Fréttablaðið - 02.02.2008, Blaðsíða 10
10 2. febrúar 2008 LAUGARDAGUR
FASTEIGNIR Mikil uppbygging á
atvinnuhúsnæði er nú á höfuð-
borgarsvæðinu en samkvæmt
upplýsingum frá Magnúsi Ara
Skúlasyni, hagfræðingi og
ráðgjafa, er áætlað að meira en
hálf milljón fermetra af atvinnu-
húsnæði sé í bygggingu. Sam-
kvæmt upplýsingum frá Magnúsi
Ara, sem rannsakað hefur
fasteignamarkaðinn, er líklegt að
verktakar haldi að sér höndum
og dragi úr byggingarhraða á
næstunni.
Fasteignamarkaðurinn hefur
róast mikið að undanförnu og
veltan minnkað snögglega.
Fermetraverðið fer lækkandi en
hægt þó.
Mestu ræður þar minnkandi
útlán banka og annarra fjármála-
stofnana og skörp lækkun á
hlutabréfamörkuðum. - mh
Fasteignamarkaðurinn:
Miklar bygging-
ar á áætlun
KÖLD KYRKISLANGA Kyrkislanga hjúfrar
sig saman ofan á potti með rafmagns-
ljósi í til að fá þaðan hita í dýragarðin-
um í Ahmedabad í Indlandi. Gífurlegur
kuldi hefur verið á þessum slóðum
undanfarið. NORDICPHOTOS/AFP
VINNUMARKAÐUR Kristján Gunnars-
son, formaður Starfsgreinasam-
bandsins, segir að örlítið hafi
miðað í samningaviðræðum við
Samtök atvinnulífsins fyrir
helgina og að línur séu orðnar
skýrari en áður.
Kristján hefur boðað samninga-
nefnd sambandsins á fund á
þriðjudag og telur að í næstu viku
reyni á hvort samningar náist eða
ekki. Samningamenn SGS og SA
hittast eftir hádegi á mánudag.
Búist er við að samningamenn
SA ræði nú við fulltrúa fleiri
landssambanda innan ASÍ áður en
samningaviðræðum við SGS
verður haldið áfram. - ghs
Formaður SGS:
Línur eru farn-
ar að skýrast
SVÍÞJÓÐ, AP Sænskur dómstóll
dæmdi á föstudag breskan
mann, Christer Merrill Aggett
sem kallaður er HIV-maðurinn,
í fjórtán ára fangelsi og til að
greiða bætur fyrir að smita
tvær ungar konur og sex börn
af HIV-veirunni. Þá kom hann
þrettán konum í smithættu með
því að hafa mök við þær án þess
að nota verju.
Mál Aggetts hefur vakið
gríðarlega athygli í Svíþjóð og
víðar á Norðurlöndum.
Sænskir fjölmiðlar hafa sagt
frá því að Aggett hafi að öllum
líkindum verið í kynferðislegu
sambandi við að minnsta kosti
130 konur á fimm ára tímabili.
Konurnar komst hann í sam-
band við í gegnum netið.
Búist er við að Aggett áfrýi.
- ghs
Dómstóll í Svíþjóð:
HIV-maðurinn
hlýtur dóm
LÖGREGLUMÁL Lögreglan í Vest-
mannaeyjum hefur haft afskipti
af manni sem gerði að minnsta
kosti fjórar tilraunir nýverið til
þess að lokka ung börn upp í bíl til
sín.
Fyrsta atvikið átti sér stað um
miðjan janúar, samkvæmt upplýs-
ingum Fréttablaðsins. Síðari til-
raunirnar þrjár gerði maðurinn
svo á hálfs mánaðar tímabili eftir
það. Hann lónaði í nágrenni við
grunnskólana á staðnum á bíl
sínum og bauð börnum sem hann
komst í tæri við að skutla þeim
eitthvert eða að gefa þeim sæl-
gæti. Ekkert barnanna, sem voru í
kringum tíu ára aldurinn, beit á
agnið. Öll tilvikin áttu sér stað um
seinni part dags, eftir að dimmt
var orðið.
Málið komst upp þegar börnin
sögðu foreldrum sínum frá mann-
inum og gylliboðum hans. Foreldr-
arnir leituðu samstundis til lög-
reglu og tilkynntu um tilvikin. Ein
stúlknanna, sem maðurinn reyndi
að nálgast, náði hluta af bílnúmeri
hans og með þær upplýsingar í
farteskinu reyndist lögreglu eftir-
leikurinn auðveldur.
Maðurinn játaði sök, samkvæmt
upplýsingum Fréttablaðsins, en
gat harla litlar skýringar gefið á
athæfi sínu. Ekki er vitað til þess
að hann hafi orðið uppvís að athæfi
af þessu tagi áður en þetta gerðist
við grunnskólana.
Tryggvi Kr. Ólafsson, fulltrúi
lögreglunnar í Vestmannaeyjum,
vildi lítið tjá sig um málið sem
slíkt. Hann bendir hins vegar á
mikilvægi þess að útivistarreglur
barna séu virtar.
„Oft á tíðum hafa þessir menn
verið á ferðinni á kvöldin og því
viljum við ítreka að foreldrar sjái
til þess að farið sé eftir gildandi
útivistarreglum,“ segir hann.
„Við undirstrikum við börn og
foreldra á haustin að fara eftir úti-
vistarreglunum, svo að allir séu
samstiga,“ segir Fanney Ásgeirs-
dóttir, skólastjóri í Vestmannaeyj-
um. „Þá hefur lögreglan komið og
spjallað við börnin um útivistar-
málin sem og önnur öryggismál.“
Fanney segir það mikilvægt að
börn séu meðvituð um tiltekin
atriði eins og að fara ekki upp í bíl
eða í heimsóknir til fólks sem þau
hvorki þekkja né treysta. Í þess-
um tilvikum sem að ofan greinir
hafi þau farið hárrétt að og látið
vita um tilraunir mannsins.
„Í tengslum við þetta var rætt á
almennum nótum við börnin í
yngri bekkjunum.“
jss@frettabladid.is
Reyndi ítrekað að
lokka börn upp í bíl
Karlmaður í Vestmannaeyjum hefur gert að minnsta kosti fjórar tilraunir til
að lokka ung börn upp í bíl hjá sér. Hann bauð þeim bæði bílfar og sælgæti.
Ekkert barnanna þáði gylliboðin. Lögregla hefur haft afskipti af manninum.
FRÁ VESTMANNAEYJUM Karlmaður lónaði í nágrenni við grunnskólann í Vest-
mannaeyjum á bíl sínum og reyndi síðan að lokka börn upp í með því að bjóðast
til að skutla þeim eða að bjóða þeim sælgæti. Ein stúlknanna mundi hluta af
bílnúmerinu og þannig gat lögreglan haft uppi á honum. FRÉTTABLAÐIÐ/HARI