Fréttablaðið - 02.02.2008, Blaðsíða 56

32 2. febrúar 2008 LAUGARDAGUR
Þ
ess er ekki langt að bíða
að nýbygging Háskólans í
Reykjavík skríði upp úr
Vatnsmýrinni en bygg-
ingarframkvæmdir eru
nú hafnar við þetta glæsi-
lega mannvirki sem mun setja mikinn
svip á höfuðborgina. En samhliða
stendur yfir mikil uppbygging á inn-
viðum skólans þar sem starfsemi hans
til framtíðar er í mótun. Ráðið verður í
tugi nýrra akademískra starfa á næstu
misserum og jafnframt mun alþjóð-
legt ráðgjafaráð sem skipað er fræði-
mönnum og stjórnendum úr sjö erlend-
um háskólum starfa við hlið nýs
háskólaráðs sem tekur til starfa í
febrúar. Hér leggst allt á eitt; upp-
bygging aðstöðu á heimsmælikvarða
og metnaður íslensks skólafólks sem
ætlar að koma HR í fremstu röð
háskóla í Evrópu og skapa Reykjavík
sess sem alþjóðleg háskólaborg innan
fárra ára.
Segull í Vatnsmýrinni
„Það sem er að gerast núna er að við
erum að byggja alþjóðlegan háskóla
sem verður segull fyrir Íslendinga
sem hafa unnið erlendis en vilja vera
hluti af alþjóðlegu vísindasamfélagi
með starfsvettvang hérna heima. Á
sama tíma viljum við einnig byggja
stökkpall fyrir unga fólkið okkar sem
vill kynnast því hvernig alþjóðlegt
umhverfi er. Þau geta kynnst því hér í
Vatnsmýrinni,“ segir Svafa Grönfeldt
rektor. „Svo er spurningin hvernig við
ætlum að gera þetta að veruleika.“
Komið hefur verið á fót sjö manna
ráðgjafaráði við HR sem kemur til
landsins í lok febrúar. Ráðið mun
starfa með háskólaráði og stjórnend-
um skólans að mótun framtíðarstefnu
og aðgerðaáætlana næstu ára. Í ráðinu
eru fræðimenn og stjórnendur frá sjö
erlendum háskólum. „Þeirra hlutverk
er að starfa með okkur að því að svara
spurningunni um hvernig verður til
alþjóðlegur háskóli í Vatnsmýri. Þetta
markast þó af skýrri sýn á lítinn
háskóla á alþjóðlegan mælikvarða sem
er meðfærilegur í fræðilegum skiln-
ingi. Það gerir það að verkum að teymi
frá skólum eins og MIT og London
Business School voru til í að koma og
vinna með okkur að framtíðarupp-
byggingu skólans. Við erum skemmti-
leg áskorun fyrir þá og tækifæri til að
gera eitthvað nýtt.“
Davíð og Golíat
Til að ná settum markmiðum hefur HR
tekið upp samstarf við öfluga erlenda
háskóla. Hópur sérfræðinga frá MIT,
sem er einn virtasti tækniháskóli í
heimi, hefur að undanförnu unnið að
þróun og skipulagningu meistaranáms
í tækni- og verkfræði ásamt starfs-
mönnum skólans. Viðskiptadeild HR
hefur jafnframt hafið undirbúning að
samstarfi við London Business School
um framtíðaruppbyggingu á fram-
haldsnámi í deildinni. Stefnt er að enn
frekara samstarfi af þessum toga við
leiðandi alþjóðlega háskóla á næstu
misserum.
En hvernig laðar skólastýra á Íslandi
að sér hæfileikafólk frá stórveldum í
háskólasamfélaginu eins og MIT,
Colombia-háskóla, IESE og London
Business School svo dæmi séu tekin?
„Þetta byggist á persónulegum tengsl-
um að hluta, maður þekkir mann sem
leiðir til þess að samband næst við
réttu aðilana. Þetta eru fræðimenn af
ýmsum sviðum sem við leituðum uppi
og fannst áhugavert að byggja háskóla
sem þeir vildu sjálfir hafa byggt. Þeim
fannst heillandi að byrja með hreint
borð og hafa tækifæri til að móta starf-
semi menntastofnunar eftir þeirra
eigin hugmyndum. Að mínu mati getur
enginn staðist svona tilboð og Ísland
hefur margt fram að færa sem við van-
metum. Þeir segja hiklaust að Ísland
skari fram úr sem samfélag og telja
sig fá til baka þekkingu á fjölmörgum
Hafnar eru framkvæmdir við
nýbyggingu Háskólans í Reykjavík
við rætur Öskjuhlíðar. Byggingin
verður ein sú stærsta í Reykjavík,
um 40 þúsund fermetrar, og
er hönnuð með það að leiðar-
ljósi að bjóða upp á aðstöðu á
heimsmælikvarða fyrir nemendur,
kennara og vísindamenn. Skólinn
verður einn best búni háskóli
í Evrópu og mun nýja húsið
gjörbylta aðstöðu til kennslu og
vísindastarfa hér á landi. ÍSTAK er
að hefja uppsteypu hússins og
fyrsta hluta byggingarinnar lýkur
haustið 2009. Í ágúst á næsta ári
hefst kennsla í húsinu í viðskipta-
fræði og tækni- og verkfræði.
Byggingarframkvæmdum þessa
áfanga mun svo ljúka á árinu
2010 og verður þá öll starfsemi
Háskólans í Reykjavík sameinuð á
einum stað.
Þróunarsjóður HR sem
stofnaður var í tengslum við
hlutafjáraukningu félagsins
á síðasta ári mun styðja við
uppbyggingu skólans. Skólinn
er í meirihlutaeigu Viðskiptaráðs
Íslands, Samtaka iðnaðarins og
Samtaka atvinnulífsins en auk
þeirra hafa Bakhjarlar HR ehf.
bæst í hóp hluthafa, en það félag
er í eigu Glitnis, Eimskips og Salt
Investments.
Í HR eru 3.000 nemendur og
um 250 starfsmenn og annað
eins af stundakennurum. Skólinn
skiptist í fimm deildir: tækni- og
verkfræðideild, tölvunarfræði,
lagadeild, viðskiptadeild og
kennslufræði- og lýðheilsudeild.
Starfsemin er á fjórum stöðum í
Ofanleiti 2, gamla Morgunblaðs-
húsinu við Kringluna, Höfðabakka
9 og í Húsi verslunarinnar.
EINN BEST BÚNI HÁSKÓLI EVRÓPU
Segullinn í Vatnsmýrinni
Framkvæmdir eru hafnar við nýbyggingu Háskólans í Reykjavík. Samhliða stendur yfir uppbygging á innviðum skólans. Svav-
ar Hávarðsson komst að því að „á meðan húsið rís þá er mannauður skólans í þrekþjálfun“, eins og Svafa Grönfeldt, rektor HR,
orðar það. Hún hefur gegnt starfi rektors í rúmt ár og hefur sannfærst um að háskóli er geysisterkt hreyfiafl í íslensku samfélagi.
FRÁ ÖSKJUHLÍÐINNI Hugsunin bak við teikningu skólans var að hann væri
lágreistur og félli vel inn í umhverfið í Vatnsmýrinni.
sviðum sem nýtist þeim á fjölbreyttan
hátt.“ Svafa segir jafnframt að fram
undan séu nemendaskipti á milli HR og
MIT auk þess sem samstarf um rann-
sóknir sé í pípunum.
Einvalalið ráðið til kennslu
Ráðið verður í fjörutíu nýjar akadem-
ískar stöður á næstu misserum og
koma þessir starfsmenn skólans frá
yfir fimmtán þjóðlöndum. Einnig hafa
að undanförnu bæst í hóp HR-inga inn-
lendir og erlendir sérfræðingar frá
fjölmörgum háskólum um allan heim
sem og starfsmenn frá fyrirtækjum og
stofnunum á borð við tölvurisann
Microsoft, Geimferðastofnun Banda-
ríkjanna (NASA) og Alþjóðaheilbrigð-
isstofnuninni (WHO).
„Við erum ekki bara að steypa veggi
niðri í Vatnsmýri heldur einnig að bæta
markvisst við öflugan hóp HR-inga svo
þegar við flytjum í áföngum næsta
haust og á árinu 2010 séum við tilbúin.
Á meðan húsið rís þá er mannauður
skólans í þrekþjálfun. Þetta er alveg
hrikalega gaman og við höfum lært
mikið á stuttum tíma.“
Svafa sér HR fyrir sér sem opinn
háskóla á mörkum tveggja heima, aust-
urs og vesturs, og telur landfræðilega
staðsetningu Íslands einn meginstyrk
skólans. „Húsið eitt og sér er bara
starfsvettvangur, en umgjörð og
aðstaða skiptir máli. Háskóli í eðli sínu
á að vera án allra landamæra, bæði
persónulegra og landfræðilegra, og við
ölum á þeirri hugsun að engar tak-
markanir eða hindranir séu til staðar í
hugsun eða vali á verkefnum.“ Skólinn
verður að sögn Svöfu samfélag sem
fólkið í landinu mun hafa aðgang að á
margvíslegan hátt. Sem dæmi nefnir
hún háskólatorg skólans þar sem kaffi-
hús, veitingastaðir, bóksala, verslanir
og ýmis önnur þjónusta verður boðin
þeim sem leið eiga um nágrenni skól-
ans. „Við erum líka einn tveggja skóla í
heiminum sem hafa baðströnd,“ segir
Svafa hlæjandi. „Hinn er á Indlandi.“
Ný tegund háskóla
Aðgerðir HR nú eru ekki síst til að
renna stoðum undir akademískan styrk
skólans, sem er skilgreindur eftir
fjölda doktorsmenntaðra kennara og
birtingu ritrýndra greina í fagtímarit-
um. „En það er líka að verða til ný teg-
und af háskólum í heiminum þar sem
ekki síður er lögð áhersla á gæði
kennslu en akademískan styrk. Sér-
staða HR sem skóla felst í gæðum
kennslu, en ekki síst í óvenjulegum
aðferðum við þekkingarmiðlun. Það
kemur til vegna sterkra tengsla við
atvinnulífið og alþjóðlegt háskólasam-
félag. Þannig verður styrkur okkar
sambærilegur við það sem best gerist.
Það er grunnurinn en við munum ekki
gleyma upphaflegu hlutverki okkar
sem er að mennta. Ástæðan fyrir því
að hæfileikafólk er tilbúið að vinna
með okkur er að hér gefst tækifæri til
að prófa sig áfram og þróa nýjar
aðferðir við kennslu.“
Nú árið er liðið
Svafa tók við starfi rektors við HR
fyrir rúmu ári en hafði áður gegnt lyk-
ilstöðu hjá lyfjafyrirtækinu Actavis. Í
viðtali við Fréttablaðið á þeim tíma-
mótum sagði hún ástæðuna fyrir því að
hún þáði starfið vera sannfæring henn-
ar um að með framsæknum skóla væri
hægt að hafa djúpstæð áhrif á íslenskt
samfélag. „Hér er tækifæri til að hafa
áhrif til lengri tíma litið,“ sagði Svafa.
En hefur framtíðarsýnin og vænt-
ingar hennar til starfsins og skólans
breyst á því ári sem liðið er? Voru for-
sendur hennar rétt metnar þegar hún
tók við skólanum? „Starfið hefur farið
fram úr mínum væntingum. Það er svo
auðvelt að hreyfa við hlutunum í þessu
umhverfi. Það sem kom mest á óvart
er að upplifa hvað hægt er að hafa
mikil áhrif á framtíðina. Það vanmat
ég. Ég gerði mér ekki grein fyrir því
þá hvað starfsemi skóla eins og við
erum að byggja hefur mikla þýðingu
fyrir samfélagið í heild. Við erum í
raun með marga háskóla undir einu
þaki sem verður segull á hæfileikafólk
hér á landi og erlendis. Þannig getur
HR haft mikil áhrif því við verðum að
skapa vöggu þekkingar sem fæðir
fyrirtækin okkar af starfskrafti.“
Svafa segir að arkitektar kalli HR
„universcity“ af því að í raun sé lítil
háskólaborg að verða til í Vatnsmýr-
inni. Hún vonar að þessi borg innan
borgarmarkanna verði órjúfanlegur
hluti af því litríka samfélagi sem Ísland
er orðið. „Við ætlum svo sannarlega að
leggja okkar á vogarskálarnar,“ segir
Svafa að lokum.
Háskóli í
eðli sínu á
að vera án
allra landa-
mæra,
bæði per-
sónulegra
og land-
fræðilegra
Á SKRIFSTOFUNNI Kannski endurspeglar skrifstofa rektors að Háskólinn í Reykjavík er ekki hefðbundin menntastofnun. Pappírinn flæðir ekki af gömlu skrifborði og
skrifborðsstól er hér ekki að finna. FRÉTTABLAÐIÐ/GVA