Fréttablaðið - 31.01.2008, Blaðsíða 20

20 31. janúar 2008 FIMMTUDAGUR
Samtök um kvennaframboð urðu að veruleika þennan mánaðar-
dag árið 1982. Hátt í fjögur hundruð konur mættu á stofnfund-
inn sem haldinn var á Hótel Borg og af þeim gerðust 150 stofn-
félagar.
Mikill einhugur var ríkj-
andi og hafði ein kvenn-
anna á orði að eftir þess-
um fundi hefði hún beðið
í hálfa öld.
Samtökin buðu fram til
borgarstjórnar í Reykja-
vík vorið 1982. Það gekk
eftir og fengu þau tvo full-
trúa kjörna í borgarstjórn
Reykjavíkur og tvo fulltrúa
í bæjarstjórn Akureyrar
það ár. Þá buðu samtök-
in fram í þremur kjördæmum í alþingiskosningunum 1983. Þau
hlutu 5,5 prósent atkvæða og komu þremur fulltrúum á þing.
ÞETTA GERÐIST : 31. JANÚAR 1982
Konur stofna samtök
Á STOFNFUNDINUM Á HÓTEL BORG
Hátt í 400 sátu fyrsta fund Samtaka
um kvennaframboð.
„Auðvitað lít ég á þetta sem hvatningu í starfinu mínu.
Velgengni fylgir ábyrgð og ég bið fólk að hnippa í mig ef
ég fer að halla mér út af og finnst ég vera búin að gera
það sem gera þarf,“ segir Guðrún Jónsdóttir, félagsráð-
gjafi og talsmaður Stígamóta, sem hlaut nýlega verðlaun-
in Ljósberi ársins 2007 fyrir áralanga, ötula og skelegga
baráttu gegn kynferðisofbeldi og klámvæðingu. Ekki þó
síst fyrir frumkvæði, hugrekki og rökfestu þegar hún
stóð fyrir því að koma í veg fyrir alþjóðlega klámráð-
stefnu í Reykjavík.
Þótt Rúna sé röggsöm og mælsk þá kveðst hún lítið
fyrir að tala um sjálfa sig. Þó fellst hún á smáviðtal í til-
efni verðlaunanna. Lítið Ljósberaviðtal. Að íslenskum
sveitasið er hún fyrst spurð um upprunann. „Ég ólst upp
í Reykjavík en átti mitt annað heimili uppi í Borgarfirði,
í Húsafelli og Fljótstungu þar sem ég var í sveit á sumr-
in. Þaðan er mikilvægur hluti af sjálfsmynd minni, nátt-
úrubarnið sem er mótvægi við baráttukerlinguna.“ Hún
kveðst einnig halda góðu sambandi við skólasystkini sín
úr líffræðinni fyrir þrjátíu og eitthvað árum og ganga
með þeim um fjöll og firnindi. „Það er svo gott að hlaða
batteríin í útivist með skemmtilegu fólki.“
Guðrún býr í Kópavogi með eiginmanninum til margra
ára, Tómasi Jónssyni sérkennslufulltrúa. „Ég á góðan
karl, þrjár stelpur og þrjú barnabörn þannig að ég lifi
eins og blómi í eggi,“ segir hún brosandi.“ Ekki lætur
hún heldur hjá líða að minnast á sjö manna teymið sem
hún er hluti af hjá Stígamótum. „Það er gæfa að hafa
þetta starfsumhverfi sem hér er,“ segir hún og er spurð
hversu lengi hún hafi verið hjá Stígamótum.
„Ég datt inn í Kvennaathvarfið 1988 til 1990,“ byrjar
hún upprifjun og hlær þegar hún er spurð í gríni hvort
það hafi verið vegna barsmíða frá Tómasi manni sínum.
„Nei, ekki aldeilis. Ég réði mig í sumarstarf hjá Kvenna-
listanum 1985 en það varð að þremur árum. Ætlaði allt-
af til baka í fagið mitt, líffræðina, en fór svo að vinna
hjá Kvennaathvarfinu og datt inn í heim sem ég hef ekki
getað slitið mig frá síðan.“
Spurð hvort starfið sé ekki niðurdrepandi svarar hún
ákveðin. „Nei. Að vísu koma þannig dagar. En kúnstin
er að finna leiðir út úr vandamálunum. Það finnst okkur
gaman.“
Nýlega hlutu Stígamót verðlaun frá stórum samtökum
sem heita Equality Now sem stofnuðu alþjóðlegan sjóð
til þess að styrkja grasrótarsamtök sem vinna gegn man-
sali, vændi og ofbeldi í heiminum. Níu samtök hafa feng-
ið þessi verðlaun en Stígamót voru þau fyrstu í Evrópu.
Viðurkenningunni fylgdi tíu þúsund dollara fjárframlag
og í febrúar ætlar Guðrún í námsferð til New York ásamt
starfssystrum sínum í Stígamótum í tilefni kvennafund-
ar Sameinuðu þjóðanna þar. „Þetta gerum við með góðri
samvisku nú án þess að klípa af rekstrarfénu,“ segir hún
og bætir við. „Það gerist ekkert í Stígamótum nema af
því hér er samstillt teymi sem er fullt af starfsgleði.“
gun@frettabladid.is
GUÐRÚN JÓNSDÓTTIR Í STÍGAMÓTUM: VALIN LJÓSBERI ÁRSINS 2007
Lifi eins og blómi í eggi
LJÓSBERI ÁRSINS 2007 Guðrún Jónsdóttir í Stígamótum hlaut viður-
kenninguna fyrir áralanga, ötula og skelegga baráttu gegn kynferðisof-
beldi og klámvæðingu. FRÉTTABLAÐIÐ/AUÐUNN
EINAR J. GÍSLASON
FORSTÖÐUMAÐUR FÆDDIST
ÞENNAN DAG ÁRIÐ 1923.
Það skiptir miklu máli að
vera einlægur gagnvart
sjálfum sér og Guði.
Einar var einn andríkasti
predikari landsins sem for-
stöðumaður Betelsafnað-
arins í Vestmannaeyjum og
síðar Fíladelfíu í Reykjavík.
Hann lést 14. maí 1998.
timamot@frettabladid.is
Þökkum af alhug fyrir auðsýnda samúð og
vinarhug við andlát elskulegrar eiginkonu
minnar, móður okkar, tengdamóður og
ömmu,
Sigrúnar Einarsdóttur
frá Borg, Tunguvegi 4, Njarðvík.
Sérstakar þakkir færum við starfsfólki D-deildar á
Heilbrigðisstofnun Suðurnesja og krabbameins-
lækningadeildar á LSH fyrir hlýhug og kærleiksríka
umönnun.
Friðrik Pétur Valdimarsson
Ólafía Sigríður Friðriksdóttir Birgir Vilhjálmsson
Þórunn Friðriksdóttir Ragnar Halldórsson
Oddbjörg Friðriksdóttir Erlendur Borgþórsson
Anna Hulda Friðriksdóttir Árni Eiðsson
Sigrún Alda Jensdóttir Snorri Snorrason
ömmubörn og fjölskyldur.
50 ára afmæli
Þann 3. febrúar nk. verður 50 ára
Kristján
Guðmundsson,
rekstrarhagfræðingur og útibússtjóri
hjá Landsbanka Íslands. Af því tilefni
tekur Kristján á móti gestum í
Golfskálanum Grafarholti milli
kl. 17 og 19 laugardaginn 2. febrúar.
Hjartfólginn sonur minn, ástkær eigin-
maður, faðir, tengdafaðir, afi og bróðir,
Ólafur Mogensen
Flagggatan 8b, 41316 Gautaborg, Svíþjóð,
verður jarðsunginn frá Hagakyrkan í Gautaborg,
þriðjudaginn 5. febrúar, klukkan 11.00.
Minningarathöfn um Ólaf verður haldin í
Dómkirkjunni í Reykjavík föstudaginn 15. febrúar nk.
klukkan 15.00 og eru allir sem þekktu Óla og þótti
vænt um hann hjartanlega velkomnir.
Marsibil Magnea Ólafsdóttir Mogensen
Maud Rämsell
Pétur Viðar Ólafsson
Birta Þrastardóttir Þórhallur Magnússon
Mirra Þórhallsdóttir
Peter Lassen Mogensen
Matthías Mogensen Kristina Marianna Wärd
Ingeborg Linda Mogensen
Erik Júlíus Mogensen Aðalheiður Elva Jónsdóttir
Inga Kolbrún Mogensen Sveinbjörn Gunnarsson
Birgir Mogensen Ásta Ragnheiður Júlíusdóttir
Elskuleg móðir okkar, tengdamóðir,
amma, langamma og systir,
Jónína Helga Jónsdóttir
Túngötu 19, Patreksfirði
andaðist á sjúkrahúsinu á Húsavík fimmtudaginn
24. janúar. Jarðsett verður frá Patreksfjarðarkirkju
laugardaginn 2. febrúar kl. 16.00. Þeim sem vilja
minnast hinnar látnu er bent á Slysavarnadeildina
Unni, Patreksfirði.
Kristín Bergþóra Pálsdóttir
Jón Christian V. Andersen
Jens V. Andersen
Aðalsteinn Júlíusson Margrét Magnúsdóttir
Unnsteinn Ingi Júlíusson Anna Kristrún Sigmarsdóttir
barnabörn, barnabarnabörn og systkini hinnar látnu.
Hjartkær föðursystir okkar,
Herdís Jónsdóttir
frá Seyðisfirði,
lést 18. janúar sl. Útför hennar hefur farið fram.
Jón Gunnlaugur Jónasson
Inga Marta Jónasdóttir
Magnús Guðlaugsson
Jón B. Guðlaugsson
Ástkær eiginkona mín, móðir okkar,
tengdamóðir, amma og langamma,
Soffía Þorvaldsdóttir
Skarðshíð 19, Akureyri,
lést á Sjúkrahúsi Akureyrar, laugardaginn 26. janúar.
Útför fer fram frá Akureyrarkirkju mánudaginn
4. febrúar, kl. 13.30.
Þorsteinn Williamsson
Jóna Lísa Þorsteinsdóttir
Gunnar Þorsteinsson Mjöll H. Thoroddsen
Margrét Þorsteinsdóttir Guðmundur Víðir Gunnlaugsson
Þorvaldur Þorsteinsson Helena Jónsdóttir
barnabörn og barnabarnabörn.
Elskulegur faðir okkar, bróðir og frændi,
Sigurður Valdal
Jóhannesson
Framnesvegi 10, Keflavík,
er látinn. Jarðarförin fer fram frá Grindavíkurkirkju,
laugardaginn 2. febrúar kl. 14.00.
Dætur hins látna,
systkini og frændsystkini.
Ástkær faðir minn, afi, bróðir og frændi
okkar,
Stefán Jóhann Eggertsson
frá Steðja, til heimilis að Álfhólsvegi 95,
lést aðfaranótt þriðjudagsins 29. janúar. Útförin
auglýst síðar.
Eggert Stefán Stefánsson
Arnór Darri Eggertsson
Guðrún Eggertsdóttir Kaaber Edvin Kaaber
Sigvaldi Eggertsson Sigríður Einarsdóttir
Ragna Valgerður Eggertsdóttir
og systkinabörn.