Fréttablaðið - 31.01.2008, Blaðsíða 8

31. janúar 2008 FIMMTUDAGUR
DÓMSMÁL „Grundvallaratriðið er að
það varð ekkert tjón,“ sagði Gísli
Baldur Garðarsson, lögmaður og
stjórnarformaður Olís, í málflutn-
ingi í Hæstarétti vegna skaðabóta-
máls Reykjavíkurborgar, og fyrir-
tækja hennar, gegn olíufélögunum
Olís, Skeljungi og Keri, áður Olíu-
félaginu. Héraðsdómur dæmdi
olíufélögin til þess að greiða
Reykjavíkurborg um 72 milljónir
króna í bætur vegna samráðs í
desember 13. desember 2006.
Lögmenn olíufélaganna lögðu á
það áherslu í málflutningi sínum að
þrátt fyrir að samráð fyrir útboð
árið 1996 væri óumdeilt þá væri
ósannað að það hefði valdið tjóni.
Kristinn Hallgrímsson, lögmað-
ur Kers, sagði það einkennilega
stöðu að vera að flytja málið í
Hæstarétti í byrjun ársins 2008.
„Rannsóknin hófst árið 2001 og nú
fyrst er þetta komið í Hæstarétt,“
sagði Kristinn og sagði það slæmt
fyrir grundvallarálitamálið að ekki
væri búið að klára mál olíufélag-
anna gegn samkeppnisyfirvöldum
og íslenska ríkinu. Þau krefjast
ógildingar á 1,5 milljarða stjórn-
valdssektum vegna samráðs félag-
anna á árunum 1993 til og með
meirihluta árs 2001.
Vilhjálmur H. Vilhjálmsson, lög-
maður Reykjavíkurborgar, sagði
sérstöðu málsins öðru fremur fel-
ast í því að brotið væri upplýst.
„Samráð félaganna, og skipting
framlegðar milli félaganna, er óum-
deilt. Þegar svo ber við er sjálfsögð
krafa þolanda samráðsins að for-
sendur sönnunarbyrði breytist, og
snúist jafnvel við,“ sagði Vilhjálm-
ur og vitnaði til þess að olíufélögin
þyrftu að sanna það að ávinningur-
inn af samráðinu hefði enginn
verið.
Vilhjálmur lagði jafnframt á það
áherslu að matsgerðir sem ætlað
væri að reikna nákvæmlega út
ávinning af samráði olíufélaganna
gætu aldrei gefið tæmandi endan-
legt svar. „Allt er háð gefnum for-
sendum og þær geta gefið misvís-
andi skilaboð.“
Gísli Baldur sagði samráðsmálin
hafa lagst þungt á marga starfs-
menn olíufélaganna og sagði „dóm-
stóla fjölmiðla“ hafa byggst á vill-
andi og óréttlætanlegri
framsetningu samkeppnisyfirvalda
á málinu. Hann nefndi engin dæmi
í því samhengi. „Það hafa leikið um
þjóðina tryllingsstraumar,“ sagði
Gísli Baldur og vitnaði til harðra
viðbragða hjá almenningi í landinu
eftir að samráð olíufélaganna
komst upp. Hann sagði það hins
vegar af og frá að „eitthvert sam-
ráðsástand“ hefði verið viðvarandi
þann tíma sem rannsókn samkeppn-
isyfirvalda hefði náð til. „Alveg af
og frá,“ bætti Gísli Baldur við.
Jafnframt sagði hann íslenskt
þjóðlíf einkennast af fákeppni,
jafnt nú sem fyrr. „Frá því sam-
keppnislögin tóku gildi 1993 hefur
ekkert breyst [...] Hér í fámenninu
þrífst fákeppni. Samkeppnisyfir-
völd hafa ekki náð neinum
árangri.“
Ekki liggur ljóst fyrir hvenær
dómur verður kveðinn upp í mál-
inu. magnush@frettabladid.is
Segja engan
ávinning af
samráðinu
Lögmenn olíufélaganna sögðu ávinninginn af óum-
deildu samráði olíufélaganna fyrir útboð á vegum
Reykjavíkurborgar engan. Sérstaða málsins sú að
brot olíufélaganna eru upplýst og viðurkennd.
HÆSTIRÉTTUR Mál Reykjavíkurborgar gegn olíufélögunum er fyrsta skaðabótamálið
vegna samráðsins sem kemur inn á borð Hæstaréttar. Nokkur önnur bótamál bíða
þess að verða tekin fyrir. FRÉTTABLAÐIÐ/GVA
Sparisjóðurinn býður nú viðskiptavinum sínum upp á SP12, hávaxta
sparnaðarleið í Heimabankanum, sem felur í sér mánaðarlegar vaxtagreiðslur.
Reikningurinn er óverðtryggður og óbundinn og fara vextir eftir innstæðu
hans. Fjárhæðin er ávallt laus til útborgunar og millifærsla í Heimabankanum
er gjaldfrjáls. SP12 er frábær kostur fyrir þá sem vilja sjálfir halda utan um
sinn sparnað.Fí
t
o
n
/
S
Í
A
Nú kemur þetta
mánaðarlega
www.spar.is
Komdu núna í Bílaland B&L og kynntu þér kostina
Glæsilegt úrval lúxusbílaLÚXUS
Opið virka daga frá kl. 10 til 18
og á laugardögum frá kl. 12 til 16
Bílaland B&L, Grjóthálsi 1 - 110 Reykjavík
575 1230 - luxusbilar@bilaland.is. 575 1230
BMW X5 3.0i
Nýskr: 12/2005, 3000cc, 5 dyra,
Sjálfskiptur, Svartur, Ekinn 35.000 þ.
Verð: 5.850.000