Fréttablaðið - 31.01.2008, Blaðsíða 2

2 31. janúar 2008 FIMMTUDAGUR
Sigurgeir, fór afmælisveislan
slysalaust fram?
„Já, hún tókst vel í alla staði og lauk
farsællega.“
Slysavarnafélagið Landsbjörg efndi til
afmælisveislu á þriðjudag í tilefni af því
að 80 ár voru liðin var stofnun Slysavarn-
arfélags Íslands. Sigurgeir Guðmundsson
er formaður Landsbjargar.
ALÞINGI Tregða Landsvirkjunar
til að veita iðnaðarráðuneytinu
upplýsingar hefur tafið skýrslu-
gerð um
kostnað við
gerð Kára-
hnjúkavirkjun-
ar.
Álfheiður
Ingadóttir og
aðrir þingmenn
VG óskuðu eftir
skýrslunni og
eru fimm vikur
liðnar –
þingsköpum samkvæmt – síðan
hana átti að leggja fyrir þingið.
Á Alþingi í gær rukkaði
Álfheiður Össur Skarphéðinsson
iðnaðarráðherra um ástæður
tafanna sem sagði þær stafa af
því að Landsvirkjun hefði fyrst
afhent ráðuneytinu nauðsynleg
gögn í síðustu viku „eftir
töluvert harðan og þrýstings-
mikinn eftirrekstur“. - bþs
Skýrslu um Kárahnjúka beðið:
Stóð á gögnum
frá Landsvirkjun
ÁLFHEIÐUR
INGADÓTTIR
STJÓRNMÁL Óvissa á vinnumarkaði
og órói á fjármálamörkuðum eru
ástæður þess að enn hafa tillögur
nefndar félagsmálaráðherra um
eflingu félagslegs þáttar húsnæð-
islánakerfisins ekki verið kynnt-
ar.
Nefndin var skipuð í lok ágúst
og átti upphaflega að skila áliti og
tillögum til ráðherra fyrir 1. nóv-
ember á síðasta ári. Verkið tafðist
nokkuð þar sem upplýsingaöflun
reyndist tímafrekari en talið var.
Nokkuð er um liðið síðan því lauk
og hefur málið verið kynnt í ríkis-
stjórn. Þar varð úr að fresta
aðgerðum, bæði vegna óljósrar
stöðu um framvindu kjaravið-
ræðna sem og vegna ástands á
fjármálamörkuðum.
Meðan svo háttar til hefur tím-
inn verið nýttur til frekari
úrvinnslu málsins, meðal annars
með viðræðum félagsmálaráðu-
neytisins og Sambands sveitarfé-
laga um útfærslu hækkunar húsa-
leigubóta.
Fréttablaðið hefur greint frá
því að nefnd ráðherra leggur
meðal annars til að tekinn verði
upp nýr lánaflokkur fyrir kaup-
endur undir ákveðnum tekju- og
eignamörkum og kaupendur
fyrstu eignar fái skattaívilnanir
og vaxtabótaauka, auk þess sem
stimpilgjöld verði felld niður og
lántökukostnaður verði föst fjár-
hæð. - bþs
Beðið með aðgerðir til að efla félagslegan þátt húsnæðislánakerfisins:
Aðgerðir í salt vegna óvissu
RÍKISSTJÓRN ÍSLANDS Aðgerðir á hús-
næðismarkaði verða fyrst kynntar þegar
ró hefur færst yfir fjármálamarkaði og
hyllir undir gerð kjarasamninga.
Lamb í karrí 0,5 ltr. Egils gos fylgir með
749 kr.
Réttur dagsins
NEYTENDAMÁL „Þetta lítur bara alls
ekki vel út. Þetta þýðir ekki nema
eitt. Það eru hækkanir í pípun-
um,“ segir Eysteinn Helgason,
framkvæmdastjóri Krónunnar.
Áburðarverð hefur hækkað um
allt að 80 prósent. Eins hefur
kjarnfóður hækkað í verði. Þetta
hefur áhrif til verðhækkana,
hvort sem um er að ræða svína-
og kjúklingarækt eða kinda- og
kúabúskap.
„Þetta sýnir bara að þetta er
mjög alvarlegt mál,“ segir Eirík-
ur Blöndal, framkvæmdastjóri
Bændasamtakanna.
Eiríkur bendir á að framleiðslu-
kostnaður á hvert kíló af lamba-
kjöti nemi nú um 350 krónum.
„Bara þessi hækkun á áburðinum
mun væntanlega þýða 50 til 60
krónu hækkun á framleiðslu-
kostnaðinum,“ segir Eiríkur.
„Menn segja þetta núna en svo
verður markaðurinn að skera úr
um hvernig þetta verður næsta
haust,“ segir Guðmundur Mart-
einsson, framkvæmdastjóri Bón-
uss. Henn bendir á að framboð
kunni að verða meira í haust en
síðasta haust, meðal annars þar
sem útflutningsskyldu hafi verið
létt af lambakjötsframleiðslunni.
Eysteinn Helgason bendir á að
verð á matvælum fari hækkandi
víða í heimi. Þegar séu komnar
fram hækkanir á vörum eins og
sykri og hveiti.
„Við erum ekki búin að ákveða
neitt að svo stöddu, en það verða
hækkanir,“ segir Gunnar Gísla-
son, stjórnarmaður í Síld og fiski,
sem framleiðir mikið af unnum
kjötvörum og áleggi. „Svo eru
launahækkanir í farvatninu. Við
bíðum eftir þeim.“
Helga Lára Hólm, fram-
kvæmdastjóri Ísfugls, óttast að
hækkanir séu fram undan. „Verði
frekari hækkanir á fóðri, er ljóst
að við verðum að hækka þar sem
framleiðendur sem við skiptum
við ná vart endum saman án
hækkana.
„Menn hafa klárlega miklar
áhyggjur af þessari þróun. Fóðrið
er langstærsti kostnaðarliður-
inn,“ segir Ingvi Stefánsson, for-
maður Félags svínabænda.
Guðbjörg Jónsdóttir kúabóndi
hefur áður bent á að hækkanir á
fóðri auki kostnað í þeim geira.
Finnur Árnason, forstjóri Haga,
bendir á að egg hafi þegar hækk-
að um tíu prósent í verði og tólf
prósenta hækkun á kjúlingaverði
séu boðaðar.
Guðmundur Marteinsson hjá
Bónus kallar á aukinn innflutning.
„Við munum setja þrýsting á
stjórnvöld um að innflutningur
verði leyfður í meira mæli. Höft
verði rýmkuð á innflutningi á
ostum, eggjum, nauta-, kjúklinga-
og svínakjöti.“
ingimar@frettabladid.is
Allar innlendar kjöt-
vörur hækka í verði
Búist er við verðhækkunum á öllum kjötvörum, eggjum og mjólk. Þær
skýrast af áburðar- og fóðurverði. Óttast er að kjarasamningar kalli á enn
frekari hækkanir. Smásalar krefjast aukins innflutnings landbúnaðarvara.
VÖRURNAR Í KJÖTBORÐINU Verðið á kjötvörum, nýjum sem unnum, gæti tekið
stökk upp á við á næstu vikum. Verð á áburði og kjarnfóðri hefur hækkað. Þá kynnu
launahækkanir í matvælaiðnaði að fela í sér hækkanir. Myndin er úr safni
FR
ÉTTA
B
LA
Ð
IÐ
/G
VA
LANDBÚNAÐUR „Það féll snjóflóð og
stefndi á einn okkar sem gat forð-
að sér undan á hlaupum. Þá hætt-
um við,“ segir Heimir Þór Ívars-
son, íbúi í Ólafsvík. Hann fór
ásamt tveimur öðrum upp í Ólafs-
víkurenni í gær til að reyna að
bjarga sex kindum sem halda sig
á syllum í Enninu. Þar hafa þær
verið frá því í haust en ekki tekist
að ná þeim því þær eru eldstygg-
ar. Syllurnar eru huldar klaka og
snjó og spáð er norðanhvelli.
Mennirnir þrír fóru upp á belta-
fjórhjóli, öðru venjulegu fjórhjóli
og snjósleða. Þeir ætluðu að
freista þess að koma kindunum
niður úr fjallinu.
„Ég seig í spilinu á öðru fjór-
hjólinu niður gil og annar félaga
minna kom á móti mér, þar sem
við ætluðum að reyna að passa að
kindurnar tækju ekki strikið í
burtu. En þá fór snjóflóð á stað
undan mér og stefndi á félaga
minn. Hann gat forðað sér á hlaup-
um,“ segir Heimir Þór.
Eins og fram kom í Fréttablað-
inu í gær voru kindurnar upphaf-
lega sjö en ein er nú dauð. Talið er
líklegt að hún hafi hrapað til bana,
því syllurnar eru glerhálar, að
sögn Heimis Þórs.
Þeim félögum tókst í gær að
koma kindunum úr norðanverðu
Enninu sunnanmegin í það, þannig
að þær fá nú meira skjól fyrir
norðanáttinni. - jss
FLÓTTAKINDURNAR Kindurnar sex í
Ólafsvíkurenni eru komnar með klaka-
dröngla í ullina. Þessi mynd var tekin af
þeim í gær.
Tilraun til að ná sex kindum úr Ólafsvíkurenni mistókst:
Björgunarmaður átti fótum
fjör að launa undan snjóflóði
VIÐSKIPTI Tap Eimskipafélagsins á
nýliðnu ári nemur 9,1 milljón
evra, eða tæpum 865 milljónum
króna. Viðsnúningurinn er mikill
frá fyrra ári þegar félagið
hagnaðist um 64,1 milljón evra,
eða rúma 6 milljarða króna.
Tap félagsins 2007 nemur sem
svarar 28,5 aurum á hlut, meðan
hagnaður ársins áður nam 3,5
krónum á hlut.
Velta Eimskips hefur hins
vegar þrefaldast milli ára og
skilaði undirliggjandi starfsemi
900 milljónum króna í fyrra. Tap
félagsins er til komið af flug-
rekstri þess, sem nú hefur allur
verið seldur frá félaginu. - óká
Flugið dregur Eimskip niður:
Tap upp á 865
milljónir króna
KENÍA, AP Ekkert lát er á átökun-
um í Kenía. Kikuyu-menn urðu
fyrir hörðum árásum í Rift-
dalnum og hörð átök voru einnig í
fátækrahverfum höfuðborgarinn-
ar Naíróbí.
Jendayi Frazer, erindreki
Bandaríkjanna í Afríku, sagði í
gær að átökin í Rift-dalnum í
Kenía hlytu að teljast þjóðar-
morð. Talsmaður bandaríska
utanríkisráðuneytisins dró þó í
land með þau ummæli síðar í gær.
Kofi Annan, fyrrverandi
framkvæmdastjóri Sameinuðu
þjóðanna, sem reynir að miðla
málum í Kenía, segir að það muni
taka í það minnsta ár að ná
samkomulagi um lausn á deilum
um úrslit forsetakosninganna,
sem haldnar voru í lok síðasta
árs. - gb
Ekkert lát á átökum í Kenía:
Annan segir ár
í að lausn fáist
VEGATÁLMI RUDDUR Lögreglumaður í
Kenía greiðir fyrir umferðinni.
Bílvelta á Vesturlandsvegi
Ökumaður velti pallbíl þegar hann
missti stjórn á bíl sínum í mikilli
hálku á móts við bæinn Læk við
Vesturlandsveg í gær. Ökumaður
slasaðist og var fluttur á sjúkrahúsið á
Akranesi. Bíllinn er ónýtur.
LÖGREGLUFRÉTTIR
LÖGREGLUMÁL Tveir menn voru
handteknir síðdegis í gær eftir
rán í dælustöð Atlantsolíu við
Kópavogsbraut. Þeir réðust inn í
afgreiðsluna um klukkan þrjú,
hótuðu afgreiðslustúlku og höfðu
um fjörutíu þúsund krónur á
brott með sér. Þeir voru í
annarlegu ástandi og huldu ekki
andlit sitt. Ekki liggur fyrir hvort
þeir voru vopnaðir.
Ræningjarnir fundust skömmu
síðar eftir að tilkynning barst um
annarlegt háttalag ökumanns.
Ræningjarnir eru tæplega
tvítugir og hafa báðir komið
margoft við sögu lögreglu fyrir
ýmiss konar afbrot. Allur
ránsfengurinn fannst. - sh
Tveir ungir ógæfumenn teknir:
Frömdu rán
í Atlantsolíu
SPURNING DAGSINS