýrdal,
fossarnir skoðaðir, Seljalands- og
Skógafoss, farið í safnið á Skógum
og niður í fjöru. Þetta er ferð frá
klukkan níu til sjö. Svo er ferð um
borgina hvern einasta dag og í Bláa
lónið líka.“
Hvernig er upplifun fólks af
landinu á þessum árstíma?
„Hún er alveg stórkostleg en það
reynir talsvert á leiðsögumanninn
á þessum árstíma því við erum að
keyra í myrkri hluta leiðarinnar. Á
morgnana segi ég einhverjar sögur
en síðdegis er fólk orðið lúið og
nýtur þess að hvíla sig í rökkrinu.
Meðan dimmasti tíminn er þurfum
við að halda á spöðunum í Gullfoss-
Geysisferðinni til að ná til Þing-
valla í dagsbirtu. Svo kemur fyrir
að við verðum að sleppa þeim. Þá
er mikið skúffelsi. Ekki má heldur
gleyma norðurljósaferðunum sem
farnar eru eitthvert út fyrir bæinn.
Japanar eru rosalega spenntir fyrir
þeim og margir Englendingar líka.
Auðvitað er reynt að fara þegar
skilyrðin eru góð en aldrei er neitt
100% öruggt. Það er pínlegt að fara
í norðurljósaferð í dimmviðri og
þurfa að halda uppi tempói með
fulla rútu en vita fyrirfram að ekk-
ert muni sjást til himins.“
Þótt leiðsögumaður þurfi að vita
skil á ótal hlutum segir Guðborg
hann alls ekki þurfa að tala út í eitt.
„Það er nauðsynlegt að hafa góðar
þagnir á milli,“ segir hún. „Leyfa
fólki að njóta útsýnisins og melta
það sem það er búið að heyra.“
gun@frettabladid.is
Ekki eins og gömul spóla
„Umræðuefnin spilast gjarnan eftir árstíðunum og oft tek ég lagið,“ segir leiðsögu-
maðurinn hjá Kynnisferðum, Guðborg Hákonardóttir. FRÉTTABLAÐIÐ/GVA
Góð hvíld er gulli betri og þá ekki síst á ferðalögum. Til að njóta
ferðarinnar, og þá ekki síst á löngum ferðalögum, skiptir máli að
hvílast vel og þá borgar sig að huga að hvar gist er hverju sinni.
Suðurland bragðast best
er yfirskrift málþings sem
haldið er á Hótel Selfossi í
dag milli klukkan 13.00 og
17.00.
Sjónum verður beint að fram-
boði og nýsköpun í matvæla-
framleiðslu á Suðurlandi á
málþinginu Suðurland bragð-
ast best. Markmiðið er að efla
tengslin milli framleiðenda
og neytenda og hvetja Sunn-
lendinga, ekki síst þá sem
stunda veitingarekstur og
ferðaþjónustu, til að nýta mat-
væli úr heimabyggð.
Fólk sem framleiðir og
markaðssetur matvæli víða
um land mun miðla af reynslu
sinni og verkefnin Beint frá
býli, Matarkista Skagafjarð-
ar, Stefnumót hönnuða og
bænda, Vörumerkjastjórnun,
Heimaframleiðsla og fleiri
verða kynnt. Matvælafram-
leiðendur á Suðurlandi hafa
sérstakt sýningarrými á sam-
komunni og gefa gestum að
smakka. Það er vaxtasamn-
ingur Suðurlands og Vest-
mannaeyja sem hefur forystu
um málþingið. - gun
Hráefni úr
heimabyggð
Meðal þeirra sem matreiða
úr sunnlensku hráefni eru
kokkarnir í Rauða húsinu á
Eyrarbakka. Þessi réttur
heitir „Haf og hagi“.
FRÉTTABLAÐIÐ/VILHELM
Skógarhlíð 18 • sími 595 1000
Akureyri • sími 461 1099 • www.heimsferdir.is
Á FERÐ UM HEIMINN
Ógleymanleg ævintýri
WWW.FJALLALEIDSOGUMENN.IS
SÍMI: 587 9999
MAROKKÓ
16. -23. mars örfá sæti laus
6. - 13. september
KILIMANJARO
7. - 22. júní
Mt. BLANC
21. -29. júní
UMHVERFIS Mt. BLANC
1. - 9. Júlí
SUÐUR GRÆNLAND
18. - 25. júlí
25. júlí - 1. ágúst örfá sæti laus
1. - 8. ágúst
NEPAL
18. október - 10. nóvember