Fréttablaðið - 30.01.2008, Blaðsíða 42

26 30. janúar 2008 MIÐVIKUDAGUR
sport@frettabladid.is
FÓTBOLTI Sigurður Ragnar Eyjólfs-
son, landsliðsþjálfari kvenna,
hefur sýnt það í verki að hann
líður ekkert agaleysi í sínum hópi.
Á því fengu KR-stúlkurnar
Hólmfríður Magnúsdóttir og
Hrefna Huld Jóhannesdóttir, sem
hafa verið með skærustu stjörn-
um kvennaboltans síðustu ár, að
kenna þegar Sigurður Ragnar setti
þær af þegar hann valdi síðasta
landsliðshóp. Hann valdi ekki þær
stöllur þar sem þær urðu uppvísar
að agabroti þegar liðið kom síðast
saman helgina 12. og 13. janúar.
Samkvæmt áreiðanlegum heim-
ildum Fréttablaðsins fóru þær
Hólmfríður og Hrefna Huld út að
skemmta sér kvöldið fyrir æfingu
og mættu því þunnar á æfingu
daginn eftir. Það þótti landsliðs-
þjálfaranum ekki ásættanlegt og
því sitja þær hjá að þessu sinni
sinni hvað svo sem síðar verður.
„Ég get staðfest að þær eru ekki
valdar vegna agabrots. Ég ætla
annars ekki að tjá mig um málið
við fjölmiðla en ef þær vilja fara
þá leið er það sjálfsagt,“ sagði
landsliðsþjálfarinn en þær hafa
þrátt fyrir brotið ekki verið úti-
lokaðar frá næstu hópum. „Tæki-
færunum hjá þeim til að sanna sig
fækkar samt með þessu.“
Hólmfríður og Hrefna Huld
vildu lítið tjá sig um málið þegar
eftir því var leitað í gær. „Ég hef
ákveðið að tjá mig ekki um þetta
mál. Ég virði samt ákvörðun
landsliðsþjálfarans og ég mun að
sjálfsögðu halda áfram að gefa
kost á mér í landsliðið ef eftir því
er leitað. Meira hef ég ekki um
málið að segja,“ sagði Hólmfríður
en hún var valin besti leikmaður
Landsbankadeildar kvenna nú í
sumar.
Hrefna vildi, rétt eins og Hólm-
fríður, ekki staðfesta hvað þær
hefðu gert af sér. „Sigurður er
þjálfarinn sem setur reglurnar og
hann verður að fara eftir þeim. Ég
virði þessa ákvörðun hans,“ sagði
Hrefna en hún staðfesti þó að þær
hefðu væntanlega brotið ein-
hverjar reglur fyrst þær væru í
agabanni.
„Ég vona að þetta sé enginn
dauðadómur. Það er eðlilegt ef
fólk brýtur eitthvað af sér að það
taki út sína refsingu. Það ganga
sömu reglur yfir mig og aðra leik-
menn. Auðvitað sé ég eftir þessu
og var ekkert að vonast eftir sím-
tölum frá blaðamönnum út af
svona máli,“ sagði Hrefna að
lokum. henry@frettabladid.is
Mættu þunnar á æfingu
KR-ingarnir Hólmfríður Magnúsdóttir og Hrefna Huld Jóhannesdóttir voru
ekki valdar í síðasta landsliðshóp kvennlandsliðsins vegna agabrots.
Í SKAMMARKRÓKNUM KR-stúlkurnar Hólmfríður Magnúsdóttir og Hrefna Huld
Jóhannesdóttir eru í kuldanum hjá kvennalandsliðinu sem stendur eftir að þær urðu
uppvísar að agabroti. FRÉTTABLAÐIÐ/DANÍEL
Bjarni Þór Viðarsson skrifaði í gær undir tveggja og hálfs árs
samning við Twente Enschede eftir að hollenska liðið náði
samkomulagi við Everton um kaupverðið. Bjarni Þór var til
reynslu hjá Twente Enschede fyrr í janúar og hafði verið
orðaður við lánssamning við félagið út tímabilið auk þess
sem breskir fjölmiðlar voru búnir að orða hann við lán
til ensku liðanna Preston og Wimbledon og skoska
liðsins Aberdeen.
„Eftir að hafa skoðað aðstæður hjá Twente Ens-
chede og æft og spilað varaliðsleik fyrir félagið
þá leist mér vel á þetta. Það tók smá tíma fyrir
félögin að ná samkomulagi um kaupverðið og
svo í framhaldinu fyrir mig um samninginn, en
ég er bara mjög sáttur með að vera kominn til
félagsins,“ sagði Bjarni Þór en fyrir hjá félaginu
er bróðir hans.
„Það hjálpaði vitanlega til við ákvörðunina
að Arnar Þór er búinn að vera hjá félaginu,
þó svo að hann sé reyndar á láni hjá De
Graafschap eins og er, en hann á eitt ár eftir af samningi sínum við
Twente Enschede eftir þetta tímabil. Hann á eftir að hjálpa mér
mjög mikið, sérstaklega við að komast inn í hlutina til að byrja
með,“ sagði Bjarni Þór sem reiknar ekki með að vera í beinni
samkeppni við bróður sinn um byrjunarliðssæti hjá félaginu.
„Arnar Þór spilar venjulega í varnarsinnaðri stöðu á vellinum
á meðan mér finnst skemmtilegra að vera aðeins framar,
þannig að það er aldrei að vita nema við eigum eftir að
spila saman með félaginu í framtíðinni. Ég held að
hollenska deildin eigi eftir að henta mér vel og hjálpa
mér enn frekar við að þróa leik minn og bæta í
framtíðinni. Twente Enschede liðið er líka með
gott þjálfarateymi og marga unga og efnilega
leikmenn sem fá tækifæri með liðinu. Liðið er
sem stendur í sjötta sæti í hollensku deildinni
þannig að það verður ekkert auðvelt að komast
inn í byrjunarliðið en ég ætla að gera mitt allra besta
og vonast til þess að fá tækifæri til að sanna mig sem
fyrst,“ sagði Bjarni Þór spenntur.
BJARNI ÞÓR VIÐARSSON, TWENTE ENSCHEDE: GERÐI TVEGGJA OG HÁLFS ÁRS SAMNING VIÐ HOLLENSKA LIÐIÐ
Ætla að halda áfram að þróa og bæta leik minn
> Eiður Smári ekki til Bolton
Eiður Smári Guðjohnsen hefur verið
orðaður við fyrrum félag sitt, Bolton,
upp á síðkastið í enskum fjölmiðl-
um en Arnór Guðjohnsen, faðir
Eiðs Smára og umboðsmað-
ur, kvað þó ekkert vera til
í þeim orðrómi. „Eiður
Smári er ekki á förum frá
Barcelona. Bæði honum
og fjölskyldu hans líður vel
á Spáni og hann stefnir á að vinna
titla með Barcelona á þessarri
leiktíð. Hann mun svo fara betur
yfir stöðu mála eftir tímabilið,“ sagði
Arnór í samtali við BBC Sport í gær.
HANDBOLTI Ulrik Wilbek tókst um
helgina það sem engum hafði tek-
ist áður, að vinna stórmót með
karlahandboltalandslið Danmerk-
ur þegar Danir unnu Króata með
24 mörkum gegn 20 í úrslitaleikn-
um á EM 2008.
Karlahandboltinn hefur verið í
skugganum af kvennahandboltan-
um í Danmörku síðan Wilbek gerði
dönsku stelpurnar að þeim bestu í
heimi en nú hefur hann snúið sér
að körlunum og árangurinn lætur
ekki bíða eftir sér.
Danska kvennalandsliðið vann 4
gull, 1 silfur og 1 brons á sex stór-
mótum hans með liðið frá 1993 til
1997 en þegar hann hætti með liðið
1998 þá voru þær dönsku búnar að
vinna Ólympíuleika, Evrópumeist-
aratitil og heimsmeistaratitil í
einum rykk.
Wilbek tók við karlalandsliðinu
árið 2005 og hefur síðan farið með
landsliðið á þrjú stórmót. Liðið
vann brons á bæði Em 2006 sem
og HM 2007 en að þessu sinni
komst liðið loksins í úrslitaleikinn
og vann fyrsta titilinn í sögu karla-
boltans í Danmörku.
Það er líka athyglisvert að fyrir
utan fyrsta úrslitaleikinn sem
danska kvennalandsliðið komst í á
HM í Noregi 1993 og tapaði með
einu marki í framlengingu gegn
Þjóðverjum, þá hafa lið Wilbeks
allaf unnið úrslitaleiki um sæti,
alls fimm úrslitaleiki í röð um gull
og þrjá leiki í röð um brons.
Wilbek fer sínar eigin leiðir en
hann nær vel til sinna leikmanna
og kappkostar að allir leikmenn
liðsins vinni saman og fái hlutverk
inni á vellinum. Hann þykir bæði
vera fagmannlegur í allri undir-
búningsvinnu sem og frábær í að
ná því besta út úr sínum leikmönn-
um.
Það sem menn hafa tekið eftir
með Wilbek er að hann er mjög
góður í að finna leikmönnum
sínum hlutverk innan ákveðins
tíma innan leikjanna. Hann kemur
jafnt fram við alla sína leikmenn
og þykir sérstaklega góður í að
læra af mistökunum og nýta þau
til sóknarfæris hjá liðinu. Tap
fyrir Norðmönnum og mjög erfið-
ur riðill þótti ekki benda til að þar
færu verðandi Evrópumeistarar
en það breyttist fljótt í milliriðlin-
um þar sem Danir fóru illa með
stórþjóðir eins og Króata og Pól-
verja. -óój
Ulrik Wilbek, þjálfari Evrópumeistara Dana, hefur náð einstökum árangri:
Með verðlaun á níu stórmótum
EINTÓM SIGURGANGA Ulrik Wilbek
hefur stjórnað dönskum landsliðum til
sigurs á 5stórmótum. NORDICPHOTOS/GETTY
STÓRMÓT ULRIK WIBEK:
HM kvenna í Noregi 1993 Silfur
EM kvenna í Þýskalandi 1994 Gull
HM kvenna í Austurríki 1995 Brons
ÓL í Atlanta 1996 Gull
EM kvenna í Danmörku1996 Gull
HM kvenna í Þýskalandi 1997 Gull
EM karla í Sviss 2006 Brons
HM karla í Þýskalandi 2007 Brons
EM karla í Noregi 2008 Gull
ÓLYMPÍULEIKAR Íslenska sundfólk-
ið keppir að því þessi misserin að
tryggja sér sæti á Ólympíuleikun-
um í Peking sem fara fram í
haust. Sundhöllin sem keppt
verður í er mjög sérstök en hún
var vígð á dögunum.
Sundhöllin hefur verið kölluð
Vatnsbóluhöllin eða „Water Cube“
upp á enska tungu. Hún stendur
við hlið nýja ólympíuleikvangsins
og mun taka 17 þúsund manns í
sæti. Þar mun verða keppt í
sundi, sundfimi og dýfingum.
Eins og sést hér á myndunum
sem fylgja þá er höllin jafn
glæsileg og hún er nýstárleg og
sérstök og það ætti að verða mikil
upplifun fyrir íslenska sundfólkið
að fá að stinga sér í laugina í
Peking í ágúst. - óój
Ólympíuleikarnir í Peking:
Sundhöllin í
vatnsbólustíl
SÉRSTÖK Sundhöllin í Peking er sett
saman úr þúsundum eininga í vatns-
blöðrustíl. NORDICPHOTOS/GETTY
FÓTBOLTI Lið HK í Landsbanka-
deild karla hefur samið við 29 ára
miðjumann frá Króatíu, Goran
Brajkovic, en hann hefur verið til
reynslu hjá liðinu.
Brajkovic þótti standa sig vel
og þá sérstaklega í leik gegn
Víkingi á laugardaginn þar sem
hann skoraði laglegt mark og
lagði síðan upp eitt til viðbótar.
Brajkovic hefur leikið í efstu
deildum í Króatíu, Úkraínu og
Slóveníu frá árinu 1998 með
Rijeka í Króatíu, Arsenal Kiev í
Úkraínu og nú síðast með Bela
KRaijna í Slóveníu en liðið lék
síðasta ár hans í næstefstu deild.
Hann lék á sínum tíma níu U21
árs landsleiki með Króötum og þá
á hann tvo A-landsleiki að baki.
- óój
HK í Landsbankadeild karla:
Sömdu við 29
ára Króata