Fréttablaðið - 31.01.2008, Blaðsíða 28
31. JANÚAR 2008 FIMMTUDAGUR2 ● fréttablaðið ● vinnuvélar
Saltdreifarar eru algeng sjón
á götum borgarinnar og víðar
þessa dagana þar sem Vetur
konungur hefur sýnt sig í öllu
sínu veldi. Á vegum landsins
eru menn eins og Hilmar Ólafs-
son sem vinna að því dag og
nótt að dreifa salti til að stuðla
að öryggi í umferðinni.
Þrátt fyrir að tilgangur saltdreif-
ara sé fremur einfaldur þá er
samsetning þessara tækja held-
ur flóknari. „Þetta er sjálfstæður
vörubíll sem tekur á sig dreifara.
Hægt er að setja hann á pall eða
á grind undir pallinum og tekur
hann um sjö rúmmetra af salti.
Inni í bílnum eru síðan stjórntæki
þar sem við getum dreift saltinu
mjög nákvæmlega í grömmum á
fermetra og veljum við það eftir
aðstæðum hverju sinni. Þetta
er tölvustýrt tæki og mjög ná-
kvæmt. Það er því frekar flókið
að gerð þó að nokkuð einfalt sé að
stýra því,“ segir Hilmar Ólafsson
verktaki.
„Allir dreifararnir sem við
erum með dreifa líka saltpækli
með. Það er blanda sem virkar
mjög vel og þá er hægt að dreifa
minna af salti,“ segir Hilmar og
viðurkennir að saltið skemmi ef-
laust vegina að einhverju leyti
en bætir við að það sé þó skásta
lausnin enn sem komið er. „Sand-
urinn fýkur þegar það kemur rok
og stíflar öll niðurföll og veldur
því enn meiri skemmdum. Saltið
er besti kosturinn því það fer ein-
faldlega ofan í niðurföllin og svo
aftur í sjóinn.“
Hilmar Ólafsson ehf. er með
tólf saltdreifara fyrir Vegagerð-
ina. „Reykjavíkurborg er líka
með verktaka en Malbikunarstöð-
in Höfði sér um að dreifa fyrir þá.
Við tökum allt frá Hvalfjarðar-
göngum Reykjavíkurmegin upp
að Flugstöð Leifs Eiríkssonar.
Við erum með Reykjanesbraut,
Miklubraut, Kringlumýrarbraut
og Reykjanesbraut hina nýju í
gegnum Smáralind og Suður-
landsbrautina að Litlu kaffistof-
unni en þar tekur Vegagerðin á
Selfossi við. Við erum því með
allar þessar stofnbrautir og vegi
sem Vegagerðin sér um,“ útskýr-
ir Hilmar áhugasamur og bætir
við: „Við erum með tvær gerð-
ir af saltdreifurum. Utan á ann-
arri gerðinni eru 2.000 lítrar af
saltpækli og um sjö rúmmetr-
ar af salti en svo erum við með
aðra gerð sem tekur 8.200 lítra af
pækli og fimm rúmmetra af salti.
Þessu blandar dreifarinn saman
þegar hann dreifir og það dugar
mun betur á svörtu hálkuna sem
kemur til dæmis þegar rignir á
haustin og það kemur nokkurs
konar glerungur yfir allt. Þá leys-
ist hálkan næstum því upp sam-
stundis á eftir bílnum.“ Vélarnar
eru danskar og keyptar frá Afl-
vélum og Wendel. Fyllt er á saltið
hjá Malbikunarstöðinni á Höfða
og í saltskemmu Vegagerðarinn-
ar í Hafnarfirði er einnig salt- og
pækilstöð.
Þegar tíðarfarið er líkt og verið
hefur undanfarið er salti dreift
allan sólarhringinn. „Við erum
nokkuð margir og upp á síðkastið
hafa farið á annað hundrað tonn
af salti á sólarhring. Við erum að
þessu yfir veturinn en svo hverf-
um við til annarra starfa,“ segir
Hilmar sem hefur í nógu að snú-
ast við að salta vegi landsins
þessa dagana. - hs
Á annað hundrað tonn af salti á sólarhring
Einn af saltdreifurunum hjá Malbikunarstöðinni á Höfða nýkominn til síns heima
eftir annasaman dag. FRÉTTABLAÐIÐ/ANTON
Hilmar Ólafsson dreifir salti fyrir
Vegagerðina víðs vegar um höfuðborg-
arsvæðið til að auka öryggi á vegum úti.
FRÉTTABLAÐIÐ/GVA
Nú eru strætisvagnar höfuð-
borgarsvæðisins hættir að sofa
í Laugarnesinu og eru fluttir
upp á Hálsa, nánar tiltekið
Hestháls. Af því tilefni var
Jóhannes Jóhannesson, sviðs-
stjóri rekstrarsviðs, tekinn tali.
Jóhannes, er ekki alltaf brjálað
veður þarna uppi á Hálsum?
„Nei, svæðið hér er nú ekki jafn
opið fyrir norðanáttinni eins og
Kirkjusandurinn en þó erum við á
nokkru bersvæði og klárlega fest-
ir hér meiri snjó en í Laugarnes-
inu.“
Verðið þið þá að byrja á að sópa
snjóinn af öllum vögnum snemma
á morgnana?
„Nei, breytingarnar sem snúa að
veðráttu og vörnum gegn henni
eru miklar. Hér eru vagnarnir
nefnilega allir á spena yfir nótt-
ina, sem þýðir að þeir eru tengdir
við loft sem heldur öllum dyrum
vel þéttum og lokuðum. Áður var
það þannig að ef mikið rok stóð
upp á vagnhliðarnar gat verið
hætta á að dyrnar opnuðust og
jafnvel fennti inn. Nú eru vagn-
arnir líka í sambandi við rafmagn
yfir nóttina og með miðstöðina í
gangi þannig að þeir eru þurrir
og fínir að morgni. Á Kirkjusand-
inum þurftu menn að koma um
miðjar nætur til að setja vagnana
í gang og í verstu vetrarveðrum
voru þeir látnir ganga alla nótt-
ina. Til viðbótar þessu erum við
með hita í öllum plönum sem var
ekki niður frá svo snjóinn tekur
fyrr upp.“
Var aðstaðan sérhönnuð fyrir
ykkur frá grunni?
„Reykjavíkurborg á aðstöðuna
og leigir okkur hana. Á þessari
lóð var timbursala Sambandsins
í fyrstu og svo hafði Landsvirkj-
un hér geymslusvæði en borgin
lagði í heilmiklar framkvæmd-
ir til að fella aðstöðuna að okkar
þörfum og við fluttum hingað
um miðjan desember. Á lóðinni
var byggð þvottastöð sem skil-
ar okkur hreinni bílum og í sam-
bandi við verkstæðið má geta
þess að hér erum við með lyftur
en niður frá vorum við bara með
gryfjur þannig að það er bylting
fyrir starfsmenn að vinna á sléttu
gólfi við viðhald og viðgerðir.
Húsnæðið er líka mun bjart-
ara en við höfðum áður þannig
að starfsmannaaðstaðan, sérstak-
lega sú sem snýr að vagnstjórum,
hefur batnað til muna. Skrifstof-
urýmið er ekki allt tilbúið ennþá
en verður það trúlega í mars og þá
flytur skrifstofustarfsemin hing-
að úr Mjóddinni.
Þurfa vagnarnir að fara fyrr af
stað á morgnana nú en þegar þeir
voru niðri á Kirkjusandi?
„Já, við erum aðeins meira út
úr. Það skiptir auðvitað ekki far-
þegana máli því okkar frábæru
starfsmenn eru árrisulir og telja
ekki eftir sér að mæta á réttum
tíma en þeir þurfa vissulega að
fara fyrr af stað. Það er vissulega
erfiðara að halda úti vagnaflotan-
um í svona vetrarveðráttu eins og
nú er. Til dæmis getur verið tor-
velt að komast um göturnar fyrir
vanbúnum bílum. Þá á fólk auðvit-
að bara að taka strætó!“
Lendið þið í að það sé ekki búið
að ryðja göturnar í kringum ykkur
þegar þið þurfið að leggja af stað á
morgnana?
„Nei, það er mjög vel hugsað
um allar strætisvagnaleiðir. Þeir
sem eru á ruðningstækjunum hjá
borginni fá alveg súpereinkunn
fyrir það.“ - gun
Allir vagnarnir á spena í Árbænum
Vagnarnir standa á upphituðu plani og eru tengdir lofti og rafmagni í stæðum sínum. FRÉTTABLAÐIÐ/GVA
„Húsnæðið er mun bjartara en það sem við höfðum áður,“ segir Jóhannes Jóhannes-
son, sviðsstjóri hjá Strætó bs. FRÉTTABLAÐIÐ/VILHELM