Fréttablaðið - 30.01.2008, Blaðsíða 36

20 30. janúar 2008 MIÐVIKUDAGUR
Frumsýning í Hafnarfirði er alltaf tilhlökkunarefni. Í
þetta sinn stigu flinkir leikarar á svið með skemmti-
lega sýningu. Jóhann karlinn Sigurjónsson hefði ef til
vill átt í svolitlum erfiðleikum við að finna sitt fólk í
þessari sýningu en það var á stöku stað hægt að lesa
þau Höllu og Fjalla-Eyvind í gegn, en frekar var þeim
komið fyrir eins og einhvers konar getraun í íslenskri
leiklistarsögu. Er þetta kannski hestur? Það er hestur
fyrir utan! Jóhann Sigurjónsson skrifaði tvo loka-
kafla að sínu verki eins og menn muna og þá var
einmitt kominn hestur. Halla syngur ,,Sofðu unga
ástin mín rétt áður en hún varpar barninu í fossinn,
hér liggur snarrugluð neyslu gella og syngur þessa
vögguvísu rétt áður en henni dettur snjallræðið í hug,
dópinnflutningur, þ.e.a.s. varpar kannski sínum
örlögum í fossinn.
Þetta er bara útúrdúr en gaman að leika sér að þar
sem Hávar Sigurjónsson kann þetta allt og raðar
atvikum upp með ýmsum innskotum í þessum annars
fyrirsjáanlega farsa sem er svolítið í getraunastíl.
Hjónin Halla og Kári vita ekkert hvernig þau eiga að
höndla hamingjuna en sjónvarpið og þær persónur
sem þar birtast leiðbeina þeim í einu og öllu.
Halla er eiginkonan á bænum. Eiginkonan sem er
fulltrúi þeirra sem vill að tilveran sé notaleg, þægileg
og allt drasl í heimi sé til á heimilinu. María Pálsdótt-
ir hefur sterka og skemmtilega nærveru og er einkar
vel talandi. Leikstjórinn Hilmar Jónsson nær hér
mjög góðum tökum á samspili leikaranna.
Hjálmar Hjálmarsson er ekki-fréttamaður landsins
og kann þá list manna best að strika undir skoðanir
fólks, hamast í fólki og varpa út tilkynningum um
hvar hamingjuna sé að finna. Hjálmar kann þetta og
naut sín vel í þessu hlutverki þar sem hann var í raun
og veru einn með eins manns uppistand inni í
heildinni.
Barnlausu hjónin Halla og Kári í einhverju ágætu
húsnæði í Reykjavík eru algerar andstæður ungu
hjónanna í Litháen sem dreymir um betra líf til
handa börnunum sínum. Við fáum að sjá inn í heim
þeirra á sama tíma á sviðinu. Lítið einfalt eldhús í
Litháen og plebbaleg svartleðursstofa á Íslandi. Í
raun og veru eru allir þessir aðilar að leita að því
sama, það er hamingjunni, en spurningin er bara
hver fórnar hverju fyrir hvern? Kári er einfeldning-
ur, dótadýrkandi kókdrykkjumaður með hérahjarta
uppi í koki þá er þau hjónin leiðast út á glæpabraut-
ina. Það var ekki laust við að mönnum dytti hinn nýi
borgarstjóri Reykvíkinga í hug þegar litið var á hinn
skjálfandi Kára í meðförum Erlings Jóhannessonar.
Uppgreitt grátt hárið, skeggið vel snyrt en allt
rosalega ýkt. Erling náði góðum tökum á þessum litla
karli, sem sækir kjark sinn og þor til eiginkonunnar
sem missir aldrei sjónar á markmiðinu. Hann beitir
skrokknum eins og héri. Reyndar var líkamsbeiting
þeirra beggja eins og útpældur dans. Að Litháinn sem
gleypti dóp fyrir þau lætur lífið og í stað þess að
henda líkinu í sjóinn eða grafa það í garðinum er því
stungið í frystinn, verður svolítið mikið klisjukennt
og minnir óneitanlega á aðra farsa og flökkusögur.
Vigdís Hrefna Pálsdóttir er vandvirk leikkona. Hún
nálgast viðfangsefnið nánast vísindalega og var túlk-
un hennar á litháísku konunni heillandi. Hún náði ekki
aðeins fantagóðum tökum á þeim hreim sem einkenn-
ir tungutak þeirra Slava sem eru að byrja að tala
íslensku heldur var hollningin líka eins og hún hefði
allt ok gömlu Sovétríkjanna á herðunum. Þorsteinn
Bachmann var einnig mjög trúverðugur, grófgerður
en þó svo einlægur og skemmtilegur í túlkun sinni á
burðardýrinu, manninum sem ætlaði að freista
gæfunnar og verða ríkur á því að flytja inn dóp fyrir
ruglaða Íslendinga.
Leikmyndin þjónaði hlutverki sínu vel og hlutföllin
ásamt lýsingu voru góð undirstrikun hins mikilvæga í
lífinu. Sjónvarpið var stærst. Tónlistin sem þau Páll
Ívan Pálsson, Kristín Þóra Haraldsdóttir og Benedikt
Hermann Hermannsson fluttu á fjöldann allan af
hljóðfærum var töfrandi ásamt söng leikaranna sem
var tilfinningaþrunginn.
Sýningin var í heild sinni afar fyndin og smart
saman sett. Leikstjórinn vinnur einkar vel úr handriti
sem á vissan hátt er ansi þreytt klisja. Það var margt
í framvindunni sem við þekkjum svo vel og atburðar-
rásin ákaflega fyrirsjáanleg. Það sem þó einkenndi
sýninguna í heild sinni var leikgleði. Það var enginn
að leika að hann væri leika. Elísabet Brekkan
Kók í hádeginu, Cheerios á kvöldin!
LEIKLIST Sjónvarpið, Hjálmar Hjálmarsson og Litháarnir,
Þorsteinn Bachman og Vigdís Hrefna Pálsdóttir, í sviðsetningu
Hilmars Jónssonar á nýju leikverki eftir Hávar Sigurjónsson um
þjófana Kára og Höllu. MYND: AUÐUNN NÍELSSON
LEIKLIST
HALLA OG KÁRI
Eftir Hávar Sigurjónsson
Leikmynd: Finnur Arnar Arnarsson
Búningar: Þórunn María Jónsdóttir
Tónlist: Benedikt Hermann Hermannsson
Lýsing: Garðar Borgþórsson
Gervi: Ásta Hafþórsdóttir
Leikstjóri: Hilmar Jónsson
★★★★
Fyndin en fyrirsjánleg sýning
Um líkt leyti og listamannalaun og
styrkir Leiklistarráðs taka að
streyma úr hirslum ríkissjóð
kemur hnykkur í skil verkefna frá
fyrra ári: þannig er sýning
Draumasmiðjunnar á verkefninu
Óþelló, Desdemóna og Jagó sem
styrkt var fyrir ári frumsýnd í
kvöld á Litla sviði Borgarleikhúss-
ins sem hýsir nú gestaflokka sem
fá inni í Borgarleikhúsinu með
samningi Reykjavíkurborgar og
Leikfélags Reykjavíkur.
Sýningin er samvinnuverkefni
Draumasmiðjunnar, Leikfélags
Reykjavíkur og Íslenska dans-
flokksins og er leikgerð Gunnars
Gunnsteinssonar á Óþelló eftir
Shakespeare, en Gunnar er jafn-
framt leikstjóri verksins.
Í sýningunni eru aðeins þrjú
hlutverk og hefur hvert hlut-
verkanna sinn takmarkaða tján-
ingarmiðil, dans, táknmál og talað
mál. Þessum ólíku tjáningarform-
um er hér stefnt saman og standa
þau annars vegar sjálfstæð eða
tvinnast saman í dramatíska fram-
vindu örlaga þriggja höfuðpersón-
anna í einu þekktasta leikverki
Shakespeares.
Framsetning verksins er fyrst
og fremst sjónræn, en öðrum
skynfærum er þó einnig gert hátt
undir höfði með frumsaminni tón-
list eftir Rúnar Þórisson og ljóð-
rænni þýðingu Helga Hálfdanar-
sonar.
Í hlutverki Óþellós er dansarinn
Brad Sykes. Desdemóna er í hönd-
um Elsu G. Björnsdóttur, heyrnar-
lausrar leikkonu sem tjáir sig á
íslensku táknmáli. Jagó er leikinn
af Hilmi Snæ Guðnasyni en hann
fer með allan þann texta sem flutt-
ur er á mæltu máli.
Aðrir aðstandendur sýningar-
innar eru Ástrós Gunnarsdóttir
danshöfundur, Vignir Jóhannsson
myndlistarmaður, sem hannar
leikmyndina, og María Ólafsdóttir
búningahönnuður. Magnús Arnar
Sigurðsson hannar lýsinguna en
tónlistin er í höndum Rúnars Þór-
issonar sem bæði semur hana og
flytur á sýningum.
Elsa G. Björnsdóttir og Hjördís
Anna Haraldsdóttir hafa þýtt texta
Desdemónu yfir á táknmál og er
þetta í fyrsta skipti sem texti
Shakespeares er þýddur yfir á
íslenskt táknmál.
Frumsýning er í kvöld kl. 20 en
næstu sýningar eru á morgun, kl.
20, og sunnudag kl. 20.
- pbb
Leikið á þrjá vegu
LEIKLIST Hilmir Snær Guðnason er sá eini sem fer með texta í sviðsetningu Drauma-
smiðjunnar á Óþelló. MYND: DRAUMASMIÐJAN/GRÍMUR BJARNASON
LAUFÁS Ekki sérlega draugalegur á sumardegi.
Draugar á
baðstofukvöldi
Efnt verður til baðstofukvölds í
gamla bænum Laufási í Suður-
Þingeyjasýslu annað kvöld kl.
20. Þór Sigurðarson, safnvörður
á Minjasafninu á Akureyri, mun
leiða gesti frá bæjardyrunum
inn göngin og segja frá fyrir-
burðum sem urðu í bæjargöng-
um áður fyrr. Leiðin endar í bað-
stofunni þar sem gamaldags
baðstofustemning verður endur-
vakin.
Draugasögur voru oft og tíðum
sagðar í baðstofum þegar fólkið
safnaðist saman að kvöldi eftir
verk dagsins. Þór mun segja
þjóðlegar draugasögur sem gerð-
ust innan veggja torfbæja, en
eins og alkunna er var í slíkum
hýbýlum mikið um skúmaskot
þar sem ýmislegt gat leynst.
Þjóðlegar draugasögur fjalla
meðal annars um villudrauga,
uppvakninga, ættarfylgjur og
svipi. Draugar voru af margvís-
legu tagi; þeir voru allt frá því að
vera hættulegir og jafnvel mann-
skæðir og upp í það að vera svip-
ir sem bara sýndu sig og gerðu
ekki nokkrum mein. Allir voru
þeir þó færir um að hrella Íslend-
inga á öldum áður og svipta næt-
ursvefni.
Á baðstofukvöldinu verður
hægt að kaupa kaffi eða kakó og
hjónabandssælu á hóflegu verði
í Gamla prestshúsinu áður en
lagt verður af stað heim aftur.
Takmarkað sætarými er í bað-
stofunni og er fólk því hvatt til
þess að panta sér sæti, enda kom-
ust síðast færri að en vildu.
Aðgangseyrir að viðburðinum er
500 krónur. - vþ
Vígaguðinn fös. 1/2 kl. 20 uppselt,
lau. 2/2 kl. 16 örfá sæti laus
Ath. síðdegissýningar
Ívanov fim. 31/1 uppselt fös. 1/2, lau.
2/2 örfá sæti laus
Sýningum lýkur í febrúar!
Konan áður lau. 2/2
Skilaboðaskjóðan
sun. 3/2 kl. 14 & 17 örfá sæti laus
Gott kvöld, barnasýning
3/2 kl. 13.30 uppselt
25 jan uppselt
30 jan örfá sæti laus
27 febrúar
28 febrúar