Fréttablaðið - 02.02.2008, Blaðsíða 42
● hús&heimili
þessi dæmigerða vísitölufjölskylda.
Þó ekki alveg þar sem húsfreyjan
þvertekur fyrir að taka kött. Segir
slíkt alls ekki vera í boði.
Einhver bið varð þó á því að
fjölskyldan flytti inn í húsið þar
sem hjónunum þótti það hreinlega
óíbúðarhæft fyrir kornabarn. „Við
leigðum bara úti í bæ á meðan Ól-
afur, sem er smiður, vann í húsinu
með dyggri hjálp vina og vanda-
manna. Svo rifum við bókstaf-
lega allt út þótt það hafi upphaf-
lega ekki verið ætlunin, enda var
kominn tími á viðhald,“ segir Ásdís
og lýsir því hvernig skipt var um
klóak, hita- og rafmagnslagnir og
búin til tvö baðherbergi, kompa og
þvottahús á meðan því gamla var
rutt burt til að stækka eldhúsið um
helming.
Ásdís viðurkennir að mest hafi
þau langað til að gera húsið meira
gamaldags, en þau hafi loks ákveð-
ið að halda því í sínum upprunalega
stíl. „Já, við ákváðum að laga okkur
bara að húsinu,“ segir hún og bætir
við að sum húsgögnin hafi meira
að segja fallið vel að stílnum, þar
á meðal tekkhúsgögn sem þau Ól-
afur erfðu eftir afa sína og ömmur.
„Svo útfærðum við allt eftir okkar
hugmyndum og græddum á því
að gera svona mikið sjálf,“ segir
Ásdís, sem vill þá frekar eiga pen-
inga aflögu til ferðalaga og annarr-
ar skemmtunar.
Þrátt fyrir alla þá vinnu sem parið
hefur lagt í húsið segir Ásdís enn
nokkuð í land með að þau fullklári
verkið. „Nei, ætli þetta verði bara
ekki svona eilífðarverkefni,“ segir
hún hress í bragði og ekki annað
að heyra en gamli miðbæingurinn
kunni vel við sig í Brooklyn. -rve
Ásdís segir að tími hafi verið kominn
til að lagfæra gólf og gera húsinu til
góða.
Ásdís segir að upphaflega hafi ekki
staðið til að rífa allt út en smám
saman hafa endurbæturnar undið
upp á sig.
Í þessari litríku ævintýraveröld hefst
erfðaprinsinn á heimilinu við og unir
hag sínum vel.
Barnaherbergið á efri hæðinni er hreint út sagt ótrúlegt eftir breytingarnar.
Meira að segja
barnastóllinn er í
gamaldags stíl.
fyrir endurbætur
Stund milli stríða.
Ljóst er að það var
heljarmikið verk að
koma húsinu í
núverandi
mynd.
2. FEBRÚAR 2008 LAUGARDAGUR8