Fréttablaðið - 02.02.2008, Blaðsíða 29

HEIMILI HEILSA HÚS BÖRN NÁM FERÐIR MATUR BÍLAR TÍSKA GRÆJUR ATVINNA TILBOÐ VINNUVÉLAR O.FL.
Þó að landpóstarnir þurfi ekki lengur að vaða
vötnin ströng þá verða þeir að hafa trausta
fararskjóta því kröfurnar eru miklar um hrað-
virka þjónustu.
Pétur Jónsson póstbílstjóri er að leggja af stað frá
Stórhöfðanum í Reykjavík út á Keflavíkurflugvöll.
Hann ekur Renault Midlum 220 og sá bíll fer fjórar
ferðir suður eftir á dag. „Þetta er ljómandi góður bíll
sem hefur reynst okkur vel,“ segir Pétur. „Við feng-
um hann árið 2004 og það er búið að keyra hann rúm-
lega 360 þúsund kílómetra. Hann hefur ekki þurft
mikið viðhald, bara eðlilega umhirðu.“
Pétur er búinn að keyra út hjá Póstinum í fimmtán
ár, þar af rúm átta á Suðurnesjabílnum. „Ég ætlaði
upphaflega bara að vera í fjóra mánuði en þeir hafa
teygst upp í þetta.“ segir hann hlæjandi. „Ég hafði
reyndar komið nálægt pósti áður því ég var á mjólk-
urbíl á sjöunda og áttunda áratugnum og dreifði pósti
á sveitabæina. Þá voru dagblöðin með. Allir voru
glaðir að fá póstinn sinn, sérstaklega blöðin og sendi-
bréfin. Eftir það fór ég að keyra rútur bæði í Borgar-
fjörð og á Akureyri og póstpokarnir voru í farangurs-
hólfinu.“
Nú keyrir Pétur ýmist frá hálf fimm á morgnana
til klukkan eitt eða frá tvö til eitt að nóttu og einnig
þriðju hverja helgi. Aukabíll fer líka upp úr hádeg-
inu suður eftir til að sækja kúfinn af bréfapóstinum
frá útlöndum því hann þarf að vera kominn á póstaf-
greiðslur morguninn eftir, hvar sem er á landinu.
Hið sama gildir um póst sem kemur í útibúin á
Reykjanesskaganum fyrir hálf fimm. Bögglapóstur
fer deginum seinna, nema um hraðsendingar sé að
ræða.
Þó að oft gusti um Reykjanesið kveðst Pétur aldrei
hafa lent í verulegum háska eða töfum á póstbílnum.
„Maður reynir að fara með gát og oftast er hægt að
paufast þetta í rólegheitum,“ segir hann að lokum.
gun@frettabladid.is
Pósturinn Pétur á ferð
„Þetta er ljómandi góður bíll og hefur reynst okkur vel,“ segir Pétur um Renaultinn sem hann ekur á reglulega milli Reykjavíkur og
Keflavíkur. FRÉTTABLAÐIÐ/GVA
VETRARTÍSKA
Hlýjar kápur og úlpur
koma sér vel í frost-
hörkunum og geta
verið hátískuflíkur
samhliða því að halda
á manni hita.
TÍSKA 4
UPPBOÐ Á BÍLUM
Lausafjármunauppboð Sýslu-
mannsins í Reykjavík verður
haldið í dag en inn á
það rata meðal
annars alls
konar
bifreiðar.
BÍLAR 2