Fréttablaðið - 31.01.2008, Blaðsíða 56

32 31. janúar 2008 FIMMTUDAGUR
maturogvin@
Þeir eru eflaust margir sem hafa strengt þess heit
að borða meira af grænmeti og ávöxtum á nýju ári.
Salöt með mat eru vel til þess fallin að fá hollustu í
mataræðið, en heilinn þreytist fljótt á tómötum og
gúrkum. Marentza Poulsen er hafsjór fróðleiks um
hvernig má gera salötin meira spennandi fyrir bæði
augu og maga.
„Allt grænt salat er gott með góðri dressingu, en
svo er einnig gott að blanda ávöxtum saman við
það,“ bendir hún á. Marentza notar oft og tíðum
granatepli, sem sjá salatinu bæði fyrir ferskleika og
eru þar að auki mikið augnayndi. „Afhýtt mangó,
skorið í strimla eða teninga, og ferskar gráfíkjur í
bátum er líka tilvalið í salatið, og bæði gott og
fallegt,“ segir hún. Radísur í þunnum sneiðum, og
fínt skorið rauðkál fer líka vel í grænt salat.
„Appelsínur í teningum eru mjög góðar, og líka
ferskar ferskjur í bátum. Flott salat sem ég er oft
með er blanda af grænu salati, ferskjum, mozzar-
ellaosti í sneiðum, hráskinku og basilíku,“ útskýrir
Marentza. Hægt er að lífga enn frekar upp á salötin
með því að strá ristuðum hnetum yfir það, eða
brauðteningum sem hefur verið velt upp úr bragð-
bættri olíublöndu. „Mér þykir líka bæði fallegt og
gott að blanda kryddjurtum, eins og kóríander og
myntu, saman við salat,“ bendir Marentza á.
Landsmenn ættu því að geta leyft gúrkunni að
hvíla sig aðeins og róa á ný mið í salatgerðinni. - sun
Granatepli og fíkjur í salatið
SPENNANDI SALÖT Marentza Poulsen lumar á ýmsum ábend-
ingum til að gera salöt áhugaverðari fyrir bæði augu og munn.
FRÉTTABLAÐIÐ/HÖRÐUR
Léttu þér lundina...
...í snjó og vetrarmyrkri með eitt
stykki mímósu. Kampavín og
appelsínusafi getur gert ótrúlegustu
hluti fyrir þungt vetrarskap, enda
mikill sumarkeimur af þeim ágæta
kokkteil.
Ýmsar breytingar hafa átt sér stað
á veitingastaðnum Gló. Staðurinn,
sem leggur mikið upp úr lífrænu
og hollu fæði, hefur stækkað við
sig með sal sem tekur um 35
manns í sæti. „Núna höfum við
huggulega aðstöðu til að taka að
okkur mannfagnaði. Um leið og
við opnuðum vorum við farin að fá
beiðnir um að taka að okkur
afmælisveislur, stúdentsveislur
og fleira, sem var eitthvað sem við
sáum ekki fyrir,“ segir Guðlaug
Pétursdóttir, sem á staðinn ásamt
manni sínum, Guðna Gunnars-
syni.
Á prjónunum er einnig lengdur
afgreiðslutími, sem mun breytast
upp úr 1. mars, að sögn Guðlaugar.
„Þá ætlum við að hafa opið til hálf
átta, svo að fólk geti auðveldlega
komið við og tekið með sér mat
heim. Núna er opið til klukkan sex,
en við höfum tekið á móti stærri
hópum á kvöldin. Þá kemur fólk
og borðar góðan mat, og biður
jafnvel um fyrirlestur frá Guðna,“
útskýrir Guðlaug. Gló hefur nú
einnig opið frá 10 til 15 á laugar-
dögum, og segir Guðlaug mikið
um að fólk leggi leið sína á veit-
ingastaðinn til að borða góðan mat
í góðum félagsskap. Nýfengið vín-
veitingaleyfi býður svo einnig upp
á að gestir geti dreypt á eins og
einu hvítvínsglasi með matnum.
Gló er til húsa í Listhúsinu að
Engjateigi. Nánari upplýsingar er
að finna á glo.is. - sun
Breytingar á Gló
Þrátt fyrir nafnið er rótarbjór ekki
áfengur, heldur algjörlega
óáfengur gosdrykkur. Mörg-
um finnst rótarbjór vond-
ur – „eins og að drekka
tannkrem“ er algeng nið-
urstaða Íslendinga.
Mest er drukkið af rót-
arbjór í Bandaríkjunum.
Rótarbjórinn á þó ekki roð
í aðra gosdrykki þar og er
bara 3 prósent af gos-
drykkjamarkaðinum.
Einnig eru fáanleg afbrigði
af rótarbjór í Kanada,
Ástralíu og víða í Asíu, en
Evrópubúar hafa ekki
kveikt á perunni enn. Eins
og nafnið bendir til er helsta
bragðefni rótarbjórs rætur, nánar
tiltekið rætur trjátegund-
anna sassafras og sarsap-
arilla, en ýmsum bragð-
efnum eins og vanillu,
lakkrís, anís og múskat
er bætt við. Rótarbjór er
fáanlegur í „létt“ útgáf-
um og með og án koffíns.
Rótarbjór er ekki seld-
ur á Íslandi nema á amer-
ískum dögum í Hagkaup-
um einu sinni á ári. Síðast
kláruðust birgðirnar upp
á hvílíkum methraða,
einum degi, að það er
spurning hvort Hagkaup
ætti ekki að bjóða upp á
þessa vöru allt árið um kring.
Fjölbreyttur rótarbjór
GLÓ Á LAUGARDÖGUM Breytingar hafa
átt sér stað á veitingastaðnum Gló.
Hann er nú einnig opinn á laugardögum
fyrir þá sem vilja hefja helgina á lífræn-
um og hollum mat. FRÉTTABLAÐIÐ/ANTON
Hvaða matar gætirðu síst verið án?
Það er sushi. Ég borða mikið af því, þegar ég fæ tækifæri til.
Besta máltíð sem þú hefur fengið:
Það er held ég síðasta jólamáltíð, sem ég borðaði í Valencia
á Spáni. Hún var heimalöguð og það var allt svakalega gott.
Það sem mér fannst best var skoskur krónhjörtur og alveg
geðveik sósa. Ég veit ekki hvort þetta var svona gott af því
að við vorum svona langt í burtu, en þetta var alveg meiri
háttar máltíð.
Er einhver matur sem þér finnst vondur?
Já. Súrmatur.
Leyndarmál úr eldhússkápnum:
Það er pestóið sem ég geri, besta pestó í heimi. Ef ég vil
ná einhverju fram gef ég fólki pestóið mitt og það fær
matarást á mér um leið. Ég nota ýmislegt í það sem er ekki
í hefðbundnum uppskriftum, en ég mun sko ekki segja frá
því. Það verður leyndarmál áfram.
Hvað borðar þú til að láta þér líða betur?
Ég fæ mér ávaxtasmoothie, drekk sojamjólk og borða meira
prótín og minna kolvetni. Maður veit að manni líður betur
af því, þó maður fari ekki alltaf eftir því.
Hvað áttu alltaf til í ísskápnum?
Það er alltaf til mjólk, ostur og pepperóní, en það er
reyndar bara fyrir son minn. Fyrir mig er hins vegar alltaf
til sojamjólk og djús.
Ef þú yrðir föst á eyðieyju, hvað tækirðu með þér?
Þar kæmist maður væntanlega í hráan fisk, svo ég gæti
borðað sushi alla daga. Svo væri flott að hafa með sér
nautakjöt til að geta fengið sér eina góða blóð-
uga steik inn á milli.
Hvað er það skrítnasta sem þú hefur
borðað?
Ég er svo opin fyrir nýjungum að ég
man hreinlega ekki eftir neinu. Það er
ekkert sem hefur verið það skrítið
að það sitji í mér.
MATGÆÐINGURINN HERA ÓLAFSDÓTTIR, LEIKSTJÓRI OG FRAMLEIÐANDI
Besta pestó í heimi er leynivopnið
Karl Eiríksson þekkir
grænmetisfæði inn og út.
Hann og kona hans, Val-
entína Björnsdóttir, eiga
og reka Móður náttúru og
slá ekki heldur slöku við í
eldhúsinu heima við.
„Við höfum bæði alveg svakalega
mikinn áhuga á mat og mér finnst
alltaf jafn gaman að elda,“ segir
Karl, sem lætur lesendum Frétta-
blaðsins í té uppskriftir sem eiga
rætur sínar að rekja til ind-
verskrar matarhefðar. „Þetta er
gott, hollt og þar að auki ódýrt
hráefni. Það þarf nefnilega alls
ekki að verða mjög dýrt að elda
svona veislumat,“ segir Karl. „Ég
valdi líka linsurétt af því að þær
eru hvað einfaldastar af baunun-
um. Þær þurfa ekki að liggja í
bleyti og þær rauðu eru fljótar að
sjóða. Þetta er svona hjól með
hjálpardekkjum fyrir þá sem eru
að byrja,“ segir hann og hlær
við.
Karl og Valentína bjóða upp á
námskeið fyrir áhugafólk um
matreiðslu grænmetisrétta. „Við
stofnuðum fyrirtækið fyrir fjór-
um árum og höfum varla haft
tíma í námskeiðin síðan. Nú
höfum við meira svigrúm,“ segir
Karl.
„Við höfum orðið vör við mik-
inn áhuga á þessu, en líka að
margir eru svolítið hræddir við
að byrja,“ bætir hann við. Fjögur
námskeið eru fram undan í febrú-
ar, og er frekari upplýsingar að
finna á síðunni modirnattura.is.
Tveir nýir réttir úr smiðju
Karls og Valentínu munu svo rata
í búðir undir merkjum Móður
náttúru í vikunni, en þessir réttir
eru unnir í samvinnu við næring-
arfræðing.
Hér er um að ræða einstakl-
ingsrétti með hýðishrísgrjónum,
annan með tikka masala og hinn
með thai-karríi handa þeim sem
vilja hollan skyndibita.
Dal: Sjóðið linsur með salti, tur-
meriki og chili-dufti í 25 mín.
Steikið lauk í olíu ásamt hvítlauk
og engiferi. Bætið tómati og sítr-
ónusafa út í og blandið vel saman.
Soðnum linsum hrært saman við
og fersku kóríander stráð yfir.
Kartöfluklattar: Stappið kartöfl-
ur. Hrærið öllu hráefni nema
eggi saman við með sleif. Mótið
litla klatta og veltið upp úr eggi.
Steikið á heitri pönnu í um 2 mín-
útur á hvorri hlið.
Indverskt í eldhúsi Karls
HOLLT, GOTT OG ÓDÝRT Karl Eiríksson segir það mikinn misskilning að veislumál-
tíðir kalli endilega á rándýrt hráefni. Hann býður upp á hollan og góðan indverskan
veislumat. FRÉTTABLAÐIÐ/ANTON
DAL
2 ½ rauðar linsur
1 tsk salt
½ tsk turmerik
½ tsk chiliduft
7 ½ dl vatn
4 msk. matarolía
1 stór laukur fínt skorinn
1 hvítlauksrif
1 tsk. rifin engiferrót
1 tómatur skorinn í bita
2 msk. sítrónusafi
1 tsk. garam masala
2 msk. ferskur kóríander
KARTÖFLUKLATTAR
Olía til steikingar
500 gr soðnar kartöflur flysjaðar
1 tsk. chilli
1 tsk. kóríanderduft
½ tsk. kardimommuduft
1 msk. tómatpúré
½ bolli frosnar grænar baunir
2 msk. ferskur kóríander saxaður
2 tsk. salt
1 egg hrært
G
O
T
T
F
O
L
K