Fréttablaðið - 01.02.2008, Blaðsíða 75

FÖSTUDAGUR 1. febrúar 2008 39
FÓTBOLTI Roy Hodgson, nýráðinn
knattspyrnustjóri Fulham, lét til
sín taka á leikmannamarkaðnum í
gær þegar hann gekk frá
samningum við hina finnsku Jari
Litmanen og Toni Kallio. Varnar-
maðurinn Kallio er 29 ára gamall
og kemur frá svissneska liðinu
BSC Young Boys en Litmanen er
36 ára og kemur á frjálsri sölu til
Fulham.
„Ég er hæstánægður með að
Litmanen ákvað að hjálpa okkur í
baráttunni á þessu tímabili. Það
liggur í augum uppi hvaða
eiginleika hann hefur sem
fótboltamaður og því lagði ég ríka
áherslu á að fá hann til Fulham
þrátt fyrir að leikform hans sé
ekki 100%,“ sagði Hodgson í
samtali við BBC Sports en báðir
leikmennirnir léku undir hans
stjórn með finnska landsliðinu.
Litmanen er af mörgum talinn
besti leikmaður í sögu Finnlands
en hann sló í gegn með Ajax í
hollensku deildinni áður en hann
spilaði til að mynda fyrir bæði
Barcelona og Liverpool. - óþ
Enska úrvalsdeildin:
Hodgson sækir
til Finnlands
KOMINN AFTUR Jari Litmanen er mættur
á ný í ensku úrvalsdeildina en hann lék
áður með Liverpool. NORDIC PHOTOS/GETTY
N1-deild kvenna:
Stjarnan-Grótta 29-25 (14-13)
Mörk Stjörnunnar (skot): Ásta Björk Agnars
dóttir 6 (7), Sólveig Lára Kjærnested 6 (8), Alina
Petrache 6 (9), Birgit Engl 4 (6), Elísabet Gunnars
dóttir 3 (4), Arna Gunnarsdóttir 2 (4), Þorgerður
Atladóttir 1 (2), Harpa Sif Eyjólfsdóttir 1 (3).
Varin skot: Florentina Stanciu 24/1 (48/5), 50%,
Helga Vala Jónsdóttir 1 (2/1), 50%.
Hraðaupphlaup: 6 (Sólveig 3, Alina, Ásta, Birgit).
Fiskuð víti: 0
Utan vallar: 2 mínútur.
Mörk Gróttu (skot): Anna Úrsúla Guðmunds
dóttir 9/4 (15/5), Auksé Vysniauskaité 5 (10),
Pavla Plaminkova 4 (6), Karlólína Gunnarsdóttir
3 (7), Arndís María Erlingsdóttir 2 (4), Ingibjörg
Jónsdóttir 1 (2), Ragna Karen Sigurðardóttir 1 (4).
Varin skot: Íris BJörk Símonardóttir 12 (41), 29%.
Hraðaupphlaup: 2 (Arndís, Ragna).
Fiskuð víti: 5 (Auksé 4, Ingibjörg).
Utan vallar: 2 mínútur.
Fram-FH 29-22 (14-10)
Mörk Fram (skot): Guðrún Þóra Hálfdánsdóttir 8
(10), Sigurbjörg Jóhannsdóttir 7/1 (11/1), Pavla
Nevarilova 6 (7), Anett Köbli 3/2 (6/2), Sara
Sigurðardóttir 2/1 (5/1), Ásta Birna Gunnarsdóttir
1 (1), Marthe Sördal 1 (5).
Varin skot: Kristina Matuzeviciute 15 (32/2,
47%),Karen Einarsdóttir 2 (7, 29%)
Hraðaupphlaup: 13 (Pavla 4, Guðrún 3, Sigur
björg 2, Marthe, Ásta, Sara, Anett).
Fiskuð víti: 6 (Pavla 3, Eva Hrund Harðardóttir
2, Guðrún).
Utan vallar: 8 mínútur.
Mörk FH (skot): Ebba Særún Brynjarsdóttir 5
(6), Hildur Þorgeirsdóttir 5 (15), Ragnhildur
Rósa Guðmundsdóttir 4/2 (12/2), Guðrún
Helga Tryggvadóttir 3 (5), Gunnur Sveinsdóttir
2 (3), Ingibjörg Pálmadóttir 2 (3), Líney Rut
Guðmundsdóttir 1 (1).
Varin skot: Gabriela Cristescu 13/1 (38/5, 34%),
Sigríður Arnfjörð Ólafsdóttir 1 (5/1, 20%).
Hraðaupphlaup: 4 (Ebba 3, Ingibjörg).
Fiskuð víti: 2 (Birna Helgadóttir, Guðrún).
Utan vallar: 4 mínútur
Meistaradeildin í
körfubolta:
Lottomatica Roma-Chorale Roanne 67-74
Jón Arnór Stefánsson lék sinn fyrsta leik með
Roma eftir meiðslin og skoraði 10 stig á 25 mín
útur og gaf að auki 2 stoðsendingar. Jón Arnór
hitti úr öllum sex vítum sínum en öll þriggja stiga
skot hans fóru forgörðum.
ÚRSLITIN Í GÆR
HANDBOLTI Stjarnan vann Gróttu
29-25 í N1-deild kvenna í Mýrinni í
gærkvöldi en náði ekki að minnka
forskot Fram á toppnum þar sem
Safamýrarstúlkur unnu öruggan
sigur á FH á sama tíma. Sigurinn
kom þó Stjörnunni upp fyrir Val í
annað sæti deildarinnar.
Það voru gestirnir í Gróttu sem
byrjuðu leikinn betur og skoruðu
fyrstu tvö mörkin. Stjörnustúlkur
komust þó fljótt inn í leikinn og
þær voru komnar í forystu 4-3
eftir rúmar tíu mínútur. Stjarnan
hélt áfram og staðan var orðin 9-6
eftir tæpar tuttugu mínútur en þá
komu þrjú mörk frá Gróttu í röð
og staðan því jöfn 9-9. Eftir það
skiptust liðin á að skora og allt
stefndi í að jafnt yrði í hálfleik
þegar Stjörnustúlkan Alina Petra-
che skoraði glæsilegt mark úr síð-
asta skoti fyrri hálfleiks og staðan
14-13. Florentina Stanciu fór á
kostum í marki Stjörnunnar í fyrri
hálfleik og varði sautján en það
varð Gróttu til happs að liðið náði
mörgum sóknarfráköstum eftir að
Stanciu hafði varið.
Grótta byrjaði síðari hálfleik
eins og þann fyrri með því að
skora tvö fyrstu mörkin. Eftir það
komu Stjörnustúlkur til baka og
staðan var jöfn 16-16 þegar
skammt var liðið á hálfleikinn en
eftir það seig Stjarnan smátt og
smátt fram úr. Staðan var orðin
23-19 fyrir Stjörnuna þegar rúmur
stundarfjórðungur var liðinn af
síðari hálfleik. Í stöðunni 23-20
skoraði Stjarnan svo fjögur mörk í
röð og gerði í raun út um leikinn.
Lokatölur voru 29-25 og Stjarnan
komst með sigrinum upp fyrir Val
í annað sætið með 23 stig eftir
fimmtán leiki, en Grótta er sem
fyrr í fjórða sæti með nítján stig
eftir fimmtán leiki.
Florentina Stanciu fór á kostum
í marki Stjörnunnar og varði 24
skot en var bara sæmilega sátt
með frammistöðu sína en afar
ánægð með tvö stig í leiknum.
„Mér gekk ágætlega í fyrri hálf-
leik, en maður vill alltaf gera
betur. Það var margt í seinni hálf-
leik sem mátti fara betur hjá
okkur og við verðum að spila enn
betur í næstu leikjum ef við ætlum
okkur einhverja hluti í toppbarátt-
unni,“ sagði Florentina ákveðin.
Alfreð Örn Finnsson, þjálfari
Gróttu, gat ekki leynt vonbrigðum
sínum í leikslok. „Þetta var léleg-
ur leikur hjá okkur. Mér fannst
vörnin og markvarslan vera slöpp
hjá okkur stóran part af leiknum
og við gáfumst bara upp á loka-
kaflanum. Við gátum minnkað
muninn í tvö mörk en Stjarnan
skorar þá fjögur í röð. Ég er mjög
vonsvikinn með úrslitin úr þess-
um leik eftir góðan leik þar á
undan en við höldum bara áfram
og verðum að koma sterkari til
næsta leiks,“ sagði Alfreð.
Öruggt hjá Framstúlkum
Framstúlkur héldu áfram sigur-
göngu sinni í N1-deild kvenna
þegar þær unnu sinn sjötta leik í
röð í Safamýri í gær. Fram vann
þá öruggan sjö marka sigur á FH,
29-22, en Hafnarfjarðarliðið stóð í
toppliðinu í fyrri hálfleik en átti
aldrei möguleika í þeim síðari.
Framliðið vaknaði þegar FH
komst í fyrsta og eina skiptið yfir
í stöðunni, 9-10, þegar 12 mínútur
voru eftir af fyrri hálfleik. Fram-
vörnin small, FH skoraði ekki í 14
mínútur og í kjölfarið stakk Fram
af. Guðrún Þóra Hálfdánardóttir
og Sigurbjörg Jóhannsdóttir áttu
afbragsðleik í liði Fram ásamt
Pövlu Nevarilovu. - óþ, - óój
Stjarnan lagði Gróttu 29-25 og Fram vann FH 29-22 í N1-deild kvenna í gær:
Stjarnan upp í annað sætið
NÍU MÖRK EKKI NÓG Anna Úrsúla Guðmundsdóttir, fyrirliði Gróttu brýst hér í gegn-
um Stjörnuvörnina í gær. FRÉTTABLAÐIÐ/ANTON BRINK