Fréttablaðið - 02.02.2008, Blaðsíða 38

● hús&heimili 2. FEBRÚAR 2008 LAUGARDAGUR4
„Það heyrir kannski undir fá-
heyrða tryggð við vinnuveitenda
nú á dögum, en mér hefur allt-
af þótt jafn gaman að vinna hjá
sjálfri mér hér í búðinni,“ segir
Anna Ringsted þar sem hún geng-
ur léttfætt innan um dásamlegan
borðbúnað frá öldum áður; silfur,
postulín og kristal.
„Sumir verða sjóveikir hér þótt
gólfið sé sterkt sem áður. Búðin
dúar bara aðeins meira nú en áður
því hún er orðin þyngri. Því hrist-
ist stundum og klingir í glösum ef
stigið er fast,“ segir hún stríðni-
slega og strýkur af íburðarmikl-
um lömpum sem eitt sinn lýstu
forfeðrum Íslands.
„Það er alltaf hægt að koma
fyrir fallegu dóti og mig vantar
alltaf dót. Mest kemur til mín úr
dánarbúum, en einnig við flutn-
inga og þegar fólk skiptir um
smekk,“ segir Anna sem manna
best veit hvað Íslendingar eiga
mikið af fínu dóti.
„Íslensk heimili hafa alltaf
verið full af fallegum húsbúnaði.
Eldra fólk hélt meira í dótið sitt og
passaði það betur, en í dag er fátt
framleitt til að endast og margt
sem endist ekki út sambúðina hjá
fólki,“ segir Anna innan um höfð-
inglega húsmuni sem umvafðir
eru fagurri áru.
„Hérlendis hefur lengi verið
heilmikill áhugi á antík og allt-
af einhver hópur sem heldur mér
gangandi. Antík er sígild, en það
endist enginn lengi í naumhyggj-
unni sem ráðið hefur ríkjum und-
anfarin misseri. Það er svo kalt
og dimmt hérna að fólki er nauð-
synlegt að hafa kósí í kringum sig,
auk þess sem sárafáir af heildinni
verða ofurseldir tískunni. Antík-
búðir eru svo fyrir þá sem vilja
finna akkúrat sitt dót og leita að
fjársjóðum fyrir sín heimili,“
segir Anna af festu, en hún opnaði
búðina í apríl 1981.
„Þá voru second hand-verslanir
að ryðja sér til rúms, en engin slík
var til á Íslandi. Þetta voru mikl-
ir umbreytingatímar og þá opn-
uðu Fríða frænka, Flóin og Kjall-
arinn, en ég stend ein eftir af þeim
búðum. Ég var duglegri þá að vera
með fatnað og smáhluti, dúka og
gardínur, en búðin hefur stækk-
að jafnt og þétt svo ég geti tekið
inn stærri hluti, og svo breyt-
ist smekkur minn líka fyrir vöru-
vali,“ segir Anna sem man eftir og
þekkir hvern einasta hlut í búð-
inni sem er á tveimur hæðum og
kemur fyrir sjónir eins og smekk-
full gullkista.
„Ég á þetta hús og ætla hvergi
að fara á meðan mér finnst svona
gaman að selja antík og second-
hand. Við erum duglegar konurn-
ar hér á horninu; Kogga og kon-
urnar í Kirsuberjartrénu, en allar
svo bissí að hæ að hraðferð verð-
ur oftast að nægja.“ - þlg
Dúar af þungri antík
● Antíkverslunin Fríða frænka er einn af dýrgripum íslenskra verslana, en þar er að finna
gersemar liðins tíma, að mestu úr dánarbúum íslensku þjóðarinnar. Búðin verður 27 ára á
vordögum, en við búðarborðið hefur eigendinn Anna Ringsted staðið frá upphafi.
Anna Ringsted eigandi fornvöruverslunarinnar Fríðu frænku segir bera í bakkafullan
lækinn að bæta við fleiri antíkvarningi heima, en á Vesturgötunni, innan um gersem-
ar úr liðinni tíð er hún hamingjusöm árið um kring. FRÉTTABLAÐIÐ/GVA
Hún fer aldrei eftir uppskriftum heldur fer alltaf sínar leiðir yfir pottunum. Þjóðarréttinn saltkjöt og baunir
hefur hún útfært í tímans rás og nú er svo komið að matargestir eru í áskrift að veisluborði Önnu á sprengidag.
Hráefni:
Saltkjöt og baunir à la Anna Ringsted
ÁRMÚLA 42 - SÍMI 553 4236
BÍLSKÚRS OG IÐNAÐARHURÐIR
• Hurðir til á lager • Smíðað eftir máli
• Eldvarnarhurðir • Öryggishurðir
#
$


%%%&
 &

'()
!*
+,,  


 
 
  
  
  
 Ármúla 42 · Sími 895 8966
mánudaga - föstudaga 10-18
laugardag 10-17 sunnudag 13-17Opið
30-70%
afsláttur
Sprengihelgi
Bolludagur verður alvöru og
eftirminnilegur með leirtaui
fyrri tíma, þegar bollapör
voru framleidd til að endast
kynslóða á milli og borðbún-
aður var listaverk fyrir augað.
1 poki baunir
1 stór laukur
2 hvítlauksrif
1 rauður chili-pipar, fræhreinsaður
2 sellerístönglar
1 stór gulrót
2 rófur
heil svört piparkorn
engiferrót að stærð hálfs þumals
Aðferð: Baunir lagðar í bleyti kvöldið áður og skolaðar vel daginn
eftir fyrir suðu. Suða látin koma upp og saltkjötsbitum hent út í, en
magn ræður styrkleika. Grænmeti skorið og sett út í baunasúpuna
ásamt svörtum piparkornum og raspaðri engiferrót. Gott að láta
suðu koma upp að morgni og halda áfram eldamennsku að kvöldi
þegar krydd hefur tekið sig yfir daginn og baunir haldið áfram að
mýkjast meðan kólnaði.
Uppskriftin er fyrir fjóra en auðvelt að stækka, og margfalda þá
kryddjurtir varlega með því að smakka sig áfram.