Fréttablaðið - 31.01.2008, Blaðsíða 12

12 31. janúar 2008 FIMMTUDAGUR
BANDARÍKIN Sigur John McCain í
prófkjöri repúblikana í Flórída á
þriðjudaginn gefur honum ómetan-
legt forskot á Mitt Romney í kosn-
ingabaráttunni sem fram undan er.
McCain hlaut 36 prósent atkvæða
og Romney 31 prósent, en í þriðja
og fjórða sæti lentu þeir Rudy Giul-
iani með 15 prósent og John Huck-
abee með 13 prósent.
Í rauninni eru þeir því tveir einir,
stríðshetjan McCain og mormón-
inn Romney, eftir um hituna hjá
repúblíkönum, nú þegar Rudy Giul-
iani hefur hætt við framboð sitt.
Giuliani hefur jafnframt lýst yfir
stuðningi við McCain, þannig að
staða Romneys er óneitanlega mun
veikari núna. Huckabee þykir ekki
eiga mikla möguleika í raun, þótt
hann hafi byrjað vel með sigrum í
fyrstu prófkjörum flokksins.
Demókratinn John Edwards
hætti einnig í gær við að sækjast
eftir því að verða forsetaefni síns
flokks, og þar með eru þau Hillary
Clinton og Barack Obama ein eftir
í slagnum um útnefninguna í þeim
herbúðum.
Allra augu beinast nú að slagn-
um mikla á sprengidag, þriðjudag-
inn 5. febrúar, þegar prófkjör verða
haldin samtímis í meira en 20 ríkj-
um. Sá dagur gæti ráðið úrslitum
hjá báðum flokkum, þannig að
aðeins einn frambjóðandi standi
eftir sem forsetaefni hvors flokks
um sig.
James A. Thurber, bandarískur
stjórnmálaskýrandi sem hélt fyr-
irlestur hér í Reykjavík á þriðju-
dag, segir að það gæti skaðað
Demókrataflokkinn verulega fari
leikar svo, eins og margt bendir til
að geti orðið, að repúblikanar nái
endanlegri niðurstöðu löngu á
undan demókrötum, þannig að
McCain standi einn eftir með
pálmann í höndunum á meðan þau
Clinton og Obama halda áfram að
slást næstu mánuðina og jafnvel
allt fram í ágústlok. „Bandaríkja-
menn eru ekki hrifnir af nei-
kvæðri kosningabaráttu, þannig
að ef þau ætla bæði að stunda
slíkt, þá gæti frambjóðandi Rep-
úblikanaflokksins grætt verulega
á því þegar kemur loks að forseta-
kjörinu í nóvember,“ segir Thur-
ber, sem er prófessor við Ameri-
can University í Washington og
hefur stundað kosningarannsókn-
ir áratugum saman.
gudsteinn@frettabladid.is
ÁNÆGÐUR MEÐ SIGURINN John McCain segir að sigurinn í Flórída hafi óneitanlega
verið sætur. Einungis Mitt Romney getur nú komið í veg fyrir að McCain verði for-
setaefni Repúblikanaflokksins. FRÉTTABLAÐIÐ/AP
McCain sigurstrang-
legastur repúblikana
John McCain og Mitt Romney standa tveir eftir í kosningabaráttunni hjá Rep-
úblikanaflokknum. Meðal demókrata eru Hillary Clinton og Barack Obama ein
um hituna. Bæði John Edwards og Rudy Giuliani hafa hætt við framboð.
Þriðjudagurinn virtist ekkert öðruvísi en aðrir
þriðjudagar fyrir flesta íbúa hér í Orlando, Flórída,
þrátt fyrir að kjördagur væri runninn upp. Auðvit-
að mátti sjá stuðningspjöld við gatnamót, fyndin
pólitísk skilaboð á stuðurum og einstaka menn
dreifa bæklingum. En lífið gekk áfram sinn
vanagang.
Fjölmiðlar voru fullir af vangaveltum um
kosningarnar. En stöðvarnar eru margar og auðvelt
að sniðganga þá umfjöllun, hafir þú ekki áhuga.
Áhorfendur voru beinlínis varaðir við með texta
neðst á skjánum sem sagði: Mest fjallað um
stjórnmál þennan morguninn. Fólk í verslanamið-
stöðvum fékk líka að vera algjörlega í friði fyrir
kosningaáróðri á mándaginn, degi fyrir kjördag.
Kosningabaráttan fer líka fram í fjölmiðlum. Það
er eðlilegt. Bandaríkin eru risastór. Giuliani og
McCain héldu kosningafundi í Orlando á mánudag-
inn. Og þetta voru engir venjulegir kosningafundir
fyrir kjósendur. Frambjóðendurnir voru fyrst og
fremst að tala við myndavélar fjölmiðlafólksins. Í
báðum tilvikum var tiltölulega lítill hópur stuðn-
ingsmanna mættur til að hvetja sinn mann sem
virtist vera á fjöldafundi í sjónvarpinu um kvöldið.
Það sem kom helst á óvart var hversu lítið var um
sýnilega löggæslu á fundunum. Eftir að frambjóð-
endurnir höfðu talað hópaðist fólk að þeim til að fá
eiginhandaráritun og mynd. Þeir þurfa að sýna sig
með venjulegu fólki og mega ekki virðast haldnir
ofsóknaræði.
Báðir þessir fundir voru haldnir á litlum flugvöll-
um. Það er til marks um hraðann í þessari baráttu.
Stutt hnitmiðuð skilaboð, sniðin að umfjöllun
fjölmiðla og svo flogið í þotu á næsta stað. Fram-
bjóðendur þurfa að vera skrefi á undan. Og nú er
það þriðjudagurinn mikli. Þá telja margir að
úrslitin verði ljós.
Baráttan birtist í fjölmiðlum
Hringdu í síma
ef blaðið berst ekki
UPPSTILLING FYRIR FJÖLMIÐLA Frá kosningafundi Rudys Giuli-
ani í Orlando á mánudag. FRÉTTABLAÐIÐ/AP
BORGARMÁL Birtingu á skýrslu
stýrihóps Svandísar Svavarsdótt-
ur um málefni Reykjavík Energy
Invest hefur verið frestað að ósk
Gísla Marteins Baldurssonar og
Hönnu Birnu Kristjánsdóttur, full-
trúa Sjálfstæðisflokks í stýrihópn-
um. Ástæðan fyrir frestuninni er
að sögn Gísla Marteins sú að eðli-
legt sé að stýrihópurinn fái að sjá
lokagerð skýrslunnar áður en hún
verður lögð fram. Svandís segir
það hafa verið sjálfsagt að verða
við bón borgarfulltrúanna.
Gísli Marteinn segir að Svandís
hafi ákveðið að skila skýrslunni
snarlega eftir að nýr meirihluti
var myndaður í síðustu viku. „Það
hafa hins vegar bara verið haldnir
þrír fundir síðan um miðjan nóv-
ember og síðast þegar ég vissi var
skýrslan ekki tilbúin til framlagn-
ingar í borgarráði. Við sjálfstæð-
ismenn tjáðum Svandísi þá skoðun
okkar að hópurinn yrði að sjá loka-
gerð skýrslunnar, að minnsta kosti
einu sinni, áður en hún yrði lögð
fram. Svandís brást vel við þeirri
hugmynd.“
Svandís Svavarsdóttir, oddviti
Vinstri grænna, segir að hún hafi
stefnt að því að kynna skýrsluna á
fundi borgarráðs í dag. „Meiri-
hlutinn fór fram á það við mig að
haldinn yrði einn aukafundur í
stýrihópnum og ég varð við því. Sá
fundur verður haldinn snemma í
næstu viku og skil vinnunnar viku
seinna en áætlað var.“ Svandís
segist ekki vita um ástæðu þess að
farið var fram á frestun og kallaði
ekki eftir skýringum á því. - shá
Skýrsla stýrihóps um REI ekki lögð fram í borgarráði í dag, eins og áætlað var:
Vildu sjá lokagerð skýrslunnar
SVANDÍS
SVAVARSDÓTTIR
GÍSLI MARTEINN
BALDURSSON
BJÖRGVIN GUÐMUNDSSON
skrifar frá Flórída